လူကုန်ကူးသူများသည်
သာသနာ့ဝန်ထမ်းများကိုပါ ဆက်နွှယ်ထိပါးနေသဖြင့် သာသနာ့ဝန်ထမ်း၊ ရဟန်း၊ သီလရှင်များကိုပါ
ထည့်သွင်း၍ လူကုန်ကူးမှု တိုက်ဖျက်ရေး အသိပညာပေးမှုများကို အကောင်အထည်ဖော် ဆောင်ရွက်ရန်
အထူးလိုအပ်ကြောင်း လူကုန်ကူးမှု တိုက်ဖျက်ရေး ဆောင်ရွက်လျက်ရှိသော အဆင့်မြင့် ရဲအရာရှိကြီးတစ်ဦးက
ပြောကြားလိုက်သည်။
ယခုအခါတွင်
လူကုန်ကူးသူများ အနေနှင့် ရဟန်း၊ သံဃာ တော်များကိုပါ လိမ်ညာ လှည့်ဖျား၍ လူကုန်ကူးမှု
ဆန်ဆန်များ ကျူးလွန်နေကြသဖြင့် ယင်းသို့ ပြောကြားရခြင်း ဖြစ်ကြောင်း ပြည်တွင်း လူကုန်
ကူးမှုနှင့် ပတ်သက်သော အင်န်ဂျီအို အဖွဲ့တစ်ခုမှ တာဝန်ရှိသူတစ်ဦးကလည်း ပြောသည်။
“မိဘမဲ့ ကလေးတွေ၊ “၀” တိုင်းရင်းသား၊ ပအိုင်း တိုင်း
ရင်းသား ကလေးလေးတွေကို ကျောင်းထားပေးတဲ့ ဘုန်းကြီးကျောင်း တစ်ကျောင်းမှာ ဖြစ်တယ်လို့တော့
သိရတယ်။ ကလေးလေးတွေက ဘုန်းကြီး ကျောင်းသားတွေအနေနဲ့ အဲဒီ ဘုန်းကြီးကျောင်းမှာနေတော့
ကလေးများလာတော့ ဘုန်းကြီးကလည်း မတတ်နိုင်တော့ဘူး။ အဲဒီမှာ သီရိလင်္ကာက ဘုန်းကြီးကျောင်းတစ်ကျောင်းက
လာခေါ်ကာ သာသနာ ပြန့်ပွားအောင် လုပ်မယ်ဆိုပြီး ခေါ်သွားတာ့ ဘုန်းကြီးက ကလေးတွေ တိုးတက်ရေးအတွက်
ပေးလိုက်တယ်။ အဲဒီမှာ ပြဿနာက စတာပါ။ ခေါ်သွားတဲ့ ကလေးတွေကို သီရိလင်္ကာ ဘုန်းကြီးက ခေါင်းတုံးတုံးပြီး
နာဂစ် ဒေသက ကလေးတွေ အလှူငွေ ထည့်ပါဆိုပြီး အလှူခံစားပါတယ်ဆိုပြီး အပြင်မှာ သတင်းထွက်နေတယ်”
ဟု ယင်းက ပြောသည်။
ကလေးများ
အား ကျောင်း ဝေယျာဝေစ္စများ ခိုင်းစေခြင်း၊ ရိုက်နှက်ခြင်းများ ပြုလုပ်သည့်အတွက် လုပ်အားပိုင်းဆိုင်ရာ
ခေါင်းပုံဖြတ်ခြင်း မျိုးခံစားရခြင်း ဖြစ်လာနေသည့်အတွက် လူကုန်ကူးမှုနှင့် ပတ်သက်သော
အသိပညာများသည် သာသနာ့ဝန်ထမ်းများပါ ပို၍ သိနားလည် ထားသင့်ကြောင်း ကရင် အမျိုးသမီးများ
ဖွံ့ဖြိုးတိုးတက်ရေး အဖွဲ့မှ တာဝန်ရှိသူတစ်ဦးက ပြောသည်။
လက်ရှိတွင်လည်း
အဆိုပါ အဖွဲ့အနေဖြင့် ဧပြီ ၂၆ ရက်က သာသနာ့ နွယ်ဝင် သီလရှင်များ ပါဝင်သော လူကုန်ကူးမှုနှင့်
ပတ်သက်သည့် သင်တန်းတစ်ခုအား ပထမဆုံး အကြိမ်အဖြစ် ပြုလုပ်ကြောင်း ၂၀၁၀ ခုနှစ် မေလ ၆
ရက်နေ့ထုတ် ရန်ကုန်တိုင်း(မ်)ဂျာနယ်တွင် ဖော်ပြထားပါသည်။
