ကျွန်မက
အင်း။ “ကျွန်မ” ပြောရမလား “ကျွန်တော်” ပြောရမလားမသိတော့ပါဘူး။ မောင်မစ္စက
ပဲထားလိုက်ပါတော့လေ သည်တော့ “ကျွန်တော် ” ပဲပေါ။
ကျွန်တော့်မှာညီအစ်ကိုခြောက်ယောက်ရှိပါတယ်။
ကျွန်တော်က အငယ်ဆုံးပါ အဖေနဲ့ အမေက သားယောက်ျားလေးချည်း ဆက်တိုက်မွေးခဲ့တာမို့ ကျွန်တော့်
အလှည့်မှာ သမီးမိန်းကလေးဖြစ်စေချင်ခဲ့တာ။ ဒါပေမဲ့ ယောက်ျားလေးပဲဖြစ်နေတဲ့အပြင် ကံဆိုးတာက
ကျွန်တော်ဟာမိန်းမချောချောပြီး မွေးရာပါ မောင်မစ္စက ဖြစ်နေတာ ပါပဲဗျာ။ ဒီတော့...အကျီင်္ဆင်ရတဲ့အရွယ်ရောက်ကတည်းက
အမေက မိန်းကလေးလိုပဲဆင်ပေးပါတယ်။
အဖေနဲ့
အမေကွာရှင်းပြီး အဖေနဲ့ ပဲလိုက်နေတယ်။ ကျေးရွာစီရင်စုတစ်ခုမှာပေါ့။
အဲဒီမှာသူငယ်ချင်းနဲ့ တွေ့တော့ သူတို့လည်း ကျွန်တော့်လို ယောက်ျားမဟုတ်မိန်းမ မဟုတ်တွေပဲ။
မိန်းမလျာတွေ၊ ယောက်ျားလျာတွေပေါ့။ ဒီတော့ ငယ်ငယ်ရွယ်ရွယ်နဲ့ ဟိုကိစ္စ၊ ဒီကိစ္စတွေကို
နားလည်လာခဲ့တယ်။ အဲဒီထဲမှာ K နဲ့ တွေ့ဆုံချစ်ကျွမ်းဝင်ခဲ့မိပါရော။
ရွာပြန်ရောက်တော့ K နဲ့ပြန်တွေ့တယ်။ သူနဲ့နဖူးစာပါတယ်လို့ ဆိုရမလားပါပဲလေ
ကျွန်တော်တို့ အတူနေကြတဲ့အခါ
(ကန်တော့ပါရဲ့) ကွန်ဒုံးမသုံးမိကြဘူး။ အင်းနောက်မှသိရတာက သူဟာ လိင်စီးပွားရေးသမား တဲ့ဗျာ။ ဆိုကြပါဆိုရဲ့၊ ဒီလိုနဲ့ ကျွန်တော့်မှာ HIV
ပိုးကူးစက်ခံရတော့တာပေါ့။ K ဘန်ကောက်ကိုပြန်သွားပြီးလပိုင်းမှာပဲ ကျွန်တော် ခဏခဏ
ဖျားပါတော့တယ်။ ခေါင်းကိုက်တယ် ချောင်းဆိုးတယ် ဗိုက်နာတယ် ဒါနဲ့ နီးစပ်ရ ဆရာဝန်နဲ့ပြတော့
အကိုက်အခဲပျောက်ဆေး စသည်ဖြင့်ပေးတယ်။ ပြီးတော့ ရက်ချိန်း ခဏခဏပေးတယ်။
နောက်ပိုင်း
အကြီးအကျယ်ဖျားတော့မှ အဖေကဆရာဝန်တစ်ယောက်ဆီ ခေါ်သွားတယ်။ ဆရာဝန်က သွေးစစ်ကြည့်တယ်။
ဆရာဝန်နဲ့ မျက်နှာချင်းမဆိုင်ချင်ဘူး။ အဖြေတစ်ခုထွက်လာမှာကိုကြောက်လို့။ ဆရာဝန်က
သွယ်ဝိုက်ပြောတယ်။ ဒါပေမဲ့လေ အဖြေကတော့ အဖြေပါပဲ။ ဟုတ်ပါ့။ ကျွန်တော့်မှာ HIV
ပိုးတွေ့တယ်။ AIDS ဖြစ်နေပြီတဲ့။ ကျွန်တော့်မှာ သေလုမတတ်ကြောက်သွားတာပဲ။
နောက်တော့
တဖြည်းဖြည်းစိတ်ကိုထိန်းတယ်။ အချိန်မှန်အိပ် ၀၀လင်လင်စား။ ကျွန်တော်အဖြစ်ကို သူငယ်ချင်းတွေကလည်း
သိသွားရောတစ်ဆင့်စကားနဲ့ အိမ်နီးချင်းတွေဆီပါ နားပေါက်ကုန်တော့တယ်။ သူငယ်ချင်းတွေကကောင်းကြပါတယ။်
ကျွန်တော့်ကို “ပတ္တယား” ကမ်းခြေခေါ်သွားပြီး အလုပ်ရှာပေးတယ်။ စားပွဲထိုး။ အင်း....
