ရင်သားဆိုတာ ရင်ပတ်ကြွက်သားလို့ခေါ်တဲ့ Pectoral muscles (ပက်တိုရယ်-မာဆယ်) တွေအပေါ်မှာရှိတဲ့ Organ အဂ်ါတခု ဖြစ်တယ်။ ရင်သားမှာ ထူးခြားတဲ့ နို့ထွက်ပေးစေနိုင်တဲ့ Tissue (တစ်ရှူး) တမျိုးရှိတယ်။ (တစ်ရှူး) ဆိုတာ အမျိုးတူ Cell (ဆဲလ်) အစုအဝေးကို ခေါ်တယ်။ (ဆဲလ်) ဆိုတာ သက်ရှိတွေရဲ့ အသေးဆုံး အစိတ်အပိုင်း (ယူနစ်) တခုကို ခေါ်တယ်။ ရင်သားမှာ Glands and Duct နို့ထွက်စေတဲ့ အိတ်-ပြွန်တွေ ရယ် Fat အဆီရယ်ပါတယ်။ အဆီများရင် အရွယ်အစား ကြီးမားတယ်။

နို့ထွက်တာနဲ့ဆိုင်တာမှာ Lobe အဆုပ် (အခန်း-အကန့်) ၁၅-၂ဝ ရှိတယ်။ ဒါမျိုးတခုတိုင်းမှာ နို့ထုတ်ပေးတဲ့ Lobules အဆုပ်သေးလေး (အခန်းသေး-အကန့်သေး) လေးတွေ ရှိတယ်။ အဲဒါလေးတွေကနေထွက်တဲ့ Milk နို့ရည်ဟာ Duct ပြွန်သေးသေးလေးတွေထဲကနေ Nipple နို့အဖျားဆီ ရောက်လာတယ်။ ပြွန်လေးတွေက ဆက်စပ်ပြီး ကွန်ယက်လို ဖြစ်နေတယ်။ ပြွန်လေးတွေက သေးရာကနေ ကြီးကြီးလာမယ်။ နို့သီးထိပ်ဖျား မှာ လာဆုံကြတယ်။ နို့သီးထိပ်ဖျား အရေပြားဘေးမှာ အရောင်ရင့်တဲ့ဝိုင်းကို Areola (အေရီယိုလာ) လို့ ခေါ်တယ်။

ဒါတွေအပြင် Connective tissue တွယ်ဆက်-တစ်ရှူးနဲ့ Ligaments (လင့်ဂမင့်) အရွတ်တွေရှိသေးတယ်။ နို့ရဲ့ပုံပန်းကို ဖြစ်စေတယ်။ ပင့်တင်-မပေးထားတယ်။ Nerves (အာရုံကြော) တွေရှိသေးပြန်လို့ အာရုံ ခံနိုင်တယ်။ Blood vessels သွေးလွှတ်ကြော၊ သွေးပြန်ကြောနဲ့ Lymph vessels and Lymph nodes သွေးပြန်ရည်ကြောစနစ်တွေလဲ နေရာတိုင်းမှာ ရှိသလိုဘဲ ရှိပါတယ်။ ဒါတွေက ကင်ဆာဖြစ်ရင် အေးပါတယ်။

