မိတ်ဆွေဖြစ်သူ ဒေါက်တာ ခင်မြလွင်က စာအုပ်တစ်အုပ်ပေးဖတ်ပါသည်။ အင်္ဂလိပ်ဘာသာဖြင့် ရေးထားသော A.I.D.S ဝေဒနာသည်များ၏ ကိုယ်တိုင်ရေး အတွေ့အကြုံများ စုပေါင်းထားသော စာအုပ်ဖြစ်ပါသည်။ စာရေးသူများမှာ ယိုးဒယားနိုင်ငံသားများ ဖြစ်ကြပြီး မိမိတို့၏ ဘ၀ အရှိအတိုင်း ရိုးသားစွာ ရေးသားထားကြပါသည်။ ၀န်ခံခြင်း၊ ပညာပေးခြင်း၊ ရောဂါမရှိသူများ ဆင်ခြင်စေချင်ခြင်း၊ အားကိုးရာရှာခြင်း စသည်တို့ကို အရှိအတိုင်း စေတနာ ထားရေးသားထားကြလေရာ အက်ဆေးကောင်းကလေးများ ဖြစ်နေပါသည်။ လူအတော်များများ သိပြီးသား အကြောင်းအရာများ ဖြစ်သော်လည်း ရေးသူများ၏ ရိုးသားပွင့်လင်းမှုကြောင့် ဖတ်မှတ်၍ ကောင်းနေပါသည်။

စာအုပ်ငယ်ကို ထုတ်ဝေသော JAPAN INTERNATIONAL COPERATION AGENCY နှင့် ဝေဒနာရှင်များကို ကူညီနေသော LANPANG ဆေးရုံမှ DAY CARE ဌာနနှင့် PNUAN KEAW စေတနာအဖွဲ့တို့ကမူ ထိုစာအုပ်ပါ ဝေဒနာရှင်များသည် “စာရေးဆရာ” များဟူ၍ပင် သမုတ်အပ်ကြောင်း ဖော်ပြပါသည်။

<?xml:namespace prefix = o ns = "urn:schemas-microsoft-com:office:office" /> 

ကျွန်တော်အသက်သုံးဆယ်ပါ။ ကလေးတစ်ယောက်အဖေပါ။ ကျွန်တော့်မှာ HIV ရောဂါစွဲကပ်နေပြီဆိုတာကို ဘန်ကောက်မှာ အလုပ်လုပ်နေတုန်း သိခဲ့ရပါတယ်။ ဓါတ်လိုက်ရာက ခွဲစိတ်ကုသမှုခံယူတော့ ဆရာဝန်က ကျွန်တော့်ကို သွေးအမျိုးအစားသိဖို့ သွေးယူပါတယ်။ ကျွန်တော့်မှာ HIV ပိုးရှိနေတယ်ဆိုတာ သိသွားပါတယ်။ ဒါပေမဲ့ သူက ကျွန်တော့်ကို ဖွင့်မပြောပါဘူး။ ဆေးရုံမှာ တစ်လလောက်နေရပါတယ်။ ဆရာဝန်က ကျွန်တော့် မိသားစုမှတ်တမ်းကိုမေးပါတယ်။

ကျွန်တော်က နေ့စားအလုပ်သမား။ တစ်နေ့ဘတ်လေးရာ ရတယ်။ ဇနီးရှိတယ်။ လက်ထပ်ခဲ့တာ သုံးနှစ်ရှိပြီ။ သားသမီးတော့ မရသေးဘူး စသဖြင့် ရှင်းပြပါတယ်။ ဒီတော့မှ ဆရာဝန်က ကျွန်တော့်မှာ HIV ပိုးစွဲကပ်နေပြီလို့ ဖွင့်ပြောပါတယ်။ ကျွန်တော် ဘယ့်နှယ့်လုပ်ရပါ့မလဲ။ကျွန်တော်ငိုတယ်။ ဆရာဝန်ကတော့ ဇနီးသည်ကို ဖွင့်ပြောဖို့၊ ကလေးမယူဖို့ ပြောပါတယ်။ ဒါပေမဲ့ ကျွန်တော် မပြောရက်ဘူး။ မပြောချင်ဘူး။ ဒီလိုနဲ့ ဆေးရုံကဆင်းတော့ ... လက်ရှိလုပ်ငန်းမှာပဲ ခြောက်လ ဆက်လုပ်ပါတယ်။ နောက် လုပ်ငန်းသစ်မှာ သုံးလလုပ်တယ် ....အဲဒီမှာ ကျွန်တော် မဖြစ်စေချင်တဲ့အရာ ဖြစ်လာပါတော့တယ်။

ကျွန်တော့်ဇနီးက သူ့မှာ ကိုယ်ဝန်နှစ်လရှိနေပြီလို့ ဖွင့်ပြောပါတော့တယ်။ ကျွန်တော်က ပထမတော့ ပျော်သွားတာပေါ့လေ။ ဒါပေမဲ့ ချက်ချင်းပဲ စိတ်ညစ်သွားရပါတယ်။ ဟုတ်တယ်လေ။ ကျွန်တော့်မှာက ရောဂါဆိုးကြီး စွဲကပ်နေပြီပဲ။ ကျွန်တော့်ဇနီးကို ဘယ်နှယ့်လုပ် ဖွင့်ပြောရမလဲ။ ဖွင့်ပြောလိုက်ရင် သူ ကျွန်တော့်ကို စွန့်ခွာသွားတော့မယ်လို့ ထင်တယ်။ ဒါနဲ့ ကျွန်တော်က “မင်း သားဖွားဆေးခန်းပြမလား၊ မပြဘူးလား” မေးတာပေါ့။ သူက “လောလောဆယ် လနုသေးလို့ မပြသေးဘူး။ သေချာအောင် တစ်လ စောင့်ကြည့်ဦးမယ်” လို့ ရိုးရိုးပဲ ပြောရှာပါတယ်။ ကျွန်တော်က

