လူအတော်များများက HIV နဲ့
AIDS ကို ကွဲကွဲပြားပြား မသိကြပါဘူး။ HIV နဲ့ AIDS ဟာ အတူတူလား? တခြားစီလား? ဘယ်လို ပတ်သက် ဆက်နွယ်နေလဲ? ...... စသဖြင့် တစ်ခါတစ်လေ တွေဝေ နေတတ် ပါတယ်။ ကဲအခု တစ်ခုချင်းစီကို ကြည့်ကြရအောင်.....။

HIV ဆိုတာက အင်္ဂလိပ် ဘာသာစကားကနေ မွေးစားထားတဲ့ စကားလုံးပါ။ ဥပမာ ကား
(car)၊ ဒါရိုက်တာ (director) စတဲ့ စကားလုံးမျိုးတွေ
လိုပါပဲ။ မူလနာမည်က နည်းနည်း ရှည်ပါတယ်။ Human Immunodeficiency Virus ဆိုတဲ့ နာမည်ရဲ့ ရှေ့က
အက္ခရာတွေကို ယူပြီး အတိုကောက်
HIV လို့ ခေါ်ကြတာပါ။ ဒီနာမည်ကနေပြီ
HIV ဆိုတာ ဘာလဲလို့ ခန့်မှန်းလို့ ရနေပါပြီ။ မြန်မာလို အရိုးရှင်းဆုံး ပြောရင်တော့
ပိုး တစ်မျိုးပါ။ အကျယ်ချဲ့ ပြောရင်တော့ ဗိုင်းရပ်စ်ပိုး တစ်မျိုးပါ။ သူက လူတွေကို ကူးရင် ဘာဖြစ်လဲဆိုတော့
လူမှာရှိတဲ့ ကိုယ်ခံအား (ခုခံအား)ကို ကျစေပါတယ်။ ဒါကြောင့် လူ့ခုခံအားကျရောဂါပိုးလို့ မြန်မာမှု ပြုနိုင်ပါတယ်။ ဒါပေမယ့်
လွယ်လွယ်ပဲ HIV လို့ပဲ အများက ခေါ်ကြပါတယ်။

H =
Human

I =
Immune deficiency

V =
Virus

ဒီနေရာမှာ နာမည်ကို
အင်္ဂလိပ်လို တစ်ခုချင်း ဘာသာပြန်ရင် ကျွန်တော်တို့တွေ ပိုပြီး ဒီရောဂါပိုး
အကြောင်းကို သိမှာ နားလည်မှာ ဖြစ်ပါတယ်။ ကဲ တစ်ခုချင်း ဘာသာပြန်ကြရအောင်။

Human ဆိုတာက လူမှာပဲ ဖြစ်တယ်လို့
သဘောပေါက်ရမှာ ဖြစ်ပါတယ်။ အရင်တုန်းက မျောက်တွေ မှာလည်း ဖြစ်တယ်ဆိုပြီး ယူဆချက်မျိုးတွေ
ရှိခဲ့ပါတယ်။ တကယ်တော့ မျောက်မှာဖြစ်ခဲ့တဲ့ ပိုးနဲ့ လူမှာဖြစ်တဲ့ ပိုးက ပုံစံချင်းတူလို့ အဲလို အယူဆတွေ မှားခဲ့တာပါ။
တကယ်တော့ HIV ပိုးဟာ လူမှာသာ ဖြစ်တာပါ။ ဒီနေရာမှာ သတိချပ်ရမှာက
လူမှာသာဖြစ်ပြီး တခြား သတ္တဝါတွေမှာ မဖြစ်ပါဘူးလို့ မှတ်ရပါမယ်။
တစ်နည်းပြောရရင် တစ်ခြားသတ္တဝါကနေ လူကို မကူးနိုင်ဘူးလို့ မှတ်ရ
ပါမယ်။ HIV ပိုးဟာ လူရဲ့ ကိုယ်ထဲမှာပဲ
အသက်ရှင်နေနိုင်ပါတယ်။ ဘာလို့ ပြောနေရတာလဲ ဆိုတော့ ပတ်ဝန်းကျင်မှာ ဒီရောဂါနဲ့ ဆုံးပါးသွားတဲ့ လူရှိရင်
အဲဒီလူအိမ်က တိရစ္ဆာန်တွေကို ပတ်ဝန်းကျင်က
လူတွေက ကြောက်ကြပါတယ်။ သူ့သခင်မှာ HIV ရှိတော့ အဲဒီ သတ္တဝါတွေမှာလည်း ရှိမယ်လို့ အထင် မှားတတ်ကြလို့ပါ။
ဥပမာ- ခြင်ကိုက်ရင် HIV ကူးသလား?
အဖြေက ရှင်းပါတယ်။ မကူးပါဘူး။ ခြင်ရဲ့ ကိုယ်ထဲမှာ
HIV ပိုးဟာ အသက်မရှင်နိုင်ပါဘူး။ ခြင်ကိုက်တိုင်းသာ ကူးမယ်ဆိုရင်
စာရှုသူလည်း အကူးခံ နေရလောက်ပါပြီ။

