မြန်မာနိုင်ငံ၏ ဖွံ့ဖြိုးနှုန်း နိမ့်ကျနေသော ကျေးလက်ဒေသများရှိ အသက်မွေးဝမ်းကျောင်း ဖွံ့ဖြိုးရေးနှင့် HIV/AIDS ကာကွယ် တားဆီးရေး လုပ်ငန်းများတွင် အမေရိကန်ဒေါ်လာ ၂၂ သန်းတန် စီမံကိန်း စတင်ရန် အာရှဖွံ့ဖြိုးရေးဘဏ် (ADB) နှင့် မြန်မာအစိုးရက ဖေဖော်ဝါရီလ ၁၁ ရက်နေ့တွင် လက်မှတ် ရေးထိုးခဲ့ကြောင်း ADB ၏မြန်မာနိုင်ငံဆိုင်ရာ အကြီးအကဲ Mr. Putu Kamayana က ပြောကြားသည်။

ယင်းစီမံကိန်း ငွေကြေးများမှာ ဂျပန်နိုင်ငံ ရန်ပုံငွေမှတစ်ဆင့် ADB ၏ဖွံ့ဖြိုးရေး လုပ်ငန်းများသို့ ပေးခြင်းဖြစ်ပြီး HIV/AIDS ကာကွယ် တားဆီးရေးအတွက် ဒေါ်လာ ၁၀ သန်းနှင့် ကျေးလက်အတွက် ၁၂ သန်း အသီးသီးသုံးစွဲမည် ဖြစ်ကြောင်း ADB ၏ ဂျပန်နိုင်ငံဆိုင်ရာ အုပ်ချုပ်ရေး ဒါရိုက်တာ Mr. Kazuhiko Koguchiက ပြောဆိုသည်။

ကျေးလက်ဒေသ အသက်မွေးဝမ်းကျောင်း အစီအစဉ်ကို ဧရာဝတီ မြစ်ဝကျွန်းပေါ်ဒေသ၊ အလယ်ပိုင်း ခြောက်သွေ့ဇုန်၊ တနင်္သာရီတိုင်း ဒေသကြီးနှင့် ရှမ်းပြည်နယ်တို့တွင် စတင်မည် ဖြစ်ပြီး ဒေသခံ ခုနစ်သိန်းအထိ အကျိုးသက်ရောက်မှုများ ရှိလာနိုင်ကြောင်း ဖေဖော်ဝါရီလ ၁၄ ရက်နေ့ ADB ထုတ်ပြန်ချက်တွင် ဖော်ပြထားသည်။

HIV/AIDS ကာကွယ်ရေး လုပ်ငန်းများကိုမူ ရွှေ့ပြောင်းလုပ်သား အများဆုံးရှိသော မွန်ပြည်နယ်၊ ကရင်ပြည်နယ်နှင့် ရှမ်းပြည်နယ်တို့တွင် ကျန်းမာရေး ဝန်ဆောင်မှု တိုးမြှင့်ခြင်းအဖြစ် မြို့နယ်ဆေးရုံ သုံးရုံ၊ ကျေးလက် ကျန်းမာရေးဌာနနှင့် ကျန်းမာရေးဌာနခွဲ ၄၇ ခု ဆောက်လုပ် သွားမည့်အပြင် ဆေးပစ္စည်းနှင့် စွမ်းရည်မြှင့် သင်တန်းများ ပို့ချသွားမည် ဖြစ်ကြောင်း ထုတ်ပြန်ချက်တွင် ပါရှိသည်။
“တိုင်းပြည်မှာ ဘေးအန္တရာယ် ကျရောက်လွယ်တဲ့ ပြည်သူတွေအတွက် ပိုကောင်းတဲ့ အခြေခံကျန်းမာရေး စောင့်ရှောက်မှုကို ဦးတည်တယ်” ဟု Mr. Kazuhiko Koguchi ကပြောဆိုသည်။

ယင်းစီမံကိန်း နှစ်ခုလုံးသည် ပြည်ပနိုင်ငံများတွင် စမ်းသပ်အောင်မြင်ခဲ့သော ဖွံ့ဖြိုးရေး အစီအစဉ်များအတိုင်း ပုံစံတူ ရေးဆွဲထားသော ရှေ့ပြေး လုပ်ငန်းစဉ် ဖြစ်ကြောင်း ADB ထံမှ သိရသည်။

အာရှဖွံ့ဖြိုးရေးဘဏ် (ADB) သည် ၂၀၁၃ ခုနှစ်တွင်မှ မြန်မာနိုင်ငံ အစိုးရနှင့် ဖွံ့ဖြိုးရေး စီမံကိန်းများ ပြန်လည် စတင်ခဲ့ပြီး မြန်မာ့လျှပ်စစ်ကဏ္ဍ တိုးတက်ရေးအတွက် အမေရိကန်ဒေါ်လာ သန်း ၆၀ ချေးငွေပေးရန် ယမန်နှစ် ဒီဇင်ဘာလက သဘောတူလက်မှတ် ရေးထိုးထားသည်။

ရန်ကုန်၊ ဖေဖော်ဝါရီ ၁၅

The Voice Weekly - အာရှဖွံ့ဖြိုးရေးဘဏ်က ကျေးလက်ဖွံ့ဖြိုးရေးနှင့် HIV/AIDS စီမံကိန်းစတင်