အာရှတိုက်သူ
အမျိုးသမီးတွေကြားမှာ HIV ရောဂါပိုး ကူးစက်ခံရသူ အရေအတွက် တိုးလာနေတာကို တားဆီးနိုင်ရေး
အရှိန်မြှင့်ပြီး ကြိုးပမ်းလုပ်ဆောင်ကြဖို့ ကုလသမဂ္ဂက အာရှတိုက်နိုင်ငံတွေကို နှိုးဆော်နေပါတယ်။
အာရှသူတွေဟာ သူတို့ရဲ့ ခင်ပွန်းတွေ၊ ချစ်သူတွေ၊ အတူနေ အမျိုးသားတွေရဲ့ အန္တရာယ်ကြီးတဲ့
ပြုမူ နေထိုင်မှုတွေကြောင့် HIV ရောဂါပိုး ကူးစက် ခံနေကြရပါတယ်။ ဒီအတောအတွင်းမှာပဲ အမေရိကန်အစိုးရအနေနဲ့
တကမ္ဘာလုံးမှာ HIV/AIDS ရောဂါ တိုက်ဖျက်ရေးအတွက် ရန်ပုံငွေ ပိုထောက်ပံ့ဖို့ HIV ရောဂါ
တိုက်ဖျက်ရေး လှုပ်ရှားသူတွေက အမေရိကန် အစိုးရကို ဖိအားပေးနေပါတယ်။ ဒီအကြောင်းတွေကို
ဗွီအိုအေ သတင်းထောက်တွေ ဖြစ်ကြတဲ့ Ron Corben နဲ့ Nico Colombant တို့ ပေးပို့ထားတဲ့
သတင်းဆောင်းပါးတွေပေါ် အခြေခံ ပြီး ဒီသီတင်းပတ်ရဲ့ ကျန်းမာရေးကဏ္ဍအဖြစ် ကိုကျော်ကျော်သိန်းက
တင်ပြထားပါတယ်။
အာရှတိုက်က
အမျိုးသမီးနဲ့ ကလေးငယ်တွေကြားမှာ HIV ရောဂါပိုး ကူးစက်ခံရတဲ့နှုန်း မြင့်မားလာနေတဲ့အတွက်
အမျိုးသမီးတွေကို အားပေး မြှင့်တင်မယ့် အစီအစဉ်တွေ အရှိန် တိုးမြှင့် လုပ်ဆောင်ဖို့နဲ့
HIV ရောဂါပိုး ကူးစက်ခံရမယ့် အန္တရာယ်ကနေ အကာအကွယ်ပေးဖို့ AIDS ရောဂါဆိုင်ရာ ကုလသမဂ္ဂ
ကျွမ်းကျင်သူတွေက ထိုင်းနိုင်ငံ၊ ဘန်ကောက်မြို့တော်မှာ လုပ်ခဲ့တဲ့ အစည်းအဝေး တခုအတွင်း
ပြောခဲ့ကြပါတယ်။
ဘန်ကောက်မြို့မှာ
လုပ်ခဲ့တဲ့ အဲဒီအစည်းအဝေးမှာ အာရှတိုက် တ၀န်းက ကုလသမဂ္ဂ AIDS ရောဂါတိုက်ဖျက်ရေး အစီအစဉ်
UNAIDS၊ ကုလသမဂ္ဂ အမျိုးသမီးများ ဖွံ့ဖြိုးတိုးတက်ရေး ရန်ပုံငွေအဖွဲ့ UNIFEM နဲ့၊
AIDS တီဘီနဲ့ ငှက်ဖျားရောဂါ တိုက်ဖျက်ရေး ကမ္ဘာလုံးဆိုင်ရာ ရန်ပုံငွေ Global Fund အဖွဲ့တို့က
ကိုယ်စားလှယ်ပေါင်း ၂၀၀ ကျော် တက်ရောက်ခဲ့ကြပါတယ်။
အာရှဒေသ
နိုင်ငံအများအပြားမှာရှိတဲ့ အမျိုးသမီးတွေကြားမှာ HIV ရောဂါပိုး ကူးစက်ခံရတဲ့နှုန်းဟာ
အရှိန်အဟုန်နဲ့ကို တိုးလာနေတယ်လို့ UNAIDS က ပြောပါတယ်။ AIDS ရောဂါဟာ ကမ္ဘာတ၀န်းက ကိုယ်ဝန်ဆောင်နိုင်တဲ့