(၁) Breast cancer ရင်သား-ကင်ဆာ
• Malignant (Cancer) cells = ကင်ဆာ-ဆဲလ်တွေ မူမှန်ဖြစ်လာရင် ပုံမှန်မဟုတ်ဘဲ ပွါးများလာမယ်။ ကိုယ်ခန္ခာ တခြားနေရာတွေဆီကို ပြန့်နှံ့စေမယ်။ အမျိုးသမီး သီးသန့်ရောဂါလို့ ပြောနိုင်တယ်။ ယောက်ျားတွေ လည်း မဖြစ်ဘူးတော့ မပြောနိုင်ပါ။ ရင်သား-ကင်ဆာရဲ့ လက္ခဏာတွေကတော့ အကျိတ်၊ နို့သီးအဖျားက သွေးထွက်တာ၊ နို့အရေပြား အသွင်အပြင်-အရောင်ပြောင်းလဲခြင်းတွေ ဖြစ်ကြတယ်။
• Ductal carcinoma in situ (DCIS) = နို့ပြွန်ထဲမှာသာ ရှိနေသေးတဲ့ ကင်ဆာဆိုတာ ဖြစ်ရင် ကုသလို့ မခက်လှပါ။
• Lobular carcinoma in situ (LCIS) နို့ဖြစ်စေတဲ့ အဆုပ်လေးထဲမှာသာ ရှိနေသးတဲ့ ကင်ဆာဟာ ဘေးကို မပြန့်သေးပေမဲ့ နောင်တချိန်မှာ ဆိုးချင် ဆိုးလာနိုင်တယ်။
• Invasive ductal carcinoma = နို့ပြွန်-ကင်ဆာကတော့ နို့ထဲမှာတင် တခြား (တစ်ရှူး) တွေအထိပြန့်မယ်။ ကိုယ်ခန္ဓာ တခြားနေရာတွေအထိ ရောက်ချင် ရောက်နိုင်တယ်။ ဆိုးတယ်။ အဖြစ်များတယ်။
• Invasive lobular carcinoma = နို့ထွက်အဆုပ် ကင်ဆာကလဲ နို့ထဲမှာရာ တခြားနေရာတွေကိုပါ ပြန့်မယ်။ အဖြစ်မများပေမဲ့ ဆိုးတာဘဲ။

(၂) Benign lesions ကင်ဆာ မဟုတ်တာတွေ
• Simple breast cyst = ကင်ဆာမဟုတ်တဲ့ ရင်သား-အကျိတ်။ အထဲမှာ အရည်ရှိနေမယ်။ အသက် ၃ဝ-၄ဝ အရွယ်တွေမှာ ဖြစ်တယ်။ နို့နာနိုင်တယ်။ နို့သီးအဖျားကနေ ညှစ်ရင် အရည်ထွက်နိုင်တယ်။
• Breast Fibroadenoma (FA) = အသက် ၂ဝ-၃ဝ အပျိုရွယ်တွေမှာ အများဆုံးဖြစ်တဲ့ ကင်ဆာမဟုတ်တဲ့ ရင်သားအကျိတ်။ နာလဲမနာဘူး။ အကျိတ်ကို သန့်သန့်လေး စမ်းလို့ရမယ်။ ဟိုဘက်-ဒီဘက်၊ အထက် - အောက် ရွေ့လို့ရတာမို့ ရင်သား Breast mouse ကြွက်လို့ ခေါ်ကြတယ်။
• Fibrocystic breast disease = ကင်ဆာမဟုတ်ပါ။ ရာသီရက်တွေမှာ အပြောင်းအလဲတွေ ဖြစ်မယ်။ အနေရ ခက်စေတယ်။
