AIDS ရောဂါ ကုသနည်းများ

AIDS ရောဂါ ကုသနည်းမှာ -

၁။ အဓိက ကုထုံးများနှင့်

၂။ တွဲဖက်ကုထုံးများ ဟူ၍ နှစ်မျိုးရှိသည်။

အဓိကကုထုံးများ

၁။
HIV ပိုးကို နှိမ်နင်းနိုင်သော ဆေးဝါး Anti-retroviral drug (ARV) များ ပေးခြင်း။

AIDS ရောဂါကို အမြစ်ပြတ် ပျောက်ကင်းအောင် ကုသနိုင်သော
ဆေးဝါးများ မပေါ်ပေါက် သေးသော်လည်း သွေးထဲရှိ AIDS ပိုး ပမာဏကို သိသိသာသာ လျှော့ချ၊
သို့မဟုတ် လုံးဝနီးပါး မရှိအောင် ပြုလုပ်ပေးနိုင်သည့် ဆေးဝါး Anti-retroviral drug
(ARV) အမျိုးနှစ်ဆယ်ကို တွေ့ရှိပြီး AIDS ရောဂါကို ကုသရာတွင် အနောက် နိုင်ငံများ၌ ကျယ်ကျယ်
ပြန့်ပြန့် အသုံးချလျက် ရှိပါသည်။

၎င်းဆေးဝါးများကို ပုံမှန်မှီဝဲခြင်းဖြင့် AIDS အဆင့်သို့
မရောက်အောင် လူနာအများစုတွင် တားဆီးနိုင်ပြီး AIDS ကြောင့် သေဆုံးနှုန်းကို ကျဆင်းစေပါသည်။
သွေးထဲတွင် HIV ပိုးရှိသော်လည်း ၎င်းဆေးဝါးများကို မှီဝဲခြင်းကြောင့် ရောဂါရှိပြီးနောက်
အနှစ် ၂၀ တိုင် မည်သည့်ရောဂါ ဝေဒနာမှ မခံစားရဘဲ သာမန်လူ တစ်ယောက်လို သွားလာလုပ်ကိုင်နေသူ
များစွာ အနောက်နိုင်ငံများတွင် ရှိပါသည်။ ထို့ကြောင့် HIV သည် သေမိန့်မဟုတ်၊ ဆီးချို၊
သွေးတိုး ရောဂါများကဲ့သို့ နာတာရှည်ရောဂါ တစ်ခုသာဖြစ်သည်ဟု တချို့က ကြွေးကြော်ကြပါသည်။
အနေအထိုင် ဆင်ခြင်ခြင်း၊ Anti-retroviral drug (ARV) ဆေးဝါးများ မှီဝဲခြင်းဖြင့် နှစ်ပေါင်းများစွာ
ဆက်လက် အသက်ရှင်နေနိုင်ပါသည်။

သို့သော် ၎င်းဆေးဝါးများသည် ဈေးကြီးပါသည်။ အိန္ဒိယမှလာသော
ဆေးဝါးများကို မှီဝဲပါက တစ်လလျှင် သုံးသောင်းမှ ခုနှစ်သောင်းကျပ် အထိ ဆေးအမျိုးအစား
အပေါ်မူတည်၍ ကျသင့်ပါသည်။ ဆေး၏ ဘေးထွက် ဆိုးကျိုးများလည်း ရှိပါသည်။

၎င်းဆေးဝါးများမှာ -

Nucleoside reverse transcriptase inhibitors

(a)  Zidovudine (AZT) (Retrovir)

(b)  Didanosine (ddl) (Videx)

(c)  Zalcitabine (ddC) (Hivid)

(d)  Stavudine (d4T) (Zerit)

(e)  Lamivudine (3TC) (Epivir)

(f)  
Abacavir
(ABC) (Ziagen)

(g)  Emtricitabine (FTC)

(2) Non-Nucleoside reverse tarnscriptase
inhibitors

(a)  Nevirapine (Viramune)

(b)  Delavirdine (Rescriptor)

(c)  Efavirenz (Sustiva)

(3) Protease inhibitors

(a)  Indinavir (Crixivan)

(b)  Ritonavir (Norvir)

(c)  Saquinavir (Invirsae) (Fortovase)

(d)  Nelfinavir (Viracept)

(e)  Amprenavir (Agenerase)

(f)  
Lopinavir
(Kaletra)

(g)  Atazanavir (ATZ)

(h)  Fosamprenavir

(i)  
Darunavir

(j)  
Tipranavir

(4) Fusion Inhibitor

(a) Eufurvitide (T – 20)

