28
Aug

ကမ္ဘာကြီး စစ်ပွဲမှာ အရေးနိမ့်နေပြီလား



(၂၀၀၅
ခုနှစ်၊ ဒီဇင်ဘာ ၁ ရက်နေ့ထုတ် The Straits Times သတင်းစာမှာ ဖော်ပြထားတဲ့ ထိုင်းနိုင်ငံ၊
ဘန်ကောက်က သတင်းထောက် Nirmal Ghosh ရဲ့ သတင်းဆောင်းပါးကို ဘာသာပြန်ဆိုထားခြင်း ဖြစ်ပါတယ်။)

လွန်ခဲ့တဲ့
နှစ်အနည်းငယ်က ကုန်ကားကြီးမောင်းတဲ့သူ အသက် ၅၅ နှစ်အရွယ် Satnam Singh ဆိုသူဟာ သူ့ရွာက
သားအဖနှစ်ယောက် ပိန်ချုံးချိနဲ့လာပြီး အေအိုင်ဒီအက်(စ်) နဲ့ သေဆုံးသွားတာကို အိန္ဒိယက
ကုန်ကား မောင်းနေသူတွေကို ဖျော်ဖြေမှုပေးနေတဲ့ ထောင်ပေါင်းများစွာသော အပျော်မယ်လေးတွေရှိတဲ့
လမ်းဘေးက ဈေးပေါပေါစားသောက်ဆိုင်တွေရှိတဲ့ နေရာမှာ တွေ့ခဲ့ရတယ်။

ကုန်သယ်ယူပို့ဆောင်ပေးတဲ့
ကုမ္ပဏီကတော့ သူတို့သားအဖနှစ်ယောက် နေရာမှာ အလုပ်ရဖို့ စောင့်ဆိုင်းနေကြတဲ့ ထောင်ပေါင်းများစွာသော
လူတွေထဲကနေ အသစ်နှစ်ယောက်ရွေးပြီး ခန့်လိုက်တာပါပဲလို့ သူက ပြန်ပြောပြတယ်။

အဲဒီကတည်းကစလို့
ကြီးကြီးကျယ်ကျယ် ပြောင်းလဲမှုရယ်လို့ ဘာမှမရှိလှပါဘူး။ သို့ပေမဲ့လည်း အိန္ဒိယရဲ့ ကျယ်ပြောလှတဲ့
အဝေးပြေးလောကမှာ HIV/AIDS နဲ့ ပတ်သက်ပြီး သတိမူမိဖို့ကို လှုံ့ဆော်ဆောင်ရွက်ကြသူတွေက
အားသွန်ခွန်စိုက် ကြိုးပမ်းလာကြတာတော့ ရှိတယ်။

“ကျွန်တော်က
အရာရာကို မြင်တွေ့ခဲ့ရပြီးပြီမို့ အဲဒါဟာ အနာကြီးရောဂါထက် ဆိုးရွားတယ်။ ဒါဟာ မိသားစုလိုက်သေစေတဲ့
သူသတ်ကောင်ပဲ” လို့ Singh ကပြောတယ်။ သူဟာငယ်စဉ် တုန်းကတော့ အပျော်မယ်လေးတွေနဲ့ အချိန်ကုန်ပျော်ပါးခဲ့ဖူးပေမဲ့
အခုတော့ တခြားသူတွေကိုလည်း အဲဒီလိုမလုပ်ဖို့ သတိပေး တားမြစ်နေပါပြီ။

အကြိမ်ပေါင်း
အများစုမှာတော့ သူရဲ့သတိပေးမှုကို လျစ်လျူရှုတာခံရပြီး အပျော်မယ်လေးတွေမှာ အဆင်သင့် ဖြစ်နေတဲ့ဖောက်သည်တွေ
အများအပြားရှိနေပါတယ်။ အသက် ၂၀ အရွယ် Za-Lisz Ahmed လိုပေါ့။ သူဟာ အမေရိကန်တစ်ဒေါ်လာ
(စင်ကာပူဒေါ်လာ ၁.၇၀) ပေးပြီး လမ်းဘေးတစ်နေရာမှာသူ့ရဲ့ လူပျိုဘဝကို စွန့်လွှတ်ခဲ့တယ်။
အဲဒီကတည်းကစလို့ သူဟာ တခြားလူပေါင်း မြောက်များစွာနဲ့ အကာအကွယ်မဲ့ပျော်ပါးမှုကို ပြုခဲ့တယ်။

