“တရုတ်နိုင်ငံက သူတို့က ဒါကို အထူးပြု လေ့လာနိုင်လို့ ဒီလိုသိတာ ဖြစ်ပါတယ်။ ကျွန်တော်တို့ နိုင်ငံမှာ အဲဒီလို မစစ်ဆေး နိုင်သေးတော့ မသိနိုင်သေးဘူး။ ဒါပေမဲ့ သတိထားဖို့ လိုတယ်” ဟု HIV ရောဂါနှင့် ပတ်သက်၍ သုတေသနများ ပြုလုပ်လျက် ရှိသော ဦးမျိုးသန့်အောင်က The Messenger Media သို့ ပြောသည်။

တရုတ်ကုမ္ပဏီအများအပြားက နိုင်ငံခြားသားများအား အလုပ်ခန့်ရန် အလုပ်ဗီဇာခွင့်ပြုရန်အတွက် HIV စစ်ဆေးမှုအပါအ၀င် ကျန်းမာရေး စစ်ဆေးမှုများ ပြုလုပ်ရန် လိုအပ်သော်လည်း တရုတ်နိုင်ငံသားများကို မဖြစ်မနေ HIV စစ်ဆေးရန် ဥပဒေပြဋ္ဌာန်းထားခြင်းမရှိပေ။ ရှုပ်ထွေးသည့် HIV ဗိုင်းရပ်စ်မျိုးစိတ်တွေ့ရှိခြင်းက နယ်စပ်ဒေသ၌ HIV ရောဂါပိုးများ၏ ဇီဝမျိုးကွဲများအကြောင်း ပိုမိုနားလည်ရန် အရေးတကြီး လိုအပ်နေကြောင်း ပြသနေသည်ဟု သုတေသနစာတမ်းတွင် ဖော်ပြသည်။