အားလုံး မင်္ဂလာပါ။
အရင်တပတ်က၊ အင်္ဂလိပ်လို Art of struggle လို့ ခေါ်တဲ့ “တိုက်ပွဲအနုပညာ“ အကြောင်း ပြောခဲ့ပါတယ်။ ဒီတခါ “အနုနိုင်ငံရေး“ ဆိုတဲ့အကြောင်း ပြောပါ့မယ်။ အနုနိုင်ငံရေးကို အင်္ဂလိပ်လိုတော့ Micropolitics လို့ ခေါ်တာပါ။ ဒီ အင်္ဂလိပ်ဝေါဟာရကို “အနုနိုင်ငံရေး“ ဆိုပြီး မြန်မာမှုပြုခဲ့သူကတော့ ကျနော်တို့ ဆရာ ဆရာဇော်ဇော်အောင်ပါပဲ။ ၂၀၀၆နဲ့ ၂၀၀၇၊ အဲဒီ နှစ်နှစ်တာအတွင်းမှာ ကျနော်တို့ ကဗျာဆရာတွေ “အဖြူရောင်သက်တံ-White Rainbow” ဆိုတဲ့ နာမည်နဲ့ HIV ကူးစက်ခံ မိဘမဲ့ကလေးငယ်များ ရန်ပုံငွေအတွက်၊ ကဗျာရွတ် ဆိုပွဲတွေ ကျင်းပဖြစ်ခဲ့ကြပါတယ်။ အဖြူရောင်သက်တံ ကဗျာရွတ်ဆိုပွဲတွေဟာ အတိုင်းအတာတခုအထိ အောင်မြင်ခဲ့ပါတယ်။ တကယ်ကတော့ ကဗျာဆရာတွေ ဦးစီးတဲ့ ကဗျာရွတ်ဆိုပွဲ ဆိုပေမဲ့၊ လူမှုရေး စိတ်ဓာတ်ရှိတဲ့ ရုပ်ရှင်သရုပ်ဆောင်တွေ၊ အဆိုတော်တွေ၊ မော်ဒယ်တွေ အများအပြား ပူးပေါင်းပါဝင် ကူညီခဲ့ကြတာပါ။

အခုလက်ရှိ ဒဂုံမြို့သစ်(အရှေ့ပိုင်း) တပင်ရွှေထီးလမ်းမှာ ရှိတဲ့ “သုခရိပ်မြုံ“ ဆိုတဲ့ HIVကူးစက်ခံ မိဘမဲ့ ကလေးငယ်များ ဂေဟာ အတွက် ရန်ပုံငွေရှာဖွေတဲ့ အဖြူရောင်သက်တံ ကဗျာရွတ်ဆိုပွဲတွေကို ရန်ကုန်မှာ နှစ်ကြိမ်၊ မန္တလေးမှာ တကြိမ်၊ စုစုပေါင်း(၃)ကြိမ် ကျင်းပနိုင်ခဲ့ကြပါတယ်။ ပထမအကြိမ်၊ ၂၀၀၆ခုနှစ်၊ မေလ(၆)ရက်၊ ရန်ကုန်မြို့၊ ဆရာစံလမ်း၊ မစ္စတာဂစ်တာခန်းမမှာ ကျင်းပတဲ့ပွဲလေး အထမြောက် အောင်မြင်သွားတဲ့ အခါမှာ၊ ဆရာဇော်ဇော်အောင်က မဟေသီမဂ္ဂဇင်းမှာ ဆောင်းပါးတစောင် ရေးလိုက်ပါတယ်။ အဲဒီ ဆောင်းပါးထဲမှာ “စောဝေတို့၊ အောင်ဝေးတို့ မိဘမဲ့ကလေးတွေအတွက် ကဗျာရွတ်တာလည်း အနုနိုင်ငံရေးလုပ်တာပါပဲ။ အဲဒါ Micro-Politics ပါပဲ“ လို့ ဆရာဇော်ဇော်အောင် ရေးခဲ့တာပါ။