အသက်အရွယ်မှာ ရောက်နေပြီ ဖြစ်တဲ့ အမျိုးသမီးတွေကြားမှာ သေဆုံးမှုဖြစ်ရတဲ့ အဓိကအကြောင်းရင်း
ဖြစ်နေတယ်လို့ UNAIDS က ဆိုပါတယ်။
မိန်းကလေးငယ်တွေနဲ့
ငယ်ရွယ်တဲ့ အမျိုးသမီးတွေမှာ HIV ရောဂါပိုး ကူးစက်မှု တိုးလာနေတဲ့ကိစ္စကို နိုင်ငံအစိုးရတွေက
ကိုင်တွယ် ဖြေရှင်းဖို့ လိုအပ်တယ်လို့ မတူကွဲပြားသော လိင်နှင့် လူ့အခွင့်အရေး ဆိုင်ရာ
UNAIDS ရဲ့ ဒေသဆိုင်ရာ အကြံပေး ပုဂ္ဂိုလ် Jane Wilson က ပြောပါတယ်။
“အမျိုးသမီးတွေဟာ
HIV ရောဂါပိုး ကူးစက်ခံရဖို့ အန္တရာယ် အရမ်းကြီးတယ်ဆိုတာ အင်မတန် ထင်ရှားပြီး ဒီကိစ္စကို
ကိုင်တွယ်ဖြေရှင်း တာမျိုး မရှိပါဘူး။ ကူးစက်ရောဂါ ပြန့်ပွားခြင်းနဲ့ ကာကွယ်ခြင်း ဆိုင်ရာ
ပညာရပ်ပိုင်းကိုပဲ ကြည့်ကြည့်၊ လူမှုနဲ့ ယဉ်ကျေးမှုဆိုင်ရာ အကြောင်းအချက် တွေကိုပဲ ကြည့်ကြည့်၊
ဆင်းရဲမွဲတေမှုရဲ့ ရိုက်ခတ်မှု ကိုပဲကြည့်ကြည့်၊ AIDS ရောဂါ ကာကွယ်တားဆီး တိုက်ဖျက်ရေး
အမျိုးသား စီမံကိန်းတွေမှာ ကျား-မ ကိစ္စ အလေးထားမှု မရှိတာကိုပဲ ကြည့်ကြည့်၊ အစီအစဉ်တွေကို
ရေးဆွဲတဲ့နေရာမှာ၊ မူဝါဒတွေကို တကယ်တမ်း ချမှတ်တဲ့နေရာမှာ ကွာဟချက်ကြီး ရှိနေတာကို
တွေ့ရမှာပါ။”
အာရှ
ပစိဖိတ် ဒေသမှာ HIV ရောဂါပိုး ကူးစက်ခံထားရတဲ့ အမျိုးသမီး အရေအတွက် ၁ ဒဿမ ၆ သန်းဟာ
ရောဂါရှင်အားလုံးရဲ့ ၃၅ ရာခိုင်နှုန်း ရှိတယ်လို့ UNAIDS က ခန့်မှန်းထားပါတယ်။ ၁၉၉၀
ပြည့်နှစ်တုန်းက အာရှဒေသမှာ HIV ရောဂါပိုး ကူးစက်ခံရသူ အားလုံးထဲမှာ ၁၈ ရာခိုင်နှုန်းဟာ
အမျိုးသမီးတွေ ဖြစ်ကြပါတယ်။
HIV
ရောဂါပိုး ကူးစက်ခံထားရတဲ့ အမျိုးသမီးတွေနဲ့ မိန်းကလေးငယ်တွေရဲ့ တရားဥပဒေ ကြောင်းအရ
ရသင့်ရထိုက်တဲ့ အခွင့်အရေးတွေနဲ့ လူ့အခွင့်အရေးတွေကို ပိုပြီး အကာအကွယ်ပေးဖို့
UNAIDS နဲ့ UNIFEM တို့က နှိုးဆော် တိုက်တွန်းနေပါတယ်။
ရောဂါပိုး
ကူးစက်ခံထားရတဲ့ အမျိုးသမီးတွေဟာ လိင်ကွဲပြားမှုပေါ် မူတည်ပြီး မမျှမတ ခွဲခြား ဆက်ဆံခံရတာ၊
လူမှုရေးရာမှာ ဂုဏ်ငယ်ရတာ၊ လိင်ပိုင်းဆိုင်ရာ စော်ကားခံရတာတွေ အပါအ၀င် အကြမ်းဖက်မှုတွေကို
မကြာခဏ ရင်ဆိုင်နေကြရတယ်လို့ တာဝန်ရှိသူတွေက ပြောပါတယ်။
ခင်ပွန်းတွေ၊
