11
Jun

ခုခံအားကျဆင်းမူ ကူးစက်ရောဂါ AIDS ဆိုသည်မှာ (၁၉)



ARV ဆေးဝါးများ၏ အာနိသင်

ARV ဆေးဝါးများကို တက်ကျွမ်းနားလည်သော ဆရာဝန်များ၏
ကြီးကြပ်မှုအောင်တွင် စနစ်တကျ ပုံမှန်သောက်သုံးခြင်းဖြင့် အောင်ပါ အကျိုးကျေးဇူးများကို
ရရှိနိုင်ပါသည်။

၁။ ရောဂါတိုးတက်မှုကို ထိရောက်စွာ တားဆီးနိုင်ပါသည်။

ARV ဆေးသုံးစွဲသူ ၈၀ ရာခိုင်နှုန်းမှ ၉၀ ရာခိုင်နှုန်းသည်
သွေးထဲ၌ HIV ပိုး ရှိသော်လည်း AIDS ရောဂါအဆင့်သို့ ကူးပြောင်းရောက်ခြင်း မရှိပါ။

၂။ AIDS ရောဂါကြောင့် သေဆုံးမှုကို သိသာစွာ လျော့ချနိုင်ပါသည်။

အနောက်နိုင်ငံများတွင် ARV ဆေးဝါးများကို စတင်အသုံးပြုသည့်
အချိန်မှစ၍ AIDS ရောဂါကြောင့် သေဆုံးမှုမှာ ၈၀ ရာခိုင်နှုန်း ကျော်ခန့် ကျဆင်းသွားကြောင်း
တွေ့ကြရပါသည်။

၃။ လူ့သက်တမ်းကို များစွာ ဆွဲဆန့်နိုင်ပါသည်။

ကိုယ်ခံအားကို တိုးတက်စေပြီး အခြားရောဂါများ၏ ဝင်ရောက်မှုကို
ကာကွယ်နိုင်သောကြောင့် ARV ဆေးဝါးများကို စနစ်တကျမှီဝဲသူများမှာ နှစ်ပေါင်းများစွာ
ဆက်လက် အသက်ရှင်လျက် နေနိုင်ကြပါသည်။ နှစ်နှစ်ဆယ်ကျော် ကြာသည်အထိ ဆက်လက် အသက်ရှင်လျက်ရှိသူ
များကိုလည်း တွေ့ရှိရပါသည်။

၎။ ကိုယ်ခံအားကို တိုးတက်စေပါသည်

ARV ဆေးဝါးများသည် ခန္ဓာကိုယ်တွင်းရှိ ရောဂါပိုးမွှားများကို
ခုခံတိုက်ခိုက်နိုင်သည့် အတွက် သွေးဖြူဥအရေအတွက်ကို တိုးတက်များပြားစေခြင်းဖြင့် ကိုယ်ခံစွမ်းအားကို
တိုးတက်စေပါသည်။ အခြားကူးစက်ရောဂါများ ထပ်မံမဝင်ရောက်နိုင်အောင် တားဆီးကာကွယ်နိုင်ပါသည်။
အထူးသဖြင့် CD4 ခေါ် သွေးဖြူဥတစ်မျိုး၏ အရေအတွက်ကို တိုးတက်စေပါသည်။ CD4 သွေးဖြူဥ၏ အရေအတွက်
များသည်နှင့် အမျှ ကိုယ်ခံအားလည်း တိုးတက်လာမည် ဖြစ်ပါသည်။

၅။ နေ့စဉ် ပုံမှန်အလုပ်များကို ပြန်လည်လုပ်ကိုင်နိုင်ပါသည်။

ခုခံအားကျဆင်းမှု ကူးစက်ရောဂါကြောင့် ကိုယ်အလေးချိန်ကျပြီး
ပိန်နေခြင်း၊ ဝမ်းပျက်ခြင်း၊ ဖျားနာခြင်း အစရှိသည့် ရောဂါလက္ခဏာများ ခံစားနေရသူများပင်
ARV ဆေးဝါးများကို မှီဝဲပြီးနောက် ရောဂါလက္ခဏာများ ပျောက်ကင်းပြီး ကိုယ်အလေးချိန်တိုးလာကာ
မိမိ၏ နေ့စဉ်ပုံမှန် အလုပ်များကို ပြန်လည် လုပ်ဆောင် နိုင်လာကြပါသည်။

အသက်မွေးဝမ်းကျောင်း အလုပ်များကိုလည်း ပြန်လည် လုပ်ကိုင်
လာနိုင်ကြပါသည်။ အချို့တွင် မိမိဝါသနာပါရာ အားကစားများကိုပင် ပြန်လည် လုပ်ကိုင်နိုင်ကြပါသည်။

၆။ သွေးထဲရှိ ARV ပိုးများကို လုံးဝနီးပါ သုတ်သင် ရှင်းလင်းနိုင်ပါသည်။

HIV ပိုးများသည် သွေးတွင်းသို့ ရောက်ရှိပြီးပါက
သွေးထဲရှိ CD4 ခေါ် သွေးဖြူဥများကို ဖျက်ဆီးပစ်ကြပါသည်။ ၎င်း CD4 သွေးဖြူဥများသည် ရောဂါများကို
ခုခံတွန်းလှန်ရာတွင် အဓိကကျသော အခန်းက ပါဝင်ကြရပါသည်။ ထို့ကြောင့် CD4 သွေးဖြူဥများ
ကျဆင်းပါက အခြားရောဂါများ ဝင်ရောက်ပြီး AIDS ရောဂါရှင်များ အသက် သေဆုံးကြရခြင်း ဖြစ်ပါသည်။

ARV
ဆေးဝါးများသည် သွေးထဲရှိ HIV ပိုးများကို လုံးဝနီးပါး သုတ်သင် ရှင်းလင်း ပစ်ခြင်းဖြင့်
CD4 သွေးဖြူဥများကို တိုးတက်များပြားစေပြီး ခုခံအားကို တိုးတက်စေကာ အခြားရောဂါများ
ဝင်ရောက်မှုကို ကာကွယ် တားဆီးပေးခြင်းဖြင့် လူ့သက်တမ်းကို ရှည်စေပါသည်။

၇။ ခုခံအားကျဆင်းမှု ကူးစက်ရောဂါပိုး
ကူးစက်မှုကို လျော့နည်းစေပါသည်။

အကြမ်းအားဖြင့်
သွေးထဲရှိ HIV ပိုးပမာဏများလေ၊ ရောဂါကူးစက်မှု လွယ်လေ ဖြစ်ပါသည်။ ထို့ကြောင့် ARV ဆေးဝါးများကို
မှီဝဲပြီး HIV ပိုး ပမာဏကို လျော့ချနိုင်လေ၊ ရောဂါကူးစက်ရန် နည်းလေ ဖြစ်ပါသည်။

ခုခံအားကျဆင်းမှု
ကူးစက်ရောဂါ ကာကွယ်ကုသနည်းနှင့်
ဆေးဝါးများ -

ဒေါက်တာအောင်စန်း (ပထမအကြိမ်- ၂၀၀၉ ခုနှစ်၊
နိုဝင်ဘာ / ရှင်မတောင်စာပေ)

Leave a Reply

Your email address will not be published. Required fields are marked *

Captcha *

Follow me on:

Back to Top