HIV ဗိုင်းရပ်စ်ပိုး ကူးစက်ခံ နေရတဲ့ မွေးကင်းစ မိန်းကလေးငယ် တဦးရဲ့ ကိုယ်ခန္ဓာမှာ ရောဂါပိုး အမြစ်ပြတ်သွားတဲ့ ပုံမျိုး ဖြစ်နေတာနဲ့ ပတ်သက်တဲ့ အချက်အလက် အသေးစိတ်ကို အမေရိကန် ဆေးပညာရှင် တွေက ထုတ်ပြန် လိုက်ပါတယ်။

မွေးကင်းစ ကလေးငယ်တဦး အနေနဲ့ ဒါပထမဆုံး ဖြစ်ပြီး လူတဦးကနေနဲ့ကတော့ ဒါ ဒုတိယမြောက် တွေ့ရှိရတာ ဖြစ်ပါတယ်။ ဒါဟာ ဆေးပညာဆိုင်ရာ တိုးတက်အောင်မြင်မှု တရပ်အဖြစ် ပညာရှင်တွေက ကြေညာ ပြောဆိုနေ ကြပါပြီ။

အကြောင်းကတော့ ဒီကုသမှုကို ခံယူခဲ့တဲ့ မိန်းကလေးငယ်ကို မစ္စစ်စပီပြည်နယ်မှာ HIV ရောဂါပိုးရှိတဲ့ မိခင်က မွေးခဲ့ပါတယ်။ မွေးမွေးပြီးချင်း နာရီ ၃၀ အတွင်းမှာပဲ ကုသဆေး ၃ မျိုးလောက်ရောပြီး ကုသပေးခဲ့ ပါတယ်။ နောက်ဆက်တွဲ ကုသမှု အနေနဲ့  တနှစ်ခွဲလောက် လုပ်ခဲ့ပြီး ကုသမှုကို ရပ်ဆိုင်းလိုက်ပါတယ်။

အခုတော့ အဲဒီ မိန်းကလေးငယ်ဟာ အသက် ၂ နှစ်ခွဲရှိ ပါပြီ။ ကုသမှု ရပ်ဆိုင်းထားတာ ၁ နှစ်လောက် ရှိပေမယ့် ရောဂါပိုးရှိတဲ့ လက္ခဏာ လုံးဝ မတွေ့ရတော့ပါ။ ဒါကြောင့် ဒီဖြစ်ရပ်ကို အခြေခံပြီး ရောဂါပိုး ရှိတဲ့ မိခင်က မွေးဖွားတဲ့ ကလေးငယ် လေးတွေကို မွေးမွေးချင်း ကုသပေးရင်း စမ်းသပ် မှုတွေကို ဆက်လုပ်ကြမှာပါ။ ဒီသတင်းဟာ ဆေးလောက အတွက်တော့ အင်မတန်မှကို သတင်း ထူးကြီးတခု ဖြစ်ပေမယ့် ကုရာနတ္ထိ ဆေးမရှိဆိုတဲ့ AIDS ရောဂါ ဖြစ်စေတဲ့ ဒီ HIV ပိုးကို လုံးဝဥဿုံကြီး တားလိုက်နိုင်ပြီလို့ ပြောလို့ မရသေးပါ။

အကယ်၍ ဒီမိန်းကလေးငယ်သာ ဒီအတိုင်း ကျန်းကျန်းမာမာ ဆက်ပြီးရှိတယ် ဆိုရင်တော့ ဒါဟာ HIV ပိုး ကုသနိုင်တဲ့ ဖြစ်ရပ် အနေနဲ့ ဒုတိယမြောက် အကြိမ် ဖြစ်လာမှာပါ။ ပထမ အကြိမ်ကတော့ ၂၀၀၇ ခုနှစ်တုန်းက HIV ပိုး ကာကွယ်နိုင်တဲ့ အင်မတန်မှ ရှားပါးတဲ့ ဆဲလ်ပိုင်ရှင်ရဲ့ ဆဲလ်ကိုယူပြီး အစားထိုး ကုသရာကနေ အောင်မြင်မှု ရခဲ့တာ ဖြစ်ပါတယ်။ အဲဒီ ကုသမှုနဲ့ မတူတဲ့ ဒီတကြိမ် ကုသမှု မှာတော့ လူမမယ် ရောဂါသည် တွေကို ကုသရာမှာ အသုံးပြုတဲ့ ဆေးတွေကို ရောပြီး ကုသပေးခဲ့တာ ဖြစ်ပါတယ်။

အခု ရလဒ်နဲ့ ပတ်သက်ပြီး တင်ပြလာခဲ့တဲ့ Johns Hopkins တက္ကသိုလ်က ရောဂါပိုးမွှားဗေဒ ပညာရှင် ဒေါက်တာ Deborah Persaud က ရောဂါပိုးဟာ လူ့ကိုယ်ခန္ဓာမှာ ခိုအောင်း မလာနိုင်ခင် အချိန်မှာ အစောဆုံး ကုသမှုကို လုပ်ဆောင်လိုက်တဲ့ အတွက် ဆေးက ရောဂါပိုးတွေကို အရင်ဆုံး နှိမ်နှင်းလိုက်တဲ့ သဘော ရှိတယ်လို့ ပြောပါတယ်။

အခု ကုသမှု ခံယူခဲ့တဲ့ ကလေးငယ် မိန်းကလေးမှာ ရောဂါပိုး ဆက်ပြီး ရှိမရှိကို ဓာတ်ခွဲခန်း ၆ ခုမှာ အဆင့်မြင့်တဲ့ နည်းပညာတွေ၊ မတူတဲ့ နည်းစနစ်တွေနဲ့ အမျိုးမျိုး စမ်းသပ်ခဲ့ပေမယ့် ဘယ်ဓာတ်ခွဲခန်းကမှ ရောဂါပိုးကို မတွေ့ရပါဘူး။

ဒါကြောင့် လတ်တလော ပြောနိုင်တာကတော့ ဒီကလေးဆီမှာ ရှိတဲ့ HIV ရောဂါပိုးကို တိုက်ဖျက် လိုက်နိုင်ပြီလို့ AIDS ရောဂါ သုတေသန ဖောင်ဒေးရှင်းက Dr. Rowena Johnston က ပြောပါတယ်။ အခု ကုထုံးဟာ မွေးကင်းစ ကလေးငယ်တွေ အတွက်သာ ဖြစ်ပြီး နည်းနည်းကြီးသွားတဲ့ ကလေးတွေနဲ့ လူကြီးတွေ အတွက်တော့ မဟုတ်ပါဘူး။ ဒါကြောင့် ရောဂါမဖြစ်အောင်ကြိုတင် ကာကွယ်တဲ့ နည်းကသာ အထိရောက်ဆုံး ကုသမှုအဖြစ် ရှိနေပါသေးတယ်။

ဘီဘီစီ - HIV ကုနိုင်မယ့် လမ်းစတွေ့