အိတ်အိုင်ဗွီ ရောဂါပိုးကို သေအောင်သတ်နိုင်တဲ့ ဆေးမတွေ့သေးလို့ အပျောက်ကုသနိုင်တဲ့ ဆေးမရှိသေးဘူးလို့ ပြောတာပါ။ ဒါပေမယ့် ခုခံအားကျသွားလို့ ပေါ်လာတဲ့ ရောဂါဝေဒနာ အမျိုးမျိုးကို ပျောက်ကင်းသက်သာအောင် ကုသပေးနိုင်တဲ့ ဆေးတွေ ရှိပါတယ်။ ဥပမာ – တီဘီရောဂါ၊ ဝမ်းလျှောရောဂါ၊ ဦးနှောက်ရောင် ရောဂါ၊ မက်ခရု စတဲ့ ရောဂါတွေကို ကုသနိုင်တဲ့ ဆေးတွေ ရှိပါတယ်။ အဲဒီဆေးတွေအပြင် အိတ်ခ်ျအိုင်ဗွီပိုးတွေ ခန္ဓာကိုယ်အတွင်းမှာ မပျံ့ပွားအောင် ထိန်းထားနိုင်တဲ့ ဆေးတွေလည်း ရှိပါတယ်။

အေအိုင်ဒီအက်စ် ရောဂါဖြစ်ပွားနေသူတွေမှာ တီဘီရောဂါဟာ အဓိက ကျန်းမာရေး ပြဿနာတစ်ခု ဖြစ်ပါတယ်။ အတ်ခ်ျအိုင်ဗွီ ပိုးရှိတဲ့ သူတွေမှာ ခုခံစွမ်းအားကျလာတဲ့ အတွက် တီဘီရောဂါကူးဖို့ အခွင့်အလမ်း ပိုများပါတယ်။ သူတို့မှာ ဖြစ်တဲ့ တီဘီရောဂါကလည်း သာမန်ထက်ပိုပြီး ပြင်ထန်နိုင်ပါတယ်။ စံနစ်တကျ ဆေးကုသမှု ခံယူပြီး အချိန်မှန်မှန် ဆေးသောက်ဖို့ ဆေးပတ်လည်အောင် သောက်ဖို့အရေးကြီးပါတယ်။

လိင်တူ လိင်ကွဲ ဆက်ဆံရာက ကူးစက်တဲ့ ရောဂါတွေကို “လိင်ဆက်ဆံမှုကြောင့် ကူးစက်တဲ့ ရောဂါများ” လို့ ခေါ်ပါတယ်။ ရှေးယခင်ကတော့ “ကာလသားရောဂါ” လို့ ခေါ်ပါတယ်။ ကာလသားရောဂါအမျိုးမျိုး ရှိပါတယ်။ဆစ်ဖလစ်ရောဂါ၊ ဂနိုရောဂါ၊ ရှန်ကရွိုက်၊ လင့်ကျိတ်ရောင် ရောဂါ၊ လိင်အင်္ဂါ ရေယုန်၊ လိင်အင်္ဂါ မက်ခရု၊ လိင်အင်္ဂါဝဲ၊ ရီဖြူဆင်းရောဂါနဲ့ အေအိုင်ဒီအက်စ်ရောဂါ အပါအဝင် ရောဂါ အမျိုးပေါင်း နှစ်ဆယ်ကျော် ရှိပါတယ်။

အိတ်ခ်ျအိုင်ဗွီပိုး အရေအတွက်များလေ သွေးဖြူဥတွေများများ ပျက်စီးလေဖြစ်ပြီး အချိန်တိုတို အတွင်းမှာ အေအိုင်ဒီအက်စ်ရောဂါ လက္ခဏာတွေ ဖြစ်ပေါ်ခံစားရမှာပါ။ ဒါကြောင့် အိတ်ခ်ျအိုင်ဗွီပိုး ရှိပြီးထားသူဟာ မိမိခန္ဓာကိုယ်ထဲကို အိတ်ခ်ျအိုင်ဗွီပိုးတွေ ထပ်ပြီး ဝင်မလာအောင် ကာကွယ်ဖို့ အရေးကြီးပါတယ်။ ဇနီးမောင်နှံ နှစ်ဦးစလုံးမှာ အေအိုင်ဒီအက်စ် ပိုးရှိနေပြီးပေမယ့်လည်း လိင်ဆက်ဆံရာက တဆင့် အိတ်ခ်ျအိုင်ဗွီပိုးတွေ ထပ်ပြီး ခန္ဓာကိုယ်ထဲ မရောက်အောင် ကွန်ဒုံးအမြဲ သုံးဖို့ လိုအပ်ပါတယ်။