ဒီနေ့ဟာ
၁၈ နှစ်မြောက် ကမ္ဘာ့အေအိုင်ဒီအက်(စ်) နေ့ပေါ့။ အေအိုင်ဒီအက်(စ်) ရဲ့ ခြိမ်းခြောက်မှု
အန္တရာယ်ကို ပိုပြီးသတိပြုမိစေဖို့ ရည်ရွယ်ရင်းစွဲရှိပေမဲ့ Ahmed ကတော့ ဒီရောဂါကို ကြားတောင်မှ
မကြားဖူးပါဘူးလို့ ပြောပါတယ်။

သူလိုလူမျိုးတွေဟာ
တရုတ်နဲ့အင်ဒိုနီးရှားလို အိန္ဒိယကို အေအိုင်ဒီအက်(စ်)ခံစစ်အတွက် အဓိက စစ်မျက်နှာပြင်ဖြစ်အောင်
လုပ်နေတာပါပဲ။ ဒါဟာ အိန္ဒိယရဲ့ကုန်ကားများ သွားလာရာလမ်းကြောင်းတွေဟာ AIDS ကိစ္စတွေ မီးလောင်ရာလေပင့်
ဖြစ်စေဖို့ တစိတ်တပိုင်း အားဖြင့် တာဝန်မကင်းဘူးလို့ ဖော်ပြလိုက်တာပါပဲ။

ဂျီနီဗာမှာ
အခြေစိုက်တဲ့ အေအိုင်ဒီအက်(စ်)၊ အဆုတ်နာ၊ တီဘီ နဲ့ ဌက်ဖျားရောဂါ တိုက်ဖျက်ရေး ဆိုင်ရာ
ကမ္ဘာ့ရံပုံငွေအဖွဲ့က အမှုဆောင် ဒါရိုက်တာဖြစ်တဲ့ Richard Feachem က Straits Times ကိုပြောသွားတာကတော့
“အာဖရိကသားတွေအတွက် ဒီနေ့ဒီအခါမှာ အေအိုင်ဒီအက်(စ်) ဟာ ကပ်ရောဂါ ဖြစ်နေချိန်မှာ အာရှမှာတော့
ကမ္ဘာနဲ့ ချီပြီး ဆင်နွှဲနေရတဲ့ အေအိုင်ဒီအက်(စ်) စစ်ပွဲဟာ နိုင်မလား ရှုံးမလားပဲ” တဲ့။

ဒါပေမယ့်
ကမ္ဘာကြီးဟာကျရှုံးကောင်း ကျရှုံးသွားနိုင်ပါတယ်လို့ ဒီနှစ်ကုလသမဂ္ဂရဲ့ အေအိုင်ဒီအက်(စ်)
အစီရင်ခံစာမှာ သတိပေးထားပါတယ်။

ဒီနှစ်ကုန်မှာဆိုရင်
ကမ္ဘာတဝှမ်းလူပေါင်း ၃.၁ သန်းဝန်းကျင်ဟာ အေအိုင်ဒီအက်(စ်) ကြောင့် သေဆုံးသွားကြလိမ့်မယ်။
အသက် ၁၅ နှစ်အောက် ကလေးငယ်ဦးရေ သန်းတစ်ဝက်လောက်လည်း ပါဝင်နေလိမ့်မယ်။

ပြီးခဲ့တဲ့
နှစ်တွေနဲ့စာရင် ဒီနှစ်တစ်နှစ်ထဲမှာတင် အိပ်ခ်ျအိုင်ဗွီ ဗိုင်းရပ်ကြောင့် သေကြရတာ ပိုများလာပါတယ်။

လွန်ခဲ့တဲ့
၁၂ လတာကာလကို ပြန်ကြည့်မယ်ဆိုရင် ပိုဆိုးလာတဲ့အနာဂတ်အခြေအနေကို ခန့်မှန်းဖော်ပြနေပါတယ်။
လူပေါင်း ငါးသန်းနီးပါး ပိုမိုကူးစက်ခံရလာရပြီး ထက်ဝက်ကျော်ဟာ အသက် ၁၅ နဲ့ ၂၄ နှစ်ကြားဖြစ်နေတယ်။
ဒါဟာ အရင်ကထက်စာရင် ပိုများလာတာ ဖြစ်တယ်။