(5) Nucleoside reverse trascriptase inhibitor

(a) Tenofovir (TFV)

(6) CCR5 antagonist

Maraviroc (MVC) Selzentry Inttgrase inhibitor
Raltegravir (RAL) Isentress တို့ဖြစ်ပါသည်။ ထိုဆေးဝါးများကို သောက်သုံးခြင်းဖြင့်
ခန္ဓာကိုယ်တွင်းရှိ ရောဂါခုခံအားကို တိုးတက်စေပါသည်။

၂။
အခြားသော ဆင့်ပွား ကူးစက်ရောဂါများကို ကုသခြင်း။

ဝေဒနာရှင်များသည် အခြားကူးစက်ရောဂါများ (ဥပမာ -
တီဘီ၊ မှက္ခရု၊ ဝမ်းလျှော ဝမ်းပျက်ရောဂါများ) ဆင့်ပွား ရရှိတတ်ပါသည်။ သက်ဆိုင်ရာ သင့်တော်မည့်
ဆေးဝါးများပေးခြင်းဖြင့် စောစီးစွာ ကုသမှုပေးရပါသည်။

၃။
ဆင့်ပွား ကင်ဆာရောဂါများကို ကုသခြင်း။

ဝေဒနာရှင်များသည် သာမန်လူများထက် ကင်ဆင်ရောဂါ ပိုမိုဖြစ်ပွားလေ့
ရှိပါသည်။ အများဆုံး ဖြစ်ပွားသည့် ကင်ဆာရောဂါ အမျိုးအစားမှာ အရေပြားကင်ဆာ (Kaposi
sarcoma) နှင့် (Lymphoma) ပြန်ရည်ကျိတ်ကင်ဆာ ရောဂါများဖြစ်သည်။ သက်ဆိုင်ရာ ကင်ဆာရောဂါကုဆေး
များပေးခြင်းဖြင့် ကုသမှုပေးရပါသည်။

၎။
လူနာအား ပြုစုစောင့်ရှောက်ခြင်း

ရောဂါသည် အလွယ်တကူ မကူးစက်နိုင်ပါ။ ထို့ကြောင့်
သာမန် လူမှုဆက်ဆံခြင်း၊ လူနာအား အစာကျွေးခြင်း၊ နေရာရွှေ့ပေးခြင်း၊ ပွန်းပဲ့ဒဏ်ရာမရှိသော
အရေပြားအား ကိုင်တွယ်ခြင်း၊ ရေချိုးခြင်းကို ထုံးစံအတိုင်း ပြုလုပ်ပေးနိုင်ပါသည်။

အိမ်သုံး ပန်းကန် ခွက်ယောက် များကို လူနာနှင့်မိသားစု
ပေါင်းသုံးနိုင်ပါသည်။ သွားတိုက်တံ၊ မုတ်ဆိတ်ရိတ်ဓား၊ မျက်နှာသုတ်ပဝါများကို လူနာနှင့်
မျှဝေမသုံးသင့်ပါ။ လူနာ၏ ခန္ဓာကိုယ်မှထွက်သော အရည် စွန်းပေသွားသော အဝတ်အစားနှင့် အိပ်ရာခင်းတို့ကို
အရောင်ချွတ်ဆေးမှုန့် အရည် (Bleach) တွင် မိနစ် ၃၀ စိမ်ပြီးမှ လျှော်ဖွပ်ရပါမည်။ ၎င်းအဝတ်အစားများကို
ကိုင်တွယ်ရာတွင်လည်းကောင်း ပြုစုသူ၏ လက်တွင် ထိခိုက်ဒဏ်ရာ ရရှိပါကလည်းကောင်း လက်အိတ်ကို
အသုံးပြုရပါမည်။

ရေချိုးခန်း အိမ်သာများကို အမြဲသန့်ရှင်းအောင် အရောင်ချွတ်ဆေးမှုန့်
ရည် (Bleach) ဖြင့် ဆေးကြောခြင်းဖြင့် အတူနေ မိသားစုအားလုံး သုံးစွဲနိုင်ပါသည်။

ဌက်ပျောဘူးပုလင်း နှစ်ပုလင်းစာ ရေထဲသို့ အရောင်ချွတ်ဆေးမှုန့်
ထမင်းစားဇွန်းတစ်ဇွန်း ထည့်မွှေခြင်းဖြင့် အသင့်အသုံးပြုရန် ၅ ရာခိုင်နှုန်း အရောင် ချွတ်ဆေးမှုန့်
အရည်ကို ရနိုင်ပါသည်။

