19
Apr

AIDS ရောဂါ အကြောင်း (၈)

AIDS ဖြစ်ပြီး ဘယ်လောက်ကြာကြာ အသက်ရှင်နေကြသလဲဆိုတာ လေ့လာကြည့်တော့ နယူးယောက်ရှိ AIDS လူနာ ၅၈၃၃ ဦးထဲမှာ ၁၅% ဟာ ၅ နှစ်အထိ နေကြရတယ်။ ဒီအုပ်စုကို စေ့စေ့စပ်စပ် စစ်တမ်းထုတ်လိုက်တော့ သူတို့ဟာ အသက်ငယ်သူ အမျိုးသားများပြီး လူဖြူတွေထဲက ဖြစ်ကြတယ်။ ကာပိုစီဆာကိုးမား (K.S Kaposi Sarcoma) ဆိုတဲ့ အရေပြားကင်ဆာ ရှိတဲ့သူတွေ ဖြစ်ပြီး တစ်ခြား AIDS မှာ အဖြစ်များတဲ့ အဆုတ်ရောင်ရောဂါ မဖြစ်ကြသူတွေ ဆိုတာ တွေ့ရတယ်။

အသက်ကြီးသူ အမျိုးသမီး ဖြစ်ပြီး၊ လူဖြူမဟုတ်သူ အုပ်စုတွေက အဲဒီ အဆုတ်ရောင်ရောဂါပိုဖြစ်ပြီး မြန်မြန်သေကြတယ်။ ခြုံပြီး သုံးသပ်ရရင်တော့ အသက်ရှင်လျက် ပိုပြီး ကြာကြာနေဖို့ရာအတွက်မှာ AIDS ဖြစ်နေသူရဲ့ ပတ်ဝန်းကျင်က ပေးနိုင်တဲ့ အထောက်အပံ့နဲ့ ကျန်းမာရေး စောင့်ရှောက်မှု အခွင့်အရေး ပိုကောင်းခြင်းတို့ဟာ အရေးပါတဲ့ အချက်တွေဆိုတာ ထင်ရှားပါတယ်။

ယေဘုယျအားဖြင့် ဆိုရင်တော့ AIDS ရောဂါစစ်စစ် ဖြစ်နေပြီလို့ သိရတဲ့ အချိန်ကစပြီး ရေတွက်ရင် ၅၀% တို့ဟာ ၁၈ လ အတွင်းမှာ သေကြတယ်။ ၁၈ လ ထက်ပိုပြီးနေရတဲ့  သူတွေ နည်းနည်းလောက်တော့ တွေ့ထားပါတယ်။ ထုံးစံအတိုင်း ခြွင်းချက်ဆိုတာတော့ ရှိမှာပေါ့။ ဒီလူတွေဟာ ဘာကြောင့်များ အခြားသူတွေထက် ပိုပြီးအသက်ရှင် နေကြရတာလဲ ဆိုတာကို လေ့လာကြည့်တော့ တူညီချက် အချို့တွေကို ဖော်ထုတ်နိုင်ခဲ့တယ်။

ဒါတွေကတော့ -
- ဒီအုပ်စုမှာ အများစုဟာ (K.S=Kaposi Sarcoma) ကာပိုဆီဆာကိုးမား အရေပြားကင်ဆာ တစ်မျိုးသာ ရှိပြီး (အထက်မှာ ကြည့်ပါ) အခြားရောဂါရဲ့ သင်္ကေတတွေဖြစ်တဲ့ သာယာစီးပိုးတွေ ဝင်လာပြီး ရောဂါ ပေးမှုတွေ နည်းတယ်။
- AIDS ရှိမှန်း စောစော သိကြတယ်။
- ဆေးနဲ့ အခြားကျန်းမာရေး စောင့်ရှောက်မှု အခွင့်အရေးကို အပြည့်အဝ ခံစားနိုင်ခွင့်ရှိသူများ ဖြစ်တယ်။ (တစ်နည်းဆိုရင် အသိစိတ်လည်း ရှိပြီး ငွေကြေးတတ်နိုင်သူတွေ ဖြစ်တယ်)
- သူတို့ကိုယ် သူတို့ “ငါတော့ မသေသေးဘူး၊ သေကို မသေဘူး၊ ရှင်နေရအောင် မဖြစ်မနေ ကြိုးစားမယ်” ဆိုတဲ့ ဇွဲလုံ့လ ရှိကြသူများ ဖြစ်တယ်။ မျှော်လင့်ချက်ကို မစွန့်လွှတ် အမြဲလက်ကိုင်ထားပြီး အကောင်းဘက်ကိုသာ အသားပေးပြီး တွေးတယ်။ လုပ်ဆောင်တယ်။ စစ်မရောက်ခင် မြားကုန်တဲ့ ခံယူချက်မျိုး မရှိဘူး။
- မိသားစု ဆွေမျိုး မိတ်ဆွေတွေရဲ့ ပံ့ပိုးမှုနဲ့ အားပေးမှုကို ကောင်းကောင်းနဲ့ ပြည့်ဝစွာ ရကြသူတွေ ဖြစ်တယ်။
- သူတို့ကိုယ်ကို သူတို့ အထူးဝီရိယစိုက်ပြီး နေထိုင်စားသောက်မှုကို ပြုပြင်လိုက်နာကြသူတွေ ဖြစ်တယ်။ ဥပမာ အရက်၊ ကော်ဖီ စသည်တို့ကို ရှောင်ပြီး သဘာဝ အာဟာရပစ္စည်း လက်ဆတ်တဲ့ အသီးအနှံတို့ကို မှီဝဲကြတယ်။ နောက် စိတ်ဝင်စားစရာ အချက်ကတော့ ဒီအုပ်စုထဲက တော်တော်များများဟာ သမရိုးကျ ကုထုံးအပြင် အခြားကုထုံးနည်းများ အပေါ် စိတ်ဝင်စားပြီး ကုသမှု ခံယူကြတယ်။ ဥပမာ ဆေးအပ်စိုက်ခြင်း စသည်တို့ကို လုပ်ကြတယ်။
- အရေးကြီးတဲ့ အချက်တစ်ခုကတော့ ဒီလူအားလုံးဟာ မျှော်လင့်ချက်ထားရှိရေး စိတ်ဓာတ်မြှင့်တင်ရေး၊ စိတ်ဓာတ်ကြံ့ခိုင်မှု အတွက် လေ့ကျင့်ပေးရေးအတွက် AIDS လူနာ အချင်းချင်း ဖွဲ့ထားသော အဖွဲ့အစည်း၊ စိတ်ရင့် သန်လာရေးကို ရည်စူးသော လေ့ကျင့်မှု လုပ်ငန်းနှင့် အခြားခြားသော ပံ့ပိုးမှုများပေးနေတဲ့ အဖွဲ့အစည်းများမှာ ပါဝင်ပြီး စိတ်အားထက်သန်စွာ ဆင်နွှဲကြတယ်။ (လူနာ ထောက်ပံ့မှု ပေးရေးအဖွဲ့တွေ အခုတော်တော်များများ အနောက်နိုင်ငံတွေမှာ ရှိတယ်) ဒါပြင် အခြား ကူညီမှုပေးတဲ့ လူပုဂ္ဂိုလ်များ ကူညီမှုနဲ့ အခါအားလျော်စွာ တွေ့ကြုံလာတဲ့ အခွင့်အရေး အမျိုးမျိုးတို့ကို စေ့စေ့စပ်စပ် လေ့လာပြီး အပြည့်အဝ အသုံးချကြတယ်။