“ခန့်မှန်းဇယားမှာ
လူပေါင်း ၄၀.၃ သန်းလို့ ဖော်ပြနေတဲ့အတွက် ဒီကိန်းဂဏန်းဟာ ကမ္ဘာမှာမကြုံစဖူး ထူးကဲအောင်
အိပ်ခ်ျအိုင်ဗွီ ရှိနေသူ လူဦးရေရဲ့ အမြင့်ဆုံးအဆင့်ကို ရောက်လာပါပြီ” လို့ ကုလသမဂ္ဂ
အေအိုင်ဒီအက်(စ်) အဖွဲ့က အမှုအောင် ဒါရိုက်တာ Peter Piot က ပြီးခဲ့တဲ့အပတ် နယူးဒေလီမှာ
သတင်းထုတ်ပြန်စဉ်က ပြောကြားသွားပါတယ်။

အာရှက
လှုံ့ဆော်ဆောင်ရွက်ကြသူတွေက အစိုးရနဲ့ လူ့အဖွဲ့အစည်းတွေဟာ အတွေးအခေါ်ဟောင်းတွေ၊ အစွဲတွေကို
စွန့်ပစ်ဖို့ လိုအပ်သလို တာဝန်ယူရမဲ့ အပိုင်းတွေမှာ စည်းလုံးဆောင်ရွက်မှုတွေ ရှိလာဖို့
ရောဂါပိုးတိုက်ဖျက်ရေးမှာ ထိပ်တိုက်ရင်ဆိုင်ပြီး ပွင့်ပွင့်လင်းလင်းနဲ့ ရန်ပုံငွေကို
ထည့်ဝင်လာဖို့လည်း လိုအပ်တယ် လို့ သတိပေးထားကြပါတယ်။

တရားဝင်
ထုတ်ပြန်ထားတဲ့ ကိန်းဂဏန်းအရ အိန္ဒိယမှာ အိပ်ခ်ျအိုင်ဗွီရှိသူငါးသန်းဝန်းကျင် ရှိပါတယ်။
ဒါဟာမနှစ်က ကူးစက်ခံရသူ ၂၈, ၀၀၀ ရှိတယ်လို့ ဆိုလိုရာရောက်ပါတယ်။ ကိန်းဂဏန်းကျွမ်းကျင်သူတစ်ဦးကတော့
ဒါဟာ မဖြစ်နိုင်လောက်အောင် လျော့နည်းနေပါတယ်လို့ ဆိုတယ်။

တကယ်တော့
အေအိုင်ဒီအက်(စ်) ချိန်ကိုက်ဗုံးဟာ သတိမထားမိလိုက်ခင်မှာပဲ အိန္ဒိယမှာ ပေါင်ကွဲခဲ့ပြီး
ဖြစ်ပါတယ်။ ၄၂ ရာခိုင်နှုန်းရှိတဲ့ အပျော်မယ်လေးတွေကို လေ့လာမှုပြုရာမှာ သူတို့ဟာ လူတစ်ယောက်ကိုကြည့်လိုက်တာနဲ့
အိပပ်ခ်ျအိုင်ဗွီ ရှိမရှိ သိပါတယ်တဲ့။

ကုလသမဂ္ဂ
လေ့လာချက်ထဲမှာလည်း တရုတ်ပြည်ဟာ လူထုကို အသိပေးမှု ဆောင်ရွက်ရာမှာ အားနည်းတယ်။ ဖိနှိပ်မှု၊
နှိမ်ချခံရမှုတွေ ဆက်လက်ရှိနေသေးတဲ့အတွက် ထိရောက်တဲ့ တုံ့ပြန်မှုတွေ ရဖို့ရာ အတားအဆီးဖြစ်စေတယ်ဆိုပြီး
ရောဂါတိုက်ဖျက်ရာမှာ လုံလုံလောက်လောက် ဆောင်ရွက်မှုမရှိဘူးလို့ ဝေဖန်ထားပါတယ်။

၂၀၀၃
ခုနှစ်အကုန်မှာ နိုင်ငံသား ၈၄၀, ၀၀၀ ဟာ အိပ်ခ်ျအိုင်ဗွီ ရှိနေခဲ့ပါတယ်လို့ တရုတ်တို့က
မနှစ်က ခန့်မှန်းဖော်ပြထားပါတယ်။ ကျွမ်းကျင်သူတွေနဲ့ တရုတ်ကလှုံ့ဆော်ဆောင်ရွက်သူတွေကတော့
ကိန်းဂဏန်းအမှန်ဟာ သည့်ထက်ပိုများမယ်လို့ ဆိုပါတယ်။ ကမ္ဘာ့ကျန်းမာရေးအဖွဲ့က ၂၀၁၀ ခုနှစ်မှာ
တရုတ်ပြည်ရဲ့ လူဦးရေး ၁၀ သန်းဝန်းကျင်ဟာ ရောဂါကူးစက်ခံရပြီး ဖြစ်နေလိမ့်မယ်လို့ ဒီအပတ်မှာ
ပြောသွားပါတယ်။