လူနာ၏ အညစ်အကြေးများ စွန်းပေနေသော တစ်သျှူးစက္ကူများ၊
ပတ်တီး၊ ဂွမ်းများကို ပလတ်စတစ် အိတ်တွင် ထည့်၍ ကြိုးနှင့်ချည်ပြီး မီးရှို့ပါ။

ပြုစုသူများသည် လူနာ အသုံးပြုပြီးသော ဆေးထိုးအပ်များကို
မထိခိုက်စေရန် သတိထားပါ။ ဆေးထိုးအပ်များကို ပုလင်းထဲသို့ ထည့်ကာစွန့်ပစ်ပါ။

၅။
နှစ်သိမ့်ဆွေးနွေး ပညာပေးခြင်း။ Counselling

နှစ်သိမ့်ဆွေးနွေး ပညာပေးခြင်းဆိုသည်မှာ HIV ပိုးကူးစက်ရန်
အခွင့်အလမ်းများသူများ၊ သွေးထဲတွင် HIV ပိုး ရှိ မရှိ စစ်ဆေးမည့် သူများကို ရောဂါ၏
သဘောသဘောဝကို နားလည်စေရန်၊ လိုအပ်သော အကူအညီများ ပေးနိုင်စေရန်နှင့် HIV ပိုး ထပ်မံကူးစက်ခြင်း
မဖြစ်စေရန် မည်သို့ နေထိုင် ရှောင်ကြဉ် ရမည်တို့ကို တက်ကျွမ်းသူ ကျန်းမာရေး ဝန်ထမ်းများက
ဆွေးနွေး ပြောကြားပေးခြင်း ဖြစ်ပါသည်။

HIV ပိုးကူးစက်ခံရပြီးဟု သိပြီးနောက်တွင် လူအတော်များများမှာ
စိတ်ပိုင်းဆိုင်ရာ ဖိစီးမှုဒဏ်ကို အမျိုးမျိုးခံကြရသည်။ တချို့မှာ စိတ်ဓာတ်ကျခြင်း၊
စိုးရိမ်စိတ်များခြင်း၊ ရန်လိုလားခြင်း၊ မိမိကိုယ်ကို သတ်သေချင်စိတ် ပေါက်လာခြင်းမျိုးအထိ
ဖြစ်တက်ပါသည်။ မိတ်ဆွေ၊ အပေါင်းအသင်း၊ ဆွေးမျိုးများ၏ ရှောင်ကြဉ်မှုဒဏ်ကိုလည်း ခံရလေ့ရှိပါသည်။

ကျန်းမာရေး ဝန်ထမ်းများနှင့် ဆွေးနွေးခြင်းဖြင့်
မိမိ၏ စိတ်ပိုင်းဆိုင်ရာ ထိခိုက်မှုများကို မည်သို့ မည်ပုံ ထိန်းချုပ်ရမည်၊ လိုအပ်ပါက
မည်သည့် ဆေးများကို မှီဝဲရမည်တို့ကို အကြံပေးနိုင်ပါသည်။ လိုအပ်သော ဆေးဝါး၊ ငွေကြေးအကူအညီများ
ရရှိစေရန်လည်း စေတနာ့ဝန်ထမ်း အဖွဲ့အစည်းများက လမ်းညွှန် ပေးနိုင်သည်။

ထို့ကြောင့် နှစ်သိမ့်ဆွေးနွေး ပညာပေးခြင်းသည်
HIV ပိုး ကူးစက် ခံရသူများအတွက် တွေ့ကြုံရသည့် အခက်အခဲများကို ကျော်လွှားနိုင်စေရန်
များစွာ အထောက် အကူ ပေးသော လုပ်ငန်းစဉ်တစ်ခု ဖြစ်ပါသည်။

 

AIDS
ဆေးဝါးများကို စတင် စားသုံးသင့်သူများ

၁။ ရောဂါပိုးရှိပြီး ရောဂါလက္ခဏာ ခံစားနေသူများ။

၂။ ရောဂါလက္ခဏာ မရှိသော်လည်း -

(က) CD4 သွေးဖြူဥ 200/mm3 အောက် လျော့နည်းသူ၊ သို့မဟုတ်

(ခ) စုစုပေါင်း သွေးဖြူဥ အရေအတွက် (Total
Lymphocyte count) 1200/mm3 ထက် ပိုလျော့နည်းသူ။

ခုခံအားကျဆင်းမှု
ကူးစက်ရောဂါ ကာကွယ်ကုသနည်းနှင့် ဆေးဝါးများ - ဒေါက်တာအောင်စန်း
(ပထမအကြိမ်- ၂၀၀၉ ခုနှစ်၊ နိုဝင်ဘာ / ရှင်မတောင်စာပေ)