စေတနာ ဦးတည်ချက် မှန်ပြီး၊ လက်တွေ့ အကျိုးသက်ရောက်မှုရှိတဲ့ လူမှုရေးအလုပ်တွေကို “အနုနိုင်ငံရေး“ လို့ ဆိုတဲ့သူက ဆိုခဲ့ပါပြီ။ ဒါဆိုရင် ၂၀၀၈ နာဂစ်မုန်တိုင်းဘေးတုန်းက လေဘေးကူညီရေး လုပ်ခဲ့ကြတဲ့လူအားလုံးကိုလည်း အနုနိုင်ငံရေး လှုပ်ရှားကြတဲ့သူများလို့ ဆိုရမှာပဲ မဟုတ်လား။ ဒီတုန်းက ကိုဇာဂနာနဲ့အတူ ရုပ်ရှင် ဂီတအနုပညာရှင်တွေ အများကြီး တက်တက်ကြွကြွ ပါဝင် ကူညီခဲ့ကြတယ်။ စာနယ်ဇင်းသမားတွေကလည်း ကော်မတီဖွဲ့ပြီး နာဂစ် ကယ်ဆယ်ရေး လုပ်ခဲ့ကြတယ်။ ရုပ်ရှင်မင်းသားကျော်သူတို့ နာရေး ကူညီမှုအသင်းကလည်း တောကြို အုံကြားမကျန် သွားရောက်ကူညီခဲ့ကြတယ်။ ဒါ အားလုံးက လူမှုရေး လုပ်နေကြတာပါ။

ဒီတုန်းက ဒီလူတွေ နာဂစ်ကယ်ဆယ်ရေး လုပ်တာဟာ၊ အစိုးရဆန့်ကျင်ရေး မဟုတ်ပါဘူး။ ဒါ သူတို့က အစိုးရကို ဆန့်ကျင်ပြီး လူမှုရေးလုပ်နေတာ မဟုတ်ဘူး။ မြန်မာ့စိတ်ရင်းနဲ့ လူသားချင်း စာနာမှုတရားနဲ့၊ ဒုက္ခ ရောက်နေတဲ့ လူထုကို လူထု အချင်းချင်းက ကူညီ ယိုင်းပင်းတဲ့ အလုပ်ကို လုပ်နေတာပဲဖြစ်တယ်။ ဆရာဇော်ဇော်အောင်ရဲ့အခေါ်နဲ့ ဆိုရင်၊ ဒီ အနု နိုင်ငံရေးလှုပ်ရှားကြသူတွေဟာ လူမှုရေးသန့်သန့်ကိုသာ လုပ်ခဲ့ကြတာပါ။

သူတို့က အစိုးရကို ဆန့်ကျင်ပြီးလုပ်ခဲ့ကြတာ မဟုတ်ပါဘူး။ ဒါပေမဲ့၊ အဲဒီတုန်းက နအဖစစ်အစိုးရကတော့ ဒီလိုလူမှုရေးလုပ်တဲ့ အလုပ်တွေကို ဆန့်ကျင်ခဲ့တာပဲ မဟုတ်လား။ ပြောရရင်၊ ဒေါက်တာနေ၀င်းတို့၊ ကိုအောင်ကျော်ဆန်းတို့ အဖွဲ့က နာဂစ်ကြောင့် ပိုးစိုးပက်စက် သေဆုံးပြီး၊ သင်္ဂြိုဟ်မယ့်သူမရှိဖြစ်နေတဲ့ ရုပ်အလောင်းတွေကို စနစ်တကျ မြေမြှုပ် သင်္ဂြိုဟ်ပေးတဲ့ အင်မတန် မွန်မြတ် လေးစားစရာကောင်းတဲ့ အလုပ်ကို သူတို့လုပ်ခဲ့ကြတယ်။ အဲဒီအတွက် သူတို့တွေ အားလုံး ဖမ်းဆီးအရေးယူ ထောင်ချခံခဲ့ရ ပါတယ်။
ကိုဇာဂနာတို့၊ ကိုဇော်သက်ထွေးတို့ ၂၀၀၇ စက်တင်ဘာ ရွှေဝါရောင်တော်လှန်ရေးနဲ့ ဖမ်းဆီး ထောင်ချမခံရဘဲ၊ ၂၀၀၈ မေလ နာဂစ်ကျမှပဲ၊ လေဘေးကူညီရေး လုပ်မိလို့ ဖမ်းဆီး အရေးယူ ထောင်ချခံရပါတော့တယ်။

