3
Sep

သတင်းတင်ပြခြင်းမတိုင်မီကာလ ကြိုတင်ပြင်ဆင်ခြင်း (၂)



သတင်းတင်ပြခြင်းမတိုင်မီကာလ
ကြိုတင်ပြင်ဆင်ခြင်း
အခန်းမှ

၅။ ဇာတ်လမ်းအတွင်း မတူသော ရှုထောင့်ပေါင်းစုံကိုဖန်တီးခြင်း၊

၆။ လိုအပ်သော သတင်းအရင်းအမြစ်များကို သိရှိနေခြင်း၊

၇။ လိုအပ်သော သတင်းအရင်းအမြစ်များကို ရှာဖွေခြင်း၊

စသည်တို့ကို ယခု စာမျက်ှာတွင် ဖော်ပြသွားမည်။
အိတ်ခ်ျအိုင်ဗွီ၊ အေအိုင်ဒီအက်စ်
သတင်းရေးသား ပေးပိုခြင်း လမ်းညန် စာမျက်ှာ (၅၉) မှ (၇၁) အထိ တင်ပြထားသည်။

++++++++++++++++++++++++++++

 

၅။ ဇာတ်လမ်းအတွင်း
မတူညီသောရှုထောင့်ပေါင်းစုံကိုဖန်တီးခြင်း

သတင်းထောက်များအနေဖြင့် လိုက်နာအပ် သည့်အရာများမှာ

 

- မျှတသောသတင်းပေးပို့ချက်များ ထုတ်လုပ်ရန်၊

 

မိမိရှာဖွေထားသော နောက်ခံအချက်အလက်သတင်းများ မှန်ကန်ကြောင်းသေချာပါစေ၊

 

- သတင်းရေးသားရာတွင်
နည်းလမ်းများစွာရှိသောကြောင့် အိတ်ခ်ျအိုင်ဗွီ/အေအိုင်ဒီအက်စ်သတင်း ဇာတ်လမ်း များအတွက်
လွဲချော်မှုများရှိနေနိုင်သည်။ ဥပမာအားဖြင့် စီးပွားရေး (သို့) လူမှုရေးအမြင် ရှုထောင့်မှစဉ်းစား
ရာတွင် အသုံးပြုသော ရည်ညွှန်းကိန်းအချက်အလက်များ (သို့) ကျင့်ဝတ်ပိုင်းဆိုင် ရာအချက်အလက်များ
(သို့) ပေါ်လစီမူဝါဒထုတ်ပြန်ကြေငြာချက်များ တခုနှင့်တခု မရောထွေးသွားရန်လိုအပ်သည်။

 

- သတင်းရေးသားရာတွင် လူသားတို့အကျိုးရှိရာရှိကြောင်း
ရှုထောင့်မှတင်ဆက်ရန် အမြဲစဉ်းစားပါ။

- အကယ်၍ ရိုးရာသမားတော်များနှင့်
ပျောက်စေဆရာများအကြောင်း (သို့) ထူးဆန်းသောကုထုံး များအကြောင်း တင်ဆက်သည်
ဆိုပါစို့၊ မည်သည့်ကုထုံးသည် ရောဂါပျောက်ကင်းစေရန် လက်တွေ့သက်သေပြနိုင်ခြင်း
ရှိမရှိဆိုသည့်ကိစ္စများအတွက် တိကျစွာပြောဆိုနိုင်သော သိပ္ပံပညာရှင်များ၊
ဆရာဝန်များထံမှ မှတ်ချက်များဖြင့် သတင်းကိုဘက်လိုက်မှုမရှိပဲ ရေးသားရပေမည်။

 

မည်ကဲ့သို့သော မှားယွင်းယုံကြည်နေမှုများသည်
လူမှုနယ်ပယ်အတွင်း ပျံ့နှံ့ကောင်းပျံ့နှံ့သွားနိုင်သည်ကို ထည့်သွင်းစဉ်းစားပါ။
ထိုသို့ မှားယွင်းစွာယုံကြည်နေမှုများ ပျောက်ကွယ်စေရန် မည်သို့မည်ပုံ ဆောင်ရွက်နိုင်
သည်ဆိုသည်ကိုလည်း ထည့်သွင်းစဉ်းစားသင့်သည်။ သည့်နောက်သင့်အနေဖြင့် မည်သည့်အရာများထပ်လုပ်
နိုင်ဦးမည်လဲ။

 

၆။ လိုအပ်သော သတင်းအရင်းအမြစ်များကို
သိရှိနေခြင်း

 

ကိုင်း... ယခု သင့်အနေဖြင့် သတင်းပေးပို့တင်ပြရန်
အဆင်သင့်ဖြစ်ပြီဆိုပါစို့၊ မည်သည့်အချက်မှ စမည်လဲ၊ သတင်းထောက်များအနေဖြင့်
သူတို့ဇာတ်လမ်းများအတွင်း အသုံးပြုထားသောကိုးကားချက်များ မည်မျှလောက် ရှိနေပြီလဲဆိုသည်ကို
ဆန်းစစ်ကြည့်ရန်လိုသည်။ သို့သော်လည်း ယင်းမှာ အစပိုင်းသာရှိသေးသည်။ မကြာခဏ ဆိုသလိုပင်
တူနေသောအရင်းအမြစ်များကို အကြိမ်ကြိမ်အခါအခါ ကိုးကားလေ့ရှိကြသည်။ ထိုသို့
အကြိမ်ကြိမ် ကိုးကားခြင်းကြောင့် ပရိသတ်အနေဖြင့် ငြီးငွေ့စရာလည်းဖြစ်လာနိုင်သည်။ ထို့အပြင်
မတူကွဲပြားသော အမြင်များ နှင့် အိတ်ခ်ျအိုင်ဗွီ/အေအိုင်ဒီအက်စ်အကြောင်း
တင်ဆက်ရာ၌အကန့်အသတ်ကိုလည်း ဖြစ်စေသည်။ နောက်တ ဆင့်မှာ သတင်းအရင်းအမြစ်အတွက်
သတင်းကွန်ယက်များကို တည်ဆောက်ခြင်းဖြစ်သည်။ ထိုသို့တည် ဆောက်ရန်အတွက် မူလသတင်းအရင်းအမြစ်တခုချင်းစီသို့
နောက်ထပ်အရင်းအမြစ်အသစ် မည်သူက ပေးနိုင် သနည်းဆိုသည်ကို မေးမြန်းကြည့်ရန်လိုပေသည်။
တွေ့ဆုံမေးမြန်းမှုလုပ်ပြီးတိုင်း သတင်းသမားအနေဖြင့် တွေ့ဆုံ မေးမြန်းခံရသူအား
နောက်ထပ်မည်သူမည်ဝါကို မေးမြန်းရန်လိုအပ်သနည်းဆိုသည်ကို မေးတတ်ရန်လိုသည်။
ဤသို့မေးခြင်းဖြင့် သင့်ထံတွင် သတင်းအရင်းအမြစ်များ ပိုမိုတိုးပွားလာမည်ဖြစ်၏။
သင်တွေ့ဆုံမေးမြန်းသူအား ဤသို့မေးနိုင်ပါသည် -
ဒေါက်တာ အေကို လူကြီးမင်း အကြံပေးလို့
ကျမလာမေးတယ်လို့ပြောရင် လူကြီး မင်းအတွက် စိတ်အနှောင့်အယှက်များ ဖြစ်မလား