Immune ဆိုတာက ခုခံအား (ကိုယ်ခံအား)
ကို ပြောတာပါ။ Deficiency ဆိုတာက ဆုတ်ယုတ်တာ၊
ရော့သွားတယ်လို့ အဓိပ္ပါယ်ရပါတယ်။ ဆိုလိုတာက ဒီပိုးဟာ လူကို ကူးရင် လူမှာ ရှိနေတဲ့ ကိုယ်ခံအား
တွေ လျော့နည်းသွားတယ်လို့ မှတ်ရပါမယ်။ နောက်မှ ကိုယ်ခံအားအကြောင်းကို အကျယ်ရေးပါမယ်။

Virus ဆိုတာကတော့ ပိုးပေါင်းများစွာထဲက
ပိုးအမျိုးအနွယ် တစ်မျိုးပါ။ ဗိုင်းရပ်စ်ပိုးလို့ပဲ
မြန်မာလို တိုက်ရိုက် ခေါ်ကြပါတယ်။ ဒီနေရာမှာ virus
ပိုးတွေရဲ့ ထူးခြားတဲ့ သွင်ပြင်တွေကို သိထားရင် ပိုနားလည် လွယ်ပါတယ်။ ရောဂါပိုးတွေကို အကြမ်းဖျဉ်းအားဖြင့်
အုပ်စု ၄ စု ခွဲလို့ ရပါတယ်။

သူတို့တွေကတော့

၁) ဘက်တီးရီးယားပိုး
(Bacteria) ဥပမာ- တီဘီပိုး၊ ကာလဝမ်းရောဂါပိုး၊ အူရောင်ငန်းဖျားပိုး၊
ဦးနှောက်အမှေးရောင်ပိုး၊ မေးခိုင်ရောဂါပိုး၊
ဂနိုရီးယားပိုး.... စသဖြင့်။

၂) ဗိုင်းရပ်စ်ပိုး
(Virus) ဥပမာ- HIV၊ ရေယုန်ပိုး၊  ဝက်သက်ပိုး၊ အသည်းရောင် အသားဝါ ဘီပိုး၊
တုပ်ကွေးရောဂါပိုး၊ ခွေးရူးပြန်ရောဂါပိုး... စသဖြင့်။

