ခုတလော
မီးလေးစိတ်မကောင်းဖြစ်မိတာ တခုရှိတယ်။ မီးလေးတို့ ကောင်ဆယ်လင်း လုပ်တယ်ဆိုတာ ဆေးကုတယ်လို့
အချို့ကထင်ကြတယ်။ မီးလေးတို့ ဆေးကုတာမဟုတ်ပါဘူး စိတ်ဓာတ်ကျနေတဲ့ ရောဂါဝေဒနာရှင်တွေကို
နှစ်သိမ့်ဆွေးနွေး အကြံပေးတာပါ။

ခုဆို
HIV/AIDS ရောဂါပိုး သွေးစစ်တော့မယ် ဆိုရင် နှစ်သိမ့်ဆွေးနွေးခံယူပြီးမှ သွေးစစ်ကြဖို့
ပညာပေးဇာတ်လမ်းတွဲတွေ နေ့တိုင်းလိုလို မြန်မာ့အသံ/ မြ၀တီကနေ ထုတ်လွှင့်ပြသနေပါတယ်။ ဒါကလည်း
အရေးကြီးဆုံးအပိုင်းမှာ ပါပါတယ်။ ရောဂါပိုးရှိ/ မရှိ သိဖို့ပဲ အရေးကြီးတာ မဟုတ်ပါဘူး။

ရောဂါပိုးရှိလာပြီဆိုရင်ရော
ဘာလုပ်ကြမလဲ၊ ဘာလုပ်သင့်သလဲဆိုတာ အင်မတန်မှ အရေးကြီးပါတယ်။ ဘယ်လောက်ပဲ ပညာတွေတတ်တတ်
Control လုပ်နိုင်ဖို့ အင်မတန်ရှားပါတယ်။ Counselling လုပ်တာ အပိုအလုပ်လို့ အချို့က
ထင်နေကြတယ်။

မီးလေးတို့
အပိုမလုပ်ပါဘူး အလုပ်ကို အလုပ်နဲ့ပဲ သက်သေပြပါတယ်။ ကိုယ်နဲ့လာဆွေးနွေးတဲ့ Clientက
Counselling Roomက ထွက်သွားတာနဲ့ ကိုယ့်ကိုယ်ကို Confident ရှိလာရမယ်။ သူ့အတွက် မျှော်လင့်ချက်တွေ
ရှိလာရမယ်။ ဘာဆက်လုပ်ရမယ်ဆိုတာ Client ကိုယ်တိုင် ဆုံးဖြတ်နိုင်လာရပါတယ်။ Clientကို
ကြည့်လို့ ဒီလိုပုံစံဖြစ်မနေဘူးဆိုရင်တော့ ဒီCouncellor က Councelling မနိုင်တာလား။
Client က Crisis ရနေတာလား မှန်မှန်ကန်ကန် ဆုံးဖြတ်နိုင်ရပါမယ်။

ပုံမှန်အနေအထားဆိုတာက
စိတ်မမှန်တာကို ပြောတာပါ။ Crisis ရနေတဲ့ Client တဦးကို Councellor က အတင်း
Councelling ၀င်လို့မရပါဘူး။ Councellor တဦးက Client မျက်နှာကို ဖတ်တတ်ရပါမယ်။
Councellor တဦးမှာ ရှိသင့်ရှိအပ်တဲ့ အချက်များနဲ့ စိတ်နေစိတ်ထားမှာ အားလုံးပါပါတယ်။
နောက်တခုက Concellorနဲ့ Clientပဲ အပေးအယူမျှနေလို့ မဖြစ်ပါဘူး။ Client နဲ့ မိသားစုလည်း
အပေးအယူမျှဖို့ လိုပါတယ်။

Client
တဦးက Councellorဆီ အားကိုးပြီး အမြဲ လာနေုပြီဆို ဒါ Councelling မပီပြင်တာပါပဲ။ ကျွန်တော့အိမ်မှာ
ကျွန်တော့ကို ၀ိုင်းပစ်ပယ်ထားကြတယ် ဆရာမရယ်။ ဆရာမတို့က ကျွန်တော် ပြောသမျှလည်း နားထောင်ပေးတယ်
ဆရာမဆီလာရင် ကျွန်တော် စိတ်သက်သာရာရပြီလို့ ဆိုလာရင် Councellor ကိုယ့်ကိုယ်ကိုသာ သတ်သေဖို့ကောင်းတော့တယ်။

Crisis
Counseling, Problem-solving Counseling, Decision-making Counseling, Family
Counseling ဆိုပြီး Counselling အမျိုးမျိုးရှိပါတယ်။ Family Counseling ပါပြီးသားပါ
မိသားစုတွေကို Counseling လုပ်ပေးဖို့လိုပါတယ်။ တချို့က ရှက်လို့ မလာချင်ကြတာတွေ အများကြီးရှိပါတယ်။
ရှိနေလို့လည်း ခုလို နိဒါန်းတွေ အရှည်ကြီးပျိုးနေရတာပါ။ ဇာတ်လမ်းက ခုမှစမှာ ဒါတောင်
အတော်ရှည်နေပြီ။

