ကျွန်မကို
“လန်ပန်း” စီရင်စုက ရွာကလေး တစ်ရွာမှာ မွေးဖွားခဲ့တာပါ။ ကျွန်မတို့ရွာဟာ
သေးလွန်းလို့ ထိုင်းမှာ လူသိ အင်မတန်နည်းပါတယ်။ ကျွန်မတို့ မိသားစုဟာ
လက်လုပ်လက်စားပါ။ ကျွန်မမှာ အစ်ကိုနှစ်ယောက်ရှိပြီး မအေတူ ဖအေကွဲတွေပါ။ ကျွန်မ
အဖေနဲ့အမေဟာ ကျွန်မ ငယ်ငယ်လေးကတည်းက အတူမနေကြတော့ပါဘူး။ ဘာကြောင့်မှန်းလည်း
မသိပါဘူး။

 

          ကျွန်မဟာ
ပျော်ပျော်ရွှင်ရွှင် နေတတ်တဲ့ ချစ်စရာ ကောင်မလေးပါရှင်။ ရိုးသားပွင့်လင်းမှုလည်း
ရှိပါတယ်။ ဒါပေမဲ့ ကျွန်မ တစ်ကိုယ်တည်းနေတာများပါတယ်။
ပတ်ဝန်းကျင်နဲ့သိပ်အဆက်အဆံမလုပ်တတ်ပါဘူး။

 

          ကျွန်မ
အမေက ကျွန်မကို ပညာတတ် တစ်ယောက်ဖြစ်စေချင်ခဲ့ပေမယ့် ကျွန်မက
ကျောင်းမနေချင်ခဲ့ပါဘူး။ အသက်ဆယ့်ရှစ်နှစ်ရောက်မှ ကျွန်မဟာ ဆံပင်အလှပြင် သင်တန်း
တက်ခဲ့ပါတယ်။ သင်တန်းပြီးတော့ ကျွန်မဟာ ကျွန်မ သူငယ်ချင်း တစ်ယောက်နဲ့တွဲပြီး
“ချန်ဘူရီ” မှာ အလှပြင်ဆိုင်ဖွင့်ခဲ့ပါတယ်။ သုံးနှစ်ကြာတော့ ကျွန်မအမေ
ပြန်ခေါ်တာနဲ့ လန်းပန်ကို ပြန်ခဲ့ရပါရော။

 

          လန်းပန်မြို့စွန်မှာ
အခန်းငှားပြီး ကိုယ်ပိုင်အလှပြင်ခန်းဖွင့်ခဲ့ရာမှာ သူနဲ့စတင် ဆုံစည်းရတာပါပဲ။

 

          သူဟာ
ကျွန်မဖောက်သည် တစ်ယောက်ဖြစ်ခဲ့ပါရဲ့။ ဒါပေမဲ့တခြား ဖောက်သည်တွေနဲ့မတူတာက သူဟာ
ရိုးသားဖြောင့်မတ်ပြီး ယဉ်ကျေးတဲ့ သူတစ်ယောက်ဖြစ်နေခဲ့တာပါ။ သူက ဆေးလိပ်မသောက်တတ်ပေမယ့်
အရက်တော့ ကြိုက်ပုံရပါတယ်။

 

          ကျွန်မတို့ဟာ
တစ်နှစ်လောက် ချစ်သူအဖြစ် နေခဲ့ကြပါတယ်။ ၁၉၉၃ ခုနှစ် စက်တင်ဘာလမှာ စေ့စပ်ခဲ့ကြပြီး
ဒီဇင်ဘာလမှာ လက်ထပ်ခဲ့ကြပါတယ်။ ကျွန်မတို့ဟာ အလုပ်ကို လက်တွဲညီညီ လုပ်ခဲ့ရာမှာ
ရည်ရွယ်ချက်ကတော့ လန်းပန်မြို့လယ်ခေါင်မှာ ဆိုင်ခန်းအသစ်တစ်ခန်း
ကိုယ်ပိုင်ဖွင့်နိုင်ကြဖို့ပါ။

 

          ၁၉၉၄
ခုနှစ်မတ်လမှာ ကျွန်မ ကိုယ်ဝန်ရှိလာပါတယ်။ ဒါနဲ့ ဆေးခန်းမှာ ကိုယ်ဝန်အပ်ပြီး
သွေးစစ်လိုက်တော့ ကျွန်မသွေးဟာ တစ်ခုခု ပုံမမှန်ဘူးဆိုတဲ့ အဖြေထွက်လာပါရော။
ဆရာဝန်က သေချာအောင် သွေးထပ်စစ်ခိုင်းလို့ စစ်ကြည့်တော့ ကျွန်မသွေးဟာ HIV တဲ့။

 