၃) ကပ်ပါးပိုး
(Parasites) ဥပမာ- ငှက်ဖျားပိုး၊ သန်ကောင်၊ တုတ်ကောင်... စသဖြင့်

၎) မှို
(Fungus) ဥပမာ- လက်သည်းမှို၊ မက်ခရု... စသဖြင့်။

ဒီပိုးအုပ်စု ၄ ခု စလုံးဟာ ကျွန်တော်တို့
ပတ်ဝန်းကျင်မှာ အနည်းနည်း အဖုံဖုံနဲ့ နေကြပါတယ်။ လူတွေကို အမျိုးမျိုး သော နည်းတွေနဲ့ ကူးကြပါတယ်။ အဲဒီ ပိုးတွေထဲမှာ
virus တွေဟာ အရွယ်အစား အားဖြင့် အသေးဆုံးပါ။ အရွယ် သေးတော့ ကုရခက်ပါတယ်။ ရုပ်ပိုင်းဆိုင်ရာ ပြောင်းလဲမှုတွေလဲ အလွန် မြန်ကြပါတယ်။ ဥပမာ- ရွာထဲကို ဆင်ရိုင်း တစ်ကောင် ဝင်လာတယ် ဆိုပါစို့။ ဒီဆင်ရိုင်းကို နှင်ထုတ်ဖို့
အတွက် လောက်လေးနဲ့ ပစ်လဲ သူ့ကို ထိမှာပဲ။ အုတ်ခဲနဲ့ ပေါက်လဲ သူ့ကို ထိနိုင်ပါတယ်။ ဘာလို့လဲ ဆိုတော့ ဆင်က ကိုယ်လုံးကြီးလို့ပါ။ ဒါပေမယ့် ဆင်မဟုတ်ပဲ အလွန် သေးငယ်တဲ့
ဖြုတ်တစ်ကောင် ဝင်လာရင်တော့ အုတ်ခဲနဲ့ပေါက်လဲ
ထိချင်မှ ထိမှာပါ။ လောက်လေးနဲ့ ပစ်လဲ မထိနိုင်ပါဘူး။ ဒီလိုပါပဲ တစ်ချို့ရောဂါပိုးတွေ ဥပမာ- တုတ်ကောင် သန်ကောင်တွေဆို မျက်စိနဲ့လည်း
မြင်လွယ် ပျောက်အောင် ကုလဲ လွယ်ပါတယ်။ ဒါပေမယ့် အရွယ်သေးတဲ့
ပိုးတွေဟာ ကုရ သိပ်မလွယ် ပါဘူး။ အဲဒီထဲမှာ အလွန်အင်မတန်မှ အရွယ်သေးတဲ့ virus တွေကို ကုဖို့ အခုချိန်ထိ
ဆေးတွေ မပေါ်သေးပါဘူး။

အခု လောက်ဆိုရင် HIV ဆိုတာ ဘာလဲ
လို့ သိလောက်ပြီ ထင်ပါတယ်။ အလွယ်မှတ်ရင်တော့ ပိုး တစ်မျိုးပါ။

ဟုတ်ပြီ... ဒါဆို
AIDS ဆိုတာကရော ဘာလဲ? HIV နဲ့ ဘယ်လို ကွဲပြားသလဲ?

AIDS (Acquired Immune Deficiency Syndrome) အေအိုင်ဒီအက်စ် ဆိုတာကလည်း အင်္ဂလိပ် ဘာသာစကားကိုပဲ
တိုက်ရိုက် မွေးစားခေါ်ကြတာပါ။ မြန်မာလိုဆိုရင်တော့
ခုခံအားကျ ကူးစက်ရောဂါ လို့ မှတ်လို့ရပါတယ်။ အလွယ်မှတ်ရင်တော့
ရောဂါတစ်ခုပါ။

Acquired - ကူးစက်ခြင်း

Immune - ခုခံအား (ကိုယ်ခံအား)

Deficiency - ကျဆင်းခြင်း (သို့မဟုတ်) လျော့နည်းခြင်း

Syndrome - ရောဂါလက္ခ္ခဏာစု

HIV ပိုးက ကိုယ်ခံအားကို ကျစေတော့
ပြင်ပက ရောဂါပိုးတွေ ဝင်ရောက် နှိပ်စက်ဖို့
အခွင့်အလမ်းတွေ ဖန်တီးတယ်၊ ပြင်ပကပိုးတွေ
ဝင်ရောက်နှိပ်စက်လို့ ရုပ်ပျက်ဆင်းပျက် ရောဂါပေါင်းစုံကို
မရှုမလှ ခံစား နေရတဲ့ ဘ၀ကို
AIDS လို့ ခေါ်တာပါ။ ဥပမာ ကာလအတန်ကြာ ဝမ်းလျှောခြင်း၊ ကိုယ်အလေးချိန် သိသိသာသာ ကျသွားခြင်း၊ အစာ လမ်းကြောင်း တစ်လျှောက်
မက်ခရုပေါက်ခြင်း၊ ကိုယ်နေရာ အနှံ့အပြား ရေယုန်ပေါက်ခြင်း... စသဖြင့်။

ဒီလောက်ဆို HIV နဲ့  AIDS ဘာတွေ ကွာလဲလို့ မှန်းလို့
ရပါပြီ။ ပြန်အတိုချုပ် ပြောရရင်တော့

• HIV ဆိုတာ
  ပိုး
• AIDS ဆိုတာ
  ရောဂါလို့ မှတ်ပါ။

ဒါဆိုရင် HIV ပိုးကူးတဲ့
သူတိုင်းကို AIDS လို့ နာမည်တပ်လို့ ရသလားလို့
မေးဖွယ်ရာ ရှိပါတယ်။ အဖြေက မရပါဘူး။ ဘာလို့လဲဆိုတာကို ရှင်းပြပါမယ်။

