လိင်တူချစ်သူများ၏ အခွင့်အရေးများကို လူထု အသိုင်းအဝိုင်းများက
ယခင်ကထက်ပို၍ လက်ခံလာ ကြပြီး၊ အသိအမှတ် ပြုလာကြကြောင်း တက်ကြွလှုပ်ရှား သူများက ပြောဆိုလိုက်သည်။
ထိုင်း၊ မြန်မာတက်ကြွလှုပ်ရှားသူများက လိင်တူချစ်သူများအပေါ်
အကြမ်းဖက်မှု ပပျောက်ရေးနေ့ အဖြစ် ထိုင်းနိုင်ငံ ချင်းမိုင်မြို့တွင် ယမန်နေ့က ပြုလုပ်သည့်
ငြိမ်းချမ်းရေးလမ်းလျှောက် ချီတက်ပွဲတွင် ပြောဆိုလိုက်ခြင်းဖြစ်သည်။
အဆိုပါ ချီတက်ပွဲသို့ တက်ကြွလှုပ်ရှားသူများ အပါအဝင်၊ လိင်တူချစ်သူ
၂၅၀ ခန့် ပါဝင်ချီတက်ခဲ့ သည်။ ချင်းမိုင် ညဈေးမှ စတင်ချီတက်ကြပြီး ဗုဒ္ဓဆထန် ဘုန်းကြီးကျောင်းတွင်
အဆုံးသတ်သည်။ အခမ်းအနားအစီအစဉ်များကို ဘုန်းကြီးကျောင်း အတွင်းရှိ ခန်းမ၌ပင် ကျင်းပပြီး
ချင်းမိုင် ဒုတိယမြို့ တော်ဝန်က အခမ်းအနားကို ဖွင့်လှစ်ပေးခဲ့သည်။
လိင်တူချစ်သူများက ရိုးရာအကများဖြင့် ဖျော်ဖြေခြင်း၊ ငြိမ်းချမ်းရေး
အထိမ်းအမှတ်တံဆိပ်ကို ဖယောင်းတိုင်မီးများဖြင့် ထွန်းညှိ ပုံဖော်ခြင်းစသည့် အစီအစဉ်များ
ပါဝင်ခဲ့သည်။
လူ့အခွင့်အရေး ပညာပေးဌာန (မြန်မာနိုင်ငံ) (HREIB) ၏ ဒါရိုက်တာလည်းဖြစ်ပြီး
လိင်တူချစ်သူ တဦးလည်းဖြစ်သည့် ဦးအောင်မျိုးမင်းက လိင်တူချစ်သူများသည် လူထုအသိုင်းအဝိုင်းအတွက်
ပြဿ နာမဟုတ်ကြောင်း၊ လူထုအသိုင်းအဝိုင်း၏ အစိတ်အပိုင်းတခုသာဖြစ်ကြောင်း အခမ်းအနားမိန့်ခွန်း
တွင် ထည့်သွင်းပြောဆိုခဲ့သည်။
ဦးအောင်မျိုးမင်းက လိင်တူချစ်သူများအရေးကို လှုပ်ရှားနေရသည်မှာ
ပြည်ပ အဖွဲ့အစည်းများအကြား ၌ပင် အခက်အခဲရှိသည်ဟု ပြောသည်။
ဦးအောင်မျိုးမင်းက “လိင်တူချစ်သူများအရေးကို ဆောင်ရွက်နေရတာဟာ
လှုပ်ရှားမှုတွေထဲမှာ လှုပ်ရှားမှုတွေကို လုပ်နေရတယ်လို့ ပြောလို့ရပါတယ်။ ဒီမိုကရေစီအရေး၊
လူ့အခွင့်အရေး လှုပ်ရှားနေကြတဲ့ အဖွဲ့အစည်းတွေ ကြားထဲမှာတောင်မှ လိင်တူချစ်သူတွေရဲ့
အခွင့်အရေးကို လုပ်တယ်ဆိုရင် အကုန်လုံးနီးပါးက တမျိုးမြင်ကြတယ်။ အဲဒါကြောင့်မို့ လှုပ်ရှားမှုတွေထဲက
လှုပ်ရှားမှု (struggle within struggle) ကို လုပ်နေရတာပါလို့ ပြောဆိုရခြင်း ဖြစ်ပါတယ်”
ဟု ဧရာဝတီသို့ ပြောသည်။
ထိုင်းနိုင်ငံအခြေစိုက် လိင်တူချစ်သူ အခွင့်အရေး လှုပ်ရှားသည့်အဖွဲ့
Mplus project ကို ဦးဆောင်သူတဦးဖြစ်သူ Mr. Pongthorn Chanlearn က ပြီးခဲ့သည့် ၂၀၀၈
