11
Jun

ခုခံအားကျဆင်းမူ ကူးစက်ရောဂါ AIDS ဆိုသည်မှာ (၂၃)



ခုခံအားကျဆင်းမှု
ကူးစက်ရောဂါပိုး သွေးထဲ၌ တွေ့ခဲ့သော်

အပေါင်းလက္ခဏာသည်
အကောင်းသဘောကို ဆောင်ပါသည်။ စာမေးပွဲတစ်ခုကို ဖြေပြီး positive (+) ဟုဆိုပါက အောင်မြင်ရန်
အလားအလာများသည်ဟု ဆိုလိုပါသည်။ ဒုက္ခများတွေ့ကြုံရချိန်တွင် positive(+) စိတ်ထားပါဟု
ဆိုသည်မှာ အကောင်းများ ကြုံတွေ့ရလိမ့်မည်ဟု အကောင်းမြင် မျှော်လင့်ချက်ထားရန် ဖြစ်သည်။

သို့သော်
HIV ရောဂါနှင့် ပတ်သက်လာလျှင်မူ positive(+) ဆိုသည်မှာ လုံးဝမကောင်းမွန်သော လက္ခဏာတစ်ခု
ဖြစ်ပါသည်။ Positive(+) ဖြစ်ပြီဆိုသည်နှင့် ကာယကံရှင်မှာ လုံးဝ စိတ်ဆင်းရဲ ပင်ပန်းခြင်း
ဖြစ်ရပါသည်။ မိသားစုဝင်များမှာလည်း စိတ်ဆင်းရဲမှုများ ဖြစ်ကြရပါသည်။ မည်သို့မည်ပုံ ဆက်လက်
လုပ်ကိုင် ရမည်မှန်းမသိ ဖြစ်ကြရပါသည်။ ထို့ကြောင့် HIV positive(+) ဖြစ်ခဲ့သော် မည်သို့
ဆက်လက် ဆောင်ရွက် သင့်ကြောင်းကို ရေးသားတင်ပြလိုပါသည်။

ယခင်က
AIDS ရောဂါမှာ ကုရာနတ္ထိဆေးမရှိ ဖြစ်ခဲ့သော်လည်း ဆေးပညာရှင်များ၏ ကြိုးပမ်းမှုကြောင့်
ယခုအခါတွင် AIDS ရောဂါကို ဟန့်တားထားနိုင်သော ဆေးဝါးများ ပေါ်ပေါက်ခဲ့ပြီ ဖြစ်ပါသည်။
၎င်းဆေးဝါးများကို ပုံမှန်မှီဝဲခြင်းဖြင့် HIV(+) အဆင့်မှ AIDS အဆင့်သို့ မရောက်အောင်
ထိရောက်စွာ တားဆီးနိုင်ပါသည်။ HIV(+) အဆင့်ဆိုသည်မှာ သွေးထဲတွင် HIV ပိုးရှိရုံမက ပြင်းထန်သော
ရောဂါ လက္ခဏာများ ဥပမာ နာတာရှည် ဝမ်းပျက်ခြင်း၊ ချောင်းဆိုးခြင်းများ အစရှိသည်တို့ ခံစားနေရသော
အဆင့်ကို ခေါ်ပါသည်။

HIV(+)
ဖြစ်ပြီးသူ တစ်ယောက်အတွက် အဓိက လုပ်ဆောင်ရမည့် တာဝန်နှစ်ရပ် ရှိပါသည်။ ၎င်းတို့မှာ -

၁။
မိမိရောဂါအား သူတစ်ပါးသို့ မကူးစက်စေရန်
အတွက် ပြုမူနေထိုင်ခြင်း၊

၂။
ရောဂါတိုးတက်မှုကို ဟန့်တားထားရန် ပြုလုပ်ခြင်းတို့ ဖြစ်ပါသည်။

၁။
မိမိရောဂါအား သူတစ်ပါးသို့ မကူးစက်စေရန်
အတွက် -

(က)
လိင်ဆက်ဆံတိုင်း ကွန်ဒုံးကို အသုံးပြုပါ။

(ခ)
သွေးမလှူရပါ။

(ဂ)
မျက်ကြည်လွှာနှင့် ကိုယ်အင်္ဂါ အစိတ်အပိုင်းများ မလှူရပါ။

(ဃ)
မုတ်ဆိတ်ရိတ်ဓား၊ သင်တုန်းဓားနှင့် သွားပွတ်တံများကို သူတစ်ပါးနှင့် ခွဲဝေ မသုံးစွဲသင့်ပါ။

