မူးယစ်ဆေး ကုသမှု (ကာကွယ်မှု) စီမံကိန်းကောင်း တစ်ခုကို ကောင်းမွန်ထိရောက်စွာ အကောင်အထည်ဖော်ပြီး တက်ကြွတဲ့ သူတွေကို အသုံးပြုရမယ်။ ဒီလို လူမျိုးတွေ များများလိုတယ်။ မူးယစ်ဆေးဝါး ကုသမှုဟာ စိတ္တဇအထူးကု ဆရာဝန်မှသာ လုပ်ရမယ့် အလုပ် မဟုတ်ပါဘူး။ အချို့နေရာတွေမှာဆိုရင် မူးယစ်ဆေးဝါး ပြတ်ပြီး သူတွေက စေတနာ့ ဝန်ထမ်းအဖြစ်နဲ့ ကူပြီး ဆေးမပြတ်သေးသူတွေကို ရှာပေးခြင်း၊ ကုသဖို့ရာ တိုက်တွန်းခြင်း စသည်တို့ လုပ်ဆောင်ပေး ကြတယ်။

ဒီဆေးစွဲတယ်ဆိုတဲ့ ကိစ္စဟာ ဝင်လို့တော့ ရတယ်။ ထွက်လို့မရတဲ့ ကိစ္စ”လို့ စစ်(လ)ဗားနားက စိတ်ပျက်စွာနဲ့ မှတ်ချက်ချလိုက်တယ်။ သူလည်း AIDS ရောဂါ ပြန့်ပွားမှာ စိုးပါတယ်၊ မလိုလားပါဘူး။ အဲဒီအချိန်မှာ သူ့ဂလင်းအကြိတ်တွေ ကြီးနေပြီ။ ညအိပ်ရင်လည်း ချွေးတွေ ထွက်ထွက်နေလို့ အိပ်ကောင်းခြင်း မအိပ်ရဘူး။ တစ်နေ့လုံး အချိန်မပြတ် နုံးချည့်ချည့်နဲ့ မောနေတယ်။ သူ့မှာ AIDS အစပျိုးနေပြီ။ ဒါဖြင့် ဘာကြောင့် ဒီည ဒီအလုပ် လုပ်ဦးမှာလဲ။ သူ့အတွက် အခြားငွေရှာတဲ့နည်း မရှိဘူး၊ မသိဘူး၊ ဒါကြောင့်ပဲ။

AIDS ပိုးစစ်ဖို့အတွက် လိုတဲ့ ပစ္စည်းကလည်း ဈေးကြီးတယ်။ လိုသလောက် ဖောဖောသီသီ မရနိုင်ဘူး။ ဒီတော့ ရှိတာကို ဘယ်လိုအများဆုံး အသုံးချထိုက်တယ် ဆိုတာကိုလည်း တွက်ချက်ပြီးမှ သုံးကြရမှာ။ ဒီတော့ AIDS အရှိအများဆုံးထင်တဲ့ နေရာဒေသမှာ ရှိတဲ့ ပြည့်တန်ဆာတွေကို ဦးစာပေး အစီအစဉ်ဆွဲပြီး စစ်ကြည့်ရမှာ။ ပိုးဝင်ပြီးသူတွေကို အခြားသူများနည်းတူ ပြုစုစောင့်ရှောက်ရမယ် ဆိုတာတော့ ပြောဖို့လိုမယ် မထင်ပါဘူး။

AIDS ကာကွယ်ရေး အတွက်တော့ မြန်မာမှာလည်း အခြားနိင်ငံများနည်းတူ AIDS အတွက် စီမံကိန်းတွေရေးဆွဲပြီး လုပ်ကိုင်နေကြပါတယ်။ ကမ္ဘာရှိ AIDS စီမံချက်တွေ အားလုံးရဲ့ ဦးတည်ချက်တွေကတော့ AIDS ရောဂါအကြောင်း သိသင့်စရာတွေကို သိစေပြီး ပညာပေးခြင်း၊ AIDS မရအောင် ကိုယ်ကိုယ်တိုင် ဘယ်လိုကာကွယ်ဆောင်ရွက်နိုင်တယ် ဆိုတာတွေနဲ့ အခြားသူများကို AIDS ဘယ်လို ကာကွယ်ရမယ်ဆိုတာတွေကို ထပ်ဆင့် ပညာပွားပေးဖို့ပဲ ဖြစ်တယ်။