Client
က အသက်၄၀ကျော် အမျိုးသားတဦးပါ။ သူက ဟိုင်းဝေးကားမောင်းပါတယ်။ သူ့မှာ ရောဂါပိုးရှိတယ်
ဆိုတာသိတာနဲ့ သားသမီးတွေက သူနဲ့အတူ မနေကြတော့ပါဘူး။ အမျိုးသမီးကတော့ ဆုံးသွားတာ ၆နှစ်လောက်
ရှိပြီပြောပါတယ်။ သူက ရောဂါနည်းနည်းပြင်းထန်နေလို့ ဆေးရုံတက်နေရတဲ့ လူနာတယောက် ဒါပေမဲ့
သူ့သားသမီးတွေက ကုန်ကျစရိတ်တော့ ပေးတယ်။ လာကြည့်ဖော်တော့မရဘူး သူ့ညီကပဲလာပြီး ပြုစုပေးနေရတယ်။

သူ့သားသမီးတွေက
ပညာတတ်တွေပါ။ တယောက်က ကျောင်းပြီးပြီ၊ တယောက်က ဆေးကျောင်း တက်နေတယ်။ မီးလေးတို့
Counseling လုပ်တဲ့အချိန်မှာ ဦးက ဒီရောဂါဖြစ်လာတဲ့အတွက်ကို ခံနိုင်ရည်လည်းရှိတယ်၊
စိတ်ဓာတ်လည်းမကျဘူး၊ ဘာလုပ်ရမယ်ဆိုတာလဲ သိတယ် ဆရာမ။

ဦးတို့က
ကားသမားတွေဆိုတော့ လိင်ကိစ္စမရှောင်နိုင်ခဲ့ဘူး။ ဒါပေမဲ့ ဦးရဲ့ သားနဲ့သမီးက ရောဂါပိုး
ရှိတယ်ဆိုထဲက သူ့အဒေါ်အိမ်မှာပဲ သွားနေကြတော့တယ်။ အဲဒီ့အချိန်ထဲက သူတို့ကို ဦးမတွေ့ရ
တော့ဘူး။ ဦးမသေခင်တော့ သူတို့လေးတွေကို မြင်သွားချင်ပါတယ်လို့ ပြောရင်း သူ့မျက်ဝန်းထဲက
မျက်ရည်စတွေ ထိုးထွက်လာပါတယ်။ မီးလေးရင်ထဲမှာ တော်တော်လေး စိတ်မကောင်းဖြစ်မိတယ်။

အစတည်းက
မျက်ရည်လွယ်တဲ့သူဆိုတော့ ရင်ထဲမှာ ဆို့တက်လာတယ်။ တချိန်ထဲမှာပဲ တီချယ် Dr.အေးမြတ်လွင်
ပြောတဲ့ “Clientရဲ့Historyတွေက အရမ်းသနားစရာကောင်းနေတဲ့ အခါ သူတို့ရဲ့ ဇာတ်လမ်းတွေထဲမှာ
ကိုယ်ပါနစ်မျောမနေရဘူး။ ကိုယ်ပါ လိုက်နစ်မျောနေမယ်ဆိုရင် Counseling မပီပြင်ဘူး” ဆိုတဲ့စကားကို
နားထဲမှာ ပြန်ကြားယောင်လာမိတယ်။

စိတ်ကို
အတတ်နိုင်ဆုံးထိန်းပြီး လောလောဆယ် ဦးရဲ့ ကျန်းမာရေးက အရေးကြီးကြောင်း၊ အရင်ဆုံး နေကောင်းအောင်
လုပ်ဖို့လိုကြောင်း အားပေးစကားပြောပြီး ဖြစ်နိုင်ရင် သားနဲ့သမီးကို ခေါ်ပြီး Family
Counselingလုပ်ပေးမယ်။ ဦးအနေနဲ့ သေချာပြောပြပြီး ခေါ်လာခဲ့ဖို့ ပြောပြီး ထိုလူနာအခန်းထဲက
ပြန်ထွက်လာချိန်မှာတော့ အဲဒီ့ဦးမျက်နှာပဲ မြင်နေပြီး တော်တော်လေး စိတ်မကောင်းဖြစ်မိပါတယ်။

မြန်မာနိုင်ငံမှာ
Conselling လုပ်တာ တော်တော်လည်း ဖွံ့ဖြိုးမှု အားနည်းနေသေးတာ စဉ်းစားမိရင်း ယူကြုံးမရဖြစ်မိပါတယ်။
တခြားနိုင်ငံတွေမှာ Counselingကို တော်တော်ကျယ်ကျယ်ပြန့်ပြန့် အသုံးပြုလာကြပါပြီ။ ဒီမှာတော့
Counseling လာလုပ်ပြီဆိုရင် လူတွေက အထင်သေးတဲ့ မျက်လုံးနဲ့ ၀ိုင်းကြည့်ကြပါတယ်။ ဟိုမှာလေ
အေ ကိုက်နေတာ။ အဲတော့ ဘယ်သူက လာချင်မှာလဲ။ ရောဂါဖြစ်ရတဲ့ အကြောင်းအရင်းသာ အရေးကြီးပါတယ်။