(င)
ထိခိုက်ဒဏ်ရာရခြင်း၊ သွေးထွက်သော အနာများ ရှိခြင်း ဖြစ်ခဲ့ပါက မိမိ၏သွေးနှင့် အခြားသူများ
ထိတွေ့ခြင်း မဖြစ်စေရန် သတိထား၍ အနာကို လုံခြုံစွာ ဖုံးအုပ်ထားသင့်ပါသည်။

၂။
ရောဂါတိုးတက်မှုကို တားဆီးနိုင်ရန်အတွက် အောက်ပါအချက်များကို လုပ်ဆောင်ရပါမည် -

(က)
ကိုယ်ခံအားကျဆင်းစေမည့် အောက်ပါအပြုအမှုများကို ရှောင်ကြဉ်ရပါမည် -

၁။ ဆေးလိပ်သောက်ခြင်း။

(က)
ဆေးလိပ် သောက်သူများသည် သာမန်လူများထက် ပို၍တီဘီနှင့် အဆုတ်ရောဂါ ပိုမိုဖြစ်ပွား တတ်ပါသည်။
HIV ပိုး ရှိနေသောသူတွင် တီဘီနှင့် အဆုတ်ရောင်ရောဂါ ဖြစ်ပွားပါက ခုခံအား ပိုမို ကျဆင်းတတ်ပါသည်။

(ခ)
ဆေးလိပ်သည် သွေးကြောများကို ကျဉ်းစေသောကြောင့် ခန္ဓာကိုယ်ရှိ ခုခံအားစနစ်ကို အနှောင့်အယှက်
ဖြစ်စေပြီး ကိုယ်ခံအားကို ကျဆင်းစေပါသည်။

၂။ အရက်သောက်ခြင်း။

(က)
အရက်သောက်သူများသည် အစာကို လုံလောက်အောင် မစားသဖြင့် အာဟာရချို့တဲ့ပြီး ကိုယ်ခံအားကို
ကျဆင်းစေပါသည်။

(ခ)
သုတေသနများအရလည်း အရက်တစ်ခွက်သည် သွေးတွင်းရှိ macrophage များ၏ လုပ်ငန်း ဆောင်ရွက်မှုကို
၂၄ နာရီကြား နှောင့်ယှက်တားဆီးနိုင်ကြောင်း တွေ့ရှိရပါသည်။

(ဂ)
အရက်သောက်သူများသည် မူးနေစဉ် စဉ်းစားဆင်ခြင်နိုင်မှု အားနည်းသောကြောင့် မလုပ်သင့်သည်များကို
လုပ်မိပြီး ကာလသားရောဂါ ထပ်မံရရှိခြင်း၊ HIV ပိုး ထပ်မံရရှိခြင်းတို့ ဖြစ်ပြီး ကိုယ်ခံအားကို
ထပ်မံ ကျဆင်းစေပါသည်။

၃။ မူးယစ်ဆေးဝါး သုံးစွဲခြင်း။

မူးယစ်ဆေးဝါးများ
ကိုယ်တိုင်က ခုခံအားကို ကျဆင်းစေသောကြောင့် HIV ပိုးရှိနေသော သူများသည် မူးယစ်ဆေးဝါးကို
ရှောင်ကြဉ်သင့်ပါသည်။

၎။ အာဟာရချို့တဲ့ခြင်း။

အသားဓာတ်၊
ဗီတာမင်ဓာတ်၊ သတ္တုဓာတ်များသည် ကိုယ်ခံအားကို တက်စေသောကြောင့် HIV ပိုး ရှိနေသော သူများသည်
အာဟာရ ချို့တဲ့မှု မရှိအောင် သတိထား စားသုံးသင့်ပါသည်။

