HIV ရောဂါပိုး ကူးစက်မှုမှာ အသက် ၁၅ နှစ်မှ ၄၅ နှစ်ကြား အများဆုံးဖြစ်ပြီး မူးယစ်ဆေးဝါးအကြောထဲ သွင်းခြင်းနှင့် လိင်ဆက်ဆံခြင်းမှ ကူးစက်မှုများကြောင်း ရန်ကုန်ပြည်သူ့ ဆေးရုံကြီး ခုခံအား ကျဆင်းရေးနှင့် ကာလသား ရောဂါ တိုက်ဖျက်ရေးဌာနမှ အထူးကု ဆရာဝန်ကြီး ဒေါက်တာ မျိုးသန့်က ပြောကြားခဲ့သည်။

၉ ကြိမ်မြောက် AIDS ဗဟုသုတ ပွဲတော်ကို ဒီဇင်ဘာလ ၈ ရက်နေ့က မျှော်စင်ကျွန်းမှာ ပြုလုပ်ခဲ့ ပါတယ်။ အဲ့ဒီ ဗဟုသုတ ပွဲတော်ကိုတော့ ပြီးခဲ့တဲ့ ဒီဇင်ဘာလ ၁ ရက်နေ့က ကျရောက်ခဲ့တဲ့ World AIDS Day အထိမ်းအမှတ် အဖြစ် ပြုလုပ်တာ ဖြစ်တယ်လို့ သိရပါတယ်။ ယခုပြုလုပ်တဲ့ ပွဲကိုတော့ မြန်မာနိုင်ငံ ဆရာဝန် အသင်း၊ လူငယ် ဖွံ့ဖြိုးမှု အစီအစဉ်မှ ကုလသမဂ္ဂ လူဦးရေ ရန်ပုံငွေ အဖွဲ့၊ Twin Center, Maxmate နဲ့ Calsome က ပူးပေါင်းပြီး ပြခန်းများ၊ ဟောပြောပွဲများနဲ့ ပျော်ပွဲရွှင်ပွဲ အခမ်းအနား များကို ပါဝင်ပြုလုပ်တာ ဖြစ်တယ်လို့ သိရပါတယ်။