ဟူ၍ မေးနိုင်သည်။

 

သေချာအောင်လုပ်ရမည့်အချက်မှာ သင်၏ သတင်းအရင်းအမြစ်
လူပုဂ္ဂိုလ်များသည် သူတို့နယ်ပယ် အသိုင်း အ၀ိုင်းတွင် လေးစားလောက်သောသူများ၊
ရိုးသား၍ ယုံကြည်ရလောက်သည့်လူများဖြစ်ရန် လိုအပ်သည်။ အကယ်၍
ထိုသတင်းအရင်းအမြစ်လူများသည် ခိုင်လုံရိုးသားခြင်းမရှိပါက သူတို့အား သင့်အရင်းအမြစ်စာရင်းမှ
ပယ်ထုတ်သင့်ကပယ်ထုတ်ပစ်ရန်လိုသည်။

 

သတင်းအရင်းအမြစ်များနှင့်ပတ်သက်၍ အရေးကြီးသောအမြင်
နှစ်ရပ်ရှိသည်။ ပထမအချက်တွင်ကြည့်ပါက အတော်များများသော
သတင်းအရင်းအမြစ်လူပုဂ္ဂိုလ်များသည် သတင်းနှင့်တိုက်ရိုက်ပတ်သက်နေ သောသူများ ဖြစ်သော်လည်း
သတင်းမီဒီယာနှင့်စကားပြောရန် ကြောက်နေတတ်ကြသည်။ ထိုသိုဖြစ်ရခြင်းမှာ သူတို့အပါအ ၀င်
သူတို့၏ မိတ်ဆွေသူငယ်ချင်းများသည် သတင်းမီဒီယာနှင့်ပတ်သက်၍
ဆိုးရွားသောအတွေ့အကြုံများ ရှိထား ၍ ဖြစ်နိုင်ပါသည်။

 

ဤသို့သောအခြေအနေများသည် သတင်းထောက်များနှင့်
သတင်းအရင်းအမြစ်ပေးနိုင်သူ လူများအကြား ရှိနေ တတ်သည့်ကွာဟနေသော
ဆက်ဆံရေးပင်ဖြစ်သည်။ သို့သော်လည်း သတင်းထောက်စစ်စစ်များအနေဖြင့်
ထိုသတင်းအရင်းအမြစ်ပေးသူလူပုဂ္ဂိုလ်များ ပြောလာနိုင်ရန် ညင်သာစွာအားပေး၍ ထိုသူတို့၏
ပူးပေါင်း ဆောင် ရွက်မှုကိုရရှိအောင် ဆောင်ရွက်သင့်သည်။

 

သင်၏ သတင်းအရင်းအမြစ်ပေးမည့်သူ လူပုဂ္ဂိုလ်များနှင့်ပတ်သက်၍
ရိုးသားပါ။ ယုံကြည်ကိုးစားလောက်သူ ဖြစ်ပါစေ။ သင်၏အကောင်းဆုံးအရင်းအမြစ်မှာ
သင်၏ကောင်းသောဂုဏ်သတင်းသာ ဖြစ်သည်ဆိုခြင်းကို မမေ့ ပါနှင့်။

 

- အိတ်ခ်ျအိုင်ဗွီ/အေအိုင်ဒီအက်စ်ဇာတ်လမ်းများအတွက်
သတင်းအရင်းအမြစ်အမျိုးအစားများ အိတ်ခ်ျအိုင်ဗွီ /အေအိုင်ဒီအက်စ်ကိစ္စများတွင်
အမြင်အမျိုးမျိုးရှိနိုင်ပါသည်။ မရေမတွက်နိုင်သည့် သတင်းအရင်းအမြစ်များ လည်း
ယင်းကိစ္စနှင့်ပတ်သက်၍ရှိနေသည်။ အောက်ဖော်ပြပါ အချက်အလက်များသည် လူသားဆိုင်ရာ အကျိုးစီးပွား၊
လူမှုကျန်းမာရေး၊ ဆေးပညာလောကနှင့် စီးပွားရေးနယ်ပယ်တို့မှ ယေဘုယျအားဖြင့်
စုဆောင်းရရှိ လာသော သတင်းအရင်းအမြစ်များဖြစ်သည်။

 

လူသားဆိုင်ရာအကျိုးစီးပွား

- အိတ်ခ်ျအိုင်ဗွီ/အေအိုင်ဒီအက်စ်နှင့်
နေထိုင်နေသူများဟုဆိုရာတွင် အမျိုးသားလည်းဖြစ်နိုင်သလို၊ အမျိုးသမီး၊ လူကြီး၊
လူငယ်၊ အိမ်ထောင်ရှိ၊ အိမ်ထောင်မရှိ၊ လူချမ်းသာ၊ အလယ်အလတ်တန်း၊ လူဆင်းရဲ၊ တောနေ လူတန်းစား၊
မြို့နေလူတန်းစား၊ နိုင်ငံရွေ့ပြောင်းအလုပ်သမားများ၊ တိုင်းရင်းသားလူနည်းစု၊ တိုင်းရင်း
သားလူများစု၊ အလုပ်သမား၊ ကျောင်းသား၊ ခေါင်းဆောင်များ၊ ပညာတတ်များအစရှိသဖြင့် လူတန်းစားမျိုးစုံ
ပါဝင်နေသည့်လူများလည်း ဖြစ်နိုင်ပါသည်။

 

- မိသားစုများတွင်လည်း အိတ်ခ်ျအိုင်ဗွီ/အေအိုင်ဒီအက်စ်နှင့်
နေထိုင်နေသူများသည် ဇနီးများ၊ ခင်ပွန်းများ၊ က လေးများ၊ မိဘများ၊ အဖိုးအဖွားများ၊
ဇနီးလောင်းခင်ပွန်းလောင်းများ၊ ညီအကိုများ၊ အမညီမများ၊ အဒေါ်များ၊ ဦးလေးများ၊
မှီခိုသူများ၊ မိသားစုထိမ်းသိမ်းနေရသူများနှင့် အိမ်ထောင်စုခေါင်းဆောင်သူများလည်း
ဖြစ်နေပါဝင် နေနိုင်ပါသည်။

