ARV
ဆေးဝါးများ အသုံးပြုရခြင်း၏ ရည်ရွယ်ချက်

၁။
AIDS ရောဂါကြောင့် သေဆုံးမှုနှုန်းကို လျော့ချရန်။

ဥရောပတွင် သုတေသန ပြုချက်များအရ ARV ဆေးဝါးများကို
မှီဝဲခြင်းကြောင့် AIDS ရောဂါဖြင့် သေဆုံးမှုနှုန်းကို ၈၀ ရာခိုင်နှုန်းမှ ၉၀ ရာခိုင်နှုန်းအထိ
လျော့ကျစေသည်။

၂။
ခန္ဓာကိုယ်၏ ခုခံအားကို ပြန်လည် တိုးတက်စေရန်။

ARV ဆေးဝါးများကို မှီဝဲခြင်းဖြင့် သွေးထဲရှိ
CD4 သွေးဖြူဥ အရေအတွက်သည် တစ်နှစ်လျှင် 100 မှ 150/mm3 အထိ တိုးတက် လာသည်ကို တွေ့ရပါသည်။

၃။
ရောဂါ တိုးတက်မှုကို တားဆီးရန်

ရောဂါပိုးများကို သွေးထဲတွင် လုံးဝနီးပါး မရှိအောင်
နှိမ်နင်း ထားခြင့်ဖြင့် ရောဂါတိုးတက်မှုကို ထိရောက်စွာ တားဆီး နိုင်ပါသည်။ သုတေသန ပြုချက်များအရ
သွေးထဲတွင် HIV ရောဂါပိုး ရှိပြီးနောက် ARV ဆေးဝါးများကို ပုံမှန် မှီဝဲသော သူများ၏
၈၀ ရာခိုင်နှုန်း ကျော်မှာ AIDS အဆင့်သို့ ရောက်ရှိခြင်း မရှိသည်ကို တွေ့ရှိရပါသည်။

၎။
ရောဂါကူးစက်မှုကို တားဆီးရန်

ရောဂါကူးစက်မှုသည် သွေးထဲရှိ HIV ရောဂါပိုး ပမာဏအပေါ်တွင်လည်း
မူတည်ပါသည်။ ရောဂါပိုး ပမာဏ များလေလေ၊ ကူးစက်မှုပိုများ လေလေ ဖြစ်ပါသည်။ ARV ဆေးဝါးများကို
ပုံမှန်မှီဝဲခြင်းဖြင့် သွေးထဲရှိ HIV ရောဂါပိုး ပမာဏ ကျဆင်းပြီး၊ ကူးစက်ရန် အလားအလာ
ကျဆင်းလာသည်ကို တွေ့ရှိရပါသည်။

အကြောင်း တစ်စုံတစ်ရာကြောင့် HIV ရောဂါပိုးရှိသောသူ၏
သွေးဖြင့် ထိတွေ့မှု ဖြစ်ပွားခဲ့ပါက ဥပမာ - ရောဂါရှင်ကို ထိုးသော အပ်ဖြင့်မတော်တဆ အထိုးခံရခြင်း၊
မုဒိမ်းကျင့်ခံရခြင်း၊ condon အသုံးပြု၍ လိင်ဆက်ဆံစဉ် condon ကွဲခြင်း၊ မိခင်တွင်
HIV ရောဂါပိုးရှိပြီး ကလေးသို့ မကူးစက်စေရန် အစရှိသည့် အခြေအနေတို့တွင် ARV ဆေးဝါးများကို
အသုံးပြုခြင်းဖြင့် ရောဂါကူးစက်မှုကို သိသိသာသာ လျှော့ချနိုင်ကြောင်း တွေ့ရှိရပါသည်။

၅။
သက်တမ်းရှည်စေရန်။

ARV ဆေးဝါးများကို မှီဝဲခြင်းဖြင့် ဆေး၏ဆိုးကျိုးများကို
ဆိုးဆိုးရွားရွား ခံစားရ၍ ဆေး ဆက်မသောက် နိုင်သူများနှင့် ဆေးပြီးသူများ (drug
resistance) များမှအပ ကျန်သူများမှာ ဆေးမှီဝဲနေသမျှ အသက်ရှင် နေနိုင်ကြောင်း တွေ့ရှိရပါသည်။

၆။
လူ့သက်တမ်းစေ့ နေထိုင် အသက်ရှင်နိုင်ရန်။

ARV ဆေးဝါးများကို မှီဝဲခြင်းဖြင့် ကိုယ်ခံအားတက်လာပြီး
ကျန်းမာရေး ပြန်လည် ကောင်းမွန်လာကာ ပုံမှန်အလုပ်များကို ပြန်လည် လုပ်နိုင်လာသည်ကို
တွေ့ရှိရပါသည်။ တချို့တွင် အားကစားများကိုပင် ပြန်လည် ပြုလုပ် လာနိုင်သည်ကို တွေ့ရှိရပါသည်။

ARV
ဆေးဝါးများဖြင့် ကုသပုံ

ARV ဆေးဝါးများဖြင့် HIV (+)/ AIDS လူနာကုသခြင်းကို
ANTI-RETROVIRA THERAPY ဟုခေါ်ပါသည်။

ARV ဆေးဝါးများကို မည်သည့်အခါမျှ တစ်မျိုးတည်း မတိုက်သင့်ပါ။
နှစ်မျိုး၊ သို့မဟုတ် သုံးမျိုးပေါင်းစပ်၍ သာ တိုက်သင့်ပါသည်။ ထိုသို့ ပေါင်းစပ် တိုက်ကျွေးခြင်းကို
HIGHLYACTIVEANTI-RETRO VIRAL THER-APY (HAART) ဟုခေါ်ပါသည်။ သို့မှသာ ရောဂါပိုး၏ ဆေးယဉ်ခြင်းကို
ကာကွယ်နိုင်မည် ဖြစ်ပါသည်။

ဆေးဝါးများတွင် မလိုလားအပ်သော ဆေး၏ ဆိုးကျိုးလည်း
များစွာရှိပါသည်။ ဆေး အချင်းချင်း ဓာတ်တုံ့ ပြန်မှုများလည်း ရှိပါသည်။ ထို့ကြောင့် ကုသရာတွင်
ကျွမ်းကျင်သူ ဆရာဝန်များ၏ အနီးကပ် ကြီးကြပ်မှု အောက်တွင်သာ စားသုံးသင့်ပါသည်။ မိမိသဘောဖြင့်
မစားသုံးသင့်ပါ။

ခုခံအားကျဆင်းမှု ကူးစက်ရောဂါ ကာကွယ်ကုသနည်းနှင့်
ဆေးဝါးများ - ဒေါက်တာအောင်စန်း (ပထမအကြိမ်- ၂၀၀၉ ခုနှစ်၊
နိုဝင်ဘာ / ရှင်မတောင်စာပေ)