HIV(+) ဖြစ်နေသူများ အတွက် အကြုံပြုချက်

၁။ HIV ပိုး ထပ်မံကူးစက်ခြင်း မခံရအောင် ရှောင်ကြဉ်ပါ။
(လိင်ဆက်ဆံတိုင်း ကွန်ဒုံးကို အသုံးပြုပါ။)

၂။ တခြား ကူးစက်ရောဂါများ ကူးစက် မခံရအောင် ရှောင်ကြဉ်ပါ။

၃။ အာဟာရပြည့်အောင် စားသုံးပါ။ အသားဓာတ်၊ ကစီဓာတ်၊
အဆီဓာတ်၊ ဗီတာမင်ဓာတ်နှင့် သတ္တုဓာတ်များ အချိုးကျ ပါဝင်ပါစေ။ သန့်ရှင်း လတ်ဆတ်သော အသီးအနှံနှင့်
ဟင်းသီးဟင်ရွက် မျိုးစုံကို တတ်နိုင်သလောက် စားပါ။

၎။ ဆေးလိပ်၊ အရက်နှင့် မူးယစ်ဆေးဝါးကို ရှောင်ကြဉ်ပါ။

၅။ အိပ်ရေးဝအောင် အိပ်ပါ။

၆။ သင့်တင်မျှတသော အားကစား လေ့ကျင့်မှုကို ပုံမှန်ပြုလုပ်ပါ။
မိမိစိတ်ကို ပျော်ရွှင် ချမ်းမြေ့စေသော အားကစားမျိုး ဖြစ်ပါစေ။ လွန်လွန်ကဲကဲ လေ့ကျင့်ခန်း
ပြုလုပ်ခြင်းများ ရှောင်ကြဉ်ပါ။

၇။ အလုပ် ပင်ပင်ပန်းပန်း လုပ်ခြင်းကို ရှောင်ကြဉ်ပါ။

၈။ အပြုသဘောဆောင်သည့် စိတ်ဓာတ်ကို မွေး၍ အရာရာကို
အကောင်းဘက်မှ အမြဲ ကြည့်တတ်ပါစေ။

၉။ စိတ်ဆိုးခြင်း၊ ဒေါသထွက်ခြင်း၊ စိတ်ဓာတ်ကျခြင်း၊
စိုးရိမ်သောကများခြင်း တို့ကို တတ်နိုင်သလောက် လျှော့ချပါ။

၁၀။ စိတ်တည်ငြိမ်မှု ရစေရန် တရားထိုင်ပါ။

၁၁။ စိတ်ချမ်းသာမှုကို ဖြစ်စေသည့် ဂီတ၊ သီချင်း နားထောင်ခြင်း၊
တီးမှုတ်ခြင်းတို့ကို ပြုလုပ်၍ စိတ် အပင်ပန်းဖြေပါ။

၁၂။ မိမိတို့ကိုးကွယ်ရာ ဘာသာအလိုက် ကျန်းမာရေး ကောင်းမွန်
လာစေရေးအတွက် လေးနက်စွာ ဆုတောင်းယူပါ။

၁၃။ မိသားစု၊ သူငယ်ချင်းများနှင့် ပုံမှန် တွေ့ဆုံ
ပေါင်းသင်းပါ။

၁၄။ ဆရာဝန်နှင့် ပုံမှန်စမ်းသပ် စစ်ဆေးမှုကို ခံယူ၍ ညွှန်ကြားချက်အတိုင်း လိုက်နာကျင့်သုံးပါ။

၁၅။ ဆေးကုသမှု ခံယူခဲ့လျှင် မိမိအား ကုသပေးမည့် ဆရာဝန်အား
မိမိ၌ HIV ပိုး ကူးစက် ခံထားရကြောင်း အသိပေးပါ။

၁၆။ မိမိကိုယ်တွင်းမှ HIV ပိုး အခြားသူများသို့
မကူးစက်စေရန် သတိပြုပါ -

(က) လိင်ဆက်ဆံတိုင်း ကွန်ဒုံးသုံးပါ။

(ခ) သွေး၊ သုက်နှင့် ကိုယ်အင်္ဂါ အစိတ်အပိုင်းများ၊
ကျောက်ကပ်၊ မျက်ကြည်လွှာ လှူဒါန်းခြင်း မပြုပါနှင့်။

(ဂ) ဆေးထိုးအပ်များကို သူများနှင့် ခွဲဝေ မသုံးစွဲပါနှင့်၊
တစ်ခါသုံး အပ်ကိုသာ အသုံးပြုပါ။

(ဃ) သွားတိုက်တံ၊ မုတ်ဆိတ်ရိတ် ကိရိယာများကိုလည်း
တခြားသူများနှင့် မျှဝေသုံးစွဲခြင်း မပြုပါနှင့်။

၁၇။ တစ်ကိုယ်ရေ သန့်ရှင်းမှုကို ဂရုစိုက်ပါ။ ဝမ်းလျှောဝမ်းပျက်
ရောဂါများ မရစေရန် အစားမစားမီ လက်ကို စင်ကြယ်စွာ ဆေးကြောပါ။ အိမ်သာတက်ပြီး မြေကြီး
အညစ်အကြေးများနှင့် ထိတွေ့ပြီးလျှင် လက်ကို စင်ကြယ်စွာ ဆေးကြောပါ။

၁၈။ မသန့်ရှင်းသော ရေများကို မသောက်သုံးသင့်ပါ။
ချောင်းရေ၊ မြစ်ရေ၊ ကန်ရေများကို မကျိုချက်ဘဲ မသောက်သုံးသင့်ပါ။

၁၉။ အသားစိမ်း၊ ငါးစိမ်း၊ ကြက်ဥ၊ ဘဲဥအစိမ်းများကို
မစားသုံးသင့်ပါ။

၂၀။ အရေပြားတွင် သွေးထွက်သော ထိခိုက်ဒဏ်ရာရှိပါက
ပလာစတာဖြင့် ကပ်ခြင်း၊ ပတ်တီး စီးခြင်းများ ပြုလုပ်၍ ဖုံးအုပ် ထားသင့်ပါသည်။

၂၁။ နှာစေး၊ ချောင်းဆိုး ဖြစ်နေသူများ၊ အရေပြားတွင်
အနာဖြစ်နေသူများနှင့် ခပ်ဝေးဝေး နေသင့်ပါသည်။

၂၂။ မုတ်ဆိတ်ရိတ်ဓား၊ သွားတိုက်တံ၊ လက်သည်းညှပ်၊
နားကွင်းတို့ကို သူများနှင့် ခွဲဝေမသုံးသင့်ပါ။

ခုခံအားကျဆင်းမှု
ကူးစက်ရောဂါ ကာကွယ်ကုသနည်းနှင့်
ဆေးဝါးများ -
ဒေါက်တာအောင်စန်း (ပထမအကြိမ်- ၂၀၀၉ ခုနှစ်၊
နိုဝင်ဘာ / ရှင်မတောင်စာပေ)