 

မျက်မြင်သက်သေများ - သတင်းဇာတ်လမ်းကို တည်ဆောက်ရာတွင်
ဤအချက်သည် အလွန်အရေး ကြီးသည်။ အဘယ့်ကြောင့်ပါနည်း။ ထိုမျက်မြင်သက်သေများအနေဖြင့်
မည်သည့်အရာတွေကိုတွေ့မြင်ခဲ့ပါသနည်း။ မျက်မြင်သက်သေများဆိုရာ၌
ဒေသဆိုင်ရာရှိဆေးရုံများမှ ဆေးဝန်ထမ်းများ၊ အိမ်နားနီးချင်းများ၊ လုပ်ဖော် ကိုင်ဖက်များ၊
ပီအယ်လ်အိတ်ခ်ျအိုင်ဗွီ ခေါ် အိတ်ခ်ျအိုင်ဗွီနှင့်နေထိုင်နေသူများ၏ အရင်းနှီးဆုံး သူငယ်ချင်းများ
အစရှိသဖြင့်လည်းဖြစ်နိုင်ပေသည်။ မျက်မြင်သက်သေများမှာ လူမှုအသိုင်းအ၀ိုင်းတခု၏
မည်သည့်အစိတ် အပိုင်းအတွင်းမှ ဖြစ်သည့်အပေါ်မူတည်၍ အောက်ပါလူများလည်းဖြစ်နိုင် ပေသည်။

 

- လူမှုရေး

- မြို့၊ ရွာအတွင်းရှိ
လူမှုရေးအ၀န်းအ၀ိုင်းမှ ခေါင်းဆောင်များ။

 

- အမျိုးသမီးနှင့်
ကလေးသူငယ်ဆိုင်ရာအဖွဲ့အစည်းများမှ ကိုယ်စားလှယ်များ၊ အေအိုင်ဒီအက်စ်ကာကွယ် တိုက်ဖျက်ရေးအတွက်
ပူးပေါင်းဆောင်ရွက်နေသောအဖွဲ့များမှ ကိုယ်စားလှယ်များ

 

- သာမန်အရပ်သူအရပ်သားများ သည်လည်းသတင်း
ဇာတ်လမ်းအတွက် အရေးပါသူများ ဖြစ်နိုင်ပေသည်။ သူတို့သည်
ဖြစ်ပျက်ခဲ့သည့်အခြေအနေများနှင့် မည်သို့မည်ပုံ ပတ်သက်ဆက်စပ်နေခဲ့သည်ဆိုခြင်းကို လက်တွေ့
ကျကျ ပြန်ပြောနိုင်သူများဖြစ်သည်။

 

- ကျန်းမာရေး

- ကျန်းမာရေးလုပ်ငန်း
အကူအညီပေးသူများဖြစ်သည်။ ဥပမာ - သူနာပြုများ၊ ဆရာဝန်များ၊ စိတ်ပညာရှင်များ၊
ဆေးမှူးများ၊ ဆေးရောင်းသူများ၊ ကွင်းဆင်းကျန်းမာရေးလုပ်သားများ၊
ရိုးရာတိုင်းရင်းဆေးပညာရှင်များစသည်တို့ ပါဝင်သည်။

 

- အေအိုင်ဒီအက်စ်နှင့်စပ်လျဉ်း၍
ဆောင်ရွက်လုပ်ကိုင်နေသည့် အဖွဲ့အစည်းများ၊ ကလေးသူငယ်နှင့် အမျိုးသမီး စောင့်ရှောက်ရေးအဖွဲ့အစည်းများတွင်
လူမှုရေးဆိုင်ရာ တာဝန်ထမ်းဆောင်နေသူများ။

 

- ဆေးနှင့် သိပ္ပံပညာနယ်ပယ်

- တက္ကသိုလ်များ၊
ဆေးသုတေသနအဖွဲ့အစည်းများတွင် တာဝန်ထမ်းဆောင်နေသည့် သုတေသနမှူးများ၊ ထိုကဲ့သို့
ဆေးပညာနယ်ပယ်တွင် အထူးကျွမ်းကျင်မှုရှိပြီး လေ့လာနေသူများ။

 

- ဆေးဝါးထုတ်လုပ်ရေးကုမ္ပဏီများမှ
ကိုယ်စားလှယ်များ။

- စီးပွားရေး

- ဘဏ်များ၊ တက္ကသိုလ်များ၊
သုတေသနအဖွဲ့အစည်းများမှ စီးပွားရေးဆိုင်ရာပညာရှင်များ။

- စက်ရုံများ၊ ကျောင်းများ၊
စိုက်ပျိုးရေးဆိုင်ရာကဏ္ဍများ၊ စီးပွားရေးကြီးငယ်လုပ်ငန်းများ အစရှိသည်တို့မှ
အလုပ်ရှင်အလုပ်သမားများ။

 

- နိုင်ငံရေးနှင့်
တရားရေးဆိုင်ရာအဖွဲ့အစည်းများ

- တရားသူကြီးများ၊ ရှေ့နေများ၊
တရားရေးဆိုင်ရာကျွမ်းကျင်သူများ၊ တရားဥပဒေထိန်းသိမ်းစောင့် ရှောက်ရေး အရာရှိများ၊
တရားရေးဆိုင်ရာပညာရှင်များ၊ ကျေးရွာ၊ မြို့၊ ပြည်နယ်၊ တိုင်းနှင့်
နိုင်ငံတော်အဆင့်ရှိသော နိုင်ငံရေး ခေါင်းဆောင်များ။

 

အစိုးရဌာနများမှ သတင်းအရင်းအမြစ်ပုဂ္ဂိုလ်များ -
မြို့တော်တွင်းတည်ရှိသော ဌာနများသာမက နယ်များရှိ အစိုးရဌာနများပါ ပါဝင်ပါသည်။ သင်
သုတေသနလုပ်နေသောဘာသာရပ်နှင့် သက်ဆိုင်သည့် တာဝန်ရှိသူများကို ရှာဖွေရမည်။ ထိုအစိုးရအရာရှိများထံတွင်
အမြဲတန်းလိုလို အသုံးဝင်သည့် သတင်းအချက်အလက်များ ရှိနေတတ်သည်။ အချို့အရာရှိများသည်
သင်ရေးသားမည့် ဇာတ်လမ်းတည်ရှိရာအရပ်ဒေသများတွင် နေထိုင်နေသူများဖြစ်နိုင်သည်။
သူတို့မြင်တွေ့နေရသည့် ကိစ္စများအတွက် သင့်အားမျှဝေပြောပြရန် ဆန္ဒရှိ ကောင်းရှိနိုင်သည်။
ဖြစ်ပျက်နေသောပြ၏နာများသည် လူမှုအသိုင်းအ၀န်းကို မည်သို့မည်ပုံရိုက်ခတ်နေကြောင်း
သူတို့အမြင်များကို မေး၍ရနိုင်၊ သိနိုင်ပေမည်။