ချစ်သူတွေ၊ အတူနေ အမျိုးသားတွေက တခြားအမျိုးသားတွေနဲ့ အကာအကွယ်မဲ့ လိင်ဆက်ဆံတာ ဒါမှမဟုတ်
အကြောထဲ မူးယစ်ဆေးဝါး ထိုးသွင်းတာတွေ ကနေ အမျိုးသမီးတွေမှာ HIV ရောဂါပိုး ကူးစက်ခံရတာ
တိုးလာနေတယ်လို့ မစ္စ Wilson က ပြောပါတယ်။
“တဖြည်းဖြည်းချင်း
အရေအတွက်များနေတဲ့ပုံ ရှိနေပါတယ်။ ဒါကြောင့် ဒီနှုန်းနဲ့ ရောဂါ ကူးစက်တာတွေ ဆက်ဖြစ်နေဦးမှာပါ။
အမျိုးသမီးအရေအတွက် အများကြီး မုဆိုးမ ဖြစ်ကြရ၊ ကလေးတွေ အများကြီး မိခင်မဲ့ ဖြစ်ကြရဦးမှာပါ။
ဒါ တကယ့်ကို ဆိုးရွားတဲ့ အခြေအနေတရပ် ဖြစ်ပြီးတော့ ကျမတို့ ဒီမှာ ပြောနေတာက သက်ရောက်မှု
လျော့ပါး သက်သာစေမယ့် အကြောင်းပါ။”
ငယ်ရွယ်တဲ့
အမျိုးသမီးတွေကို အကာအကွယ် ပိုပေးနိုင်ဖို့အတွက် သူတို့ရဲ့ အသိ ဗဟုသုတ မြှင့်တင်ပေးရေး
အပိုင်းကို အဓိက ဦးတည်ချက်ထားပြီး အစိုးရ မူဝါဒတွေကို ချမှတ်သင့်တယ်လို့ HIV ရောဂါပိုး
ကူးစက်ခံထားရသူ အမျိုးသမီးများ၏ နိုင်ငံတကာ အ၀န်းအ၀ိုင်းအဖွဲ့က Anandi Yuvraj က ပြောပါတယ်။
Yuvraj Act: “အမျိုးသမီးတွေကို တကယ်တမ်း မြှင့်တင် အားပေးတဲ့ နေရာမှာ ကွာဟချက်ကြီး
ရှိနေပါသေးတယ်။ ဘာ့ကြောင့်လဲဆိုတော့ ကျမလာတဲ့ အိန္ဒိယနိုင်ငံ အပါအ၀င် နိုင်ငံအများအပြားမှာ
အမျိုးသမီးငယ်တွေနဲ့ မိန်းကလေးတွေရဲ့ လိုအပ်ချက်တွေကို ဖြည့်စွမ်းပေးမယ့် အစီအစဉ်မျိုးတွေ
မရှိပါဘူး။ အခြေအနေကို အမျိုးသမီးတွေ တကယ် နားလည်နိုင်အောင် ကူညီပေးမယ့် ဘ၀တသက်တာ ကျွမ်းကျင်မှု
အရည်အချင်းဆိုရာ ပညာရေးတွေ၊ လိင်ပညာ ပေးရေးလို အစီအစဉ်မျိုးတွေ မရှိပါဘူး။”
လိင်ပိုင်းဆိုင်ရာကိစ္စတွေ၊
မူးယစ်ဆေးဝါး သုံးစွဲမှုတွေပေါ်မှာ အခြေခံပြီး လူတွေကို ရာဇ၀တ်ပြစ်မှု ကျူးလွန်သူတွေအဖြစ်
သတ်မှတ်တာ အဆုံးသတ်ဖို့ လှုပ်ရှားသူတွေက ဖြစ်စေချင်ကြသလို ကျန်းမာရေးနဲ့ HIV ကုသရေး
ဝန်ဆောင်မှု လုပ်ငန်းတွေကို အားလုံး တန်းတူညီမျှ ခံစားခွင့်ရအောင် လုပ်ပေး စေချင်ကြပါတယ်။
ဒီအတောအတွင်းမှာပဲ
HIV ရောဂါဆိုင်ရာ လှုပ်ရှားသူတွေက အမေရိကန်အစိုးရဟာ HIV/AIDS ရောဂါ တိုက်ဖျက်ရေးအတွက်