ဒီနေ့အင်ဒိုနီးရှာမှာ
ရောက်နေတဲ့ Dr.Piot က သူဒီနိုင်ငံကို အလည်အပတ် ရောက်မလာခင်မှာ ပြောတာကတော့ အင်ဒိုနီးရှားဟာ
အေအိုင်ဒီအက်(စ်) ကပ်ရောဂါရဲ့ အစွန်းအနား (အန္တရာယ်မှတ်) ကို ရောက်နေပါပြီတဲ့။

အင်ဒိုနီးရှားကတော့
လူပေါင်း ၉၀, ၀၀၀ နဲ့ ၁၃၀, ၀၀၀ ကြားဟာ အိပ်ခ်ျအိုင်ဗွီရှိနေပါတယ်လို့ ခန့်မှန်းပါတယ်။
ဒါပေမဲ့ တခြားကိန်းဂဏန်းတစ်ခုမှာ ဖော်ပြတာကတော့ တရားဝင် ခန့်မှန်းထားချက်အရ ၆၀၀, ၀၀၀
ခန့်ရှိတဲ့ မူးယစ်ဆေးအကြောထဲ ထိုးသွင်းသူတွေထဲက ထက်ဝက်လောက်ဟာ ရောဂါကူးစက်နေပြီး ဖြစ်တယ်လို့
သိရတယ်။

Dr.Piot
မူးယစ်ဆေး သုံးစွဲသူတွေအပြင် လိင်လုပ်သားတွေနဲ့ သူတို့ရဲ့ ဖောက်သည်တွေကြောင့် ဆိုတာကို
“ကြောက်စရာ ကောင်းလောက်အောင် မြင့်မားတိုးပွားလာနေတဲ့” ရောဂါကူးစက်နှုန်းကိုခြေရာခံတဲ့အခါမှာ
တွေ့လာရတယ်လို့ မှတ်ချက်ပေးသွားပါတယ်။ ပါပူဝါ (Papua) လို သီးသန့်သတ်မှတ်ထားတဲ့ နေရာမျိုးကိုကြည့်မယ်ဆိုရင်
လိင်တူ၊ လိင်ကွဲ နှစ်မျိုးလုံးနဲ့ လိင်ဆက်ဆံမှုရှိသူတွေက နေတဆင့် ရောဂါပိုးကူးစက်မှုဟာ
အမြန်ဆန်ဆုံးပဲလို့ သိရတယ်။

“တွေ့လာမြင်လာ
ရတာတွေကနေ တဆင့် သိလာရတာကတော့ ဒီလိုပုံစံမျိုးနဲ့ ကူးစက်မှု စတင်လာပြီဆိုရင် သူတို့လို
လူတွေအပြင် အခြားသူတွေကိုအိပ်ခ်ျအိုင်ဗွီ မကူးစက်ခင်မှာ အချိန်ဆိုတာ စကားပြောလာပါပြီ”
လို့ပြောရင်း Dr.Piot ကရောဂါတိုက်ဖျက်နေရေးမှာတာဝန်ယူ လုပ်ဆောင်ရမဲ့အပိုင်းတွေ(ထိရောက်မြန်ဆန်ဖို့)
အသစ်ပြင်ဆင်ကြဖို့ရာ တိုက်တွန်းရင်း ပြောကြားသွားပါတယ်။

အခုတော့
ရောဂါပိုးကို ထိန်းချုပ်ဖို့ရာ တာဝန်ယူလုပ်ဆောင်မှုကို ဆိုတာကတခြားအရာတွေထက် ပိုပြီး
အဓိကကျတဲ့အရာ ဖြစ်လာပါတယ်။

ထိုင်းနိုင်ငံကို
ကြည့်မယ်ဆိုရင် အာရှမှာ ရောဂါကူးစက်မှုရဲ့ အဓိကနေရာဖြစ်ခဲ့ပေမဲ့ ၁၉၈၀ နှစ်များမှာတော့
အိပ်ခ်ျအိုင်ဗွီ၊ အေအိုင်ဒီအက်(စ်) ကို ထိန်းချုပ်နိုင်မှုနဲ့ ပတ်သက်ပြီး စံထားလောက်စရာဖြစ်လာပါတယ်။

