မြန်မာနိုင်ငံက HIV/AIDS ရောဂါ ကုသရေးနဲ့ တိုက်ဖျက်ရေး အစီအစဉ်တွေမှာ ဘဏ္ဍာရေး အခက်အခဲဖြစ်ပြီး အလှူရှင်အသစ်တွေ မရတော့ရင် အကြပ်အတည်း ဆိုက်လာနိုင်ဖွယ် ရှိတယ်လို့ ကျန်းမာရေးဆိုင်ရာ ပညာရှင်တွေက သတိပေးပြောဆိုလိုက်ပါတယ်။
လောလောဆယ်မှာ နိုင်ငံတကာရဲ့ ပံ့ပိုးမှုနဲ့ ဝေဒနာသည် တသိန်းကျော်ထဲက ၃ ပုံ ၁ ပုံ ကိုပဲ ကုသပေးနိုင်တဲ့ အခြေအနေမှာ ရှိနေပြီး၊ အနာဂတ်မှာဆို နိုင်ငံတကာအကူအညီတောင် မသေချာဘူးလို့ သိရပါတယ်။ MSF လို့ ခေါ်တဲ့ နယ်စည်းမခြား ဆရာဝန်များ အဖွဲ့က ကူညီဖွင့်လှစ်ထားတဲ့ ဆေးပေးခန်း တပြည်လုံးမှာ ၂၃ နေရာ ရှိနေပါတယ်။
MSF အဖွဲ့အနေနဲ့လဲ Global Fund အဖွဲ့ကပေးတဲ့ ထောက်ပံ့ငွေနဲ့ လည်ပတ်ရတာဖြစ်ပြီး၊ Global Fund အဖွဲ့ကလဲ ၂၀၁၅ အထိပဲ နောက်ဆုံးထားပေးတော့မယ်လို့  ဆိုပါတယ်။ လူနာတွေ ၃ ပုံ ၁ ပုံလောက်ပဲ ကုနိုင်တာက ဘဏ္ဍာငွေမလုံလောက်မှုက အဓိကဖြစ်ပြီး၊ အစိုးရ ကျန်းမာရေး အသုံးစရိတ်ကနေ HIV/AIDS လူနာ ကုသရေး အတွက် ၄ ရာခိုင်နှုန်းပဲ ရတယ်လို့ ဆိုပါတယ်။
လက်ရှိမှာ ဆေးကုပေးဖို့ လိုနေတဲ့ လူနာ ၁ သိန်း ၂ သောင်းခွဲလောက်ရှိပေမယ့်၊ ပြီးခဲ့တဲ့ ဒီဇင်ဘာလ မှတ်တမ်းထိ အဲဒီ လူနာတွေထဲက ၅ သောင်းလောက်ကိုပဲ ဆေးကုပေးနိုင်တယ်လို့ MSF အဖွဲ့က ဒေါက်တာ ခင်ငြိမ်းချမ်းက ပြောတဲ့အကြောင်း Chanel News Asia သတင်းမှာ ဖေါ်ပြထားပါတယ်။ AIDS ရောဂါနဲ့ နှစ်စဉ်သေဆုံးနေတဲ့ လူနာက ၂ သောင်းလောက် ရှိတယ်လို့ ဆိုပါတယ်။
