5
Sep

သတင်းတင်ပြခြင်း (၃)



သတင်းဆောင်းပါးတစ်ပုဒ်ဖန်းတီးရာ၌ ထည့်သွင်းစဉ်းစားသင့်သည့်
အချက်
(၁၀) ချက်


၁။ စိတ်ဝင်စားစရာကောင်းရဲ့လား၊
အသစ်ဖြစ်ရဲ့လား။ အကယ်၍
သင့်သတင်းဆောင်းပါး၌ သတင်းအချက်အလက် အသစ်မပါဝင်ပါက ယင်းသတင်းဆောင်းပါးသည် စိတ်ဝင်စားစရာကောင်းသော၊ အံ့အားသင့်ဖွယ်
ဖြစ်စေသော ရှုထောင့်အသစ်ဖြင့် ရေးသားထားသည့်
သတင်းဆောင်းပါးမျိုးဖြစ်ပါစေ။


၂။
သက်ဆိုင်ဆီလျော်ခြင်း
(Relevance)။ ။ သင့်သတင်းဆောင်းပါးသည် သင့်ပရိသတ်သို့မဟုတ် လူ့အဖွဲ့အစည်း၊ လူ့အစုအစည်းနှင့်
သက်ဆိုင်ဆီလျော်မှုရှိပါရဲ့လား။
သင့်သတင်းဆောင်းပါးသည် သင့်ပရိသတ်အ တွက် အရေးပါပါရဲ့လား။


၃။ ဦးတည်ချက် (Focus)။ သတင်းဆောင်းပါးကောင်းတပုဒ်၌ ရှင်းလင်းသော ဦးတည်ချက်ပါရှိသည်။
စာနယ်ဇင်း သမားများသည် လူထုအား သတင်းများ
တတ်နိုင်သမျှများများပေးရန် ကြိုးပမ်းသည့်အနေနှင့်
မကြာခဏဆိုသလို ၄င်းတို့၏
သတင်းဆောင်းပါးများတွင် အချက်အလက်များ များနိုင်သမျှများများ
ထည့်သွင်းလေ့ရှိကြသည်။
သို့ရာတွင် ထိုသို့ပြုလုပ်ခြင်းသည် စာရေးသူနှင့်စာဖတ်သူအတွက်
စိတ်ရှုပ်ထွေးစရာသာ
ဖြစ်ပါလိမ့်မည်။
အကယ်၍ သင်သည် လတ်တလောဖြစ်ပေါ်နေသည့် ကိစ္စရပ်နှင့်ပတ်သက်၍ သတင်းဆောင်းပါး
Hard News တပုဒ်ရေးမည်ဆိုပါက ဖြစ်သည့်ကိစ္စရပ်နှင့် ယင်း၏နောက်ဆုံး
ဖြစ်ပေါ်တိုးတက် မှုတို့ကိုသာ အာရုံစိုက်သင့်သည်။ အကယ်၍သင့်အနေနှင့်
ဇာတ်လမ်းသတင်းဆောင်းပါး Feature Story တပုဒ်ရေးမည်ဆိုပါက သင်စိတ်အ၀င်စားဆုံး
အကြောင်းအရာများအပေါ်တွင်
အာရုံစိုက်၍ ရေးသားသင့် ပါသည်။ သင်ရွေးချယ်သည့် အကြောင်းအရာ ပေါ်တွင်ရှိသည့် သင့်စိတ်ခံစား ထက်သန်မှုသည်
ဇာတ်လမ်းသတင်းဆောင်းပါးကောင်းတပုဒ် ဖြစ်လာရေးအတွက်
သင့်အားအကူအညီပေးပါလိမ့်မည်။


၎။
ရယ်စရာအတိုအထွာဖြစ်ရပ်များ
(Anecdotes)၊ အရောင်အသွေးစုံ (Colour)၊ ကောင်းမွန်သည့် ကိုးကားချက်များ (Good Quote)။ ။ ရယ်စရာအတိုအထွာဖြစ်ရပ်သည်
သတင်းဆောင်းပါးအား ပိုမိုမြင်သာထင်သာ ဖြစ်စေသော
ဇာတ်လမ်းတိုများလိုဖြစ်သည်။
ပုံတိုပတ်စငယ်များဟုလည်း ဆို၍ရသည်။ ယင်းသည်
သင့်သတင်းဆောင်းပါး၏ အရောင်အသွေး၊ အလင်းအမှိန်ကို
ထပ်လောင်းပေးသည့်အပြင် သတင်းဆောင်းပါးအားပို မို အသက်ဝင်စေပါသည်။ ထို့ပြင်
သင့်သတင်းဆောင်းပါး၌ ပါဝင်သူများ၏
သွင်ပြင်လက္ခဏာများကိုလည်း လှစ်ဟပေးသည်။ သင့်သတင်းဆောင်းပါး၌
ကောင်းမွန်သော
ရယ်စရာအတိုအထွာဖြစ်ရပ်များ၊
ဥပမာများနှင့် အကိုးအကားတို့ကို
ထည့်သွင်းဖော်ပြခြင်းအားဖြင့် သင့်စာဖတ်ပရိသတ်သည် ၄င်းတို့အား သင်ပို့လိုသည့်ဦးတည်ရာအရောက်
သင့်သတင်းဆောင်းပါးမှတဆင့် နှစ်နှစ်ကာကာ လိုက်ပါကြမည်ဖြစ်သည်။