ဒါပေမဲ့
လွန်ခဲ့တဲ့ ၂ နှစ်တာမှာ အသစ်ကူးစက်ခံရမှုတွေဟာ ၃၀ ရာခိုင်နှုန်း ခုန်တက်လာပါတယ်။ အသစ်ကူးစက်ခံရသူတွေရဲ့
လေးပုံတစ်ပုံဟာ ဆယ်ကျော်သက်တွေဖြစ်ပြီး သူတို့ဟာ အိပ်ခ်ျအိုင်ဗွီ၊ အေအိုင်ဒီအက်(စ်)
ကို အသိပေးဆောင်ရွက်မှုတွေမှာ ကျေနပ်မှုရှိပြီ ဆိုပြီး ရောဂါအကြောင်း အသိပေးတားမြစ်ရာမှာ
အစိုးရရဲ့ ခြေလှမ်းရုတ်သိမ်းလိုမှုကြောင့် ပြန့်ကျဲထွက်ပေါ်လာရတဲ့လူငယ်လေးတွေပါ။

ထိုင်းနိုင်ငံမှာ
အေအိုင်ဒီအက်(စ်) တိုက်ဖျက်ရေး လုပ်ဆောင်နေတဲ့ ဗီချိုင်းကတော့ ထိုင်းမှာ ရောဂါကူးစက်မှုအတွက်
ခြိမ်းခြောက်နေတဲ့ အဓိက အချက်ကတော့ ဆယ်ကျော်သက်တွေအကြား အရသာတွေ့ပြီး ကြီးထွားလာနေတဲ့
ကြုံရင်ကြုံသလို အကာအကွယ်မဲ့ လိင်ဆက်ဆံမှုတွေကြောင့်ပဲလို့ ပြောသွားပါတယ်။

“လူငယ်လေးတွေဟာ
အေအိုင်ဒီအက်(စ်) အကြောင်းနဲ့ ပတ်သက်ပြီး ကျွန်တော့်ကို မေးလာပုံက ကိုရီးယားစစ်ပွဲအကြောင်း
ပြောနေရသလောက်ပါပဲ” လို့ ဒီအပတ်မှာ သူက ပြောသွားပါတယ်။

အိပ်ခ်ျအိုင်ဗွီကို
ဆန့်ကျင်တိုက်ခိုက်ရတာ အမြဲပဲ ရှုပ်ထွေးနေတယ်ပါတယ်။ ဘာလို့လဲဆိုတော့ ရောဂါပိုးဟာ လူ့အသိုင်းအဝိုင်းရဲ့
အတွင်းအကျဆုံးနေရာမှာ ဝင်ငြိတွယ်ကပ်နေလို့ပါပဲ။

လိင်ပိုင်းဆိုင်ရာ
အပြုအမူတွေမှာ သာယာကျေနပ်မှု၊ ခေတ်ပေါ်ယဉ်ကျေးမှုတွေမှာ မသိကျိုးကျွံပြုနေတဲ့ ဒွေးရောယှက်တင်ဖြစ်နေမှု၊
ဘေးကင်းမှုမရှိတဲ့ သုံးပြီးသား ဆေးထိုးအပ်တွေကို ပြန်အသုံးပြုမှု၊ ကွန်ဒုံးဖြန့်ဝေမှု၊
လက်ခံရယူမှု တွေမှာရှိနေတဲ့ အားနည်းချက်၊ မလုံလောက်တဲ့ ကုသပေးမှု၊ တက်ကြွမှုမရှိဘဲ ရှုပ်ထွေးများမြောင်လှတဲ့
အုပ်ချုပ်ရေးပိုင်းဆိုင်ရာ လုပ်ထုံးလုပ်နည်းတွေ၊ လျော့ရိလျော့ရဲရှိလှပြီး ဝန်ထမ်းအင်အား
လုံလောက်မှု မရှိတဲ့ ပြည်သူ့ ကျန်းမာရေးဆောင်ရွက်မှု ယန္တရားတွေ၊ ရံပုံငွေ မလုံလောက်မှုတွေ
၊ ဒီအချက်တွေ ပေါင်းစုလိုက်တဲ့အခါ ရောဂါပိုးပျံ့ပွားစေဖို့ မြေဆီတလင်းခင်းကျင်း ပေးရာ
ရောက်ပါတယ်။