မိန်းမစားပွဲထိုးတဲ့လေ။
ဒီမှာတင်
P နဲ့တွေ့ပြန်ရော။ သူနဲ့လည်း အနေနီးရာက ပရောပရီ ဖြစ်ကြပြန်ပါရော။ ဒါပေမဲ့ (နားနဲ့မနာ
ဖ၀ါးနဲ့သာနာပါ) သူနဲ့ ကျွန်တော် နှုတ်ခမ်းနဲ့ပဲ ချစ်ကြတယ်။ လက်နဲ့ပဲချစ်ကြတယ်။ ကျွန်တော်က ကျွန်တော့်မှာ ရောဂါဆိုးကြီး
ဖြစ်နေပြီဆိုတာ ပြောပြပေမဲ့ သူကမယုံဘူး။ စိတ်ချလက်ချပဲ အတူနေကြတယ်။ သူကိုဆေးစစ်ကြည့်တော့လည်း
ရောဂါပိုးမရှိဘူးဆိုတဲ့ အဖြေရတယ်။ ဒါပေမဲ့ ဘာပဲဖြစ်ဖြစ် ဆက်ပြီးအတူနေဖို့ မသင့်ဘူးလေ။ကျွန်တော်
သူ့ဆီက ခွာပြီး အဖေ့ဆီပြန်ပါရော။ သူနဲ့ ဘယ်တော့မှ ပြန်မတွေ့တော့ဘူးလို့ ဆုံးဖြတ်လိုက်တာကတော့
ကျွန်တော်ကိုယ်ပေါ်မှာ
ယားနာဖုတွေ ပေါ်လာလို့ ပါပဲဗျာ။
အဲဒီနောက်
ကျွန်တော် ဘားအဆိုတော် လုပ်ခဲ့သေးတယ။် ဆေးလိပ်အရက်စွဲတယ်။ နောက်ဆုံးတော့ ဆေးရုံရောက်တာပါပဲ။
အဲဒီ အချိန်မှာကျွန်တော့် ကိုယ်အလေးချိန်ဟာ ၃၈ ကီလိုဂရမ်ပဲ ရှိတော့တယ်။ ဆေးရုံကို
အမေကလာကြည့်တော့ လူးလိမ့် ငိုကြွေးတော့တာပဲ။ သူ့ခမျာ ဆင်းရဲတော့ ဘာမှလည်း မတတ်နိုင်ဘူးလေ
အိမ်ပြန်ခေါ်ထားဖို့ကလည်း လူခွဲကမရှိ။ ဒါပေမဲ့ အမေရော အစ်ကိုရောက ကျွန်တော့်အပေါ်
နားလည်ကြပါတယ်။ အားပေးကြပါတယ်။ အဲဒီအချိန်ကျွန်တော်ဟာ တစ်နေ့ကို ဆေး၂၈ လုံးသောက်နေရပါပြီ။
ခေါင်းကိုက်၊ ဗိုက်နာ ဝေဒနာလည်းစွဲကပ်နေပါပြီ။
ဆေးရုံမှာနေရင်းနဲ့ ဆေးရုံရဲ့
“နေ့ခင်းလူနာများစောင့်ရှောက်ရေး”အဖွဲ့ကို ကျွန်တော် စိတ်ဝင်စား လာပါတယ်။
အဲဒီအဖွဲ့ရဲ့ ဆရာဝန်၊ ဆရာမ၊ သူနာပြုတွေက ကျွန်တော့်ကို သိပ်ဂရုစိုက်ကြပါတယ်။
စက္ကူနဲ့ ပန်းတွေလုပ်ပြီး ပန်းခြံကလေးတည်ဆောက်ခိုင်းတာမျိုးလည်း လုပ်ရပါတယ်။
နှစ်ပတ်လည်နေ့မှာ မဲရွေးပြီး ကျွန်တော့်ကို ခေါင်းဆောင်တင်လိုက်ကြတယ်။
အခုတော့
ကျွန်တော်ဟာ အဖွဲ့ထဲမှာ ဘ၀ကို ပျော်ပျော်ကြီး တည်ဆောက်နေနိုင်ပါပြီ။ ကျွန်တော်က
နယ်လှည့် ဟောပြောပွဲတွေ ဘာတွေမှာလည်း ပါရတယ်။ ပညာပေးတာတွေ ကူညီထောက်ပံတာ တွေမှာလည်း
ကျွန်တော်က ခေါင်းဆောင်ပိုင်းက ပါရတယ်။ (ယိုးဒယားမှာက AIDS ရောဂါသည်တွေကိုတစ်လဘတ်၅၀၀
ထောက်ပံ့ပါတယ်)။
ကျွန်တော်ထင်တယ်လေ။
ကျွန်တော်တို့ ဘယ်လောက်ပဲကူညီတယ် ပြောပြော။ ရောဂါသည် အများစုဟာ သူ့ အသိုင်းအ၀ိုင်းကနေ
ဖယ်ကြဉ် ထားခံနေရတုန်းပဲလို့။ ဘာပဲဖြစ်ဖြစ် ကိုယ်ချင်းစာတရား ထားပြီး ကျွန်တော်က
အသက်ရှင်နေ သရွေ့ ကိုယ်စွမ်းဥာဏ်စွမ်းနဲ့ ကူညီနေဦးမှာပါ။
အင်း
ခုထိစဉ်းစားမရတာက ကျွန်တော့်ဘ၀ ဒီလိုဖြစ်ခဲ့ရတာ အမေ့ကြောင့်လား။
ပတ်ဝန်းကျင်ကြောင့်လား။ ကျွန်တော့်ဘ၀ပေး အခြေအနေ ကြောင့်လားဆိုတာပါပဲ။
သုမောင် ၏ “ကျေးဇူးပဲ AIDS စာအုပ်”မှ
ကူးယူဖေါ်ပြပါသည်။