၅။ စိတ်ဆိုးခြင်း၊ စိတ်ဓာတ်ကျခြင်း၊ စိတ်ဆင်းရဲခြင်း။

စိတ်ဆိုးခြင်း၊
စိတ်ဓာတ်ကျခြင်းတို့သည် ခန္ဓာကိုယ်၏ ကိုယ်ခံစွမ်းအားကို ပိုမိုကျဆင်းစေပါသည်။ တည်ငြိမ်အေးချမ်းသော
စိတ်ကို ထားရှိနိုင်ပါက ကိုယ်ခံစွမ်းအားကို တိုးတက်စေပါသည်။ ထို့ကြောင့် ဝေဒနာရှင်သည်
မိမိ၏ စိတ်ပိုင်းဆိုင်ရာ ပူပင်သောကများကို တတ်နိုင်သလောက် ဖျောက်ဖျောက် ထားသင့်ပါသည်။
ပတ်ဝန်းကျင်ရှိ ယုံကြည်စိတ်ချရသော မိတ်ဆွေ များကို မိမိ၏သောကများကို ဖွင့်ပြော၍ လိုအပ်သော
အကူအညီများ တောင်းခံခြင်း၊ စိတ်ငြိမ်မှုရရှိစေရန် တရားထိုင်ခြင်း၊ ပုတီးစိပ်ခြင်း၊ ဘုရား
အာရုံပြုခြင်း အစရှိသည့် ဘာသာရေးဆိုင်ရာ လုပ်ငန်းများကို လုပ်ဆောင်ခြင်း၊ မိမိ၏ စိတ်ပျော်ရွှင်စေမည့်
အားကစား ပြုလုပ်ခြင်း၊ တေးဂီတများ နားထောင်ခြင်း၊ တီးမှုတ်ခြင်း၊ သစ်ပင်စိုက်ပျိုးခြင်း၊
ပန်းချီဆွဲခြင်း အစရှိသည့် ဝါသနာပါရာ အလုပ်များကို လုပ်သင့်ပါသည်။ သင့်တော်သော စိတ်ငြိမ်ဆေးများ
မှီဝဲရန် လိုအပ်ပါက စိတ်ကျန်းမာရေး ဆရာဝန်များနှင့် တိုင်ပင်သင့်ပါသည်။

၆။ ခန္ဓာကိုယ် ပင်ပန်းစေသော အလုပ်များကို
ပြုလုပ်ခြင်း။

ခန္ဓာကိုယ်၏
ခုခံအားအပေါ်မူတည်၍ အပင်ပန်းခံနိုင်မှုမှာ မတူညီပါ။ ထို့ကြောင့် မိမိ၏ ကြံ့ခိုင်မှုအပေါ်မူ
တည်၍ အလုပ်များကို သတိထားပြုလုပ်ရပါမည်။ ခန္ဓာကိုယ် ပင်ပန်းစေခြင်းဖြင့် ခုခံအားကိုလည်းကျဆင်း
စေတတ်ပါသည်။

ခုခံအားကောင်းသူများတွင်
လေ့ကျင့်ခန်းများကို ပုံမှန်ပြုလုပ်နိုင်ပါသည်။ လေ့ကျင့်ခန်း ပြုလုပ်ခြင်းဖြင့် နေထိုင်ကောင်းစေရုံမက
ခန္ဓာကိုယ်၏ ခုခံအားကိုလည်း အကျိုးပြုစေပါသည်။

ထို့ကြောင့်
ဆရာဝန်နှင့် တိုင်ပင်၍ မပင်ပန်းသော သင့်တော်သည့် လေ့ကျင့်ခန်းမျိုးကို ပုံမှန် ပြုလုပ်ပေး
သင့်ပါသည်။

၇။ အိပ်ရေးပျက်ခြင်း။

အိပ်ရေးပျက်ခြင်းသည်လည်း
ခန္ဓာကိုယ်၏ ခုခံအားစနစ်၏ လုပ်ငန်းဆောင်ရွက်မှုကို ကမောက်ကမ ဖြစ်စေသောကြောင့် အိပ်ရေးဝအောင်
အိပ်သင့်ပါသည်။

၈။ ကုသရာတွင် ကျွမ်းကျင်သူ ဆရာဝန်များနှင့်သာ
ကုသပါ။

(က)
AIDS ရောဂါရှင်များကို လိမ်လည်လှည့်စား၍ ကုသနေသော ပျောက်စေလူလိမ်ဆရာများ ရှိနေပါသည်။
သို့ပါ၍ အပြောကောင်း၊ အဆွယ်ကောင်းရုံးဖြင့် မယုံကြည်ပါနှင့်၊ သေချာစွာစုံစမ်းပြီးမှ
ကုသမှုခံယူရန် ဆုံးဖြတ်ပါ။

(ခ)
ခုခံအားကျဆင်းမှု ကူးစက်ရောဂါ ပိုးမွှားများကို ထိရောက်စွာ တားဆီးနိုင်သည့် ARV ဆေးဝါးများကို
ပုံမှန်မှီဝဲသင့်ပါသည်။ ARV ဆေးဝါးများကို ပုံမှန်မှီဝဲခြင်းဖြင့် ရောဂါတိုးတက်မှုကို
ထိရောက်စွာ တားဆီးနိုင်ပြီး သက်တမ်းကိုများစွာ ဆွဲဆန့်နိုင်သောကြောင့် တစ်ကမ္ဘာလုံးရှိ
ဆေးပညာရှင်များက ၎င်း ARV ဆေးဝါးများကို ခုခံအားကျဆင်းမှု ကူးစက်ရောဂါ ကုသရာတွင် အားထား
အသုံးပြုနေကြပါသည်။