၅။ တိကျမှုနှင့်
ရှင်းလင်းမှု။ ။တိကျမှုနှင့် ရှင်းလင်းမှုသည်
အိတ်ခ်ျအိုင်ဗွီ/အေအိုင်ဒီအက်စ်နှင့် ဆက်နွယ်သော ကိစ္စရပ်များနှင့်ပတ်သက်၍ သတင်းရေးသားရာ၌ အဓိကအရေးကြီးပါသည်။
စာနယ်ဇင်းသမားများအားလုံး သိထားသကဲ့သို့
သတင်းဆောင်းပါးတပုဒ်၌ပါဝင်သော သတင်းအချက်အလက်အားလုံးသည်
တိကျမှုနှင့်ရှင်းလင်း မှုရှိရမည်ဖြစ်ပါသည်။
အိတ်ခ်ျအိုင်ဗွီ/အေအိုင်ဒီအက်စ်နှင့် ဆက်နွယ်၍ သတင်းရေးသားရာ၌မူ မရေး သားမှီ အိတ်ခ်ျအိုင်ဗွီ/အေအိုင်ဒီအက်စ်
အခွင့်အရေးနှင့်ပတ်သက်သော
အချက်အလက်များကိုရယူရန်နှင့် နားလည်အောင်ကြိုးစားရန်တို့မှာ အဆိုပါသတင်းကို ရေးသားမည့်
စာနယ်ဇင်းသမား၏ တာဝန်ဖြစ်သည်။


၆။ သံသယရှိက
မလုပ်ပါနှင့်။ သင့်သတင်းဆောင်းပါး၌
ထည့်သွင်းလိုသော အချက်အလက်၊ ထင်မြင်ချက်စသည်တို့အပေါ်
သင့်အနေနှင့်
သေချာမှုမရှိဟုယူဆပါက
ယင်းတို့ကိုအသုံးမပြုပါနှင့်။ အကယ်၍သင့်အနေ နှင့်
အမှန်တကယ်အသုံးပြုလိုပါက သေချာအောင်
ထပ်မံစစ်ဆေးပါ။


၇။
ရိုးရှင်းပါစေ။ ။ လူအများစုသည်
သတင်းစာနေ့တိုင်းမဖတ်သည်ကို အမှတ်ရပါ။
ရိုးရှင်းသောစကားလုံးနှင့် ဘာသာဗေဒကို
အသုံးပြုပါ။ ဗန်းစကားများ၊ နည်းပညာဆိုင်ရာနှင့်
ဆေးပညာဆိုင်ရာဝေါဟာရများကို
အသုံး ပြုခြင်းမှရှောင်ရှားပါ။


၈။
ကိန်းဂဏန်းများကို လိုအပ်မှသာအသုံးပြုပါ။ ။
အကောင်းဆုံးသော ကိန်းဂဏန်းများထည့်သွင်းသည့်နည်းလမ်းမှာ
လက်တွေ့ဘ၀နှင့် သက်ဆိုင်သည့်ဥပမာများ
သို့မဟုတ် သတင်းဆောင်းပါးများကို ပိုရုပ်လုံးကြွလာ စေရေးအတွက်
ကျောထောက်နောက်ခံပြုရန်ဖြစ်သည်။
သတင်းတပုဒ်၌ပါဝင်သော ကိန်းဂဏန်းအချက်အလက်များသည်
ယင်းသတင်းကိုရယူသော
သတင်းရပ်ကွက်၌ Source အပေါ်မူတည်၍ အခြား သတင်းတူ တပုဒ်၌ ပါဝင်သောအချက်အလက်များနှင့်
မတူကွဲပြားလေ့ရှိသည်။ ထို့ကြောင့် သင့်အနေနှင့် ကိန်းဂဏန်းအချက်အလက်များအား
အသုံးမပြုမှီ သင့်သတင်းရပ်ကွက်သည် စိတ်ချယုံကြည်ရသော သတင်းရပ်ကွက်ဖြစ် မဖြစ်နှင့်
ယင်းသတင်းရပ်ကွက်၏
နောက်ကွယ်မှစဉ်းစားချက်များကို သိရှိအောင်ကြိုးပမ်းရမည်ဖြစ်ပါသည်။