လူတစ်ယောက်ဟာ အန္တရာယ်ရှိတဲ့
အပြုအမူ တစ်ခုခု (ဥပမာ- အကာကွယ်မပါလဲ လိင်ဆက်ဆံခြင်း -နောက်မှာ အန္တရာယ်ရှိတဲ့ အပြုအမူတွေကို အကျယ် ရှင်းပြပါ့မယ်) ကို လုပ်မိလို့ HIV ပိုး ကူးစက် ခံလိုက်ရတယ် ဆိုပါစို့။
ဒီလူဟာ သူ့မှာ ပိုးကူးသွားတယ် ဆိုတာကို ချက်ချင်း မသိနိုင်ပါဘူး။ ဘာလို့လဲ ဆိုတော့
HIV ပိုးဟာ ကိုယ်ထဲကို ဝင်ေ၇ာက်သွားတာနဲ့
သူ့ရဲ့ စွမ်းရည်တွေကို ထင်ထင်ရှားရှား မပြပါဘူး။

ဒီပုံလေးကို ကြည့်လိုက်ပါ။ ဒီပုံမှာ
အမျိုးသား နဲ့ အမျိုးသမီး ကို ကြည့်ပြီး မှတ်ချက်တစ်ခု ပေးပါ။
အဖြစ်နိုင်ဆုံး မှတ်ချက်က တော့ သူတို့နှစ်ဦးဟာ ကျန်းမာသန်စွမ်းနေတယ်လို့
ယူဆလို့ ရပါတယ်။ အမှန်တော့ သူတို့နှစ်ဦးဟာ HIV ပိုးကူစက်ခံထားရ
သူတွေပါ။ ဒါဆို သူတို့နှစ်ဦးက ဘာလို့ အကောင်းပတိ ဖြစ်နေရ တာလဲ။ ကဲ အခုပုံလေးကို အရင်ကပုံနဲ့
ယှဉ်ကြည့်ပါဦး။

 

ဘာတွေ ပြောင်းလဲသွားလဲ။ သူတို့နှစ်ဦးကို
မြင်ရုံနဲ့ ခန့်မှန်းနိုင် ပါတယ်။ ဟုတ်ပါတယ်။ သူတို့ဟာ AIDS ရောဂါအဆင့်ကို ရောက်နေ ကြပါပြီ။ ဒီပုံကိုကြည့်ခြင်းအားဖြင့် HIV ပိုးကူးစက်
ခံလိုက်ရတာနဲ့ ချက်ချင်း AIDS ရောဂါသည်ဘ၀ကို မရောက် သွားဘူး
ဆိုတာကို သိနိုင်ပါတယ်။ ဒါဆို ဘာလို့ ချက်ချက် မရောက်တာလဲ။ အဖြေကတော့ ကျွန်တော်တို့ရဲ့
ကိုယ်ထဲက ခုခံအားစနစ် (ကိုယ်ခံအား)
ကြောင့်ပါ။ ကျွန်တော်တို့ရဲ့ ခုခံအားကောင်းနေသရွေ့
လူကောင်းပတိအလား ဆက်လက်တည်ရှိနေမှာ ဖြစ်ပါ တယ် (ပထမပုံကို ကြည့်ပါ)။ အဲ...
ခုခံအားတွေ ကျလာရင်တော့ ပြင်ပက ရောဂါပိုးပေါင်းစုံဟာ
ဝင်ရောက် နှိပ်စက်ပါတော့တယ်။ ဒီလို
အချိန်ကိုတော့ AIDS အဆင့်လို့ ခေါ်ကြတာပါ
(ဒုတိယပုံကို ကြည့်ပါ)။

