မြန်မာနိုင်ငံမှာ HIV– AIDS ဝေဒနာရှင်တွေ အတွက် ဆေး လုံလုံလောက်လောက် မရတာကြောင့် သေဆုံးသူ ဝေဒနာရှင်တွေ သိသိသာသာ များပြားလာကြောင်း ဝေဒနာရှင်တွေကို ပြုစုစောင့်ရှောက် ပေးနေတဲ့ လူမူရေးအဖွဲ့တွေက ပြောဆိုပါတယ်။

နာမည်ပျက်လေး ရှိခဲ့လို့… လူတကာတွေက ရှောင်ဖယ်ကြတယ် ဆိုတာ ကျွန်တော်တို့ လူ့ဘောင်လောကမှာ မြင်တွေ့နေကြမို့ သိပ်ပြီးမဆန်းလှပါဘူး။ တံဆိပ်တွေ ကပ်ကြတာ လူတွေရဲ့ သဘာဝပါ။ တံဆိပ်ကပ်တဲ့ နောက်ကွယ်မှာ အတူတွဲပါလာတဲ့ တန်ပြန်သက်ရောက်မှု အကျိုးဆက်တွေကိုတော့ သတိထားမိကြတဲ့သူ ရှိသလို သတိမမူမိတဲ့ သူလည်း ရှိကြမှာပါ။ ငါနဲ့ မဆိုင်ပါဘူး ဆိုပြီး ဘာသိဘာသာ နေကြတဲ့ သူတွေလည်း ရှိကြပါတယ်။ ဒါပေမယ့် လူ့ဘဝဆိုတာ စက်ဝိုင်းတစ်ခုလို လည်နေတတ်တယ်။ စက်ဝိုင်းတွေ လွှမ်းမိုးနေတဲ့ လူ့ဘဝမှာ မဆိုင်ပါဘူး ဆိုတဲ့သူတွေဆီ အကျိုးဆက်တစ်ခု ရောက်မလာနိုင်ဘူးလို့ မပြောနိုင်ဘူးလေ။