၉။
ပုံကြီးမချဲ့ပါနှင့်။ ။ရယ်စရာအတိုအထွာဖြစ်ရပ်များခေါ်
ပုံတိုပတ်စများ၊
အရောင်အသွေးအလင်းအမှိန်နှင့် စိတ်ဝင်စားစရာ အကိုးအကားများသည်
သတင်းဆောင်းပါးကောင်းတပုဒ်ဖြစ်ရန်အတွက် လွန်စွာအရေးကြီး သော်လည်း ယင်းတို့ကိုလိုအပ်သည်ထက်ပို၍
ထည့်ခြင်းဖြင့် ပိုမိုစိတ်လှုပ်ရှားဖွယ်မဖြစ်စေရန် သို့မဟုတ်
ပုံကြီးမချဲ့မိစေရန် ကြိုးပမ်းရမည်ဖြစ်သည်။
အိတ်ခ်ျအိုင်ဗွီ
/အေအိုင်ဒီအက်စ်နှင့်
ပတ်သက်၍
သတင်းရေးသား
ရာ၌ ပုံကြီးချဲ့ရန်လွန်စွာလွယ်ကူပါသည်။


အိတ်ခ်ျအိုင်ဗွီ/အေအိုင်ဒီအက်စ်နှင့်ပတ်သက်သော သတင်းအချက်အလက်များသည်
တိကျရှင်းလင်းရမည်ဖြစ်ပြီး ယင်းနှင့်ဆက်နွယ်သည့်
သတင်းဆောင်းပါးသည်လည်း
အိတ်ခ်ျအိုင်ဗွီနှင့်နေထိုင်နေသူများကို မထိ ခိုက်စေသော၊
အားလုံးအတွက်သမာသမတ်ဖြစ်သော
သတင်းဆောင်းပါးမျိုးဖြစ်ရမည်။
အချို့စာနယ်ဇင်းသမားများအနေနှင့် ၄င်းတို့၏သတင်းဆောင်းပါးများသည် အိတ်ခ်ျအိုင်ဗွီနှင့်နေထိုင်နေသူများအား
ထိခိုက်စေ သည်ကိုမသိပဲ
အိတ်ခ်ျအိုင်ဗွီ/အေအိုင်ဒီအက်စ်နှင့်ပတ်သက်၍ လူအများသိလာစေရန်သာ ကြိုးစားတင်ပြလေ့ရှိသည်။
ထိုသို့တင်ပြခြင်းသည် အခြေအနေအများအပြားတွင်
အဆင်ပြေမှုရှိသော်လည်း
အိတ်ခ်ျအိုင်ဗွီနှင့် နေထိုင်နေသူများအတွက်
ရေရှည်တွင်ပြောရဲဆိုရဲဖြစ်လာစေရန် တွန်းအားဖြစ်စေမည်မဟုတ်ပါ။ 


၁၀။
ကောင်းမွန်သည့် သတင်းတည်ဆောက်ပုံ
(Good Structure)  ။ဘယ်သူလဲ၊ ဘာဖြစ်တာလဲ၊ ဘယ်အချိန်မှာဖြစ်တာလဲ၊ ဘယ်နေရာမှာဖြစ်တာလဲ၊ ဘာကြောင့်ဖြစ်တာလဲ၊
ဘယ်လိုဖြစ်တာလဲစသည့် အခြေခံစာ နယ်ဇင်းစည်းမျဉ်းများအတိုင်း
အမြဲဆောင်ရွက်ပါ။
မည်သည့်သတင်းဆောင်းပါးကိုမဆို ပြင်ဆင်ရာ၌ ယင်းစည်းမျဉ်းအတိုင်း
ခြောက်လုံးအတွက် အဖြေများပါဝင်အောင် ပြင်ဆင်ရမည်ဖြစ်သည်။ သတင်း ဆောင်းပါးကောင်းတပုဒ်သည်
ပုံမှန်အားဖြင့်
သတင်းတပုဒ်လုံးအားဖွင့်ချပြသည့်
ဆွဲဆောင်အား ကောင်းသောနိဒါန်းဖြင့်
အစချီလေ့ရှိပြီး ယင်းသတင်းနှင့်ဆက်နွယ်သည့် ဖြစ်ရပ်တို၊ အကိုးအကားများ၊
နောက်ခံအချက် အလက်များ၊
ဖြစ်ပေါ်တိုးတက်မှုနှင့် ရှင်းပြချက်တို့ကိုမူ နောက်ပိုင်းစာပိုဒ်များတွင် ထည့်သွင်းလေ့ရှိသည်။ သတင်းဆောင်းပါး၏ နောက်ဆုံးအပိုင်းသည်
သက်ဆိုင်ရာဖြစ်ရပ်၏ အလားအလာ အခြေအနေနှင့်
သို့မဟုတ် စာဖတ်ပရိသတ်အတွက် စဉ်းစားစရာအချို့ ချန်ထား၍အဆုံးသတ်လေ့ရှိပါသည်။