အေအိုင်ဒီအက် ဝေဒနာရှင် တဦးဟာ မကြခဏ မမာမကျန်းဖြစ်တာ၊ စိတ်မချမ်းသာတာ၊ စိတ်ညစ်တာ၊ ဝမ်းနည်းအားငယ်တာတွေကို ကြုံတွေ့ရ တတ်ပါတယ်။ အထူးသဖြင့် မိသားစုနဲ့ ပတ်ဝန်းကျင် အသိုင်းအဝိုင်းရဲ့ ကြင်နာမှုကို မရရင်ဖြစ်ဖြစ်၊ စံနစ်တကျ ကုသတာကို မခံရရင် ဖြစ်ဖြစ်၊ ကိုယ်စိတ်နှစ်ပါးလုံး ပိုမို ခံစားရတတ်ပါတယ်။ အဲဒီအခါမျိုးမှာ နျစ်သိမ့် ဆွေးနွေးပညာပေးသူနဲ့ တိုင်ပင်ဆွေးနွေးလိုက်ရင် စိတ်ခံစားရတာတွေ လျော့သွားပြီး လုပ်သင့်တာတွေကို ဆက်လုပ်သွားဖို့ အင်းအားရှိလာပါမယ်။

အိတ်ခ်ျအိုင်ဗွီပိုး ရှိတဲ့သူကို အေအိုင်ဒီအက်စ် ရောဂါဖြစ်နေပြီလို့ ပြောလို့ မရသေးပါဘူး။ ဘာဖြစ်လို့လဲဆိုတော့ လူရဲ့ ခန္ဓာကိုယ်ထဲမှာ အိတ်ခ်ျအိုင်ဗွီပိုး ရှိနေပေမယ့် ရောဂါလက္ခဏာ မပြသေးတော့ လူကောင်း တစ်ယောက်လိုပါပဲ။ ဖျားတဲ့နာတဲ့ လက္ခဏာ လုံးဝမရှိပဲ သာမန်လူကောင်း တစ်ယောက်လို သွားလာလှုပ်ရှား အလုပ်လုပ်နိုင်ပါတယ်။ ဒါပေမယ့် အိတ်ခ်ျအိုင်ဗွီပိုး ရှိနေတဲ့ အတွက် သူကနေ တဆင့် ရောဂါပိုးတွေ ကူးနိုင်ပါတယ်။

အိတ်ခ်ျအိုင်ဗွီပိုး ရပြီးသူတွေရဲ့ သွေးထဲမှာ ဒီပိုးကို တန်ပြန်တိုက်ဖျက်ဖို့ ထုတ်ထားတဲ့ ပစ္စည်းတစ်မျိုး ရှိပါတယ်။ အဲဒါကို “ပဋိပစ္စည်း” လို့ ခေါ်ပါတယ်။ ဒီပဋိပစ္စည်းဟာ ရောဂါပိုးကို ကိုယ်စားပြုတဲ့ သင်္ကေတပဲ ဖြစ်ပါတယ်။ အိတ်ခ်ျအိုင်ဗွီပိုး ရှိမရှိ သွေးစစ်တယ်ဆိုတာ ဒီပဋိပစ္စည်းကို စစ်ဆေးခြင်းဖြစ်ပါတယ်။ အဲဒီပဋိပစ္စည်းဟာ ရောဂါပိုး ကိုယ်ခန္ဓာထဲရောက်ပြီး သုံးလလောက်ကြာမှ သွေးမှာ ပေါ်ပါတယ်။ ဒါကြောင့် ရောဂါပိုး ဝင်ပြီးပြီးချင်း သွေးစစ်ရင် ရောဂါပိုး ရှိမရှိ မသိနိုင်တာပါ။