 

- ယေဘူယျနောက်ခံအကြောင်း

- သတင်းဆောင်းပါးများ -
ဆေးနှင့်သိပံ္ပဆိုင်ရာအချက်အလက်များကို ရှာဖွေရန်အတွက် စာကြည့်တိုက်များသည်
အသုံးဝင်သောနေရာများဖြစ်သလို ထိုသတင်းအချက်အလက်များမှတဆင့် နောက်ထပ်လိုအပ် သောသတင်း
များကို ထပ်မံ၍ ခြေရာကောက်ရယူနိုင်သည်။

 

- အခြားသတင်းမီဒီယာများမှ
တင်ပြလာသည့်သတင်းများကိုလည်း လေ့လာဆန်းစစ်ပါ။ ထိုသတင်း များသည်
အရေးကြီးသောသတင်းအရင်းအမြစ်များ ပြန်ဖြစ်လာနိုင်သည်။ ထိုသတင်းများကို အမှီပြု၍ သင့်အနေဖြင့်
မည်သူနှင့်တွေ့ဆုံမေးမြန်းသင့်သည်၊ ဆွေးနွေးသင့်သည်၊ တွေ့သင့်သည်၊
မည်သို့မည်ပုံစဉ်း စားလုပ်ဆောင် မည်စသဖြင့် တွေးလာသိလာနိုင်သည်။

 

- နယ်ခံအတွင်းရှိ
အစိုးရမဟုတ်သောအဖွဲ့အစည်းများသည်လည်း သတင်းအရင်းအမြစ်ရနိုင်သည့်
  နောက်ထပ်
အကြောင်းရင်းများဖြစ်သည်။ အကယ်၍ သင့်အနေဖြင့် မည်သို့သွားရမည်၊
မည်သူနှင့်တွေ့ရမည်ကို စဉ်းစားမရပါက၊ မသိပါက ထိုနယ်ခံဖြစ်သည့်
အစိုးရမဟုတ်သောအဖွဲ့များ၏ အကူအညီများမှ တဆင့်ဆောင် ရွက်ရရှိနိုင်သည်။

 

- နိုင်ငံတကာအဖွဲ့အစည်းများ။

- ကုလသမဂ္ဂအဖွဲ့အစည်းများ - ဥပမာအားဖြင့်
ယူအင်န်အေအိုင်ဒီအက်စ်အဖွဲ့ကြီး၊ ကမ္ဘာ့ကျန်းမာရေး အဖွဲ့ကြီးအ စရှိသည့်အဖွဲ့အစည်းများ။

 

အင်တာနက်

အင်တာနက်သုံးနိုင်သူများအတွက် သတင်းဇာတ်လမ်းရေးသားရာတွင်
အဖိုးမဖြတ်နိုင်သော သတင်းအရင်း အမြစ်များ သေချာပေါက်ရရှိနိုင်ပေသည်။ သို့သော်လည်း
ဝက်ဘ်ဆိုက်ဒ်များပေါ်တွင်ပါရှိသည့် သတင်းအချက် အလက်များ သေချာခိုင်လုံမှုရှိမရှိ
အတည်ပြုရန်ကိစ္စသည် သတင်းသမားတဦးအတွက်ခက်ခဲမှုတခုမူ ရှိနေဦးမည် ဖြစ် သည်။
တပြိုင်တည်းတွင်လည်း အိတ်ခ်ျအိုင်ဗွီ/အေအိုင်ဒီအက်စ်နှင့်စပ်လျဉ်း၍
လေးစားဖွယ်ရှိပြီး စနစ်ကျ သည့်ဝက်ဘ်ဆိုက်ဒ်များလည်း ရှိတော့ရှိနေပါသည်။

 

၇။ လိုအပ်သော သတင်းအရင်းအမြစ်များကိုရှာဖွေခြင်း

အမျိုးအစားမတူကွဲပြားသော သတင်းအရင်းအမြစ်များအကြောင်း
လေ့လာပြီးသောအခါ သတင်းဇာတ်လမ်းအ တွင်း တွေ့ရလေ့ရှိသည့်
မတူညီသည့်သတင်းအရင်းအမြစ်များအား သေသေချာချာလေ့လာဆန်း စစ်ကြည့်ရန် လိုသည်။
သတင်းကောင်းတပုဒ်ဟုဆိုရာတွင် မတူညီသောနေရာများမှ မတူညီသောသတင်းအရင်းအမြစ်နှစ်ခု တော့
အနည်းဆုံးအဖြစ်ပါရန်လိုသည်၊ ဤနေရာ၌ သင်၏တွေ့ဆုံမေးမြန်းချက်နှင့် နားထောင်နိုင်သည့်စွမ်း
ရည်ကို အရောင်တင်ရတော့မည်ဖြစ်သည်။ သို့သော်လည်း အများအားဖြင့် ခွဲခြမ်းစိတ်ဖြာနိုင်သည့်စွမ်းရည်
ပိုမိုတောက်ပြောင်ရန်လိုအပ်သည်။ စိတ်ဝင်စားဖွယ်ကောင်းသောသတင်း ဆိုသည်မှာ
အမျိုးစုံလှသည့် မှတ်ချက်များ၊ ထင်မြင်ယူဆချက်များ၊ မတူကွဲပြားသောအုပ်စုများ၏
ဆွေးနွေးငြင်းခုံမှုများနှင့် ထည့်သွင်း ရေးသား ထားမှသာလျှင်
ဖတ်၍အကယ်စင်စစ်ကောင်းမည်ဖြစ်သည်။ ထို့အတွက် ပထမဦးဆုံးအနေဖြင့် မည်သူ့အား တွေ့ဆုံမေးမြန်းမည်လဲ
ဆိုသည့်အချက်ကို သင်ဆုံးဖြတ်ရပေ လိမ့်မည်။

 