ဒီရောဂါပိုးရှိတာနဲ့
လိင်ကိစ္စလိုက်စားတယ်ဆိုတာ ပုံသေမရှိပါဘူး။ တခြားအခြေအနေတွေက တဆင့်လည်း ကူးစက်နိုင်ပါတယ်။
ဥပမာ- လိင်ကိစ္စလုံးဝ မလိုက်စားဘူး၊ ဆေးလိပ်မသောက်ဘူး၊ ကွမ်းမစားဘူး ဒါပေမဲ့ ဆေးမှင်ကြောင်တော့
ထိုးတယ်။ ထိုးတဲ့အခါမှာ သူငယ်ချင်းတွေ မျှသုံးကြတယ်။ သူငယ်ချင်းတွေထဲ တယောက်က HIVပိုး
ရှိနေတယ်ဆိုရင် ဆေးထိုးအပ်ကတဆင့် ကူးစက်နိုင်ပါတယ်။ အဲလိုကူးစက်ခံရတဲ့ လူတွေလည်း ရှိပါတယ်။
ကိုယ့်မှာ ဒဏ်ရာရှိနေတဲ့အခါ ရောဂါပိုးရှိသူရဲ့ သွေးကို သွားကိုင်မိလို့ ကူးစက်ခံရတာ။
တချို့ဆို ရွာတွေ (မဖွံ့ဖြိုးသေးတဲ့ရွာ) မှာ ဆေးထိုးအပ်ကို ပြုတ်ပြီး သုံးနေတုန်းပါပဲ။
ထိုမှတဆင့် ကူးစက်ခံရတာ ရှိပါတယ်။ အဲဒီ Clientက အသက် ၈၀ကျော် အဘွားတဦးပါ။

ခုနောက်ပိုင်းမှာ
လူငယ်တော်တော်များများ ရောဂါပိုးရှိသူတွေကို တတတ်တအား ၀ိုင်းဝန်းကူညီ နေကြတာ တွေ့ရလို့
အတိုင်းမသိ ၀မ်းသာမိပါတယ်။ Counseling Centre တွေမှာ ဒီလူ ဘာလာလုပ်တယ်ဆိုတာ မသိနိုင်အောင်
လူငယ်စင်တာတွေ၊ ဆေးခန်းတွေ၊ ဓာတ်ခွဲခန်းတွေနဲ့ ရောထားကြပါတယ်။ ရောထားလိုက်ခြင်းအားဖြင့်
ဒီလူ ဒီနေရာကို လာတယ်ဆိုတာတော့သိတယ်။ ဒါပေမယ့် သူဘာလာလုပ်တယ်ဆိုတာ အပြင်ပန်းကနေ မဝေဖန်ကြတော့ဘူး။
ဆေးခန်း လာပြတာလည်း ဖြစ်နိုင်တယ်၊ လူငယ်စင်တာလာတာလည်း ဖြစ်နိုင်တယ်လေ။ ဒါက ဒီမှာ လိုက်လုပ်နေရတဲ့
အခြေအနေလေ။

မိဘမှာ
ဒီရောဂါရှိလို့ သားသမီးက ပြစ်ပယ်တယ်ဆိုတာ မလုပ်သင့် မလုပ်ကောင်းပါဘူး။ နောက်ဆုံး မိဘက
ဘာကြီးပဲ ဖြစ်နေပါစေ မိဘက မိဘပါပဲ။ ဒီလိုအချိန်မှာ သားသမီးတွေအတွက် ကျေးဇူးဆပ်ဖို့
အခွင့်အရေး ပေါ်လာတယ်လို့ သဘောထားပြီး ဂရုစိုက်ပြုစုပေးသင့်ပါတယ်။ ပြီးတော့ ပညာတတ်တွေလေ
မိဘက ဒီအခြေအနေထိအောင် ပြုစုပျိုးထောင်လာပြီးပြီ။ ပညာတွေ ဘယ်လောက်ပဲ တတ်နေပါစေ မသိတတ်ရင်
အဲဒီလူ ဘယ်တော့မှ ကြီးပွားတိုးတက်မှာ မဟုတ်ဘူး အလကားပဲ။

အတူတူနေရုံနဲ့
ရောဂါမကူးစက်နိုင်ဘူး ဆိုတာကို တော်တော်များများ အသိပညာပေးထားပြီးသားပါ။ သိလားဆိုတော့
သိတယ် ဒါပေမဲ့ လက်တွေ့မလုပ်နိုင်ကြဘူး။ စာဖတ်သူတို့ရဲ့ ပတ်ဝန်းကျင်မှာ အဲဒီလိုလူတွေရှိရင်
ဝိုင်းဝန်းဖြောင်းဖျပေးကြပါ။

Meilaydiary
- HIV/AIDS ဝေဒနာရှင်များအား ၀ိုင်းဝန်းကူညီကြပါစို့