မြန်မာမှာကတော့ တချို့ ပြည့်တန်ဆာမတွေက ပြည်ပထွက်ပြီး AIDS ပိုးတွေကို အမှတ်မထင် ပြန်သယ်လာတာ။ AIDS ဗိုင်းရပ်စ်ကို သွင်းကုန်အဖြစ် လုပ်ကြတာ။ နောက်ဆက်ပြီး ထပ်ဆင့်ပွားတဲ့ ပုံစံကတော့ အတူတူ ဖြစ်မှာ ပါပဲ။ မြန်မာမှာ ပွားမှုကို အားပေးနေတဲ့ အချက်တစ်ခုကတော့ ဒီလူတွေထဲမှာ ကျန်းမာရေး ပညာပေးမှုကို တွင်တွင် ကျယ်ကျယ် မလုပ်နိုင်အောင် ဟန့်တားနေတဲ့ အခြေအနေတွေ ရှိနေခြင်းပဲ။

၁၉၈၄ ခုနှစ်မှာ ထိုင်းမှာ ပထမဆုံး AIDS ရောဂါရှင်ကို တွေ့တယ်။ ၁၉၈၅ မှာ ဂျပန်၊ တရုတ်ပြည် ဟောင်ကောင်နဲ့ ဖိလစ်ပိုင်မှာ AIDS ရှိနေပြီ၊ ၁၉၈၆ မှာ အိန္ဒိယ၊ စင်္ကာပူ၊ သီရိလင်္ကာ။ ၁၉၈၇ မှာ အင်ဒိုနီးရှား၊ တောင်ကိုးရီးယား၊ ပါကစ္စတန်မှာ ရှိပြီလို့ မှတ်တမ်းရှိတယ်။ ကမ္ဘာ့ကျန်းမာရေး အဖွဲ့က ကြေညာတဲ့ မှတ်တမ်းမှာ ၁၉၈၆ ခုနှစ် AIDS ရှိတဲ့ တိုင်းပြည်စာရင်းမှာ မြန်မာ မပါခဲ့ဘူး။ ၁၉၈၈ ခုနှစ်မှာတော့ တစ်ယောက်၊ နှစ်ယောက်လောက်မှာ AIDS ပိုး ရှိနေပြီလို့ ပြောသံ ကြားရတယ်။

ကမ္ဘာတစ်ခုလုံးကို ခြုံပြီး သုံးသပ်ကြည့်ရင်တော့ “ကူးစက်ပုံ ပုံစံ” ဟာ ၃ မျိုး ခွဲခြားပြလို့ ရတယ်။ ဒီပုံစံတွေကို သိနားလည်ဖို့လိုတဲ့ အကြောင်းကတော့ ဒီအသိဟာ ရောဂါဖြစ်စဉ် လမ်းကြောင်းကို လေ့လာရာမှာလည်း အသုံးဝင်တယ်။ ကာကွယ်ရေးအတွက် အစီအစဉ်များ ဆွဲရာမှာလည်း အထောက်အကူပြုတယ်။ ဘယ်ပုံစံနဲ့ ကူးရင် ဘယ်လောက် ကူးစက်နိုင်မယ်၊ ဘယ်သူတွေ အများဆုံး ထိမယ်ဆိုတာကို သိနိုင်တယ်။

AIDS နဲ့ ပတ်သက်ပြီး အတည်မပြုရသေးတဲ့ သတင်းတွေ၊ အခြေအမြစ် မရှိတဲ့ ကောလာဟလတွေကြောင့် မဆင်မခြင် ကြောက်ကြပြီး တွေးခေါ် သုံးသပ်မှုတွေမှာ အမြင်မမှန်တော့ပဲ အလွန်အကျွံတွေ ဖြစ်ခဲ့ကြတယ်။ ဥပမာဆိုရင် AIDS ရောဂါပိုးရှိတဲ့ လူကို ထိမိရုံနဲ့ ရောဂါကူးတယ်လို့ ယူဆနေကြတယ်။ ဒီလို ခံယူချက် ရှိမရှိ မေးမြန်းလေ့လာကြည့်တဲ့အခါမှာ မေးမြန်းခံရသူအနက် ၁၀% မှ ၃၀% တို့ဟာ လက်ဆွဲနှုတ်ဆက်ရုံ၊ ဘတ်(စ)ကား အတူတူစီးရုံ၊ အလုပ်အတူတူ လုပ်ရုံနဲ့ AIDS ရောဂါ ကူးစက်နိုင်တယ်လို့ ယုံကြည်ကြတယ်။