သင်၏ ပထမဦးဆုံးခြေလှမ်းသည် စင်းလုံးချောဖြစ်ချင်မှဖြစ်မည်။
လူတဦးအား တယ်လီဖုန်းမခေါ်မီ ကြိုတင်စဉ်း စားထားရန်လိုသည်။ သတင်းထောက်အများစုသည်
နာမည်ရှိပြီးသားသတင်းအရင်းအမြစ်များထံသို့ ဆက်သွယ် ဖုန်းခေါ်ရန်
အလိုအလျောက်လုပ်တတ်လေ့ရှိသည်။ ထိုသို့ဆက်သွယ်ခေါ်ယူခြင်းသည် မလုပ်မဖြစ် လုပ်ရမည့် အ
ဆင့်၊ အချက်ထဲ၌ ပါဝင်ပါသည်။ အထူးသဖြင့် သင့်အနေနှင့် သတ်မှတ် ထားသော အချိန်တိုတခု အတွင်းမဖြစ်
မနေအပြီးလုပ်ရမည့် သတင်းကိစ္စမျိုး ရှိနေသောအခါမျိုးတွင် ထိုသို့ဖြစ်လေ့ရှိသည်။
သို့သော်လည်း အကယ်၍ စာဖတ်သူများအနေဖြင့် သူတို့ကြားဖူးဖတ်ဖူးပြီးသား လူများ၊
အုပ်စုများ၏ ထင်မြင်ချက်များကို ထပ်ခါထပ်ခါပြန် ဖတ်ရသောအခါ သတင်းသည်
ငြီးငွေ့ဖွယ်ရာ ဖြစ်သွားသည်ကိုလည်း မမေ့သင့်ပါပေ။ သင်၏သတင်း ဇာတ်လမ်းအတွက်
သင့်အနေဖြင့် နာမည်ကြီး ရန်မလိုသည့်အခြေအနေ့ သိပ်လူသိမများသော ပုဂ္ဂိုလ်တဦး ကိုလည်း
တွေ့ဆုံမေးမြန်းမှုလုပ်နိုင်ပါသည်။ သို့သော် ထိုပုဂ္ဂိုလ်သည်
သူလုပ်ကိုင်နေသောနယ်ပယ်တွင် အမှန်တ ကယ် ကျွမ်းကျင်သည့်သူတော့ဖြစ်ရမည်မှာမုချ။

 

သင်ရေးသားသော သတင်းဆောင်းပါးဇာတ်လမ်းသည် အမြဲလိုလို
အမြင်သစ်အတွေးသစ်ဖြစ်နေရန် စဉ်းစားထား ရန်လိုသည်။ ယခုအချိန့် မည်သည့်အရာများဖြစ်နေသည်၊
မည်သူက ဤအချက်ကိုသေသေ ချာချာသိနေသနည်း စသည့်မေးခွန်းများကိုလည်း
ကိုယ့်ကိုကိုယ်မေးရပေလိမ့်မည်။ သက်ဆိုင်ရာ လုပ်ငန်း နယ်ပယ်တွင်း အကယ် စင်စစ်လုပ်ကိုင်နေသူများသည်
သင့်ဇာတ်လမ်းအတွက် အကောင်းဆုံးမျက်မြင်သက်သေများ အဖြစ်လည်း ပြောင်းလဲသွားနိုင်သည်။

 

လတ်ဆပ်မှုရှိနေစေရန် နယ်ခံလူများ၏ အသံများကို
သင့်သတင်းဆောင်းပါးဇာတ်လမ်းထဲတွင် ယူသုံးပါ။

 

- အဘယ့်ကြောင့် ထိုသူအား
တွေ့ဆုံမေးမြန်းခြင်းလုပ်ရသည်ကို သင်ကိုယ်တိုင်က ရှင်းရှင်းလင်းလင်း နားလည်ထားရန်
လိုပါသည်။ ရှုထောင့်တခုမှချဉ်းကပ်၍ သတင်းဇာတ်လမ်းရေးသားခြင်းသည် ကောင်း၏။
အဘယ့်ကြောင့်ဆိုသော် တွေ့ဆုံမေးမြန်းနေသည့်အချိန်အတွင်း မလိုအပ်သည့်
နောက်ဆက်တွဲအပို ဆာဒါးများ မမေးမိစေရန် အလိုအလျောက်ရှောင်ကွင်းပြီးသား
ဖြစ်သွား၍ပင်၊ ထို့အတွက် သင့်ဇာတ်လမ်း နှင့်အံဝင်ခွင် ကျဖြစ်သည့်
အဖြေများရရှိလာစေရန် ပို၍မျှော်လင့်ချက်ရှိသည်၊ မျှော်လင့်နိုင်သည်။ သို့သော်
အဖြေအမျိုးစား တခုတည်းအတွက် ဦးတည်မေးနေခြင်းမျိုး မဖြစ်ရန်တော့ အထူးသတိထားရပေ လိမ့်မည်။
သင်တွေ့ဆုံ မေးမြန်းသည့်လူအနေဖြင့် သည့်ထက်သည့်ပို၍ စကားပြောလာအောင် ခွင့်ပြုပါ
အခြေအနေကိုပေးပါ။ နိမိတ်ပြမေးခွန်းများ
သိပ်မေးလွန်းခြင်းကိုရှောင်ရှားပါ။ သင်၏ သတင်းအရင်းအမြစ် လူပုဂ္ဂိုလ်၏ အတွေးများ
လွတ်လပ်စွာစီးဆင်းနိုင်ရန် လိုသောကြောင့်၊ အရေးကြီးသောကြောင့်ပင် ဖြစ်သည်။

 

 

အကောင်းဆုံးသတင်းအရင်းအမြစ်သည် ပထမဦးဆုံး
လတ်လတ်ဆတ်ဆတ်သတင်းများကို ပြောနိုင် သူဖြစ်ရ မည်။ သူ့အမည်နှင့် မှတ်ချက်များကို
သတင်းတွင်ထည့်သွင်းရန် လိုလားသူဖြစ်ရမည်။ ထိုသူများသည်
အောက်ဖော်ပြပါလူအမျိုးအစားလည်း ဖြစ်နိုင်ပေသည် -

 

ဖြစ်ရပ်များတွင်
ကိုယ်တိုင်ပါဝင်နေသူများ။

ဖြစ်ရပ်များတွင်
ကိုယ်တိုင်ခံစားခဲ့ရသူများ။

ဖြစ်ရပ်များကို
ကိုယ်တိုင်မြင်တွေဏ္ဍခဲ့သူများ။

ကျွမ်းကျင်သူပညာရှင်မဟုတ်သည့်
လူပေါင်းစုံနှင့်လည်း မေးမြန်းပြောဆှို သတင်းအချက်အလက်ရယူပါ။ ဒုတိ ယအဆင့်သတင်းအရင်းအမြစ်များ
- သတင်းဆောင်းပါးဇာတ်လမ်းအတွက် အမှန်တကယ်လိုအပ်ခြင်းမရှိပဲပုံနှိပ် ဖော်ပြပြီးသည့်အထဲမှ
ပြန်လည်ကောက်နုတ်တင်ပြခြင်းဖြစ်သည်။ ဤသို့လုပ်လျှင် သတင်းတန်ဖိုး နည်းသွားနိုင် သည့်အခြေအနေတော့
ရှိနေသည်။