• Usual hyperplasia of the breast = ရင်သားကို အသားစဖြတ်ယူ စစ်ဆေးကြည့်ရင် ကင်ဆာလို့ မတွေ့ရဘူး။ ဒါပေမဲ့ ပြွန် (ဆဲလ်) တွေက ပုံမှန်မဟုတ်ဘဲ များနေတယ်။ တချိန်မှာ ကင်ဆာဖြစ်လာနိုင်တဲ့ အခွင့်အလမ်း များတယ်။
• Atypical hyperplasia of the breast = ပုံမှန်မဟုတ်တဲ့ (ဆဲလ်) တွေကို နို့ပြွန်ထဲမှာရော နို့ထွက် အဆုပ်လေးတွေမှာပါ ရှိနေမယ်။ တချိန်မှာ ကင်ဆာ ဖြစ်လာနိုင်တဲ့အခွင့်အလမ်း ၄-၅ ဆ များတယ်။
• Intraductal papilloma = ကင်ဆာမဟုတ်ပါ။ နို့ပြွန်လေးတွေထဲမှာ ကြွက်နို့နဲ့ဆင်တယ်။ အပြင်ကစမ်းရင် အကျိတ်စမ်းလို့ရမယ်။ နို့သီးအဖျားကနေ အရည်တမျိုးမျိုး ထွက်မယ်။
• Adenosis of the breast = ကင်ဆာမဟုတ်ပါ။ နို့ထွက်အဆုပ်လေးတွေမှာဖြစ်တယ်။ Mammograms (မင်မိုဂရမ်) ရိုက်ရင် ကင်ဆာနဲ့ဆင်နေမယ်။ Biopsy အသားစဖြတ်ယူစစ်ဆေးတာ လုပ်ရမယ်။
• Phyllodes tumor = ရှားတယ်။ ကြီးလာတာမြန်တယ်။ ultrasound ရိုက်ရင် Fibroadenoma နဲ့ ဆင်တူနေမယ်။ အသက် ၄ဝ ကျော်မှာ အဖြစ်များတယ်။ ကင်ဆာမဟုတ်တာရော ကင်ဆာပါဖြစ်နိုင်တယ်။
• Fat necrosis = ရင်သားကို ထိခိုက်မိရာကနေ အထဲက အဆီ (တစ်ရှူး) တွေ ပျက်စီးတာဖြစ်တယ်။ စမ်းလို့တွေ့တဲ့ အကျိတ်ဟာ အမာရွတ်သာဖြစ်တယ်။
• Mastitis = နို့နာ။ တခြားနေရာတွေမှာ အနာဖြစ်သလိုမျိုး နာမယ်၊ နီရဲနေမယ်၊ ဖေါင်းနေမယ်၊ ပူနွေးနေမယ်။ ကလေး နို့တိုက်ချိန်မှာ အဖြစ်များတယ်။ Breast abscess ပြည်တည်လာနိုင်တယ်။ ကိုယ်ပူမယ်။
• Breast calcifications = နို့မာ။ (ကယ်လ်စီယမ်) ထုံးဓါတ်တွေ စုဝေးနေတာဖြစ်တယ်။ Mammograms ရိုက်ရမယ်။ ဆင်ဆာလဲဖြစ်နိုင်လို့ Biopsy အသားစ ဖြတ်ယူစစ်ဆေးတာ လုပ်ရမယ်။
• Gynecomastia = ယောက်ျားနို့က မိန်းမနို့လိုဖြစ်နေတာ။ မွေးကလေးတွေမှာလဲ ဖြစ်နိုင်တယ်။ လူပျိုပေါက်လဲ ဖြစ်တတ်တယ်။