အခု ပုံ ၂ ခုကို ပေါင်းကြည့်ကြရအောင်။

ဒီပုံကိုကြည့်ရင်
HIV ကူး စက်လိုက်တဲ့ အချိန်ကနေ
AIDS ရောဂါသည် အဆင့် ကို ရောက်ဖို့ အနည်းဆုံး
၁ နှစ်ကနေ အများဆုံး ၁၀ နှစ်ကြာတယ်လို့ ပြောလို့ရ ပါတယ်။ ဆိုလိုတာက ခုခံ အားနည်းတဲ့ သူတွေမှာ နှစ်အနည်းငယ်အတွင်း HIV
ပိုးကူးခံဘဝကနေ
AIDS ရောဂါသည် ဘဝကို မြန်မြန်ရောက်သွားတတ်ပြီး ခုခံ အားကောင်းနေရင်တော့ နှစ်အတန်ကြာမှ ရောက်ပါတယ်။
တစ်ယောက်နဲ့ တစ် ယောက် မတူကြပါဘူး။ ဟုတ်ပြီ AIDS ရောဂါသည် ဘ၀ရောက်သွားရင်ရော ချက်ချင်း သေသွားသလားလို့ မေးဖွယ်ရာ ရှိပါတယ်။
တကယ်တော့ AIDS ရောဂါ သည်ဘ၀မှာ ၆ လ ကနေ ၂ နှစ် အထိ အသက်ရှင်
နေနိုင် ပါသေးတယ်။

ဒီနေရာမှာ HIV ပိုးရှိတဲ့သူတွေမှာ မိမိဟာ ဘယ်နေ့ဘယ်ရက်က ပိုးစတင် ကူးစက်ခံခဲ့ရတယ်ဆိုတာကို ပြောဖို့ ခက်လှပါတယ်။ ဘယ်သူမှလည်း သတိမထားမိကြပါဘူး။ အကြောင်း
တစ်ခုခုကြောင့် သွေးစစ် လိုက်မှသာ HIV ပိုးရှိတယ်လို့ သိကြတာပါ။

ဒီတော့ အခုကြည့်ခဲ့တဲ့ ပုံလေးကနေ မှတ်ချက်တွေ ထုတ်ကြည့်ရအောင်......။

၁) အပြင်ပန်း ရုပ်သွင်ကို ကြည့်ရုံနဲ့ လူတစ်ယောက်မှာ HIV ပိုး ရှိ/မရှိကို မသိနိုင်ပါဘူး (ဒါကြောင့် ရုပ်လေးချောတယ်ဆိုပြီး မယုံပါနဲ့၊ ဘ၀ကို ပုံမအပ်လိုက်ပါနဲ့)။

၂) သွေးစစ်လို့ 
HIV ပိုး ရှိတယ်လို့ အဖြေရရင် သေမိန့်ပေးခံရသလို ဘဝကို စိတ်ပျက် အားငယ်စရာ မလိုပါဘူး (၁ နှစ် ကနေ
၁၀ နှစ် အထိ မိမိဘဝကို အသက်ဆက်နိုင်ပါတယ်)။
ဆိုလိုတာက HIV ပိုး ရှိနေလည်း အလုပ် ဆက်လုပ်နိုင်ပါတယ်။
စနစ်တကျ ဆေးဝါးကုသမှု ခံယူရင် သာမန်လူတွေလိုပဲ အလုပ်လုပ် နိုင်ပါတယ်။

အခုတင်ပြခဲ့တာတွေကို ပြန်လည် သုံးသပ်မယ်ဆိုရင်။

၁) HIV ဆိုတာ
ပိုးတစ်မျိုး အဲဒီပိုးကူးရင် လူမှာ ခုခံအား (ကိုယ်ခံအား)တွေ ကျလာမယ်။ HIV ပိုးက ပြင်ပက ရောဂါပိုးတွေ ၀င်ရောက်နှိပ်စက်ဖို့ အခွင့်အလမ်းတွေ ဖန်တီးတယ်။

၂) AIDS ဆိုတာ
ရောဂါတစ်မျိုး။

၃) HIV ဖြစ်တာနဲ့
AIDS ဘဝကို တန်းမရောက်ဘူး (၁ နှစ်ကနေ ၁ဝ အထိ နေနိုင်သေးတယ်၊ ဘဝကို ဖြတ်သန်းဖို့ ၁၀ နှစ် ဆိုတဲ့ အချိန်ဟာ မနည်းလှပါဘူး)။

 

နောက်တစ်ပတ်မှာ ခုခံအား (ကိုယ်ခံအား) အကြောင်းနဲ့
ရောဂါကူးစက်ပုံ ကူးစက်နည်းတွေကို ဆက်လက် တင်ပြပေးမှာ ဖြစ်ပါတယ်။

PDF ဖိုင်ဖြင့် ရယူလိုပါက အခု Link ကို နှိပ်ပါ။

လမင်းကို

မှတ်ချက် - အထက်ဖော်ပြပါ ပုံများသည် MBCA (Myanmar Business Coalition on AIDS) အဖွဲ့၏ မူပိုင် ဖြစ်ပါသည်။