၂၀၀၈ မြစ်ဝကျွန်းပေါ် နာဂစ်နဲ့အတူ ပေါ်ထွက်လာတဲ့၊ နအဖ ၂၀၀၈ ဖွဲ့စည်းပုံ အခြေခံ ဥပဒေကို ပြည်သူလူထုက နာဂစ်ဖွဲ့စည်းပုံဥပဒေလို့ ခေါ်ပါတယ်။ ဒီလိုပဲ၊ ၂၀၁၀ ရခိုင် ဂီရိ မုန်တိုင်း နောက်မှာ ကျင်းပတဲ့၊ နအဖ ၂၀၁၀ ရွေးကောက်ပွဲကိုလည်း၊ ကျနော်တို့ လူထုက ဂီရိရွေးကောက်ပွဲဆိုပြီး ရှုတ်ချခဲ့ကြတာပါ။ စစ်အာဏာရှင်တွေဆိုတာ သူတို့ အာဏာ တည်မြဲရေးနဲ့အာဏာရှင်စနစ် သက်ဆိုးရှည်ရေးကိုပဲ ကြည့်တာပါ။ ပြည်သူလူထုမျက်နှာကို မကြည့်ပါဘူး။ လူထုက လူထု အချင်းချင်း၊ ဒုက္ခရောက်နေတဲ့သူတွေကို ကူညီ ယိုင်းပင်းတာကိုလည်း၊ စစ်အာဏာရှင်တွေက မလိုလားကြပါဘူး။

ကျနော့်ကိုယ်တွေ့ကလေး ပြောပရစေ။ ၂၀၀၆ နှစ်ကုန်ပိုင်း၊ မန္တလေးမြို့က Oriental House ခန်းမမှာ ကျင်းပတဲ့၊ ကျနော်တို့ အဖြူရောင်သက်တံ ကဗျာရွတ်ဆိုပွဲကို၊ အဲဒီတုန်းက အလယ်ပိုင်းတိုင်း စစ်ဌာနချုပ် တိုင်းမှူးဖြစ်တဲ့သူက၊ ပွဲ မကျင်းပခင် ညပိုင်း အလိုမှာ ကပ်ပြီး၊ ပွဲကို ကန့်သတ်ပိတ်ပင်တဲ့အမိန့် ထုတ်ပါတယ်။ သူ့အမိန့်က ကဗျာဆရာတွေ ကဗျာမရွတ်ရ။ တခြား အနုပညာရှင်တွေလည်း သီချင်းပဲ ဆိုခွင့်ပြုတယ် ဆိုတဲ့ အမိန့်ပါ။

မှတ်မှတ်ရရ၊ ပွဲကျင်းပမယ့် မနက်ကျမှ ရန်ကုန်ကလေယာဉ်နဲ့ အချိန်မီ လိုက်လာတဲ့ ရုပ်ရှင်သရုပ်ဆောင် လွင်မိုး။ လွင်မိုးက ကျနော်တို့လုပ်တဲ့ ပွဲတိုင်းမှာ သူကိုယ်တိုင်ရေးတဲ့ ကဗျာတပုဒ်ပုဒ် ရွတ်ဆိုပြီး ပါဝင် ကူညီနေကျပါ။ အဲဒီနေ့ကတော့ အမောတကော ပြေးလာရတဲ့ ကဗျာဆရာလွင်မိုးက “ ကဗျာရွတ်ဆို ကူညီဖို့ လိုက်လာတာ၊ ကဗျာမရွတ်ရရင် ပြန်တော့မယ်“ ဆိုပြီး လွင်မိုးနဲ့မေသူ၊ ကျနော်တို့ပွဲအတွက် အလှူငွေတွေထည့်ပြီး ရန်ကုန် ပြန်သွားကြပါတယ်။

ကျနော်တို့ကဗျာဆရာတွေ ကဗျာရွတ်ကြတာ၊ အစိုးရ အဆောက်အအုံကြီး တခုလုံးကို ဖြိုလှဲချဖို့လုပ်နေတာမှ မဟုတ်ဘဲ။ ကျနော်တို့ ကဗျာရွတ်ကြတာက၊ ဒုက္ခရောက်နေတဲ့ အပြစ်မဲ့ ကလေးတွေအတွက် ကောင်းကောင်းကန်းကန်း ဂေဟာကလေးတလုံး တည်ဆောက်ပေးဖို့ ပိုက်ဆံ အလှူခံကြတာပါပဲ။
နားဆင်တဲ့အတွက် ကျေးဇူးပါ။ ။

အောင်ဝေး
နိုဝင်ဘာ ၇-၂၀၁၁။
မူရင်း – လွတ်လပ်တဲ့အာရှအသံ http://www.rfa.org/burmese

မိုးမခ - တမ်းတမ်းတတ အလွမ်းများ(၇)