HIV ရောဂါပိုးဟာ လွန်ခဲ့တဲ့ ၁၄ နှစ်က ကူးစက်ပြန့်ပွားမှု အမြင့်ဆုံး ဖြစ်ခဲ့ရာကနေ အခုအချိန်မှာ ကူးစက်မှု အနိမ့်ဆုံး အဆင့်ထိကို လျော့ကျသွားပြီ ဖြစ်တယ်လို့ ကုလသမဂ္ဂရဲ့ AIDS ရောဂါ တိုက်ဖျက်ရေး အေဂျင်စီ UN-AIDS အဖွဲ့က ပြောပါတယ်။
AIDS ရောဂါလျော့ကျရေးအတွက် ပြီးခဲ့တဲ့ ၁၀ နှစ်အတွင်း တကမ္ဘာလုံးက တွန်အားပေးလုပ်ဆောင်ခဲ့ရာမှာ ၁၉၉၇ ခုနှစ်က HIV ပိုး ကူးစက်မှု အမြင့်ဆုံးဖြစ်ခဲ့ရာ ကနေ အခုဆိုရင် ၂၀ ရာခိုင်နှုန်းကျော်အထိ ကျဆင်းသွားတယ်လို့ UN-AIDS ရဲ့ အစီရင်ခံစာသစ် တစောင်မှာ ဖော်ပြထားပါတယ်။
ဆေးကုသခွင့် ကျယ်ကျယ်ပြန့်ပြန့် ရရှိကြတဲ့အတွက် AIDS ရောဂါနဲ့ ဆက်စပ်ဖြစ်ပွားခဲ့တဲ့ ရောဂါတွေကြောင့် သေဆုံးသူ အရေအတွက်ဟာလည်း ကျဆင်းခဲ့ပါတယ်။
ဒါပေမယ့်လည်း ကမ္ဘာ့ပေါ်က တချို့ဒေသတွေ၊ အထူးသဖြင့်တော့ အာဖရိက ဆာဟာရ တောင်ပိုင်း ဒေသတွေမှာတော့ HIV ရောဂါပိုးကူးစက်မှုဟာ အလွန်မြင့်မားနေဆဲ ဖြစ်ပြီး အဲဒီအတွက် ရင်းနှီးမြှပ်နှံမှုတွေ အကြီးအကျယ် လိုအပ်နေဆဲ ဖြစ်တယ်လို့ အစီရင်ခံစာက ဆိုပါတယ်။
