အခုရက်ပိုင်း အတွင်းမှာ မေးလာသူ ၂ ယောက်ရှိလို့ ပြန်တင်ပါရစေ။

Moniliasis လို့လည်းခေါ်တယ်။ Fungus ဖန်းဂတ်စ်မှိုတမျိုးကနေ ဖြစ်တယ်။ မှိုအမျိုးအစားတွေ အများကြီးဘဲ။ ခန္ဓာကိုယ်အပြင်ကနေ ကိုယ်ထဲဝင်လာမယ်။ ပူလောင်စိုစွပ်ရာ နေရာတွေမှာ ပေါက်ပွါးတတ်တယ်။ အရေပြား အရေးအကြောင်းရှိရာတွေမှာ ဖြစ်တတ်တယ်။ အတွင်းခံဝတ်တဲ့နေရာမှာ ရောဂါရရင် Diaper candidiasis ခေါ်တယ်။ လက်သည်းမှာဖြစ်ရင် ကြာကြာကုရတယ်။ နို့တိုက်အရွယ် ကလေးငယ်တွေမှာ လျှာ၊ အာခေါင်၊ ပါးစောင်တွေမယ် အဖြူဖတ်တွေဖြစ်ပြီး၊ ဘေးကနီနေတယ်။ နာတယ်၊ နို့စို့ရ၊ အစာစားရခက်တယ်။

ကင်ဆာဆေး၊ စတီရွိုက်ဆေး၊ ပဋိဇီဝဆေး ပေးနေရင်း မှိုရောဂါ ဖြစ်တတ်တယ်။ ဘက်တီးရီးယားပိုး ဝင်နေတဲ့ အခါမျိုးမှာ စတီရွိုက်ပါတဲ့ မျက်စဉ်း ခတ်မိရင် မှိုရောဂါ နောက်ဆက်တွဲ ဖြစ်နိုင်တယ်။ ကိုယ်ဝန်ဆောင်၊ သွေးဆုံး၊ ဆီးချိုနဲ့လဲ တွဲတတ်တယ်။ ဆီးပိုက်စတာမျိုး တပ်ထားရသူတွေမှာ မှိုရောဂါ ဝင်လာတတ်တယ်။ Fluconazole 100 mg/d ဒါမှမဟုတ် Itraconazole 200 mg/d ဆေး ၁ဝ-၁၄ ရက် ပေးတယ်။ AIDS နဲ့ လူကီးမီးယားနဲ့လဲ တွဲဖြစ်တတ်တယ်။ အစာမြိုပြွန်မှာ လာဖြစ်မယ်။ အစာမြိုရင်-ရေမြိုရင် နာမယ်။ အောက် ဆက်ဆင်းရင် ပျို့-အန်ဖြစ်မယ်။ ရေ-ဆား ခမ်းခြောက်တာ ဖြစ်လာမယ်။ ရင်ညွန့်ရိုးအောက်က နာမယ်။

မှိုက သွေးထဲရောက်ရာကနေ အထဲ အင်္ဂါတွေမှာ ရောဂါရစေနိုင်တယ်။ မျက်နှာ၊ နား-နှာခေါင်း-လည်ချောင်း၊ ဦးနှောက်၊ နှလုံးသား၊ ဆိုးဝါးတဲ့မှိုရောဂါကို ဆေးအပြင်းတွေပေး၊ ဆေးရုံတက်ကုရတာမို့ ဆေးနည်းတွေ မရေးတော့ပါ။ (၄၅%) အသက်အန္ကရာယ် ထိခိုက်နိုင်တယ်။

ကလေးရဲ့ လျှာကို အဝတ်သန့်သန့်လေးကို လက်ညှိုးမှာပါတ်ပြီး အဖြူဖတ်တွေ ရှင်းပေးပါ။ မိခင်နို့ကို အမြဲသန့်နေပါစေ။ သန့်တယ်ဆိုတာ ရေ+ဆပ်ပြာသုံးပြီးနောက် ရေကိုခြောက်စေပြီးမှသာ အတွင်းခံဖုံးပါ။ မိုးရာသီမှာ ပိုသတိထားရမယ်။ လိုအပ်ရင် Nystatin Oral Suspension 4-6 mL တနေ့ ၄ ကြိမ်တိုက်ပါ။

ကလေး၊ လူကြီး သန့်ရှင်းရေးကို လိုတာထက် မပိုသင့်ပါ။ တကိုယ်ရေ သန့်ရှင်းရေးမှာ စနစ်ကျရမယ်။ အပိုတွေမသုံးသင့်ပါ။ ပိုက်ဆံကုန်မှာစိုးလို့ မဟုတ်ပါ။ တခြား ကူးစက်ရောဂါကို ဖိတ်ခေါ်သလိုဖြစ်တတယ်။ ဖန်းဂတ်စ်ပိုးဟာ အဲလိုကနေ ရလာတတ်တယ်။ စိုစွပ်တဲ့အချိန်၊ ပူအိုက်ချိန်မှာ ဖန်းဂတ်စ်စတွေကို ပိုသတိထားရပါမယ်။

ဒေါက်တာတင့်ဆွေ - မှက္ခရုနာ