ရောဂါတိုးတက်မှုနှုန်းကို ခန့်မှန်းခြင်း

သွေးထဲတွင် ရောဂါပိုးရှိပြီးသူ
တစ်ယောက်ကို AIDS အဆင့်သို့ မည်သည့်နှုန်းဖြင့် ကူးပြောင်းမည်ကို အောက်ပါအချက်
နှစ်ချက်ကို ကြည့်ခြင်းအားဖြင့် ခန့်မှန်းနိုင်ပါသည်။

၁။ သွေးထဲရှိ CD4 သွေးဖြူဥပမာဏ (CD4
Lymphocyte)

သွေးထဲရှိ CD4 သွေးဖြူဥ ပမာဏနည်းလေ၊
ရောဂါတိုးတက်မှုနှုန်းမြန်လေဖြစ်ပါသည်။ သွေးထဲရှိ CD4 သွေးဖြူဥပမာဏမှာ ၂၀၀/ mm3
ထက်ပိုနည်းပါက ရောဂါတိုးတက်မှုနှုန်း မြန်ဆန်ပြီး ၁၈ လမှ ၂၄ လအတွင်း AIDS အဆင့်သို့
ကူးပြောင်းရောက်ရှိလေ့ ရှိပါသည်။

၂။ သွေးထဲရှိ ရောဂါပိုးပမာဏ (Viral
Load)

သွေးထဲရှိ ရောဂါပိုးပမာဏ များလေလေ၊
ရောဂါတိုးတက်မှုနှုန်း မြန်လေ ဖြစ်ပါသည်။ သွေးထဲတွင် ရောဂါပိုး ၁၀၀၀၀၀/mm3
ထက်ပိုများပါက သုံးနှစ်အတွင်း AIDS အဆင့်သို့ရောက်ရန် အခွင့်အလမ်း ပိုများပါသည်။
၅၀၀/mm3 ထက်ပိုနည်းပါက ရောဂါတိုးတက်မှုနှုန်း နှေးပြီး ဆယ်နှစ်ကျော်ကြာမှ AIDS
အဆင့်သို့ရောက်ရန် အခွင့်အလမ်း ပိုများပါသည်။

လူ့သက်တမ်းကို ခန့်မှန်းခြင်း

သွေးထဲတွင် ရောဂါပိုးရှိပြီးသူ (+)
တစ်ယောက်သည် အကြမ်းဖျင်းအားဖြင့် ရောဂါပိုးဝင်သည့် အချိန်မှစ၍
ရှစ်နှစ်မှဆယ်နှစ်အထိ အသက်ရှည်တတ်ပါသည်။ AIDS အဆင့်သို့ရောက်ပြီး သူတစ်ယောက်သည်
Anti-retroviral drug ဆေးဝါးများ စားသုံးခြင်းမရှိပါက ပျမ်းမျှတစ်နှစ်ခန့်သာ
အသက်ရှည်တတ်ပါသည်။ Anti-retroviral drug ဆေးဝါးများ စားသုံးပါက စားသုံးနေသမျှ
အသက်ရှင်နေနိုင်ပါသည်။ ဆေး၏ မလိုလားအပ်သော ဆိုးကျိုးများကို ပြင်းထန်စွာ ခံစားရ၍
ဆေးဆက်မသောက်နိုင်သူများနှင့် ရောဂါပိုးက ဆေးကို ခံနိုင်ရည်ရှိလာသူ (drug
resistance) များသာ အသက်ဆုံးရှုံးရလေ့ ရှိပါသည်။

သုတေသနပြုချက်များအရ သွေးထဲရှိ CD4
သွေးဖြူဥပမာဏမှာ ၂၀၀/mm3 ခန့်ရှိပါက ပျမ်းမျှသုံးနှစ်ခန့်သာ အသက်ရှင်တတ်ပါသည်။

သွေးထဲတွင် ရောဂါပိုး ၁၀၀၀၀၀/mm3
ထက်ပိုများပါက ပျမ်းမျှ (၄ ဒသမ ၄) နှစ်ခန့်သာ အသက်ရှင်တတ်ပါသည်။ ၅၀၀/mm3 ထက်
ပိုနည်းပါက ပျမ်းမျှဆယ်နှစ်ကျော်ခန့် အသက်ရှင်တတ်ပါသည်။

ခုခံအားကျဆင်းမှု
ကူးစက်ရောဂါ ကာကွယ်ကုသနည်းနှင့် ဆေးဝါးများ - ဒေါက်တာအောင်စန်း
(ပထမအကြိမ်- ၂၀၀၉ ခုနှစ်၊ နိုဝင်ဘာ / ရှင်မတောင်စာပေ)