ကျွန်မနာမည် (့) ပါ။ အသက်က ၃ဝ ထဲမှာပါ။ ကျွန်မအခု (့) မှာနေပါတယ်။ ကျွန်မကလေးက အခု ၃ လပါ။ သားကို ကျွန်မနို့တမျိုးထဲ တိုက်တာပါ။ အခုကျွန်မနို့မှာ အကျိတ် (7 cm) ခန့်ရှိနေပါတယ်။ ဖြစ်တာ ၂ ပတ် ကျော်ပါပြီ။ ဖြစ်ဖြစ်ချင်းတုန်းက အပူတွေ တအားတက်ပါတယ်။ ပြီးတော့ နို့က တအားနာပါတယ်။ ဒါနဲ့ ဆေးခန်း ပြကြည့်တော့ ကျွန်မကို နို့တွေကျန်နေတာဆိုပြီး မာဆတ်လုပ်ပါတယ်။ ဒါပေမဲ့ အရောင်မကျတဲ့အပြင် အဖျားပါ ပိုတက်လာပါတယ်။ နီရဲပြီး ပိုနာလာပါတယ်။ ဒါနဲ့သူတို့က ဓါတ်မှန်ရိုက်ပါတယ်။ အပူကျဆေးပေးပြီး စောင့်ကြည့်မယ်ပဲ ပြောပါတယ်။ ဓါတ်မှန် အဖြေကလည်း သေသေချာချာ မသဲကွဲဘူးဖြစ်နေတယ်တဲ့။ ပြည်တည်နာဖြစ်ဖို့ ရာခိုင်နုန်းများတယ် ပြောပါတယ်။ အခုတော့ အဖျားက သိပ်မရှိတော့ပါဘူး။ ဒါပေမဲ့ ညနေစောင်းလာရင် နဲနဲ ငွေ့ငွေ့လေးတော့ ပြန်တက်ချင်နေပါတယ်။ ကျွန်မ မခွဲစိတ်ချင်ပါဘူး။ သိချင်တာက ဘာကြောင့်နို့နာဖြစ်ရတာလဲ ဆိုတာရယ်။ ပျောက်အောင် ဘယ်လိုကုရမလဲ ဆိုတာရယ်နဲ့၊ နို့နာကြောင့် ဖြစ်တတ်တဲ့ ရောဂါလက္ခဏာတွေကို သိချင်ပါတယ်။

အလုပ်လုပ်ဘူးခဲ့တဲ့ မြန်မာပြည်အလယ်ပိုင်းဒေသတွေမှာ ကလေးဖွါးပြီး သားဦးဆိုရင် နို့နာပေါက်တာ ၃ ယောက်မှာ ၁ ယောက်လောက် တွေ့တယ်။ အခုနေတဲ့နေရာမှာတော့ အတော် နည်းပါတယ်။ WHO ခန့်မှန်းချက်အရ ၂့၆% ကနေ ၃၃% ရှိတယ်။ ၁ဝ ယောက် ၁ ယောက်လို့ ပြောနိုင်တယ်။ အမေရိကားမှာ ၅-၃၃% ဖြစ်တယ်လို့ ဆိုတယ်။ နို့တိုက်သူထဲက ဝ့၎-ဝ့၅% သာ နို့ပြည်တည်နာ ဖြစ်ပါတယ်။

ကိုယ်ဝန်ဆောင်တွေကို ရေချိုးတိုင်း နို့သီးထိပ်ကလေး ဆေးပေးဘို့မှာရတာ အဲဒါကြောင့် ဖြစ်ပါတယ်။ နို့ထွက်ပြွန်လေးတွေရဲ့ ထိပ်ဝကို ချွေး၊ အဆီ၊ အညစ်အကြေး ပိတ်နေတာကနေ နို့နာ ဖြစ်လာတတ်တယ်။ ဖိအိပ်ရကနေ နို့သွားလမ်း ကျဉ်း-နှေးသွားတာ၊ ကလေးက နိုင်အောင်မစို့နိုင်တာ။ ထွက်ရ-တိုက်ရမဲ့နို့ အောင်းနေတာက အကြောင်းတွေဖြစ်တယ်။ (ဘရာစီယာ) အတွင်းခံကြောင့်လဲ ဖြစ်နိုင်တယ်။ တခါတလေ ဘာလို့လဲ လက်ညှိုးထိုး မရဘူး။

နို့နာက ရောဂါကြီး မဟုတ်တဲ့အတွက် စိတ်သက်သာရာရပါ။ လူတော့ သိပ်မသက်သာဘူး။ Mastitis နို့ရောင်တာရော Breast abscess နို့ပြည်တည်နာပါ နှစ်မျိုးလုံးက နာတာတွေချည်းဘဲ။ ပြည်တည်ရင် ပိုနာတယ်။