ကောင်းမွန်သောဇာတ်လမ်း
သတင်းဆောင်းပါးရေးနည်းဆိုင်ရာ
စဉ်းစားစရာများ ဇာတ်လမ်းသတင်းဆောင်းပါးကောင်းတပုဒ်ရေးသားခြင်းသည် လွယ်ကူသည့်အရာမဟုတ်ပါ။


မကြာခဏဆိုသလို
မိမိတို့ကြုံရသည်မှာ မည်သည့်အရာက
ဇာတ်လမ်းကောင်း
ဟုပြောရန် ခက်ခဲခြင်းပင်ဖြစ်သည်။ သို့ရာတွင် ဖတ်ပြီးသည့်အခါ၌မူကား
ကောင်းမကောင်းသိလာပါသည်။ အဘယ့်ကြောင့်နည်း။ ဖြစ်နိုင်သည်မှာ
ဇာတ်လမ်းပါအကြောင်းအရာ Topic သည် မိမိနှင့် တိုက်ဆိုင်နေ၍သော်လည်းကောင်း သို့မဟုတ် ဇာတ်လမ်းအား ထူးဆန်းသောရှုထောင့်အသစ်မှ တင်ပြထားသဖြင့် လွန်စွာစိတ်ဝင်စားဖွယ်ဖြစ်နေ၍ သော်လည်းကောင်း
ဖြစ်နိုင်ပါသည်။ တချိန်တည်းမှာပင်
မိမိတို့စိတ်ဝင်စားသော ဇာတ်လမ်းသတင်း ဆောင်းပါးများ
အားလုံးသည် မိမိတို့စိတ်ထဲတွင်
အမြဲစွဲနေသည် မဟုတ်ဆိုသည်ကိုလည်း ၀န်ခံရမည်ဖြစ်ပါသည်။


ဇာတ်လမ်းသတင်းဆောင်းပါးကောင်းတပုဒ်ကို
ဖတ်ပြီးသည့်အခါ၌
စိတ်ဝင်စားဖွယ်ကောင်းသည်ဟု မိမိတို့ပထမဆုံး မှတ်ချက်ပေးကြပါသည်။ စိတ်ဝင်စားဖွယ်ကောင်းသည်ဆိုခြင်းမှာ ဤဇာတ်လမ်းကိုဖတ်ရတာ ပျော်စရာကောင်းသည်ဟု အဓိပ္ပာယ်ပြန်နိုင်ပါသည်။ ထိုသို့ဖြစ်ရခြင်းမှာ
ဇာတ်လမ်းပါအကြောင်းအရာသည်
မိမိတို့နှင့်တိုက်ဆိုင်နေခြင်းတခုတည်းကြောင့် လုံးဝမဖြစ်နိုင်ပါ။
ဇာတ်လမ်းသတင်း ဆောင်းပါးအရေး ကောင်းသူသည် သူ၏စိတ်ဝင်စားဖွယ်တင်ပြပုံနှင့်
မိမိတို့ကို ပြုံးပျော်လာအောင် ဖန်တီးနိုင်သည့်အပြင်
မိတ်ဆွေတယောက်ကိုပြောပြနေဟန်
စကားပြောပုံစံနှင့် ရေးသားထားသည့် သူ့ဇာတ်လမ်းကို
ဆက်ဖတ်လေလေ မိမိတို့ကိုယ်မိမိတို့
ဇာတ်လမ်းအစိတ်အပိုင်းတခုအဖြစ်
ခံစားရလေလေဖြစ်လာအောင် ပြုလုပ်နိုင်သောကြောင့်ပါ
အထက်ပါထင်မြင်ချက်ကို
မိမိတို့ပေးကြခြင်းဖြစ်သည်။