Breast Tests နို့ကျန်းမာရေး စစ်ဆေးခြင်းများ
• Physical Exam ရင်သားကို ရိုးရိုးစစ်ဆေးခြင်း = ကိုယ်တိုင်စမ်းတာကနေစပြီး ဆရာဝန်မျက်စိနဲ့၊ လက်နဲ့ စစ်ဆေးတာကနေ စရမယ်။ အရွယ်အစားရော တွဲကျနေမှုရော ဘယ်-ညာ တူပါသလား၊ ဖြစ်နေတဲ့နေရာမှာ အပေါ်အရေပြား ပြောင်းနေတာ၊ အကျိတ်တွေ့ရင် နေရာ၊ အရွယ်အစား၊ ပုံပန်း၊ ရွေ့ ရ-မရ၊ နာ-မနာ၊ အပြော့-အမာ။ နို့သီးအဖျားက တခုခုထွက်နေသလား၊ ချိုင်းမှာကော တက်စိတွေ ရှိနေသလား။
• Mammogram (မင်မိုဂရမ်) = low-dose X-rays ဓါတ်မှန်ရောင်ခြည် အပြော့စားသုံးတယ်။ အမျိုးသမီးတိုင်းကို ပုံမှန်စစ်နေတာအတွက်ရော၊ သေခြာချင်လို့ရောအတွက်ပါ သုံးတယ်။
• Digital mammogram (ဒစ်ဂျစ်တယ်လ်-မင်မိုဂရမ်) = (ဒေတာ) ကိန်းဂဏန်းတွေကို လုပ်ယူဖေါ်ပေးနိုင်တဲ့ ကွန်ပြုတာသုံးတယ်။ ပိုတိကျတယ်။
• Diagnostic mammogram ရောဂါရှာ (မင်မိုဂရမ်) = ရင်သားမှာ မူမှန်မဟုတ် ဖြစ်နေတာတွေကို ပိုသိစေနိုင်တယ်။
• Breast ultrasound (အာလ်ထွာဆောင်း) = (ဖရီကွင်စီ) များလှတဲ့ အသံလှိုင်းကိုသုံးတယ်။ ဓါတ်ရောင်ခြည် မပါဘူး။ အသံလှိုင်ကိုပုံဖေါ်ယူတယ်။ အကျိတ်ထဲမှာ အရည်ရှိနေသလား။ အခဲလား သိစေမယ်။
• Breast magnetic resonance imaging (MRI scan) (အမ်-အာရ်-အိုင်) = သံလိုက် နဲ့ ကွန်ပြူတာသုံးတယ်။ အသေးစိတ် ပုံဖေါ်နိုင်တယ်။ နေရာတိုင်းတော့ မသုံးဘူး။
• Breast biopsy (ဘိုင်အော့်ပ်စီ) အသားစဖြတ်ယူစစ်ဆေးခြင်း = သံသယရှိတဲ့နေရာက (တစ်ရှူး) ကိုဖြတ်ယူပြီး အသေအခြာစစ်ဆေးတယ်။ ကင်ဆာ ဟုတ်တာ-မဟုတ်တာ အတိအကျ သိရမယ်။
• Fine needle aspiration (FNA) breast biopsy အပ်သေးလေးနဲ့စုပ်ယူစစ်ဆေးခြင်း = မကောင်းဘူးထင်တဲ့ နေရာကို အင်မတန်သေးတဲ့ ဆေးထိုးအပ်ထိုးပြီး အထဲက စုပ်ယူလို့ရတာကို မှန်ဘီလူးနဲ့ စစ်ဆေးတယ်။
• Core needle breast biopsy အပ်ကြီးတာနဲ့ စုပ်ယူစစ်ဆေးခြင်း = မကောင်းဘူးထင်တဲ့နေရာကို အခေါင်းကျယ်တဲ့ အပ်ထိုးပြီး အထဲကစုပ်ယူလို့ရတာကို မှန်ဘီလူးနဲ့ စစ်ဆေးတယ်။
• Stereotactic breast biopsy = ကွန်ပြူတာသုံးတယ်။
• Surgical biopsy = ခွဲစိတ်နည်းနဲ့ အသားစဖြတ်ယူစစ်ဆေးတယ်။
• Sentinel node biopsy = ရောဂါဖြစ်နေတာကိုသိမယ်။ လိုအပ်ရင်ဖြတ်ထုတ်ယူမယ်။ တက်စေ့ကိုလဲ လုပ်နိုင်တယ်။
• Ductogram (galactogram) နို့ပြွန်ကိုစစ်ဆေးခြင်း = ပလပ်စတစ်ပြွန်သေးလေးသုံးတယ်။ နို့သီအဖျား နို့ထွက်ပြွန်အဝကနေထည့်မယ်။ ဆေးရည်ထိုးသွင်းမယ်။ နို့ကနေသွေးထွက်တာ ဘာလို့လဲဆိုတာ သိလာစေမယ်။
• Nipple smear နို့ကနေထွက်တာကို စစ်ဆေးခြင်း = သွေးဖြစ်ဖြစ်၊ အရည်ဖြစ်ဖြစ်ထဲမှာ ကင်ဆာ-ဆဲလ်တွေ ပါနေ-မနေစစ်မယ်။
• Ductal lavage နို့ပြွန်ဆေးကြောခြင်း = သန့်တဲ့ဆားရည်ကို နို့ပြွန်အကနေထိုးပေးပြီး ထွက်လာတာထဲမှာ ကင်ဆာ-ဆဲလ်တွေ ပါနေ-မနေစစ်မယ်။

Breast Treatments ရင်သားရောဂါ ကုသနည်းများ
1. Lumpectomy အကျိတ်ခွဲထုတ်ခြင်း
2. Mastectomy နို့တခုလုံးဖြတ်ထုတ်ခြင်း
3. Axillary lymph node dissection ချိုင်းအကျိတ်တွေထုတ်ယူခြင်း
4. Chemotherapy ကင်ဆာဆေးပေးခြင်း
5. Radiation therapy ဓါတ်ကင်ခြင်း
6. Breast reconstruction ရင်သား ပြန်လည်ပြုလုပ်ပေးခြင်း
7. Antibiotics ပဋိဇီဝဆေးပေးခြင်း
8. Breast augmentation ရင်သားအလှပြန်လည်ရအောင်လုပ်ပေးခြင်း
9. Breast reduction ရင်သားပိုသေးအောင်လုပ်ပေးခြင်း

ဒေါက်တာတင့်ဆွေ (၁၃-၃-၂ဝ၁၂ )

ဒေါက်တာတင့်ဆွေ - ရင်သား ကျန်းမာရေး