Symptoms ရောဂါလက္ခဏာတွေ
• နို့တဖက်ထဲဖြစ်တာ များတယ်။ ဖြစ်တဲ့နို့တင်းနေမယ်၊ ပူနေမယ်၊ မအီမသာနဲ့ နေမကောင်းဖြစ်မယ်၊
• ဖြစ်တဲ့နို့နေရာမှာ ရောင်နေမယ်၊ ပူလောင်ပြီး နာနေတာက ဆက်တိုက်ဖြစ်မယ်၊ ကလေးနို့တိုက်ရင် ပိုသိသာမယ်၊
• အနာအပေါ်က အရေပြား နီနေမယ်၊ ပုံစံက နို့သီးထိပ်ဘက်ကို ရှူးသွားတဲ့ တရိဂံပုံဖြစ်နေမယ်၊ ရောင်ပြီး ဖေါင်းစူနေမယ်၊
• နို့နာနေရာက အရေပြားနဲ့နီးရင် ပိုနာမယ်။ ဖေါင်းလာတာ စောစောသိမယ်။ နာပေမဲ့ ကံကောင်းတယ် အောက်မေ့ပါ။ အတွင်းထဲဖြစ်တာက နာတာကိုနောက်ကျမှသိရလို့ အနာခေါင်း အကြီးကြီးဖြစ်နေလောက်ပြီ။
• အဖျားမယ်၊ အပူချိန် ၁ဝ၁ ထက်ကျော်နိုင်တယ်၊ ကိုက်ခဲတာ၊ ချမ်းတုံတာ၊ စိုးရိမ်စိတ်ကဲပြီး၊ စိတ်မသက်မသာ ဖြစ်မယ်၊ အားယုတ်မယ်။

ရောဂါဗေဒအရ တိတိကျကျပြောရရင် နို့ရောင်တာအတော်များများက ရောဂါဖြစ်စေတဲ့ ပိုးကြောင့် မဟုတ်ဘဲ ဖြစ်တယ်။ သန့်ရှင်းရေးလိုလို့လဲ မဟုတ်ဘူး။ Mastitis (မာစတိုက်တစ်) ဆိုတာကို S. aureus ပိုးကနေ အများဆုံးဖြစ်စေတယ်။ S. epidermidis နဲ့ Streptococci ပိုးတွေကလဲ ဖြစ်တယ်။ ကလေးနို့တိုက်တဲ့ကာလတွေမှာ ဖြစ်တာကို Puerperal Mastitis မီးတွင်းနို့နာလို့ ခေါ်ပြီး၊ နို့တိုက်ချိန်လဲ မဟုတ် ဖြစ်ချင်တာကို Nonpuerperal Mastitis လို့ ခေါ်တယ်။ နို့တိုက်တဲ့ကာလလို့ ပြောတာ သိပ်တော့ မမှန်ပြန်ဘူး။ မီးဖွါးပြီးစကာလလို့ပြောမှ မှန်တယ်။ မွေးထားပြီး ကလေးကို နို့မတိုက်သူတွေမှာလဲ နို့နာ ဖြစ်သေးတယ်။ ယောက်ျားတွေမှာလဲ ဖြစ်ပါတယ်။

၁၉၈ဝ ကတည်းက နို့နာတွေကို ပိုးရှိတာ နဲ့ မရှိတာလို့ ခွဲခြားခဲ့တယ်။ ခုနောက်ပိုင်း အဲလိုခွဲဘို့ မဖြစ်နိုင်တာ သိလာတယ်။ နို့ထဲမှာ ပါနေတဲ့ ရောဂါပိုး များတာနဲ့ ရောဂါဆိုးဝါးတာ ဆက်စပ်မှုမရှိတာ တွေ့လာရတယ်။ နို့ထဲမှာ ပိုးပါနေတိုင်း ရောဂါ မရစေပါ။ နို့လှူရသူတွေ ရှိတယ်။

နို့နာ ဟုတ်-မဟုတ် စမ်းသပ်တာနဲ့ သိတယ်။ ဒါပေမဲ့ လိုအပ်ရင် (အာလ်ထွာဆောင်း) ရိုက်မယ်။ ဆေးပေးနေပေမဲ့ မသက်သာသူတွေကို Mammograms နဲ့ Breast biopsies လုပ်မယ်။ Breast cancer နို့ကင်ဆာကို သံသယတော့ ရှိရပေမဲ့ ကိုယ်ဝန်ဆောင်ချိန်နဲ့ နို့တိုက်နေသူတွေမှာ မဖြစ်တတ်ပါ။ နို့နာ ထပ်ဖြစ်နေသူအနေနဲ့လဲ ကင်ဆာကို ထူးပြီး စိုးရိမ်စရာ မလိုပါ။ Fibrocystic disease ဆိုတဲ့ နို့နာတမျိုးကို အရင်က Chronic cystic mastitis နာတာရှည်-နို့နာလို့ ခေါ်ခဲ့ဘူးတဲ့ Inflammatory breast cancer ကင်ဆာအမျိုးအစားက နို့နာနဲ့ အတော်ဆင်လို့ အသေအခြာ ခွဲဘို့လိုမယ်။

