မြန်မာနိုင်ငံ၏
ဒုတိယမြောက် ကလေးဆေးရုံဖြစ်သည့် နိုင်ငံတကာအဆင့်မီ ကုတင် ၅၅၀ ဆံ့ ရန်ကင်း

ကလေးဆေးရုံသစ်ကြီး
ဖွင့်လှစ်

မြန်မာနိုင်ငံ၏ ဒုတိယမြောက်
ကလေးဆေးရုံဖြစ်သည့် နိုင်ငံတကာအဆင့်မီ ကုတင် ၅၅၀ ဆံ့ ရန်ကင်းကလေး အထူးကု
ဆေးရုံသစ်ကြီးကို ၂၀၁၁ ခုနှစ် မတ်လ ၁၃ ရက်နေ့တွင် ဖွင့်လှစ်ခဲ့ကြောင်း သတင်း ရရှိပါသည်။

အဆိုပါ ဖွင့်ပွဲအခမ်းအနားသို့
အမျိုးသား ကျန်းမာရေးကော်မတီ ဥက္ကဋ္ဌ၊ နိုင်ငံတော် အေးချမ်းသာယာ ရေးနှင့်ဖွံ့ဖြိုးရေးကောင်စီ
အတွင်းရေးမှူး(၁) သီဟသူရ ဦးတင်အောင်မြင့်ဦး တက်ရောက်ပြီး ကမ္ဗည်း မော်ကွန်းအား
စက်ခလုတ်နှိပ် ဖွင့်လှစ်ပေးခဲ့သည်။

ရန်ကင်းကလေးဆေးရုံသစ်ကြီးအား
မက်စ်မြန်မာကုမ္ပဏီအုပ်စုမှ စုစုပေါင်း ကျပ်သန်း ၉၀၀၀ ကျော် ကုန်ကျခံကာ
ပြုပြင်ဆောက်လုပ် လှူဒါန်းခဲ့ခြင်း ဖြစ်ကြောင်း သိရှိရသည်။

ယခင်က သတ္တုတွင်းဝန်ကြီးဌာန ၀န်ကြီးရုံးနှင့်လက်အောက်ခံဌာနများအဖြစ်
ဖွင့်လှစ်ခဲ့သည့် အဆောက်အအုံအား ပြန်လည်ပြုပြင်တည် ဆောက်ခြင်းဖြစ်ပြီး ဆေးရုံအတွက်
လိုအပ်သည့် အဆောက်အအုံများကို အသစ်ထပ်မံ တည်ဆောက်ထားခြင်း ဖြစ်ကြောင်း သိရသည်။

စီးပွားရေး လုပ်ငန်းရှင်များ၊
ကုမ္ပဏီများမှလည်း ဆေးရုံသစ်ကြီးအတွက် လိုအပ်သလို အသုံးပြုနိုင်ရန် အလှူငွေများ
ထည့်ဝင်ခဲ့ရာ စုစုပေါင်း ငွေကျပ်သိန်း ၇၀၀၀ ကျော်ထိ လှူဒါန်းခဲ့ကြကြောင်း သိရသည်။

''တစ်နှစ်အတွင်းမှာပဲ မွမ်းမံရမယ့်
အဆောက်အအုံကို မွမ်းမံပြုပြင်ပြီး အသစ်လိုတာကို အသစ်ထပ်မံ တည်ဆောက် ခဲ့တယ်။
နိုင်ငံတကာအဆင့်မီတဲ့ ကလေးဆေးရုံ ဖြစ်ပါတယ်။ အရင်က ကလေးဆေးရုံ တစ်ရုံပဲ ရှိခဲ့တယ်။
အခုတော့ ဒုတိယမြောက် ကလေးဆေးရုံသစ်ကြီး ပေါ်လာသလို ဒီဆေးရုံကို ကလေးဆေးရုံအပြင်
ဆေးတက္ကသိုလ်ကျောင်းသား များရဲ့ သင်ကြားရေးဆေးရုံ အဖြစ်လည်း အသုံးပြုမှာဖြစ်လို့
အကျိုးပိုရှိပါတယ်။ ဒီလို နိုင်ငံတကာအဆင့်မီတဲ့ ကလေးဆေးရုံမျိုးမှာ တာဝန်ယူမယ့်
ဆရာ၊ ဆရာမတွေအပြင် ၀န်ထမ်းတွေ အနေနဲ့ ရေရှည်ကောင်းမွန်စွာ အသုံးပြု နိုင်အောင်
ထိန်းသိမ်းပြုပြင် အသုံးပြုဖို့ လိုပါတယ်''ဟု ကျန်းမာရေးဝန်ကြီးဌာန၀န်ကြီး
ဒေါက်တာကျော်မြင့် က ပြောကြားခဲ့သည်။

