ဇင်ဘာဘွေနိုင်ငံတွင် AIDS ရောဂါ ကူးစက်မှုအတွက် စိုးရိမ်ရလောက်သော အခြေအနေမှာ သိသိသာသာ ကျဆင်းလာကြောင်း သိရသည်။ ၁၉၉၇ ခုနှစ်နှင့် ၂၀၀၇ ခုနှစ်ထိ ၁၀ နှစ်တာ ကာလအတွင်း လူမှုရေးဆိုင်ရာ အမူအကျင့် ပြောင်းလဲမှုများက ရောဂါကူးစက်မှုနှုန်းကို ၅၀ ရာခိုင်နှုန်းမျှ လျော့ကျသွားကြောင်း အမေရိကန်တွင် ထုတ်ပြန်သည့် ဇင်ဘာဘွေ ကျန်းမာရေးဆိုင်ရာ စစ်တမ်းတစ်ခုက ဖော်ပြခဲ့သည်။
HIV ပိုး ကူးစက်ပျံ့နှံ့မှု ကမ္ဘာ`ပေါ်တွင် အဆိုးဆုံး နိုင်ငံတစ်ခုအဖြစ် ရပ်တည်နေသော ဇင်ဘာဘွေတွင် လူအများကြား လိင်နှင့်ပတ်သက်သော အမူအကျင့်များ သိသိသာသာ ပြောင်းလဲလာပြီး အမျိုးသမီးများကို လိင်ခွဲခြား ဆက်ဆံမှုလည်း လျော့ကျလာသည်မှာ အထင်အရှား တွေ့ရသည့် တိုးတက်မှု တစ်ခုပင်ဖြစ်ကြောင်း PloS ဆေးပညာ သုတေသနဌာနက ကောက်ခံသည့် စစ်တမ်းတွင် မှတ်ချက်ပြု ဖော်ပြထားခဲ့သည်။ ဇင်ဘာဘွေတွင် ဓလေ့ထုံးစံအရ အမျိုးသားတစ်ဦးသည် အမျိုးသမီးများစွာနှင့် ပေါင်းသင်းဆက်ဆံမှု ယခုတိုင် ရှိနေသော်လည်း အတိုင်းအတာ တစ်ခုထိ လျော့နည်းလာကြောင်းလည်း ဦးဆောင်သုတေသီများဖြစ်သည့် ပရော်ဖက်ဆာ ဆီမွန်ဂရက်ဆန်နှင့် တင်မိုသီဟဲလက်တို့က ပြောကြားခဲ့သည်။
ဇင်ဘာဘွေတွင် ပညာတတ် လူတန်းစား၏ ပေါက်ရောက်မှု ပိုမိုကျယ်ပြန့်လာခြင်းကလည်း AIDS ကူးစက်မှုကို လျော့နည်းစေရန် အခန်းကဏ္ဍတစ်ခုမှ အထောက်အကူ ဖြစ်စေခဲ့ကြောင်း ပရော်ဖက်ဆာ ဂရက်ဆန်က ရှင်းပြသွားသည်။