HIV ပိုးကူးစက်ခါစမှာ အရေပြားမှာ သိပ်မသိသာပါဘူး။ ဖြစ်ခဲ့ရင်လည်း အင်ပြင်ပေါက်သလိုမျိုး အရေပြားမှာ ဖြစ်တတ် ပါတယ်။ AIDS အဆင့်ရောက်ရင်တော့ အရေပြားမှာ ယားနာတွေ၊ ရေယုန်တွေ ဖြစ်တတ်ပါတယ်။ ART ခေါ်တဲ့ ဆေးတွေ စသောက်ခါစမှာလည်း အရေပြားမှာ မှင်ထသလို၊ အင်ပြင်ထသလို၊ နေလောင်သလို Rash တွေ ပေါ်တတ်ပါတယ်။

လိင်ဆက်ဆံဖက် များလေလေ ဒီရောဂါဖြစ်နိုင်ဖို့ အန္တရာယ်များလေလေ ပါပဲ။ အေအိုင်ဒီအက်စ် ရောဂါဟာ အကာအကွယ် မပါပဲ လိင်ဆက်ဆံမူကြောင့် အများဆုံး ကူးစက်ဖြစ်ပွားတာပါ။ ကိုယ်နဲ့ လိင်ဆက်ဆံတဲ့ သူဟာ ရောဂါပိုး ရှိမရှိ သေသေချာချာ ဘယ်လိုမှ မသိနိုင်ပါဘူး။ ရောဂါ လက္ခဏာမပေါ်သေးခင် ရောဂါ မရှိဘူးလို့ အထင်မှား နေကြတာပါ။ အိတ်ခ်ျအိုင်ဗွီပိုး ရှိတဲ့သူဟာ သာမန်လူကောင်း အတိုင်း ရှိနေနိုင်တယ်ဆိုတာ အမြဲသတိရပါ။

မိခင်နို့ရည်ထဲမှာ အိတ်ခ်ျအိုင်ဗွီပိုး အနည်းအကျဉ်း ရှိပါတယ်။ ဒါကြောင့် ရောဂါပိုးရှိတဲ့ မိခင်ရဲ့ နို့စို့ရတဲ့ ကလေးခုနစ်ယောက်မှာ တစ်ယောက်ဟာ ရောဂါပိုး ကူးစက်ခံရဖို့ ရှိပါတယ်။ အထူးသဖြင့် မိခင်မှာ ရောဂါပိုး ကူးစက်ဖြစ်ပွားခါစ အချိန်ရယ်၊ အေအိုင်ဒီအက်စ်ရောဂါ လက္ခဏာတွေ စပေါ်တဲ့ အချိန်ရယ်၊ ဒီနှစ်ချိန်မှာ ကလေးကို ကူးစက်မှုနှုန်း ပိုမြန်ပါတယ်။

အကာအကွယ်မပါပဲ လိင်အပျော်အပါး လိုက်စားတဲ့သူတွေ၊ မူးယစ်ဆေး သွေးကြောထဲ ထိုးသွင်းတဲ့ သူတွေ၊ ကာလသားရောဂါ ရှိသူတွေမှာ အဖြစ်များပါတယ်။ လိင်အပျော်အပါးလိုက်စား တယ်ဆိုတဲ့နေရာမှာ ပြည့်တန်ဆာတွေဆီ သွားလာပျော်ပါးတဲ့ သူတွေ၊ လိင်ဆက်ဆံဖက် များတဲ့သူ တွေ ဆီမှာ အန္တရာယ် အများဆုံး ရှိပါတယ်။ ဒါပေမဲ့လည်း အိမ်ထောင်ပြင်ပမှာ သွားရင်းလာရင်း တစ်ခါတစ်ရံ ဆက်ဆံမိတယ် ဆိုရင်လည်း ရောဂါပိုး ကူးစက်လာနိုင်ပါတယ်။

ဟင်းမ် စာမျက်နှာ အနေဖြင့် ၂၀၁၄ ခုနှစ် အတွက် ကျရောက်သော သင်္ကြန်ပွဲနှင့် မြန်မာနှစ်သစ်ကူး ကာလအတွက် ဧပြီလ ၁၄ ရက်မှ ဧပြီလ ၂၀ ရက် ၂၀၁၄ အတွင်း ခေတ္တ ရပ်နားထားပါမည်။ ဧပြီလ ၂၁ ရက်မှ စတင်ပြီး ပုံမှန်ဝန်ဆောင်မှုများ ပြန်လည် လုပ်ဆောင်ပါမည်။