 

လျော့ရဲအားနည်းသော
သတင်းအရင်းအမြစ်များကိုသုံးခြင်း။

ယေဘုယျအားဖြင့်ပြောရလျှင် သည်မှာ
သတင်းသမား.ပျင်းရိသောလက္ခဏာဟု ဆိုနိုင်သည်။
- သတင်း ကြေငြာချက်များနှင့်
သတင်းစာရှင်းလင်းပွဲများ

- သင်တဦးတည်းသာမဟုတ်၊ အားလုံးသော
သတင်းမီဒီယာသမားအတွက် ဤသတင်းစာညီလာခံများသည် ထွက်ပေါက်တမျိုးပင်ဖြစ်သည်။

ထိန်းချုပ် (သို့) ရွေးချယ်ထားသော
သတင်းအရင်းအမြစ်များပါရှိသော ထိန်းချုပ်မှုရှိသည့်ဖြစ်စဉ်တမျိုး ဖြစ် သည်။ သို့သော်သတင်းအမေးအဖြေလုပ်သည့်ကဏ္ဍရှိသောကြောင့်
အဖိုးတန်သောမှတ်ချက်များ ရရှိနိုင်သည်။
           

ဤနေရာ၌ သတိထားရမည့်အချက်မှာ
သင့်သတင်းဆောင်းပါး ဇာတ်လမ်းတစုံလုံးအတွက် သတင်းစာရှင်း လင်းပွဲမှ
ထွက်ရှိလာသည့်သတင်းများသက်သက်အပေါ်၌သာ အားကိုး၍ ဆောင်ရွက်ခြင်း မလုပ်ပါနှင့်။ ဤသို့
သတင်းလုပ်ခြင်းသည် ပျင်းရိသော၊ ဆိုးရွားသော သတင်းသမား လက္ခဏာသာဖြစ်၏။

 

သင်ထားရှိရမည့်လမ်းညွှန်များ - စောင့်ထိန်းလိုက်နာရမည့်
သတင်းထောက်ကျင့်ဝတ်များကို သိပါ။

သတင်းပညာအပေါ် သက်ရောက်နေသည့်
ဥပဒေများကို သိရန်ကြိုးစားထားရမည်။

သင်တွေ့ဆုံပြောဆိုလိုသူများအားလုံးကို
တွေ့ဆုံနိုင်ရန်အတွက် ဆုံးဖြတ်ချက်ချပြီးသောအခါတွင် သင့်အပေါ် တွင်လည်း
ထိုသူများထံမှ ရောင်ပြန်ဟပ်လာနိုင်သည့် ကိစ္စရပ်များရှိနေသေးသည်ကို
သတိပြုသိရှိရမည်။  တွေ့ဆုံ မေးမြန်းမှုလုပ်တိုင်း
ထွက်ပေါ်လာနိုင်သည့်ပြ၏နာများကို 
ကြိုတင်စဉ်းစားထားရန် လိုသည်။ မိမိမြင်သည့်ကြား သည့်အပေါ်၌ သာအခြေမခံပဲ
အခြားတဖက်၌ ရှိနေနိုင်သေးသည့် သတင်းအရင်းအမြစ်နှင့် ဆက်စပ်နေသည့် ဇာတ်လမ်းနှင့်
အခြေအနေအရပ်ရပ်ကို ဆက်လက်မေးမြန်းပါ။

 

- ထိုသူတို့သည် အဘယ့်ကြောင့်
မိမိကိုပြောနေကြသနည်း။ သတင်းနောက်ကွယ်ရှိ ကွင်းဆက်မှာ မည်သည့် အရာ မည်သည့်အချက်
ဖြစ်နိုင်သနည်း။ ရိုးသားမှုရှိပါရဲ့လား။ ဖုံးကွယ်ထားသည့် အခြားသောအချက်အလက် များရော
ရှိနေနိုင်ပါသလား စသဖြင့် တွေးချင့်ရမည်ဖြစ်သည်။

 

မိမိကိုယ်ကို သတင်းသူတောင်းစား
မဖြစ်အောင် သတိထားပါ။ နောက်တနည်းဆိုရပါက အသေးစိတ်သိလို သည်များရှိနေသောကြောင့်
သတင်းသမားသည် သတင်းကိုအသေရရအရှင်ရရ အသည်းအသန်လိုချင်နေ ကြောင်းကို
ကိုယ်နှုတ်အမူအရာများဖြင့် ပြသသလိုမဖြစ်ပါစေနှင့်။

 

သင်တွေ့ဆုံမေးမြန်းသည့်ပုဂ္ဂိုလ်အား
သင်မည်သို့မည်ပုံနားလည်သိရှိနိုင်မည်နည်း။

ကိစ္စရပ်တခုအတွင်း တွေ့ဆုံမေးမြန်းချက်
ပေးချင်လာအောင်၊ ပါဝင်လာအောင် မည်သို့မည်ပုံ ဆောင်ရွက်နိုင် မည်နည်း။

 

သင်တွေ့ဆုံမေးမြန်းသူသည်
မှားယွင်းစွာသတင်းပေးခံထားရသူလော၊ သို့မဟုတ်ပါက သတင်းလက်ခံ ရရှိစဉ် ကာလအတွင်းက
ထိုသူသည် သတင်းအပေါ် နားလည်မှုလွဲမှားသည့်အခြေအနေ ရှိခဲ့သလော။

 

သတင်းအရင်းအမြစ်ပုဂ္ဂိုလ်သည်
သတင်းဖြစ်စဉ်အမှန်အတိုင်း သိရှိနိုင်သည့်အနေအထားတွင် တည်ရှိနေသူ ဖြစ်ပါသလား။

ထိုသူသည်
သင့်ကိုအမှန်အတိုင်းပြောပြနေတာရော ဟုတ်ပါသလား။

 

ဤသတင်းအရင်းအမြစ်ကို သင် အဘယ့်ကြောင့်သုံးရသနည်း။

 

သတင်းအရင်းအမြစ်ပုဂ္ဂိုလ်သည် သင့်အတွက်
ရှာရဖွေရလွယ်ကူသည့် အတွက်ကြောင့်လား။

အဆိုပါတွေ့ဆုံမေးမြန်းချက်ပေးသူသည်
သင်နှင့် အတွေးအမြင်အယူအဆ တူနေသည့်အပေါ် သင်ဖန်တီးလို သည့်သတင်းအတွက် ထိုသူကို
အလွယ်တကူအသုံးပြုနိုင်ခြင်းကြောင့်လော၊