စာရေးသူသည်
ဇာတ်လမ်းသတင်းဆောင်းပါး ရေးသားမှုပုံစံထဲ၌
ဇာတ်လမ်း၏ အလင်းအမှိန်ကို ဖြည့်စွမ်းနိုင်သည့်အပြင်
မိမိဇာတ်ဆောင်များ၏ စရိုက်မှန်ကိုဖော်ပြသည့်
  ၄င်းတို့နှင့်သက်ဆိုင်သောအတိုအထွာ အ ကြောင်းအရာလေးများကိုပါ ထည့်သွင်းနိုင်ပါသည်။ ယင်းအတိုအထွာ
အပိုင်းအစကလေးများသည် ဇာတ်လမ်းကိုရုပ်လုံးကြွလာစေသည့်အပြင်
မိမိဇာတ်လမ်းအား ပျင်းရိငြီးငွေ့စရာ အချက်အလက်အခြေခံတင်ပြမှုမှ
စိတ်ဝင်စားစရာ
အသက်ဝင်ဇာတ်လမ်းတပုဒ်အဖြစ်သို့
ပြောင်းလဲစေနိုင်ပေသည်။


အထက်ဖော်ပြပါအကြောင်းအရာများသည် ဇာတ်လမ်းသတင်းဆောင်းပါးနှင့်ပတ်သက်၍
မိမိလိုရာဖန်တီးနိုင်သော အချက်အလက်များဖြစ်သည်။
သို့ရာတွင် ဇာတ်လမ်းသတင်းဆောင်းပါး
ရေးသားရာ၌ အောက်ဖော်ပြ ပါ
နည်းပညာဆိုင်ရာစည်းမျဉ်းများအတိုင်း လိုက်နာဆောင်ရွက်ရန် အရေးကြီးသည်။


- အကြောင်းအရာကောင်း ရွေးချယ်ပါ


- ကျယ်ပြန့်သည့် လူမှုရေးဆိုင်ရာကိစ္စရပ်များ အထူးသဖြင့်လတ်တလော
အငြင်းအခုံဖြစ်နေသောကိစ္စရပ်များသည်
ဇာတ်လမ်းသတင်းဆောင်းပါးရေးရန် ကောင်းမွန်သောအကြောင်းအရာများဖြစ်သည်။ ထိုကိစ္စရပ် များအား
မိမိတင်ပြလိုသည့်ရှုထောင့်မှ တင်ပြနိုင်ရန်အတွက်
ပြင်ဆင်မှုများလုပ်ရန်လည်း လိုအပ်ပါသည်။


-
မိမိစိတ်ဝင်စားသော အကြောင်းအရာကိုရွေးချယ်ပါ။ မိမိစိတ်မ၀င်စားပါက
မိမိစာဖတ်ပရိသတ် စိတ်ဝင်စားရန်
အခက်အခဲရှိပါသည်။ မိမိစိတ်ဝင်စားသည့် အကြောင်းအရာသည်
အသစ်ဖြစ်စရာမလိုပါ၊ သို့သော်
မိမိ ချဉ်းကပ်မှုသည် အသစ်ဖြစ်ရန်လိုပေသည်။ မိမိရွေးချယ်သောကိစ္စရပ်များသည် အခြားသူများတင်ပြပြီးသားကိစ္စများ
ဖြစ်နေနိုင်ပါသည်။ မိမိတင်ပြမည့် ကိစ္စရပ်အတွက်
လိုအပ်သည့်အချက်အလက်များရယူရန် သတင်းရပ်ကွက်အမှန်
ရှာဖွေနိုင်ခြင်းသည်သာ
မိမိအောင်မြင်မှု၏ နောက်ထပ်အဆင့်တခုဖြစ်ပါသည်။


-
မှတ်စုစာအုပ်ကိုအမြဲတမ်း မိမိနှင့်အတူထားပါ။ မိမိကြုံတွေ့ရသည့်
အလေးထားဖွယ်ကောင်းသော လူပုဂ္ဂိုလ်များ၊
နေရာများ၊ အဖြစ်အပျက်များ စသည်တို့ကို အသေးစိတ်ရေးမှတ်ပါ။ ဇာတ်လမ်းသတင်းဆောင်းပါးအ တွက်
စဉ်းစားချက်သည် မည်သည့်နေရာကမဆို လာနိုင်ပါသည်။
မိမိပရိသတ်နှင့် မိမိစာစောင်၏ပစ်မှတ်ကိုသိခြင်းသည်
မိမိတင်ပြလိုသည့်အကြောင်းအရာ၏
ဦးတည်ချက်ကို တဖြည်းဖြည်းချုံ့ယူနိုင်ရန် အကူအညီ ပေးပါလိမ့်မည်။


- ကောင်းမွန်သောနိဒါန်းမွန်ဖြင့် စာဖတ်သူ၏ စိတ်ဝင်စားမှုကို အရယူပါ၊
ဆက်ထိန်းထားပါ၊


- ရှေ့တွင်ဖော်ပြခဲ့ပြီးသည့်အတိုင်း နိဒါန်းကောင်းသည်
မိမိသတင်းဆောင်းပါးအတွက် အရေးအကြီးဆုံးဖြစ်ပါသည်။ ယင်းသည်
စာဖတ်ပရိသတ်အား မိမိတင်ဆက်သည့် ရုပ်ရှင်ကို
လျှပ်တပြက်ပြသသကဲ့သို့ဖြစ် ပါသည်။ မိမိ၏စာဖတ်ပရိသတ်အားစွဲဆောင်နိုင်ပြီး ၄င်းတို့၏စိတ်ဝင်စားမှုကို
ထိန်းထားနိုင်သည့်နည်းလမ်းများစွာရှိပါသည်။