''မြန်မာနိုင်ငံ လူဦးရေရဲ့ ၆၀
ရာခိုင်နှုန်းကျော်က မိခင်နဲ့ကလေးတွေ ဖြစ်ပါတယ်။ မိခင်နဲ့ကလေးတွေ ကျန်းမာဖို့
လိုအပ်ပါတယ်။ အရင်က ရန်ကုန်ကလေးဆေးရုံကြီး တစ်ခုတည်းပဲရှိလို့ လွန်ခဲ့တဲ့နှစ်က
ဆေးကုသမှုခံယူခဲ့တဲ့ အရေအတွက်ဟာ ရာခိုင်နှုန်း ၁၁၀ ကျော် ရှိခဲ့ပြီး ဆေးရုံက
လက်ခံနိုင်တာ ထက်တောင် ပိုခဲ့ပါတယ်။ အတွင်းလူနာ အဖြစ် ကလေး ၈၀၀ လောက် ကုသခဲ့တယ်။
အရင်ရှိခဲ့တဲ့ ဆေးရုံတစ်ရုံတည်းနဲ့ဆိုရင် အခက်အခဲ ရှိပါတယ်။ အခု ဒီလို
ဆေးရုံသစ်ကြီးတစ်ခု ထပ်တိုးလာတဲ့ အတွက် နယ်စုံက အားကိုးအားထား
ပြုနိုင်တော့မှာပါ''ဟု ရန်ကုန်တိုင်း ဒေသကြီး အေးချမ်းသာယာ ရေးနှင့်ဖွံ့ဖြိုးရေးကောင်စီ
ဥက္ကဋ္ဌ၊ ဗိုလ်မှူးချုပ်ထွန်းသန်းမှ အဆိုပါ ဖွင့်ပွဲအခမ်းအနားတွင် ပြောကြား ခဲ့သည်။

ယခုဖွင့်လှစ်သည့် ရန်ကင်း
ကလေးအထူးကု ဆေးရုံသစ်ကြီး တည်ဆောက်ထားသည့် အပိုင်းများကို လေ့လာမှုအရ လက်ရှိ
မြန်မာနိုင်ငံတွင် ဖွင့်လှစ်ထားသော ပုဂ္ဂလိက ဆေးရုံများထက်ပင် သာလွန်ပြီး
နိုင်ငံတကာ အဆင့်မီသည့် ဆေးရုံဖြစ်ကြောင်း၊ အများပြည်သူအတွက် ရေရှည်အကျိုးရှိသည့်
ဆေးရုံ တစ်ရုံဖြစ်၍ ကာလရှည် ကောင်းမွန် ပြည့်စုံစွာ အသုံးပြုနိုင်ရန်
ထိန်းသိမ်းမှုပိုင်း အရေးကြီး ကြောင်းလည်း ဖွင့်ပွဲတက်ရောက်ခဲ့သူများက
ပြောကြားခဲ့သည်။