ဤသတင်းနှင့်ပတ်သက်၍ ပိုမိုအဆင့်မြင့်သူ၊
အတွင်းကျကျပိုသိသူတဦးဦးနှင့် သင်စကားပြောရန်ဖြစ်နိုင်မ လား။

ဤလူသည် သူ့အလုပ်အကိုင်
သူ့အသိုင်းအ၀ိုင်း၌ ခြေခြေမြစ်မြစ်ရှိသူတဦးရော ဟုတ်ပါရဲ့လား။

ထိုသတင်းအရင်းအမြစ် ဆုံးရှုံးရမည်ကို
သင်စိုးရိမ်နေပါသလား။

သတင်းတင်ဆက်သည့်အခါ
သတင်းအကျိုးရှိမှုလျော့ကျသွားမည်ကို စိုးရိမ်သည့်အတွက်လား။ သတင်းတင် ဆက်သည့်အခါ
အတိမ်းအစောင်းမခံသည့် အနေအထားကြောင့်လား။

ဤသတင်းအား အခြားသတင်းများနှင့်စာလျှင်
အရေးပါသည့်သတင်းအနေနှင့် သင်သုံးနိုင်မလား။

- မိမိနှင့်
သတင်းအရင်းအမြစ်လူပုဂ္ဂိုလ်အကြား ရှိသည့်ဆက်ဆံရေး။

မိမိသည် ထိုသူအပေါ်
သဘောကောင်းဖော်ဖော်ရွေရွေ ရှိပါသလား၊ (သို့) ခပ်တန်းတန်းသာ ဆက်ဆံသလား။

မိမိလုပ်ဖော်ကိုင်ဖက်တဦးမှ ထိုသူအား
မိမိအစား တွေ့ဆုံမေးမြန်းမှုလုပ်ပေးပါက ပိုကောင်းမလား။

မိမိလိုက်သည့် သတင်းမှန်ကန်စေရန်
အနည်းဆုံးလူနှစ်ဦးလောက်နှင့် ပြောဆိုရန်လိုသည်။ သတင်းအရင်း အမြစ်တဦးထက်ပို၍
မေးမြန်းစုံစမ်းခြင်းက သတင်းအချက်အလက်ရရှိရေးအတွက် အလွန်အရေးကြီးသည်။ အထူးသဖြင့်
မတူကွဲပြားသည့် သာမန်မဟုတ်သောအခြေအနေများ၊ တွေ့ရှိချက်များ၊ ကိန်းဂဏန်း များနှင့်ပတ်
သက်၍ ခွဲခြမ်းစိတ်ဖြာပြီး သတင်းကိစ္စကိုဆောင်ရွက်ရသောအခါမျိုးတွင်ဖြစ်သည်။

 

လူတိုင်းက မိမိရေးသားမည့်ကိစ္စကိုသိနေကြသည်ဟု
မည်သည့်အခါမျှမထင်ပါနှင့်၊ မတွေးပါနှင့်။

အကယ်၍ သင်ကိုယ်တိုင် ဒေသခံသတင်းစာတွင်
အလုပ်လုပ်နေစေဦးတော့၊ နှေ့စဉ်ဖြစ်ပျက်နေသည့် သတင်းများကို
လူတိုင်းသိနေကြသည်မဟုတ်။ ဒေသခံလူအတော်များများသည် သူတို့မြို့၊ သူတို့နယ်အတွင်း
မည်သည့်အရာများဖြစ်နေသည်ကို မသိကြပါ။

အခြားသူများထံမှလည်း နားထောင်ရင်းဖြင့်
အချက်အလက်များခိုင်လုံအောင် လုပ်ရန်လိုသည်။

ရွှေရောင်စည်းမျဉ်း -
အားလုံးသောသတင်းများ ခိုင်လုံစေရန်အတွက် အပြန်အလှန်အားဖြင့် လွတ်လပ်သော
သတင်းအရင်းအမြစ်နှစ်ခုကို အသုံးပြု၍ ရေးသားတင်ပြပါ။

- အပြန်အလှန်အားဖြင့် လွတ်လပ်ခြင်းဟူသည့်
အဓိပ္ပာယ်မှာ -

 

သတင်းအရင်းအမြစ် ကသည် သတင်းအရင်းအမြစ် ထံမှတဆင့် သိရှိတာမျိုးမဖြစ်စေရ။ (သို့)
အပြန် အလှန်အားဖြင့် သိရှိနေခြင်းမျိုးလည်း မဖြစ်စေရ။

သတင်းအရင်းအမြစ် ကနှင့် သတင်းအရင်းအမြစ် တို့၏ သတင်းများသည် သတင်းအရင်းအမြစ် ထံမှ အတူတူရရှိလာတာမျိုးလည်း မဖြစ်စေရ။

လက်ဦးဆုံးသတင်းအရင်းအမြစ်သည်
နှစ်ခုသာရှိကြောင်း သေချာပါစေ။

 

သင်၏ သတင်းအရင်းအမြစ်မှရသောသတင်းသည် ခွဲခြားရန်ခက်ခဲနေပြီး
တချိန်တည်းတွင် သင့်အနေဖြင့်လည်း အဆိုပါသတင်းကိုသုံးချင်သည်ဆိုပါစို့၊ မည်သို့ဆက်လက်ဆောင်ရွက်မည်ဆိုသည်ကို
အောက်
ဖော်ပြထား ပါသည်။

 

- 'ဤသို့ဖြစ်ပွားခဲ့သည်
ဟု တိုက်ရိုက်ရေးသားမည့်အစား ထိုသို့ဖြစ်ပွားခဲ့သည်ဟု ဦး ကမှ ပြောဆိုသည်ဟု ရေးပါ။

 

- ‘ထိုကိစ္စကို ဦး ကလုပ်ခဲ့သည်
ဟု မရေးပဲ ထိုကိစ္စကို ဦး ကလုပ်ခဲ့သည်ဟု ဦး မှ ပြောဆိုလိုက်သည်
ဟု ရေးသားပါ။

- သတင်းအရင်းအမြစ်ထံမှရရှိသော
သတင်းအချက်အလက်သည် မရှိမဖြစ်လိုအပ်သည်ဆိုသည်ကို သေချာ အောင်လုပ်ရန်လိုသည်။

 