၁။
ဆန်းဆန်းပြားပြားတခုဖန်တီးပါ။ ။
မိမိဇာတ်လမ်းနောက်ပိုင်းတွင် တင်ပြမည့်အကြောင်းအရာ အသေးစိတ်
သို့မဟုတ်
ယင်းနှင့်ပတ်သက်သည့်
သဲလွန်စကိုတင်ပြခြင်းဖြင့် ပရိသတ်ကိုစိတ်ဝင်စားအောင်လုပ်ပါ။


၂။
ပြက်ပြက်ထင်ထင်ဖြစ်ပါစေ။
  ။ အဖြစ်အပျက်တခု သို့မဟုတ် လူပုဂ္ဂိုလ်တယောက်အကြောင်း အသေးစိတ်
ဆန်ဆန် ဖော်ပြရေးသားပါ။


၃။
ပုဂ္ဂိုလ်ရေးခံစားချက်များ ရယူပါ။
  ။ အကယ်၍ မိမိအနေနှင့် အဖြစ်အပျက်တခုအား မိမိမျက်မြင်ကြုံတွေ့ရသကဲ့သို့
ပီပီပြင်ပြင်တင်ပြနိုင်ပါက စာဖတ်ပရိသတ်သည်
မိမိမြင်သလိုမျိုး မြင်ပါလိမ့်မည်။


၎။
သက်ဆိုင်သည့်အကိုးအကား။
  ။ အကြောင်းအရာခေါင်းစဉ်မှ အကိုးအကားတခုဖြင့် အစပြုပါ။


- မရေးသားမှီ မိမိဇာတ်လမ်းကို ပုံကြမ်းဖော်ပါ။


- အလုပ်သည် စာနယ်ဇင်းသမားအများအပြား အထူးသဖြင့်
စာနယ်ဇင်းကျောင်းဆင်းမဟုတ်သူများအတွက် အလွန်ခက်ခဲသောအရာတခု
ဖြစ်နိုင်ပါသည်။ စာနယ်ဇင်းသမားများအနေနှင့်
ကိုယ်ကိုယ်တိုင် ရေးမှတ်ထား သောမှတ်စုများကို ပြန်မကြည့်တော့ဘဲ
ဦးနှောက်ထဲတွင်ရှိသော အကိုးအကားများ၊
အချက်အလက်အသေးစိတ်များကိုအသုံးပြုကာ
သတင်းဆောင်းပါးများချက်ချင်းရေးလိုကြပါသည်။
ဤနည်းသည် လတ်တလောဖြစ် ပေါ်သည့် ကိစ္စနှင့်ပတ်သက်သော
သတင်းဆောင်းပါးရေးရာတွင် တခါတရံအဆင်ပြေသော်လည်း
ဇာတ်လမ်းသတင်းဆောင်းပါးရေးရာ၌
အကျိုးမရှိပါ။

 

အစရှိလျှင် အလယ်နှင့်အဆုံးလည်းရှိပါသည်။
သို့သော်ပြောသလောက်မလွယ်ပါ။ ဇာတ်လမ်းသတင်းဆောင်းပါးကောင်းတပုဒ်အတွက်
ဇာတ်လမ်းဖွဲ့စည်းမှုပုံစံကောင်းတခု
မဖြစ်မနေလိုအပ်ပါသည်။ ဇာတ်လမ်းသတင်း ဆောင်းပါး၌
သာမန်သတင်းရေးနည်း (ပိရမစ်ပြောင်းပြန်) စည်းမျဉ်းမျိုး မည်သည့်စည်းမျဉ်းမျှမရှိပါ။ ယင်းအား ရိုးရှင်းသောဖော်မြူလာ (ဖြစ်ရပ်အစဉ်အတိုင်း) ရေးသားနိုင်ပါသည်။ လူပုဂ္ဂိုလ်တဦးတယောက်၏ ဘ၀ ဇာတ်လမ်း
သို့မဟုတ် နေ့စဉ်ဘ၀ကိုဖော်ပြခြင်းသည်လည်း
မိမိသတင်းဆောင်းပါးကို အခြားသူများနှင့်နီးစပ်စေပြီး
မိမိဇာတ်လမ်းကို
ရုပ်လုံးကြွစေသည့်
အလွန်ကောင်းမွန်သော နည်းလမ်းတခုဖြစ်သည်။