ခုနှစ် ဖေဖော်ဝါရီလ ၂၁ ရက်နေ့တွင် ချင်းမိုင်မြို့၌ လိင်တူချစ်သူများ လမ်းလျှောက်ပွဲ
ပြုလုပ်ခဲ့ရာ ဝန်ကြီးချုပ်ဟောင်း သက်ဆင်ကို ထောက်ခံသည့် ရှပ်နီများက ချင်းမိုင်ဒေသ၏
ဂုဏ်သိက္ခာနှင့် ရိုးရာကို ဖျက်ဆီးသည် ဟု ဆိုကာ ၎င်းတို့ကို တိုက်ခိုက်ခဲ့သည်ဟု ဆိုသည်။
“ဒေသရဲ့ ထုံးတမ်းအစဉ်အလာနဲ့ ရိုးရာကို ကျနော်တို့ အလေးထားပါတယ်၊
လေးလည်း လေးစားပါ တယ်။ ကျနော်တို့ရဲ့ အခွင့်အရေး အတွက်သော်လည်းကောင်း၊ ကျနော်တို့အပေါ်
ခွဲခြားဆက်ဆံမှု တွေကို ပပျောက်ဖို့သော်လည်းကောင်း ကျနော်တို့ ကြိုးစားကြတာပါ” ဟု
Mr. Pongthorn Chanlearn က ဧရာဝတီသို့ ပြောသည်။
ရှပ်နီများ၏ တိုက်ခိုက်မှုကြောင့် ပြင်ပဒဏ်ရာ မရခဲ့သော်လည်း
၎င်းတို့၏ စိတ်ဓာတ်ကို အကြီးအကျယ် ထိခိုက်စေခဲ့ကြောင်း၊ သို့သော် ချင်းမိုင်ဒေသခံများသည်
အကြမ်းဖက်သည့် စရိုက်များ မဟုတ်ကြ သည့်အတွက် ငြိမ်းချမ်းရေး လမ်းလျှောက်ချီတက်ပွဲကို
အောင်မြင်စွာကျင်းပနိုင်ခဲ့ကြောင်း လည်း ၎င်း က ဆိုသည်။
Mplus project ၏ မှတ်တမ်းများအရ ထိုင်းနိုင်ငံ ချင်းမိုင်မြို့တွင်
မှတ်ပုံတင်ထားသည့် လိင်တူ ချစ်သူများ ၃ သောင်း ဝန်းကျင်ခန့် ရှိသည်ဟု သိရသည်။
လိင်တူချစ်သူများ အခွင့်အရေးလှုပ်ရှားသူ တဦးဖြစ်သည့် ကရင်တိုင်းရင်းသား
အဆိုတော် ယူရီက လိင်တူချစ်သူများသည်လည်း လူသားထဲမှ လူသားများဖြစ်သဖြင့် ၎င်းတို့ကို လူသားကဲ့သို့သာ
ဆက် ဆံစေလိုကြောင်း ပြောဆိုသည်။
“အခုလို ငြိမ်းချမ်းရေး လမ်းလျှောက်ပွဲတွေဟာ ပတ်ဝန်းကျင်က
လူတွေတင် မဟုတ်ပါဘူး၊ တခြား လူတွေကိုလည်း လိင်တူချစ်သူတွေကို ငြိမ်းချမ်းစွာ ဆက်ဆံကြဖို
့ အသိပေးနှိုးဆော်တာမျိုး ဖြစ်တာ ကြောင့် ကောင်းပါတယ်။ ဒါတင်မက လိင်တူချစ်သူတွေလည်း
တခြားလူတွေလိုပဲ ငြိမ်းချမ်းရေးကို လိုလားပါတယ်ဆိုတာ ပြသနိုင်ခဲ့ပါတယ်” ဟု ယူရီက ဧရာဝတီသို့
ပြောသည်။
မြန်မာနိုင်ငံတွင် လိင်တူချစ်သူများကို ယခင်နှစ်များထက်စာလျှင်
နေရာပေးလာပြီဖြစ်သဖြင့် ထင်သာ မြင်သာ ပိုမိုရှိလာသည်ဟု ဆိုနိုင်သော်လည်း ၎င်းတို့ကို ရယ်စရာ၊
မောစရာ အနေအထားများတွင်သာ အသုံးပြုခြင်း၊ နေရာပေးခြင်းမျိုးသာဖြစ်သည်ဟု ဦးအောင်မျိုးမင်းက
ဆိုသည်။
စိုင်းဇွမ်ဆိုင်း
Monday, 21 February 2011 18:57
