မကောင်းသော အနံ့အသက်များထွက်နေပြီး ယားယံကာ ဆီးသွားစဉ် နာကျင်မှုနှင့်အတူ ပုံမှန်မဟုတ်ဘဲ အမျိုးသမီး လိင်အင်္ဂါမှ အရည်များဆင်းခြင်း၊ လိင်အင်္ဂါတစ်ဝိုက် နီရဲနေပြီး ယားယံခြင်းကို ခံစားနေရပါသလား။

ယင်းအခြေအနေမှာ တစ်နှစ်လျှင် အမျိုးသမီး သန်းပေါင်းများစွာ ဖြစ်ပွားနေသည့် အလွန်အဖြစ်များသော မမျိုးပွားအင်္ဂါရောဂါပိုး ဝင်ရောက်သည့်ရောဂါ (Vaginitis) ဖြစ်နိုင်သည်။

Vaginitis ရောဂါကို ဆေးပညာအရ မအင်္ဂါရောင်ရမ်းခြင်း(သို့မဟုတ်) ယားယံခြင်းအဖြစ် သတ်မှတ်သည်။

အချို့သော အမျိုးသမီးများတွင် ရောဂါလက္ခဏာ လုံးဝပြသလေ့ မရှိပေ။ အချို့သော အမျိုးသမီးများတွင်မူ ထင်ရှားသော ရောဂါလက္ခဏာများ ပြလေ့ရှိသည်။

ယင်းရောဂါလက္ခဏာများမှာ မကောင်းသော အနံ့အသက်များရှိသည့် မအင်္ဂါမှ ပုံမှန်မဟုတ်ဘဲ အရည်များဆင်းခြင်း၊ ဆီးသွားစဉ် နာကျင်ခြင်း၊ ပူစပ်ခြင်း၊ မအင်္ဂါအပြင်ဘက်တစ်ဝိုက် ယားယံခြင်း၊ လိင်ဆက်ဆံစဉ် မသက်မသာခံစားရခြင်း၊ ယားယံခြင်းနှင့် သွေးထွက်ခြင်းတို့ဖြစ်သည်။

Vaginitis ရောဂါဖြစ်ပွားရသည့် အကြောင်းရင်း အမျိုးမျိုးရှိ သည့် ယင်းရောဂါမှာ ဘက်တီးရီးယားပိုးများ ဝင်ရောက်ခြင်း၊ မှိုရောဂါကူးစက်ခြင်း၊ ပရိုတိုဇိုးဝါးဆဲလ်များကြောင့် ရောဂါကူးစက်ခြင်း၊ ဓာတ်မတည့်ဖြစ်နိုင်သော အရာများနှင့် ထိတွေ့ခြင်းတို့ကြောင့် ဖြစ် နိုင်သည်။

အမျိုးသမီး အင်္ဂါဇာတ်အတွင်းသို့ ရောဂါပိုး ဝင်ရောက်နိုင်သည့် အန္တရာယ်များကို အနည်းဆုံး ဖြစ်စေရန် မအင်္ဂါဇာတ် တစ်ဝိုက် သန့်ရှင်းအောင်ထားပြီး ကောင်းသော သန့်ရှင်းစင်ကြယ်ရေး အလေ့အထထားရှိပါ။

အပြင်းစား ဆပ်ပြာများနှင့် အမျိုးသမီးသုံးသည့် သန့်စင်ရေဖျန်းဆေးကဲ့သို့ ယားယံစေသော ပစ္စည်းများ အသုံးပြုမှုရှောင်ပါ။

မအင်္ဂါဇာတ် (သို့မဟုတ်) ဆီးပြွန်ထဲသို့ ရောဂါပိုးများ ဝင်ရောက်ခြင်းကို ကာကွယ်ရန် မအင်္ဂါကို သန့်စင်စဉ် ရှေ့ဘက်မှ နောက်ဘက်သို့ သုတ်၍ သန့်စင်သင့်သည်။

—Ref: TOI

7 Day Daily - မမျိုးပွားအင်္ဂါသို့ ရောဂါပိုးဝင်ရောက်ခြင်း လက္ခဏာများ