ကျွန်တော့်ကို ၁၉၇၁ ခုနှစ်မှာ မွေးပါတယ်။ မိသားစု ငါးယောက်ရှိတဲ့အနက် ကျွန်တော်က အကြီးဆုံးပါ။ ကောလိပ်တက်နေတုန်းက ကျွန်တော်ဟာ ပညာရေးမှာ အားနည်းပါတယ်။ ဒါပေမဲ့ အားကစားမှာ ထူးချွန်ပါတယ်။ ကျောင်းမှာက အဆင်မြင့်ပညာရေးအတွက် ငွေကုန်ကြေးကျ သိပ်များတော့ ကျွန်တော့်မိဘတွေအတွက် ကျွန်တော်စိတ်ပူခဲ့ရတာပေါ့။ ကျွန်တော်က မိဘကို ပြန်ပြီး ငွေကြေးထောက်ပံ့ချင်သူပါ။ ဒါပေမဲ့ တစ်ဆက်တည်းမှာပဲ အပေါင်းအသင်း သိပ်ခင်တာ။ ကျွန်တော့်အပေါင်းအသင်းတွေက ဆေးလိပ်သောက်တယ်။ ဆေးချတယ်။ အရက်နဲ့လည်း မကင်းဘူး။ ဒီတော့ ရောရီရောရာတို့လည်းပါပေါ့လေ။ ဒါပေမဲ့ ကျွန်တော်ဟာ မိန်းမ ကိစ္စ ရှင်းခဲ့ပါတယ်။ မရှုပ်တတ်ဘူး။<?xml:namespace prefix = o ns = "urn:schemas-microsoft-com:office:office" />
ကောလိပ်ကနေ ဘွဲ့ရတော့ ဘန်ကောက်မြို့ဘက်မှာ အလုပ်ရှာခဲ့ပါတယ်။ ဒါပေမဲ့ “ဆာမာပတ်ခန်” စီရင်စုမှာပဲ အလုပ်ရပါတယ်။ ၀င်ငွေကလေးရှိလာတော့ ဆေးနဲ့အရက်ပိုပြီး သုံးတာပေါ့လေ။ ထုံးစံအတိုင်းပေါ့။ ဒါပေမဲ့ အိမ်ကို ငွေပို့မပျက်ခဲ့ပါဘူး။ နှစ်နှစ် သုံးနှစ်လောက်နေတော့ အဖေတို့ အမေတို့က ကျွန်တော့်ကို ရွာပြန်ခေါ်ပါတယ်။ အကြောင်းကတော့ မိန်းကလေးတစ်ယောက်နဲ့ ဆုံပေးဖို့ပါ။ မိန်းမပေးစားဖို့ဆိုပါတော့။ သူစိမ်းတစ်ယောက်တော့ မဟုတ်ပါဘူး။ ငယ်ငယ်က ကျောင်းနေဖက် ကောင်မလေးပါပဲ။
၁၉၉၀ မှာ ကျွန်တော်တို့ လက်ထပ်လိုက်ပါတယ်။ လက်ထပ်ပြီးတော့ ကျွန်တော်တို့ လင်မယား ဘန်ကောက်ကို သွားပါတယ်။ အလုပ်ပြန်လုပ်ပါတယ်။ ငါးလကြာတော့ ကုမ္ပဏီက လျှပ်စစ်လိုင်း အကာအကွယ်တွေတပ်ဆင်ဖို့ “ချောင်ဘူရီ” ကို ပြုပြင် ထိန်းသိမ်းရေးအဖွဲ့ စေလွှတ်ရာမှာ အဲဒီအဖွဲ့ထဲ ကျွန်တော်ပါသွားပါတယ်။
တစ်နေ့ အလုပ်အပြီးမှာ ကျွန်တော်တို့အဖွဲ့ကို ဘော့စ် က အရက်တွေ ၀ယ်လာပြီး ပါတီလုပ်ပါတယ်။ ကျွန်တော်ဆိုတာ ကမ်းကုန်အောင် သောက်တော့တာပေါ့။ သောက်ပြီး မူးတော့ ဘာလုပ်သလဲတဲ့။ ထုံးစံအတိုင်း နတ်သမီးကညာ အရှာထွက်တော့တာပေါ့လေ။ သိတယ်မဟုတ်လား။ ဘော့စ်က သိပ်သဘောကောင်းတာ။ သူက အရက်တွင်မကဘူး ဟိုကိစ္စ သည်ကိစ္စ ကုန်ကျသမျှကို အိပ်ထဲက စိုက်ထုတ်တယ်လေ။ ကျွန်တော်က ကွန်ဒုံးတော့ အမြဲသုံးပါတယ်။ ဒါပေမဲ့ အဲဒီတစ်ကြိမ်မှာတော့ မပြောတတ်ဘူး။ ကွန်ဒုံးပေါက်ပြဲသွားသလား မသွားဘူးလား။ မသိတော့ဘူး။ မူးနေတာကိုး။ နောက်ပိုင်း ကျွန်တော် ဘန်ကောက်ပြန်ခဲ့ပါတယ်။ လေးလလောက်ကြာတော့ ကျွန်တော် အလုပ်ထွက်လိုက်ရော။ တခြားမဟုတ်ပါဘူး။ ကျွန်တော်က ပြည်ပထွက်ပြီး အလုပ်လုပ်ချင်တာကိုး။ ဒါပေမဲ့ အဲဒီအခြေအနေမရောက်ခဲ့ပါဘူး။ ဘာကြောင့်ဆို ကျွန်တော်ဟာ ခန္ဓာကိုယ်ဆေးစစ်ရာမှာ မအောင်ခဲ့လို့ပါပဲ။ ကျန်းမာရေး ကျတယ်ဆိုပါစို့။ ဒီတော့ မေအီမိုး မြို့ကလေးမှာပဲ အလုပ်ဆက်လုပ်ရပါတော့တယ်။ မိန်းမကို လှမ်းခေါ်ပါသေးတယ်။ သူက မလိုက်ချင်ဘူးတဲ့။ သူက သူ့မိဘဆီပဲ ပြန်ချင်တာတဲ့လေ။ ကျွန်တော်လည်း ကိုယ့်မိန်းမနဲ့ အတူမနေရဘူးဆိုတော့ စိတ်ဓါတ်ကျပြီး ထုံးစံအတိုင်း ဆေးနဲ့ အရက်ဘက် ပြန်လှည့်ရတော့တာပေါ့ဗျာ။
၂၀၀၀ ပြည့်နှစ် ဖေဖေါ်ဝါရီလ မှာတော့ ကျွန်တော်ဟာ အကြီးအကျယ် ဖျားတော့တာပါပဲ။ ဆရာဝန်နဲ့ ဆေးကု စစ်ဆေးတဲ့အခါ အလိုဗျာ ကျွန်တော့်မှာ အိတ်ခ်ျအိုင်ဗီပိုး စွဲကပ်နေပါပြီတဲ့။ ကျွန်တော် အကြီးအကျယ် ချောက်ချား တုန်လှုပ်သွားတာပေါ့။ ၀မ်းနည်း အားငယ်လိုက်တာလည်း မပြောပါနဲ့တော့။ စဉ်းစားကြည့်တော့ အေအိုင်ဒီအက်စ် ဖြစ်သွားတာ ကျွန်တော်တစ်ယောက်တည်းမဟုတ်ဘူး။ ကျွန်တော့်မိန်းမပါ ဖြစ်ဖို့ များနေတာ။ အို ကျွန်တော့်ရဲ့ ကြေကွဲ ၀မ်းနည်းမှုကြီးဟာ ဘယ်မှာ ဆုံးတော့မှာလဲ။
ခုတော့ ကျွန်တော်နဲ့ ကျွန်တော့်မိန်းမ အတူမနေကြတော့ပါဘူး။ သူလည်း သူ့မိဘအိမ်မှာ၊ ကျွန်တော်လည်း ကျွန်တော့်မိဘ အိမ် ပြန်နေပေါ့။ ဒါပေါ့ ကျွန်တော့်မှာ အလုပ်တော့မရှိတော့ဘူး။ အလုပ်လက်မဲ့ ဖြစ်နေပြီလေ။ ဟုတ်ပါရဲ့၊ ကျန်းမာရေး မကောင်းတဲ့လူတစ်ယောက်ကို ဘယ်အလုပ်ရှင်က ကြာရှည်အလုပ်ခန့်ထားမှာလဲ။
သဘောကောင်း၊ မနောကောင်းဆိုတဲ့ လုပ်ငန်းရှင်တွေဟာ အများအားဖြင့် အပျော်အပါး လိုက်စားကြဖို့ အလုပ်သမားတွေအပေါ် လိုက်လျောတတ်ကြပါသည်။ အထူးသဖြင့် ပြည့်တန်ဆာ တွေနဲ့ ပျော်ပါးဖို့ အရက်နဲ့ ၀ိုင်းဖွဲ့ကြတဲ့ ဓလေ့စရိုက်တွေကို ပြုပြင်ကြဖို့ ကောင်းပါပြီ။ ယိုးဒယားမှာက တော့ ဒါမျိုးတွေ ရိုးနေပုံရသည်။ကျွန်တော်တို့ဆီ ရံဖန် ရံခါ တွေ့ရတတ်သည်။ ဒါကိုပင် အလုပ်သမားလူတန်းစားကလည်း သာယာမိတတ်ကြပါသည်။ ဒီယဉ်ကျေးမှု မျိုး ကူးစက်မခံရဖို့ အရေးကြီးပါပြီ။