          ကျွန်မ
ဘယ်လောက် တုန်လှုပ်ချောက်ချားသွားတယ်ဆိုတာ စဉ်းစားသာ ကြည့်ကြပါတော့။ ကျွန်မ
စဉ်းစားလို့ကို မရပါဘူး။ ဘယ့်နှယ့်လုပ်ပြီး ဒီရောဂါ ကျွန်မဆီ ရောက်လာရတာလဲ။
လက်မထပ်ခင်က သူ့ကို ကျွန်မ သွေးစစ်ခိုင်းခဲ့ပါတယ်။ ဒါပေမဲ့ ပုံမှန်ပါပဲ။ ဘာရောဂါမှ
မရှိဘူးတဲ့။ ဒါနဲ့သေချာအောင် နောက်တစ်ကြိမ် ကျွန်မထပ်ပြီး သွေးစစ်ခဲ့ပါသေးတယ်။
ကျွန်မမှာ HIV ရှိနေတာ ကျိန်းသေပြီတဲ့လေ။

 

          မိသားစုနဲ့
တင့်တောင့်တင့်တယ်နေမယ်ဆိုတဲ့ ကျွန်မရဲ့ အိပ်မက်လှလှကလေးဟာ
ပြိုကျပျက်စီးသွားခဲ့ရပါပြီရှင်။ ကြည့်စမ်း၊ ကျွန်မ ရင်သွေးကလေးကို AIDS ကူးမကူး
ကျွန်မ ဘယ်လိုလုပ် သိနိုင်တော့မလဲ။

 

          ဒါနဲ့
ကျွန်မဟာ ကျွန်မယောက်ျားကို ကွာရှင်းဖို့ ပြောပါသေးတယ်။ သူက သဘောမတူပါဘူး။
ဖြစ်ခဲ့တဲ့ ကိစ္စ တွေအတွက် ကျွန်မ သူ့အပေါ် အပြစ်ပုံချမိပေမယ့် တဖက်က ကျပြန်တော့
သူ့ကို သနားမိပြန်ပါရော။ သူ့ကို ကျွန်မ စိတ်ဆိုးနေလို့ကော အဖြစ်အပျက်က
ပြန်ကောင်းလာနိုင်မှာမှ မဟုတ်ဘဲ။ ဒါပေမဲ့ သေချာတာ ကတော့ သူဟာ ကျွန်မ ဘ၀ မှာ
ပထမဆုံးနဲ့ တစ်ယောက်တည်းသော ယောက်ျားပါရှင်။

 

          နောက်ပိုင်းမှာ
ကျွန်မတို့ တစ်ယောက်အပေါ် တစ်ယောက် နားလည်အောင် ကြိုးစားပြီး
ရုန်းကန်ခဲ့ကြပါတော့တယ်။ ကျွန်မက ကလေးရဲ့ ရှေ့ရေးကို ဆရာဝန်နဲ့ တိုင်ပင်တော့
ကလေးကို HIV ကူးစက်ဖို့ များတယ်ဆိုပေမယ့် ကိုယ်ဝန်ဖျက်ချဖို့ကိုတော့ သူက
မတိုက်တွန်းပါဘူး။

 

          ကျွန်မထင်တာက
ကျွန်မဟာ ဒီရောဂါနဲ့ မြန်မြန်သေပြီး မွေးလာခဲ့တဲ့ ကလေးဟာ ကျွန်မ မိသားစုအတွက်
တာဝန်ကြီး တစ်ရပ်ဖြစ်နေမယ်ဆိုတာပါပဲ။ ဒါကြောင့် ကျွန်မ ကလေးဖျက်ချဖို့
ဆုံးဖြတ်လိုက်ရပါတော့တယ်။

 

          ၁၉၉၄
ခုနှစ် ဧပြီလ ၁၂ ရက်နေ့မှာ“ချင်းမိုင်” က ဆေးခန်းတစ်ခန်းမှာ ကျွန်မ
ကိုယ်ဝန်ဖျက်ချလိုက်ပါတယ်။ ဆေးခန်းနာမည်ကို မမှတ်မိပေမယ့် ကျွန်မ မှတ်မိနေတာက
အဲဒီအချိန်မှာ  ကျွန်မ
အရမ်းကြောက်နေခဲ့တယ်ဆိုတာပါပဲ။ ဒါပေမယ့်လေ ကျွန်မမှာ တခြားရွေးစရာလမ်းမှ
မရှိတော့ဘဲနဲ့။

 

          ကျွန်မဟာ
ချင်းမိုင်မှာပဲ ဆေးကုခဲ့ရတာ လန်းပန်ဆေးရုံမှာဆိုရင် ကျွန်မ ယောက်မ ရှိနေတာကိုး။
သူက အဲဒီမှာ အလုပ်လုပ်နေတာ။

 

          ချင်းမိုင်မှာဆေးကုနေတုန်း
ကျွန်မ အမြဲလုပ်ခဲ့တဲ့ အလုပ်ကတော့ TV အမြဲကြည့်၊ သတင်းစာအမြဲဖတ်တာပါပဲ။
ဘာကြောင့်လဲဆိုတော့ နောက်ဆုံးပေါ်ဆေးဝါးတွေ ပေါ်လာမလားဆိုတဲ့ သတင်းကို
မျှော်လင့်လို့ပါ။