သို့သော်လည်း နောက်တွင်ဖော်ပြထားသည့် ဥပမာများကို
အလွန်အကျွံမသုံးမိရန် လိုသည်။
အတည်ပြု၍ မရ သော သတင်းများအရဟုဆိုသည်နှင့် ပြောဆိုလိုက်သည်
အစရှိသည့် အသုံးအနှုန်းများသိပ်များနေပါက
သင်၏ သတင်းဇာတ်လမ်းကို အားနည်းသွားစေလိမ့်မည်။ အသရေဖျက်သည့် စကား၊ အသရေဖျက်သည့် စာများနှင့်
သက်ဆိုင်သည့်ဥပဒေများ၊ ကျင့်ဝတ်များကိုလည်း သိထားဖို့လိုသည်။ သတိထားပါ။
ထိုသိုပြောဆိုလိုက်သည်
ဆိုသည့်စကားလုံးသည် သင့်အား
တရားစွဲဆိုနိုင်သေးသည့် စကားလုံးဖြစ်သည်ကို မမေ့ ပါနှင့်။ မိမိ၏
သတင်းအရင်းအမြစ်ပုဂ္ဂိုလ်သည် သတင်းကိုပေးလိုသော်လည်း သူ၏ အမည်ကို မဖော်ပြရန်တောင်း

ဆိုလာသည့်အခါ...

 

- မိမိကိုယ်ကိုလည်းပြန်မေးပါ။ ထိုသူသည်
အဘယ့်ကြောင့် အမည်မဖော်လိုသနည်း။

သင်၏ သတင်းအရင်းအမြစ်မှ
ဤသို့တောင်းဆိုလာသည့်အခါမျိုးတွင် ချက်ချင်းသဘောမတူလိုက်ပါနှင့်။ အကယ်၍ ထိုသူက
အဘယ့်ကြောင့် သတင်းမှန်အားထုတ်ဖော်လိုသည်ဆိုသည်နှင့် အဘယ့်ကြောင့်အမည် မဖော်လိုကြောင်း
ပြောဆိုရှင်းပြပြီးမှသာ သဘောတူပါ။

ထိုသူတို့၏ ပုဂ္ဂိုလ်ရေးလုံခြုံမှုအပြင်
အခြားခြိမ်းချောက်မှုများ ရှိနေပါသေးသလား။ သတင်းအရင်းအမြစ် လူပုဂ္ဂိုလ်၏
လုံခြုံရေးနှင့် အသက်မွေးဝမ်းကျောင်းကို အမှန်တကယ်ထိခိုက်နိုင်သောကြောင့် အမည်ကို မထုတ်
ဖော်လိုခြင်းလော။ ထိုသတင်းအရင်းအမြစ်ပုဂ္ဂိုလ်၌ အခြားလျှို့ဝှက်ထားသော
အကြောင်းအချက်များ ကျန်ရှိနေမနေ (သို့) သတင်းမီဒီယာကို ထိုသူကအသုံးချလို၍
ပြုလုပ်ခြင်းလား ဆိုသည်များကိုသေချာ အောင်စီစစ်ရန်လိုသည်။

- သင်၏ သတင်းအရင်းအမြစ်လူအမည်အား
အမည်မဖော်လိုသူအဖြစ် သင်ကထိမ်းသိမ်းထားရမည် ဆိုသည့် ဆုံးဖြတ်ချက်ကို
သဘောတူသောအခါတွင် -

သတင်းလာသောနေရာမှ အခြေအနေများအား
တတ်နိုင်သမျှ အသေးစိတ်မှတ်တမ်းတင်ကာ သတင်းအရင်း အမြစ်လူပုဂ္ဂိုလ်များနှင့်
သင်သဘောတူညီချက်ရယူပါ။

• ‘တာချီလိတ်မြို့မှ
ကျန်းမာရေးလုပ်သားကိုယ်တိုင်သည်လည်း အိတ်ခ်ျအိုင်ဗွီနှင့်နေထိုင်နေသူဖြစ်သည်

ဆိုသည့်စကားစုသည် မြန်မာပြည်အရှေ့ဖက်ခြမ်းမှ
အိတ်ခ်ျအိုင်ဗွီဒုက္ခသည်တဦး
ဆိုသည့် စကားစုထက် ပို၍ ကောင်းသည်။

စာဖတ်သူများသိသာစေရန်
သတင်းအရင်းအမြစ်လူပုဂ္ဂိုလ်၏ နောက်ခံသမိုင်းကြောင်းအတိုကို အမြဲတမ်း ဖော်ပြပေးရမည်။

- ထင်မြင်ယူဆချက်များနှင့် အချက်အလက်များ

ခွင့်ပြုချက်ရထားသော သတင်းအရင်းအမြစ်၏
နာမည်အား လွတ်လပ်စွာကိုးကားနိုင်သည်။

 

အမည်မဖော်လိုသည့် သတင်းအရင်းအမြစ်များအား အသုံးပြုသောအခါ
ထိုအမည်မဖော်လိုသူသည် သတင်း အချက်အလက်များပေးပို့ရန်
အရည်အချင်းပြည့်မှီသူဖြစ်ရမည်။

ဥပမာအားဖြင့် လူမျိုးရေးခွဲခြားသူ လူပုဂ္ဂိုလ်တဦးမှ
အခြားတိုင်းရင်းသားအုပ်စုများအပေါ် ပေးသော ထင်မြင် ချက်များကို အသုံးပြု၍ မရ။

အမြဲသတိရှိနေရန်လိုသည်မှာ အမည်နာမကို အရင်ရအောင်တောင်းပါ၊
ပြီးမှထင်မြင်ချက်ကိုရယူပါ။

 

 

Comments

  1. naing naing says:

    ဆရာ ကျွန်​​တော်​​ဝှေး​စေ့ အ​ရေပြား​ပေါ်မှာ ဝက်​ချံလို အဖုထွက်​​နေလို့ပါညစ်​လို့လဲမရပါ တအားညစ်​​တော့နာပါတယ်​ ဝက်​ခြံလိုထွက်​မလာဘဲ အ​ရေပြားကွဲသွားပါတယ်​ အဖြူဖက်​က​လေးထွက်​လာတယ်​ ​ခြေလို့လဲမရဘူးအခဲလိုက်​ အတိုင်းပါဘဲ ​နောက်​​တော့​သွေး​တွေထွက်​လာကာတယ်​ဆရာ အခုလဲအဖုထက်​ထွက်​ပြန်​ဘီ ဘာဖြစ်​တာလဲဆရာ သူများ​တွေမှာ​ကော ဖြစ်​တက်​ပါလား ​ဖြေ​ပေးပါဆရာ

Leave a Reply

Your email address will not be published. Required fields are marked *

Captcha *

Follow me on:

Back to Top