 

မိမိသတင်းဆောင်းပါး၏
ဦးတည်ရာကိုတွေ့ပြီးပါက
မည့်သည့်အချက်အလက်ထည့်သွင်း မသွင်းကို ပိုမိုလွယ်ကူစွာ စီစဉ်နိုင်ပေမည်။

 

- အချက်တချက်
စာတကြောင်း၊
အချက်တချက် စာတပိုဒ်


မိမိဇာတ်လမ်းကို
ပုံကြမ်းဖော်ရာ၌
ဇာတ်လမ်းပါခေါင်းစဉ်တခုချင်းအား
သီးခြားစာပိုဒ်တခုချင်းစီတွင် ထည့်သွင်းရေးသားရမည်ကို
သတိပြုပါ။ စာပိုဒ်တခုနှင့် တခု
အကူးအပြောင်း ချောချောမွေ့မွေ့ဖြစ်စေရေးအတွက်
စာပိုဒ်တခုပါအကြောင်းအရာသည်
နောက်စာပိုဒ်ပါ အကြောင်းအရာနှင့်
အဆက်အစပ်ရှိရမည်ဖြစ်သည်။ စာပိုဒ်အသစ်တွင်
အချက်အလက်အသစ်ထည့်သင့်ပြီး
ယင်းအချက်အလက်သည် ပြီးခဲ့သည့် စာပိုဒ်ပါအချက် အလက်နှင့် တစုံတရာဆက်စပ်မှုရှိရမည်ဖြစ်သည်။
မိမိတင်ပြလိုသောအကြောင်းအရာများသည် ရှေ့သွားနောက်ပြန်ဖြစ်နေပါက
မိမိသတင်းဆောင်းပါး၏ ဦးတည်ရာကို အားနည်းစေသည့်အပြင် စာဖတ်သူအား
စိတ် အနှောက်အယှက် ရစေသည်သာမက
မိမိပရိသတ်ပါ ဆုံးရှုံးစေသည်။ ထိုသို့ဖြစ်ပါက
မိမိပေးလိုသောသတင်းစကားကို ပရိသတ်ထံ
အရောက်ပေးနိုင်လိမ့်မည်မဟုတ်။


- ရှေ့ကိုသွားပါ


ဇာတ်ကွက်ကို
မည်သို့ပင်ဖန်တီးစေကာမူ မိမိသတင်းဆောင်းပါးသည်
ရှေ့သို့ရွေ့သော
ဆောင်းပါးမျိုးဖြစ်ရပါလိမ့်မည်။ မိမိသတင်းဆောင်းပါး၏ အရှိန်နှင့်ဦးတည်ရာတို့ကို
သဟဇာတဖြစ်နေရေးအတွက် စာဖတ်ပရိ သတ်ကို မိမိသတင်းဆောင်းပါးနိဂုံးအထိ
လမ်းညွှန်ပေးရမည်ဖြစ်သည်။ အကယ်၍
မိမိတင်ပြလိုသည့် အကြောင်းအရာများသည် ပြန့်ကျဲနေပါက
မိမိသတင်းဆောင်းပါးသည် မိမိ၏ရည်ရွယ်ချက်နှင့်
လွဲချော်သွားပါ လိမ့်မည်။
(ထိုသို့ဖြစ်ခြင်းသည်မိမိ၌ မိမိသတင်းဆောင်းပါး၏
ဦးတည်ချက်မရှိသေးဟု အဓိပ္ပာယ်ရသည်။ မိမိသတင်းဆောင်းပါးအား
ပုံကြမ်းပြန်ဖော်သင့်သည်။)


-
ထပ်တလဲလဲတင်ပြမှုကို ရှောင်ရှားပါ


အချက်အလက်များ ထပ်တလဲလဲတင်ပြခြင်းနှင့် မိမိစဉ်းစားချက်များအား တခုထက်ပိုသောစာပိုဒ်များအတွင်း
ထည့်သွင်းတင်ပြခြင်းတို့သည် မိမိစာဖတ်ပရိသတ်၏အချိန်နှင့် မိမိသတင်းဆောင်းပါးပါ
စိတ်ဝင်စားဖွယ်
သတင်းအချက်အလက်များအတွက် နေရာတို့ကို ဖြုန်းတီးရာရောက်ပါသည်။
စာနယ်ဇင်းသမားများတွင်
စာဖတ်ပရိသတ်ကို ဆွဲဆောင်နိုင်မည့် အကိုးအကားကောင်း၊ ထင်မြင်ချက်နှင့် သတင်းအချက်အလက်များ အလုံ
အလောက်မရှိ
သည့်အခါမျိုး ထပ်တလဲလဲတင်ပြမှု ဖြစ်နိုင်ပါသည်။