 

          ကျွန်မဟာ
ရိုးရာ ဆေးရော ခေတ်ပေါ်ဆေးပါ ကောင်းမယ်ထင်သမျှ သုံးခဲ့ပါတယ်။ လူ့ဘ၀မှာ
ခဏလောက်ဖြစ်ဖြစ် ထပ်ပြီး အသက်ရှင်ဖို့ ကျွန်မ ကြိုးစားရမယ်လေ။ ချင်းမိုင်ဆေးရုံမှာ
ကျွန်မ နှစ်နှစ်လောက်ကြာတော့ ကျွန်မ ယောက်ျားဟာ ခေါင်းကိုက်ရောဂါ စွဲနေပါပြီ။ အဲဒီအချိန်မှာ
ကျွန်မဟာ ထင်ရာစိုင်းလာပါပြီ။ ကောင်းတယ်ဆိုတဲ့ ဆေးတွေ ၀ယ်သုံးနေပါပြီ။ ဒါပေမဲ့
ထူးမခြားနားပါပဲ၊ ကျွန်မမှာ ငွေကြေးပြဿနာကလည်း ပေါ်လာပါပြီ။ ဖောက်သည်တွေကလည်း
နည်းနည်းလာလို့ ၀င်ငွေမကောင်းတော့ပါဘူး။

 

          ကျွန်မယောက်ျား
ရောဂါ ဆိုးသထက်ဆိုးလာတော့ ကျွန်မအကြောင်းကို အမေ့ကို ဖွင့်ပြောလိုက်ရပါတယ်။
ကျွန်မဘ၀ကို ကျွန်မ ဘယ်လိုမှ မရပ်တည်နိုင်တော့ပါဘူး။ ဆိုင်ခန်းလည်း ပိတ်လိုက်ရတဲ့
အထိပါပဲ။ အမေနဲ့ ဆွေမျိုးတွေက ကျွန်မအတွက် ကြေကွဲရုံကလွဲပြီး ဘာများကော
တတ်နိုင်ဦးမှာပါလဲ။

 

          ဒီတော့မှ
ကျွန်မယောက်ျားက ကျွန်မကို 
ဖွင့်ပြောလာပါတော့တယ်။ သူဟာ ကျွန်မနဲ့ စေ့စပ်ပြီးမှ မိန်းမတွေနဲ့ ဆက်ဆံမှု
ရှိခဲ့ပါတယ်တဲ့။ အကြောင်းကတော့ လက်မထပ်သေးခင် ကျွန်မက သူနဲ့အတူမနေခဲ့လို့ပါတဲ့။
ဒါပေမဲ့ အဲဒီတုန်းက သူ သွေးစစ်ခဲ့တာပဲ မဟုတ်လား။ ဘာရောဂါမှ မရှိဘူးလို့
အဖြေထွက်ခဲ့တာပဲ မဟုတ်လား။ အင်း ဒါကြောင့်ပြောတာပေါ့။ တစ်ခါသွေးစစ်ရုံနဲ့
မသေချာဘူးလို့။

 

          ၁၉၉၇
ခုနှစ် ဇွန်လမှာ ကျွန်မခင်ပွန်း ကွယ်လွန်ခဲ့ပါတယ်။ ကျွန်မဟာ ခိုကိုးရာ
မဲ့ခဲ့ရပါပြီ။ အိမ်ထဲက အိမ်ပြင်မထွက်ရဲလောက်အောင်ပဲ အားငယ်ခဲ့ရပါပြီ။ ဟုတ်တယ်လေ။
လူတချို့ဟာ ခုထက်ထိ AIDS ရောဂါသည်တွေကို လူရာမသွင်းချင်ကြဘူး မဟုတ်လား။ သူတို့က
လူ့အမိုက်အမဲတွေလို့ ကျွန်မတို့ကို သတ်မှတ်ချင်ကြတာ မဟုတ်လား။ ဝေဒနာရှင်ကို ရှိသမျှအပြစ်တွေ
ပုံချချင်ကြတာ မဟုတ်လားလေ။

 

          ၁၉၉၇
ခုနှစ် ဇူလိုင် ၃၀ မှာ ကျွန်မဟာ AIDS ဝေဒနာရှင်ကို စောင့်ရှောက်တဲ့ ဆေးရုံမှာ
ဆက်ပြီး ကုသမှု ခံယူခဲ့ပါတယ်။ အဲဒီမှာက ကြင်နာသနားတတ်တဲ့ ဆရာဝန်တွေ သူနာပြုတွေ
ရှိနေတာကိုး။

 

သုမောင် ၏ “ကျေးဇူးပဲ AIDS စာအုပ်”မှ
ကူးယူဖေါ်ပြပါသည်။