(ဂ)
ကူးစက်ရောဂါများ ထပ်မံမဝင်ရအောင် သတိထားနေထိုင် သင့်ပါသည်။

၁။
တီဘီရောဂါရှိသူများ၊ နှာစေးချောင်းဆိုး ဖြစ်နေသူများ၊ ရေကျောက်ပေါက်သော ကလေး၊ ရေယုန်
ပေါက်သောသူများနှင့် ခပ်ဝေးဝေး နေသင့်ပါသည်။

၂။
ဝမ်းပျက်မည့် အစာများ (ဥပမာ - လမ်းဘေးစာများ၊ ယင်နားစာများ၊ အမှည့်လွန်အသီးများ) ကို
ရှောင်ကြဉ်သင့်ပါသည်။

၃။
တစ်ကိုယ်ရေ သန့်ရှင်းရေးကို ဂရိုစိုက်သင့်ပါသည် ထမင်းမစားမီ လက်ကို သေသေချာချာ ဆပ်ပြာဖြင့်
ဆေးခြင်း၊ အိမ်သာတက်ပြီးတိုင်း လက်ကိုဆပ်ပြာဖြင့် သေသေချာချာ ဆေးခြင်း၊ အညစ်အကြေးများကို
ကိုင်တွယ်ပြီး လက်ကို ဆပ်ပြာဖြင့် သေသေချာချာ ဆေးခြင်း၊ ထမင်းစားသည့် ပန်းကန်များကို
ရေနွေး၊ ဆပ်ပြာတို့ဖြင့် ဆေးခြင်းတို့ကို ဂရုတစိုက် ပြုလုပ်သင့်ပါသည်။

၎။
အိမ်မွေးတိရစ္ဆာန်များနှင့် ခပ်ဝေးဝေး နေသင့်ပါသည်။ အိမ်မွေးတိရစ္ဆာန်များကို ကိုင်တွင်ပြီးပါက
လက်ကို ဆပ်ပြာဖြင့် သေသေချာချာ ဆေးကြောသင့်ပါသည်။

၅။
အစားအစာများကို ကျက်အောင် ချက်စားရပါမည်။ အစာစိမ်းခြင်း၊ မကျက်တကျက် ချက်စားခြင်းများကို
ရှောင်ကြဉ်ရပါမည်။

၆။
ရေစိမ်း မသောက်သင့်ပါ။ ရေကို ကြိုချက်၍သာ သောက်သင့်ပါသည်။

(ဃ)
လိုအပ်ပါက ကူးစက်ရောဂါမဝင်အောင် ကာကွယ်ဆေးများကို သောက်သုံးသင့်ပါသည်။ ဥပမာ -
Septrin ကိုသောက်ခြင်းဖြင့် အဆုတ်ရောင်ရောဂါ၊ ဗက်တီးရီးယားကြောင့် ဝမ်းပျက်ရောဂါ၊
Toxoplasmosis ခေါ် ဦးနှောက်ပိုး ဝင်ရောဂါများကို ကာကွယ်နိုင်ပါသည်။

(င)
ကူးစက်ရောဂါများ ရရှိပါကလည်း လျင်မြန်စွာ ပျောက်ကင်းအောင် ကုသရပါမည်။

(စ)
ခုခံအားကျဆင်းမှု ကူးစက်ရောဂါကို ပျောက်ကင်းအောင် ကုသပေးနိုင်သည်ဆိုသော သမားတု၊ သမားယောင်များ
ရှိသောကြောင့် မကုသမီ ကြိုတင်၍ စုံစမ်းပြီးမှသာ ကုသသင့်ကြောင်း အကြံပြုအပ်ပါသည်။

ခုခံအားကျဆင်းမှု
ကူးစက်ရောဂါ ကာကွယ်ကုသနည်းနှင့်
ဆေးဝါးများ -

ဒေါက်တာအောင်စန်း (ပထမအကြိမ်- ၂၀၀၉ ခုနှစ်၊
နိုဝင်ဘာ / ရှင်မတောင်စာပေ)

Leave a Reply

Your email address will not be published. Required fields are marked *

Captcha *

Follow me on:

Back to Top