''လေ့လာကြည့်တဲ့အခါ မြေဧရိယာ ၉ ဒသမ
၅ ဧကပေါ်မှာ တည်ဆောက်ထားတာ ဖြစ်တယ်။ ဆေးရုံ တစ်ရုံမှာ လိုအပ်တဲ့ ကုသဆောင်၊
ပင်မဆောင်နဲ့ တပ်ဆင်ထားတဲ့ စက်ကိရိယာတွေဟာ အဆင့် အတန်းမီတာ တွေ့ရတယ်။ ပြောချင်တာက
ဒီဆေးရုံဟာ နိုင်ငံတကာအဆင့်မီသလို လက်ရှိ ပုဂ္ဂလိက ဆေးရုံတွေထက်တောင် သာလွန်နေ တယ်။
လက်ရှိ ပုဂ္ဂလိကဆေးရုံတွေထက်ပိုပြီး ဆေးရုံအင်္ဂါရပ်နဲ့ ညီညွတ်တယ်။ စာကြည့်တိုက်၊
ဓမ္မာရုံ၊ စားသောက် ဆိုင်တန်း၊ ဈေးဆိုင်တန်း တွေကိုပါ သီးသန့် အဆောက်အအုံနဲ့
ထည့်သွင်းပေးထားတာကို ကြည့်တာနဲ့တင် ဆေးရုံ အဆင့်အတန်းကို သိနိုင်ပါ တယ်။ ကားပါကင်
ကျယ်ကျယ်ဝန်းဝန်း ရှိတယ်၊ လိုအပ်ရင် ထပ်ချဲ့ပြီး ဆောက်နိုင်တဲ့ မြေဧရိယာ လွတ်တွေ
ရှိတယ်။ သန့်ရှင်းသပ်ရပ်မှုအပိုင်းလည်း စံမီတယ်။ ဒီလို ဆေးရုံမျိုးက တကယ်ကို လိုအပ်
ပါတယ်။ ဒါပေမယ့် အဓိကကျတဲ့အချက်က ဒီဆေးရုံကို ရေရှည် အများပြည်သူ ကောင်းမွန်
ပြည့်စုံစွာနဲ့ အသုံးပြု နိုင်အောင် ထိန်းသိမ်းသုံးစွဲသွားဖို့ပါပဲ။ နောက်ထပ်
အရေးပါတဲ့ အချက်ကတော့ ဒီလို နိုင်ငံတော်ပိုင် အဆောက် အအုံကို အများပြည်သူအတွက်
အကျိုးရှိတဲ့ လုပ်ငန်းအဖြစ် ပြောင်းလဲတာ ဟာ ကောင်းမွန်တဲ့ လုပ်ဆောင်မှုတစ်ခုလို့
မြင်ပါတယ်''ဟု ဖွင့်ပွဲအခမ်းအနားသို့ တက်ရောက်လာ သည့် ဂျာနယ်လစ်တစ်ဦးက
ပြောကြားခဲ့ပါသည်။

ဆေးရုံသစ်ကြီး၏ ပင်မအဆောက်အအုံ (၁)မှာ
လေးထပ်ဖြစ်ပြီး စုစုပေါင်း ကုတင် ၃၇၀၊ အထူး သီးသန့်ခန်း ငါးခန်းနှင့်
ဓာတ်လှေကားနှစ်စင်း ပါဝင်ကြောင်း သိရသည်။ ပင်မအဆောက်အအုံ (၂) မှာ သုံးထပ်
အဆောက် အအုံဖြစ်ပြီး စုစုပေါင်း ကုတင် ၁၈၀၊ သီးသန့်ခန်း ၂၄ ခန်းနှင့် ဓာတ်လှေကား
တစ်စင်း ပါဝင်ကြောင်း၊ အဆောက် အအုံ(၃)မှာ နှစ်ထပ် အဆောက်အအုံ ဖြစ်ပြီး ဓမ္မာရုံ၊
စာကြည့် တိုက်၊ ဈေးဆိုင်ခန်းများ၊ စားသောက်ဆိုင်ခန်းများ ပါဝင်ကြောင်း သိရသည်။

ELEVEN MEDIA GROUP - မြန်မာနိုင်ငံ၏ ဒုတိယမြောက် ကလေးဆေးရုံဖြစ်သည့်
နိုင်ငံတကာအဆင့်မီ ကုတင် ၅၅၀ ဆံ့ ရန်ကင်းကလေးဆေးရုံသစ်ကြီး ဖွင့်လှစ်