၁၉၈၀ ခုနှစ် အစပိုင်းမှာ တစ်ကမ္ဘာလံးမှာ ၁၀၀၀၀၀ (တစ်သိန်း)။ ၁၉၈၀-၈၉ အတွင်း ၅ သန်းမှ ၁၀ သန်း ရှိမယ်။ အဲဒီ အထဲက နည်းတဲ့ ဂဏန်းဖြစ်တဲ့ ၅ သန်းကို ယူပြီး ကမ္ဘာအရပ်ရပ်ကို ဝေပုံချ ခွဲကြည့်မယ်ဆိုရင် ၂.၅ သန်းဟာ အာဖရိက၊ ၂ သန်းဟာ အမေရိက (တောင်နဲ့ မြောက်)၊ ၅ သိန်းဟာ ဥရောပနဲ့ ၁ သိန်းဟာ အာရှနဲ့ အိုရှန်းနီးယားမှာ ရှိမယ်။ ဒီတော့ လက်ရှိအခြေအနေမှာ AIDS ဟာ ကမ္ဘာအနှံ့အပြားမှာ ရှင်သန်လျက်ရှိပြီး အစဉ်တစိုက် ပြန့်ပွားလျက်ပဲလို့ ဆိုရမယ်။

ကျန်းမာရေး သတင်း ပေးပို့မှု ကောင်းတဲ့ အမေရိကန်မှာတောင် ကမ္ဘာကျန်းမာရေး အဖွဲ့က ချမှတ်ထားတဲ့ AIDS ရောဂါ သတ်မှတ်ချက်များနဲ့ ကိုက်ညီတဲ့ ရောဂါသည်တွေထဲက ၉၀ % ရာနှုန်းပြည့် မဟုတ်) သာ တိုင်းကြား မှတ်တမ်းတင်ခဲ့ကြတာကို တွေ့ရတယ်။ ဥရောပမှာ တော့ ၅၀ % ဟာ သတင်းပို့ တိုင်းကြားခြင်း မလုပ်ပဲ နေတာ ရှိတယ်လို့ ဆိုကြတယ်။ အချို့ တိုင်းပြည်တွေမှာတော့ သေစာရင်း ရေးပေးသူ ဆရာဝန်က AIDS ရောဂါအစား “ အဆုတ်ရောင်” “ကင်ဆာ” လို့သာ မှတ်တမ်းမှာ ရေးပေးလိုက်တယ်။

သွေးနဲ့ သွေးပစ္စည်းသွင်းမှုကြောင့် AIDS ရောဂါ ရလာသူဟာ တစ်ကမ္ဘာလုံး အတိုင်းအတာနဲ့ ဘယ်လောက်ရှိမလဲဆိုတဲ့ အဖြေမှန်ကိုတော့ ၁၉၉၂-၁၉၉၅ လောက်မှ သိရမယ်။ ဒါတောင် မှတ်တမ်းတွေ ကောင်းကောင်းထားနိုင်မှ သိမှာ၊ ပြဿနာကတော့ မသေးတာ အမှန်ပါပဲ။ ၁၉၈၁ ခုနှစ်မှာ CDC (စီဒီစီ) ကနေ AIDS ဟာ မူးယစ်ဆေးဝါး ထိုးသူတွေမှာ ရနိုင်တယ်ဆိုတာ သိပြီးနောက် ဒီကူးစက်နည်းဟာ AIDS ပြန့်ပွားရေးမှာ အခရာ ဖြစ်တယ် ဆိုတာကို တစ်နေ့တခြား ပိုပြီး ထင်ရှားလာပါတယ်။

AIDS ရောဂါပိုး စဝင်တဲ့ အချိန်နဲ့ AIDS ရောဂါ တကယ်ဖြစ်လာမယ့် အချိန်ဟာလည်း ရှည်ကြာတော့ သွေးပစ္စည်း သွင်းထားသူ တစ်ယောက်ဟာ AIDS ဖြစ်လာမယ်၊ မဖြစ်လာဘူးဆိုတာကို တိုတောင်းတဲ့ အချိန်အတွင်းမှာ မသိနိုင်ဘူး။ ဒီတော့ ပြဿနာဟာ လောလော ဆယ်မှာ ပြတ်သွားတာမျိုး မဟုတ်ဘူး။ ဒီတော့ ပြဿနာဟာ လောလောဆယ်မှာ ပြတ် သွားတာမျိုး မဟုတ်ဘူး။ AIDS ရောဂါပိုး (ဗိုင်းရပ်စ်) သွေးထဲမှာ ရှိ၊မရှိ ကိုတော့ စစ်ကြည့်ရင် သိနိုင်ပါတယ်။