ဒါပေမဲ့
သတင်းကောင်း အချို့လည်း ရှိပါသေးတယ်။ ပါမောက္ခ Feachem က “အာရှမှာ ရောဂါပြန့်ပွားတိုးတက်မှုကို
ထိန်းချုပ်ဖို့ အလွန်ကြီးမား ထူးခြားတဲ့ အခွင့်အလမ်းလည်း ရှိပါတယ်။ အိန္ဒိယနဲ့တရုတ်
နှစ်နိုင်ငံစလုံးဟာ အလျင်အမြန် တိုးတက်လာတဲ့ စီးပွားရေးဖွံဖြိုးမှုကြောင့် သိသိသာသာ
ချမ်းသာလာတဲ့ နိုင်ငံတွေပါ။ သူတို့အရွယ်အစားအရ အခုထက်ထိ ကန့်သတ်ချက်တွေရှိနေသေးတဲ့
ပြဿနာရပ်တွေ အပေါ်မှာ လိုအပ်တဲ့ အကူအညီတွေ မယ်မယ်ရရ ပေးဖို့ အာရုံစိုက်နိုင်၊ တတ်နိုင်ပါတယ်”
လို့ပြောပါတယ်။

“ဥပမာအနေနဲ့
ပြောရရင် အိန္ဒိယဆိုပါစို့၊ အေအိုင်ဒီအက်(စ်) ဆေးဝါးလိုအပ်နေသူတွေ အားလုံးဆေးရရှိအောင်
ကျယ်ကျယ်ပြန့်ပြန့် ဖြန့်ဝေပေးနိုင်ပါတယ်။ တရုတ်ပြည်ဟာလည်း ဒီလိုကပ်ရောဂါ တားဆီးဖို့
အခွင့်အလမ်းတွေ အလားတူရှိနေပါတယ်။ သူ့မှာအရင်းအမြစ်တွေရှိတယ်၊ နိုင်ငံရေး အဖွဲ့အစည်းရှိတယ်၊
ကျန်းမာရေးမှာ အခြေခံကျတဲ့ အဖွဲ့အစည်းနဲ့ ဆောင်ရွက်ပေးမှုတွေရှိတယ်။ တရုတ်မှာ လိုအပ်နေတာက
ရောဂါရှိသူတွေအပေါ် နှိမ်ချဆက်ဆံမှုတွေလျော့နည်းသွားစေဖို့၊ လူထုကို ပွင့်ပွင့်လင်းလင်းရှိလာအောင်
ပညာပေးဖို့နဲ့ အိပ်ခ်ျအိုင်ဗွီကို ဆေးပညာနဲ့ လူမှုဒုက္ခဆိုင်ရာ အကြောင်းအချက်တစ်ခုအနေနဲ့
ကိုင်တွင်ဖြေရှင်းဖို့တွေပါပဲ”

တရုတ်ပြည်မှာ
တိုးတက်မှုရှိလာတဲ့ လက္ခဏာရပ်တွေလည်း တွေ့ရပါတယ်။ ပြည်သူ့နေစဉ် (The People’s Daily)
က သတင်းပေးပို့တာကတော့ နိုင်ငံမှာ ရှေ့ဆောင်လမ်းပြလို့ ဆိုရမယ့် “Sunshine Homes” ဆိုတာတွေဟာ
မျှော်လင့်ချက် အလင်းရောင် တွေရှိတဲ့ နေရာဒေသတွေဖြစ်သလို အိပ်ခ်ျအိုင်ဗွီရှိသူတွေကို
လက်ခံပြီး နေစရာအိမ် စီစဉ်ပေးတယ်၊ ကလေးငယ်ရာပေါင်းများစွာအတွက် သူတို့မိခင်တွေဆီကနေ
ရောဂါပိုးမကူးအောင် ကာကွယ်ပေးမှုတွေ လုပ်ပေးပါတယ်။

အေးမြချမ်း

“ကမ္ဘာကြီးကို
ဆေးကုပေးပါ” စာအုပ်မှ ကူးယူဖေါ်ပြပါသည်။ (စာမျက်နှာ
၁၂၅ -၁၃၀)

ကမ္ဘာကြီးကို ဆေးကုသပေးပါ
- ကမ္ဘာကြီး စစ်ပွဲမှာ အရေးနိမ့်နေပြီလား

Leave a Reply

Your email address will not be published. Required fields are marked *

Captcha *

Follow me on:

Back to Top