ရခိုင်ပြည်နယ် အမျိုးသမီးရေးရာ အဖွဲ့မှ ကြီးမှူးပြီး (HIV/AIDS) ရောဂါအကြောင်း သိကောင်းစရာများ အသိပညာပေး ဟောပြောပွဲကို ရခိုင်ပြည်နယ်၊ စစ်တွေမြို့ အမှတ် (၁) အခြေခံပညာ အထက်တန်းကျောင်းမှ ကျောင်းသား၊ ကျောင်းသူများနဲ့ ရွာကြီးမြောက် ရပ်ကွက်ရှိ ရပ်ကွက်နေ ပြည်သူများကို ဒီဇင်ဘာ (၅) ရက် နံနက်ပိုင်းက ကျင်းပခဲ့ပါတယ်။
ရခိုင်ပြည်နယ် အမျိုးသမီးရေးရာအဖွဲ့ ဥက္ကဋ္ဌ ဒေါ်ညိုညိုဝေလွင်က အဖွင့်အမှာစကား ပြောကြားခဲ့ပြီး မြို့နယ် ကျန်းမာရေး ဦးစီဌာနမှူး ဒေါက်တာ ကျော့သာစိန်က (HIV) ရောဂါပိုး ဖြစ်ပွားရခြင်း အကြောင်းအရာများ၊ (HIV) မဖြစ်အောင် နေထိုင်ရမယ့် အကြောင်းအရာများ၊ (AIDS) ရောဂါ ဖြစ်ပွားနေသူတွေကို ကူညီ စောင့်ရှောက်ဖို့ အတွက် သိကောင်းစရာတွေကို ကျောင်းသား၊ ကျောင်းသူများအား အသိပညာပေး ဟောပြောခဲ့တယ်လို့ သိရပါတယ်။
အဲဒီနောက် ဆက်လက်ပြီး နံနက် (၁၁) နာရီ အချိန်မှာ ရွာကြီးမြောက် ရပ်ကွက် ဓမ္မရုံမှာလည်း ရပ်ကွက်တွင်း ပြည်သူတွေကို (HIV,AIDS) အကြောင်း အသိပညာပေး ဟောပြောခဲ့ကြတယ်လို့ သတင်းရရှိပါသည်။
Skynet - ရခိုင်ပြည်နယ်မှာ HIV,AIDS အကြောင်း အသိပညာပေး ဟောပြော