တစ်နည်းပြောရရင်တော့ လူမှာ “ကိုယ်” နဲ့ “စိတ်” ၂ ပိုင်းရှိရာမှာ ခန္ဓာကိုယ် အပိုင်းကြီးကိုသာ အလေးပေးမနေပဲ စိတ်ပိုင်းဆိုင်ရာကိုလည်း အလေးထားပြီး ကုသခြင်း ဖြစ်တယ်လို့ ဆိုရမယ်။ “စိတ်သာလျှင် ပဓာန” "Mind Over Body" ဆိုတဲ့ ခံယူချက်ကို လက်တွေ့ကျကျ အကောင်အထည်ဖော်ကြတယ်။ တကယ်ပြင်းပြတဲ့ စိတ်ဓာတ်နဲ့ စန်စ်တကျ ဇယားဆွဲပြီး စွဲစွဲမြဲမြဲ ဇွဲနဲ့ လုပ်ကြတယ်။ ဒီလို လူနာတွေက ကိုယ့်ကိုယ်ကို တိုးတက်အောင် ကြိုးပမ်းမှု လုပ်ရာမှာ လွယ်ကူအောင်၊ လုပ်ချစ်စိတ်တွေ အရှိန်မကျသွားအောင် စိတ်ပျက်ပြီး ဆက်မလုပ်လိုတော့ပဲ ရောဂါနဲ့ လောကကို အရှုံးပေးချင်တဲ့ စိတ်တွေ လွှမ်းမိုး မသွားရအောင် ပြင်ပနဲ့ ဝတ်ဝန်းကျင်မှ ပံ့ပိုးအားပေးမှုတွေ အင်မတန် လိုပါတယ်။

ဒီလို ပံ့ပိုးမှုမျိုး ပေးနိုင်ပါတယ်လို့ လက်တွေ့မှာ သိထားရတဲ့နည်း တစ်နည်းကတော့ ဘဝတူချင်း မှန်မှန်တွေ့ဆုံ၊ တစ်ဦးကို တစ်ဦး အားပေး၊ အတွေ့အကြုံခြင်း ဖလှယ်တာမျိုးကို မှန်မှန်လုပ်ပေးခြင်းပဲ။ ဒီတော့ AIDS ရောဂါရှင် အသင်းများဖွဲ့ပြီး တက်ကြွစွာ ပါဝင်ခြင်း၊ ပတ်ဝန်းကျင် အသိုင်းအဝိုင်းတွေကလည်း တတ်နိုင်သလောက် လူမှုဝန်ထမ်း အလုပ်တာဝန် တစ်ခုအနေနဲ့ မြင်ပြီး ကူညီးေးကြတယ်။ AIDS ရောဂါကို ကျော်နိုင်ခဲ့တဲ့ ဥပမာကလေး (၂) ခု ၂ ယောက် အကြောင်း တင်ပြချင်ပါတယ်။

ဒေါက်တာ ဒေါ်မြင့်မြင့်ခင် ရေးသားသော “လူတိုင်းအတွက် ထိုးတဲ့ ခေါင်းလောင်း” စာအုပ်မှ ပြန်လည်ရေးသား ဖော်ပြထားခြင်း ဖြစ်ပါသည်။

Leave a Reply

Your email address will not be published. Required fields are marked *

Captcha *

Follow me on:

Back to Top