အချက်အလက်များလိုအပ်ပါက
မေးခွန်းများမေးရန်
မိမိ၏သတင်းရပ်ကွက်များသို့
အမြဲတမ်းပြန်သွားနိုင်သည်ကို သတိချပ်စေလိုပါသည်။ မိမိအနေနှင့်
သတင်းဆောင်းပါးတပုဒ်ဖန်တီးရန်အတွက်
သတင်းအချက်အ လက်ပိုလိုအပ်သည်ဟုယူဆပါက
မရှက်ပါနှင့်။ မိမိ၏သတင်းရပ်ကွက်သည် မိမိမေးခွန်းများကိုလိုလိုလားလားနှင့် ထပ်အဖြေပေးလိမ့်မည်ဖြစ်ပြီး လူထုထံသို့တိကျရှင်းလင်းသော
သတင်းစကားပါးနိုင်မည့်
သတင်း ဆာင်းပါးကောင်း တပုဒ်ကိုလည်း တွေ့မြင်လိုပါလိမ့်မည်။


- ထိုးထွင်းဥာဏ်ပေးပါ


ဇာတ်လမ်းသတင်းဆောင်းပါးကောင်းတပုဒ်သည်
စာဖတ်ပရိသတ်အား
ယင်းဇာတ်လမ်းမှ
စဉ်းစားစရာတခုခုဖြစ်စေ၊ ပိုမိုကောင်းမွန်သော နားလည်မှုတခုခုဖြစ်စေ၊
အနာဂတ်တွင် ဆက်လက်အာရုံစိုက်သင့်သည့်
စိတ် ၀င်စားဖွယ်ကိစ္စရပ်တခုဖြစ်စေ စသည်ဖြင့်
၎င်းတို့တစုံတရာ လေ့လာရသည်ဟူသော ခံစားချက်တခုကို
ပေးနိုင်ပါသည်။


စာဖတ်သူအားထိုသို့သောခံစားချက်မျိုးကိုပေးနိုင်ရန်အတွက် မိမိအနေနှင် မိမိ၏ဇာတ်လမ်းကို
သတိထား၍အဆုံးသတ်ရမည်ဖြစ်သည်။ ဇာတ်လမ်း၏အဆုံးပိုင်းအား တိကျသည့်နိဂုံးချုပ်ချက်သို့မဟုတ်
ကြိုတင်ခန့်မှန်း ချက်ဖြင့်
အဆုံးသတ်စရာမလိုပါ။ အချို့သောဇာတ်လမ်းများတွင် စာဖတ်ပရိသတ်စိတ်ကူးနိုင်ရန်။ မျှော်လင့်နိုင်ရန်နှင့်
ခံစားနိုင်ရန်တို့တွက် နိဂုံးပိုင်းကိုဖွင့်ထားခဲ့ခြင်းက
ပိုကောင်းပါသည်။
ကောင်းမွန်သောနိဂုံးချုပ် ချက် ဖြစ်စေရန်အတွက် မည်သည့်စည်းမျဉ်းမျှ
ပြဌန်းထားခြင်းမရှိပါ။ မိမိအနေနှင့်စာဖတ်
သူခံစားချက်တွင် မိမိဇာတ်လမ်း သတင်းဆောင်ပါးသည်
ရှေသို့ချီတက်နေသည်ဟူသော
အမြင်ရှိလာစေရေးအတွက်သာ ကြိုးပမ်းသွားရန် လိုပါသည်။


သတိပြုစရာ။
။မည်သည့်ရေးဟန်နှင့်ရေးရေး
ဇာတ်လမ်းသတင်းဆောင်းပါးကို စ၊ လယ်၊ ဆုံး
ကျိုးကြောင်းဆီလျော်စွာ သဘာဝကျကျ ရေးသားရမည် ဖြစ်ပါသည်။
ထို့ကြောင့်
ဇာတ်လမ်းဇာတ်ကွက်ပုံစံကောင်းတခုကို ဂရုတစိုက်ကြိုတင်ပြင်ဆင်ရန်
လွန်စွာအရေးကြီးလှပါသည်။ စိတ်ဝင်စားစရာကောင်းသော်ငြား
စိတ်ရှုပ်စရာဖြစ်စေသော
သတင်းဆောင်းပါးတပုဒ်သည် အဆုံး၌မိမိစာဖတ်ပရိသတ်ကို ပျင်းရိမှုနှင့်ခံပြင်းမှုများသာပေးပါ လိမ့်မည်။

Leave a Reply

Your email address will not be published. Required fields are marked *

Captcha *

Follow me on:

Back to Top