မြန်မာနိုင်ငံမြောက်ပိုင်း
ကချင်ပြည်နယ်က အပစ်ရပ်လက်နက်ကိုင် တိုင်းရင်းသား အဖွဲ့တွေ ထိန်းချုပ်တဲ့ ဒေသတွေမှာ
HIV ဗိုင်းရပ်စ် ကူးစက်မှုတွေ ဆိုးဝါးနေပါတယ်။
ကချင်ပြည်နယ်ဟာ
HIV ဗိုင်းရပ်စ် ကူးစက်မှု တခြားဒေသတွေထက် ပိုများတဲ့ အကြောင်း မြန်မာနိုင်ငံမှာ
HIV ဗိုင်းရပ်စ် ကူးစက်သူတွေကို အကူအညီတွေ ပေးနေတဲ့ NLD လူငယ် ကိုရာဇာက ဘီဘီစီကို ပြောပါတယ်။
ကိုရာဇာက
သူတို့ဆီကို လာရောက် ဆက်သွယ်တဲ့ HIV ဗိုင်းရပ်စ် ကူးစက်ခံရသူ လူနာအရေအတွက် အချိုးအစားနဲ့
AZG လိုအဖွဲ့တွေက ထုတ်ပြန်တဲ့ အစီရင်ခံစာ တွေကို အခြေခံပြီး ကြည့်တဲ့အခါ ကချင်ပြည်နယ်ဟာ
HIV ဗိုင်းရပ်စ် ကူးစက်မှု တခြား ဒေသတွေထက် ပိုများနေတာ တွေ့ရတယ်လို့ ပြောပါတယ်။
ဒီလိုဖြစ်ရတာဟာ
ဒီဒေသမှာ လူငယ် အတော်များများဟာ မူးယစ်ဆေးဝါးကို ပေါ်ပေါ်ထင်ထင် သုံးစွဲတဲ့အထိ သုံးစွဲသူ
များနေကြောင်း တရုတ်ပြည်နဲ့ နီးတော့ တရုတ်ပြည်ကိုသွား လိင်အလုပ်သမား အဖြစ်လုပ်ကိုင်
ပြန်လာတော့ ဒီမှာ အိမ်ထောင်ပြု ဒီလိုနည်းတွေနဲ့ HIV ဗိုင်းရပ်စ် ကူးစက်မှု ဖြစ်တယ်လို့
ဆိုပါတယ်။
ကချင်ပြည်နယ်ထဲက
ကျောက်ထွက်တဲ့ဒေသ ဖားကန့်ကို တခြား မြန်မာပြည်အနှံ့က လူတွေ လာပြီး အလုပ်လုပ်ကိုင်ရင်း
ဒေသခံတွေနဲ့ အိမ်ထောင်ကျပြီး ဒီလိုနည်းနဲ့လည်း HIV ဗိုင်းရပ်စ် ကူးစက်မှု ဖြစ်စေတယ်လို့လည်း
ဆိုပါတယ်။
ဒေသခံ
ကချင်လူငယ်အဖွဲ့အစည်းတွေ အနေနဲ့လည်း သူတို့လူမှု အဖွဲ့အစည်းကို သူတို့ဖာသာ သူတို့ ကယ်တင်နိုင်ဖို့
ဆောင်ရွက် နေတာကိုလည်း တွေ့ရတယ်လို့ ဆိုပါတယ်။
ဒါပေမယ့်လည်း
အစိုးရကတော့ မူးယစ်ဆေး သုံးစွဲတဲ့ သူရှိရင် ဖမ်းဆီးထောင်ချတဲ့ အလုပ်ကလွဲပြီး ဒီရောဂါ
ကူးစက်နေမှုနဲ့ ပတ်သက်ပြီး တခြားဘယ်လိုမှ ဆောင်ရွက်ပေးတာ မတွေ့ရဘူးလို့ ဘီဘီစီကို ပြောပါတယ်။
၅
သြဂုတ်၊ ၂၀၁၀