“ကလေးမယူချင်သေးဘူးကွယ် ဖျက်ချလိုက်ပါလား” ပြောတော့ သူက “ဘာဖြစ်လို့လဲ” လို့ မေးပါတယ်။ ကျွန်တော်မဖြေခဲ့ဘူး။

သုံးလကြာတော့ သူက ဆေးခန်းပြဖို့ပြောပါရော။ အဲဒီညက ကျွန်တော်က သူ့ကို မေးပါတယ်။ “ငါ့မှာ AIDS ဖြစ်နေတယ်ဆိုရင် ဘယ်လိုလုပ်မလဲ” လို့။

သူက အားရပါးရ ရယ်ပါတယ်။ ဘာမှတော့မပြောပါဘူး။ ဒါကြောင့် ကျွန်တော့်အဖြစ်ကို ပြောပြဖို့ ဆုံးဖြတ်ရပါတော့တယ်။ ကျွန်တော်မလိမ်ချင်တော့ဘူးလေ။ ကျွန်တော်လည်း ဖွင့်ပြောလိုက်ရော သူဟာ အသံတိတ်သွားပါတော့တယ်။ ကျွန်တော်ပြောတာကို ယုံပြီး ဘာမှမမေးဘူး။ ပြီးတော့ တဖြည်းဖြည်းချင်း စပြီး ငိုလိုက်တာ တစ်ညလုံး မတိတ်တော့ပါဘူး။ သနားပါတယ်ဗျာ။

နောက်နေ့မနက်မှာပဲ ကျွန်တော်သူ့ကို ဆေးခန်းခေါ်ချသွားပါတယ်။ ဆရာဝန်က ကျွန်တော့်ဇနီးမှာ HIV ပိုးမစွဲကပ်လောက်ပါဘူးလို့ ဖြေသိမ့်ပါတယ်။ ပြီးတော့ ကလေးဖျက်ချဖို့ဆိုတာကလည်း ဒီအချိန်မှာ သိပ်အန္တရာယ် များသွားပြီလို့ ပြောပါတယ်။ နောက်တော့ဆရာဝန်က မိခင်လောင်းအတွက် လိုအပ်တဲ့ကိစ္စတွေလုပ်ပေးပါတယ်။ သွေးစစ်တာလည်းပါတာပေါ့လေ။

ဒီတော့မှ ဇနီးသည်က ဖွင့်မေးရှာပါတယ်။

“ရှင်ဘယ်လိုလုပ်ပြီး HIV ရတာလဲ” တဲ့။

“မင်းနဲ့ လက်မထပ်ခင် ယိုးဒယားတောင်ပိုင်းမှာ အလုပ်လုပ်နေတုန်းက မိန်းမပျက်တစ်ယောက်နဲ့ ဆက်ဆံဖူးတယ်။ ဒါပေမဲ့ တစ်ကြိမ်တည်းပါကွယ်” လို့။ တကယ်လည်း ကျွန်တော်ဟာ တစ်ကြိမ်တည်းမိုက်မှားမိတာပါဗျာ။ အလုပ်ပြီးတော့ ဘန်ကောက်ကို ပြန်လာခဲ့ပါတယ်။

နောက်ဆုံးတော့ ကျွန်တော့်ဇနီးသည်ရဲ့ သွေးအဖြေကို တထိတ်ထိတ်နဲ့နားထောင်ရမဲ့ နေ့ကို ရောက်လာခဲ့ပါပြီ။ ကျွန်တော်တို့မှာ အကြီးအကျယ် စိတ်လှုပ်ရှားရပါတယ်။ ကြောက်လိုက်တာလည်း လွန်ပါရော။

ဒါပေမဲ့ဗျာ ....

ကျွန်တော်မျှော်လင့်ထားသလို ကျွန်တော့်ဇနီးသည်မှာ HIV ပိုးမတွေ့ရပါဘူး။ ကျွန်တော်ပျော်လိုက်တာလေ။ ကိုယ့်ဘ၀ ကိုတောင်မေ့သွားတယ်။ ကံကောင်းလိုက်တဲ့ မိန်းမ။ ဒါကြောင့် သူ့ကို ကျွန်တော်ပြောရတယ်။

“ရှေ့ရှောက် မင်းကို ပိုချစ်မယ်။ မင်းနဲ့ တို့ရဲ့ကလေးကို ပိုပြီး ဂရုစိုက်စောင့်ရှောက်မယ်။ ငါ့ဘ၀မှာ အကောင်းဆုံးတွေ ဖြစ်အောင်နေထိုင်တော့မယ်။ ငါတတ်နိုင်တာတွေ အကုန်လုပ်မယ်” လို့။

ကျွန်တော့်ချစ်ဇနီးက ကျွန်တော့်အတွက် သားဦးလေး မွေးဖွားပေးပါတယ်။ ဟုတ်ပါ့ သားယောက်ျားလေး။ ဒါဟာ ကျွန်တော့်ဘ၀ အတွက် ခွန်အားသစ်တွေ မဟုတ်ပါလား။ ကျွန်တော့်ရောဂါကို ကာကွယ်တိုက်ခိုက်ဖို့ ဆေးဝါးတစ်လက်မဟုတ်ပါလား။