ရေနွေးဝတ်၊ ရေနွေးပုလင်းတင်ပေးပါ။ တခါလုပ်ရင် ၂ဝ-၃ဝ မိနစ်၊ ၄ နာရီတခါ လုပ်ပါ။ မိခင်ရဲ့ အရေပြားမှာရှိတဲ့ပိုး၊ ကလေး ပါးစပ်ထဲရှိတဲ့ ပိုးတွေကနေ နို့ပြွန်ထဲဝင်လာကနေလဲ ဖြစ်စေနိုင်တယ်။ Staphylococcus aureus ပိုးကနေ အဲလိုဖြစ်တာ များတယ်။ နို့အပေါ်ယံ အရေပြားကို ရေ + ဆပ်ပြာနဲ့ တနေ့ ၂ ခါ သန့်ရှင်းပါ။ ကြမ်းကြမ်းတမ်းတမ်း ပွတ်တိုက်တာ မလုပ်ပါနဲ့။ နို့ကိုညှစ်ပေးပါ၊ ကလေးကို နို့တိုက်ပေးရတယ်။ မရသေးရင် Brest pump နို့စုပ်ကရိယာနဲ့ နို့ရည် ထုတ်ပေးရတယ်။ တောမှာဆိုရင် သင်္ဘောရိုးနဲ့စုပ်ရတယ်။ နို့ပြည်တည်တာဖြစ်လာရင်တော့ အနာကို မညှစ်ပါနဲ့။

NSAID အနာ-အရောင်ကျဆေး Ibuprofen, Ketoprofen နဲ့ Naproxen တွေပေးမယ်။ နာလွန်းရင် ဘိန်းသဘောပါတဲ့ အနာ သက်သာဆေးတွေ ပေးတယ်။ သုံးလေ့ရှိတဲ့ Antibiotics ပဋိဇီဝဆေးတွေကတော့ Nafcillin, Vancomycin, Clindamycin, Ampicillin-Sulbactam, Dicloxacillin နဲ့ Oxacillin တွေဖြစ်တယ်။
နောက်ဆက်တွဲ ဖြစ်နိုင်တာတွေကတော့
နို့နာပြန်ဖြစ်တာနဲ့ နို့နာကနေ နို့ပြည်တည်တာ ဖြစ်မယ်။ Pus ပြည်ဆိုတာ ဦးနှောက်ထဲ၊ အသဲထဲ၊ နို့ထဲ၊ ဘယ်ထဲရှိရှိ ထုတ်ပြစ်မှ ပျောက်တယ်။ စုပ်ထုတ်တယ်။ ခွဲထုတ်တယ်။ Incision and drainage ခွဲတာက ပိုကောင်းတယ်။ (ဆောရီး)။
နို့အုံမှာ ပြည်တည်တာမျိုးက တင်ပါးမှာဖြစ်တဲ့ ဆေးထိုးနာလိုဘဲ အနာခေါင်း အကျယ်ကြီး ဖြစ်လို့ ခွဲရင် မေ့ဆေးနဲ့ အဝကျယ်ကျယ် ခွဲရတယ်။ မကြောက်တတ်သူတွေကို ပြောရရင် ဆရာဝန် လက်ညှိုးတချောင်း ဝင်နိုင်အောင်အထိ ကျယ်မှကောင်းတယ်။ မဟုတ်လို့ သေးသေးလေးခွဲပေးရင် အပေါ်အရေပြားက ကျဉ်းပိတ်လာချိန်မှာ အထဲက ထွက်စရာ ပြည်နဲ့ မန်းရည် မကုန်သေးရင် ထပ်ခွဲရတယ်။ Sinus တလမ်းသွားအနာ ဖြစ်လာတတ်တယ်။ အမာရွတ် ပိုကြီးပြီး နောက်ကိုယ်ဝန်မှာ နို့သေးသွားနိုင်တယ်။ အနာမှန်သမျှ အောက်ဆုံးကနေစပြီး အနာကျက်ရတယ်။

ဒေါက်တာတင့်ဆွေ (၁၄-၆-၂ဝ၁၂ )

ဒေါက်တာတင့်ဆွေ -  နို့နာ