ရန်ပုံငွေပမာဏ အများအပြား ပိုပြီးတော့ ကျခံသုံးစွဲဖို့ တောင်းဆို လိုက်ကြပါတယ်။
အရင်သမ္မတဟောင်း
ဂျော့ဂ်ျဒဗလျူဘုရှ် လက်ထက်က အကောင်အထည် ဖော်ခဲ့တဲ့ တကမ္ဘာလုံးမှာ AIDS ရောဂါတိုက်ဖျက်ရေး
မူဝါဒတွေဟာ ဦးစားပေးအဖြစ် ဆက်ရှိ မနေတော့ဘူးဆိုပြီး သူခံစားရတယ်လို့ အမေရိကန်အခြေစိုက်
AIDS ကျန်းမာရေး စောင့်ရှောက်မှု ဖောင်ဒေးရှင်းဥက္ကဋ္ဌ Michael Weinstein က ပြောပါတယ်။
AIDS
ရောဂါ ကာကွယ် တိုက်ဖျက်ရေးဆိုင်ရာ သမ္မတရဲ့ အရေးပေါ်အစီအစဉ် ဒါမှမဟုတ် PEPFAR လို့ အတိုကောက်ခေါ်တဲ့
အကောင်အထည်ဖော်ဆဲ အစီအစဉ်ရဲ့ တစိတ်တပိုင်းအဖြစ် ငါးနှစ်တာ ကာလအတွင်း ဒေါ်လာသန်းပေါင်း
၅၀,၀၀၀ သုံးစွဲသွားမယ်လို့ သမ္မတ ရွေးကောက်ပွဲ မဲဆွယ် စည်းရုံးစဉ်ကာလက အဲဒီတုန်းက အထက်လွှတ်တော်အမတ်
ဘရက်အိုဘားမားက ပြောခဲ့ပါတယ်။
ဒါပေမဲ့
၂၀၁၀ ပြည့်နှစ်မှာ PEPFAR က တောင်းခံခဲ့တဲ့ ရန်ပုံငွေဟာ ဒေါ်လာသန်းပေါင်း ၇၀၀၀ အောက်ကို
လျော့ပါသေးတယ်။ သိပ်မကြာသေးခင်က ဒီအစီအစဉ် စခဲ့ကတည်းကဆိုရင် ပထမဆုံးအကြိမ် သိသိသာသာ
တိုးတက်မှု မရှိတာပါပဲ။ ၂၀၁၁ ခုနှစ် အတွက် အဆိုပြုထားတဲ့ ဘဏ္ဍာရေးမှာ တိုးပြီး တင်ပြထားတာ
နည်းနည်းလေးပဲ ရှိတာကြောင့် Weinstein တို့လို လှုပ်ရှားသူတွေ စိတ်ပျက် လက်ပျက် ဖြစ်ကြရတာပါ။
“လက်ရှိမှာ
ဘဏ္ဍာငွေကြေးအရ အကျပ်အတည်းတွေ့တဲ့ အခြေအနေမှာ ရောက်နေတယ်ဆိုတာ ကျနော်တို့ နားလည်တယ်။
ဒါကြောင့် ကျနော်တို့ လုပ်နိုင်တာ နှစ်ခုရှိတယ်၊ နံပါတ်တစ်၊ လူ့အသက်တွေ ကာကွယ်ရေးကိစ္စကို အမြင့်ဆုံး ဦးစားပေး ကိစ္စအဖြစ်
သတ်မှတ်၊ နံပါတ်နှစ်၊ ဒီအစီအစဉ်ကို ပိုပြီးတော့ စွမ်းရည်ပြည့်ပြည့်နဲ့ ထိထိရောက်ရောက်
ဖြစ်အောင်လုပ်၊ ဒါပါပဲ။”
ပြီးခဲ့တဲ့လတုန်းကတော့
အမေရိကန်အစိုးရက ကမ္ဘာလုံးဆိုင်ရာ ကျန်းမာရေး ကဏ္ဍအတွက် ခြောက်နှစ်စာ ဒေါ်လာသန်းပေါင်း
၆၃,၀၀၀ ကျခံ သုံးစွဲမယ်လို့ ကြေညာခဲ့ပါတယ်။ ဒါဟာဖြင့် AIDS ရောဂါကာကွယ် တိုက်ဖျက်ရေးဆိုင်ရာ
သမ္မတရဲ့ အရေးပေါ် အစီအစဉ်ကို အဓိက ရောဂါကြီးတွေကို ကျယ်ကျယ်ပြန့်ပြန့် တိုက်ဖျက်ရေး
အစီအစဉ်အောက်မှာ ထည့်သွင်းလိုက်တာပဲ
ဖြစ်ပါတယ်။
၁၄ ဇူလိုင် ၂၀၁၀
