HIV
ပိုးရှိတဲ့ မောင်နဲ့ တစ်အိမ်တည်း အတူနေရတဲ့အခါ ဘယ်လိုနေထိုင် ရှောင်ကြဉ်ရမယ်ဆိုတာ ပြောပြပါ
ဆရာ။ ရောဂါ မရခင် ရတဲ့ကလေးနဲ့ ရောဂါရှိတဲ့ မိခင်နဲ့ လက်ပွန်းတတီး နေရင်ရော ရောဂါ ကူးနိုင်ပါသလား။

တကယ်တော့
HIV ပိုးရှိတဲ့သူနဲ့ တအိမ်ထဲ နေရတာဟာ ပိုးမရှိသူနဲ့ နေရတာနဲ့က ဘာမှ သိပ်မထူးလှပါ။ ဒီအချက်ကို
The Body : The Complete HIV Resource
သုတေသနက ပြောတာ ဖြစ်ပါတယ်။ ပုံမှန်(သာမန်) ထိတွေ့မှုတွေကြောင့်တော့ ဒီရောဂါပိုး ကူးတယ်ဆိုတာ
မရှိဘူး ပြောရလောက်အောင် စိုးရိမ်စရာ ကင်းပါတယ်။

ဒါပေမဲ့
အရမ်းကာရောတော့ မဟုတ်ဘူး။ တကယ်မကူးအောင် Communication အချင်းချင်း ဆက်သွယ်မှုနဲ့
Education အသိပညာတွေက သော့ချက်တွေ ဖြစ်ပါတယ်။ သံမဏိစည်းကမ်း ၁ ကနေ ၅ အထိ ပြောပါမယ်။

၁။
အခြေအနေမှန်ကို ရှင်းရှင်း သိနေကြအောင် ပွင့်ပွင့်လင်းလင်း ပြောပါ။ စိုးရိမ်တာ ရှိသမျှ
ထုတ်ပြောပါ။ တယောက်အပေါ် တယောက် ရိုးသားပါ။ ကိုယ်ထင်တာကို တရားသူကြီးလုပ် ဆုံးဖြတ်ချက်
မချပါနဲ့။

၂။
အကြောက် မလွန်ပါနဲ့။ မီးဖိုနဲ့ အိမ်သာ အတူသုံးရတာနဲ့ ပိုးက ကိုယ့်ဆီ ကူးမလာနိုင်ပါ။
အတူနေလေ့ရှိကြတဲ့ ညီအကိုလို၊ မောင်နှမလို၊ သားအမိ သားအဖလို၊ အခန်းကို (ရှယ်) လုပ်နေလေ့ရှိတဲ့
သူငယ်ချင်းလို နေကြတာက စိုးရိမ်စရာ နတ္ထိပါ။

၃။
HIV အကြောင်း ကျန်းမာရေး၊ လူမှုရေး သုတတော့ လေ့လာထားပါ။ တိတိပပ ပြောပါ့မယ်။ “သွေး၊ မိခင်နို့၊
က်ျား သုတ်ရည်၊ မ ဗဂျိုင်းနားက အရည်၊” ဤလေးမည် ကနေသာ ကူးပါတယ်။ လက်ခြင်းထိ၊ ပါးခြင်းအပ်၊
ကျောခြင်းကပ်ယုံနဲ့ လုံးဝမကူးပါ။ သွားထိလို့ ဓါတ်လိုက်မှာလား ကြောက်စရာ မထားပါနဲ့။
စာအတူ ဖတ်ပါ။ တီဗွီအတူ ထိုင်ကြည့်ပါ။ ထမင်း တစားပွဲထဲ ထိုင်စားပါ။ ညောင်းလို့ နှိပ်နင်းပေးလဲ
ရောဂါမရပါ၊ ကုသိုလ်သာ ရပါမယ်။

၎။
စည်းကမ်းကလနား သတ်မှတ်ထားပါ။ ကိုယ့်ပစ္စည်း လာသုံးတာကို အပြတ်ငြင်းပါ။ အားမနာပါနဲ့။
ဆောရီး လောက်နဲ့ မရပါ။ ပိုး ရှိသူကနေ ချတဲ့ စည်းကမ်းကိုလည်း တခြားလူတွေက လိုက်နာကြပါ။

၅။
သူ့အတွင်းရေး၊ လုံခြုံမှုကို လေးစားပါ။ တစိမ်းတရံတွေကို “သူကရောဂါသည်” လို့ မလိုအပ်ဘဲနဲ့၊
နှိမ်ချင်တဲ့ သဘောနဲ့ မပြောပါနဲ့။

HIV
ပိုးရှိနေတဲ့ ကိုယ်ဝန်ဆောင် မိခင်ကနေ မွေးလာမဲ့ ကလေးကို ကူးစက်နိုင်တဲ့ အခွင့်အလမ်း
၂၀ - ၄၅% ရှိတယ်။ ကူးနိုင်တဲ့ နည်းတွေက (၁)
ကိုယ်ဝန်ဆောင်နေတုံး၊ (၂)
မွေးဖွါးဖြစ်စဉ် ဖြစ်နေတုံး နဲ့ (၃)
နို့တိုက်နေတုံး၊ သုံးခုလုံးကနေ ဖြစ်နိုင်တယ်။ “နိုင်” ပြောတာပါ။ သက်သာအောင် လုပ်နည်း
ရှိပါသေးတယ်။ ကိုယ်ဝန်ဆောင်နေတုံး အချင်းကနေ သန္ဓေသားဆီ များသောအားဖြင့် မရောက်ပါ။ မိခင်က
ကျန်းမာရေး ကောင်းနေရင် အချင်းက အကာကွယ် ပေးရာတောင် ကျသေးတယ်။ ဒါ့ကြောင့်
(၁)
မိခင်လောင်းက အစာအာဟာရ ကောင်းဘို့လိုတယ်။ (၂)
တခြားရောဂါ (ငှက်ဖျား၊ တီဘီ၊ ဆီးအောင့်၊) မ၀င်အောင် ဂရုစိုက်ရမယ်။ (၃)
မိခင်က HIV ဆေးကုနေရင် ကလေးကို ကူးစရာအခွင့်အလမ်း ၂% ဘဲ ရှိလို့ ဆေးကုနေပါ။

အမေရိကားမှာ
Zidovudine (ZDV, AZT, Retrovir®) ဆေးကို စသုံးခဲ့တယ်။ အခု တခြားဆေးနဲ့ တွဲပေးနေတယ်။
ZDV ဆေးကို ကိုယ်ဝန် ၃ လနောက်ပိုင်းမှာ ပေးရတယ်။ မွေးပြီးတဲ့ အထိပါ။ ဘာ အကာအကွယ်မှ
လုပ်မထားရင် ကလေး ဖွားနေတုံးမှာ မိခင်ကနေ ကလေးကူးဘို့ ၁၀ - ၂၀% ရှိတယ်။ သွေးနဲ့ ရေမြွှာရည်နဲ့
ထိရင် ကူးတယ်။ ဒါ့ကြောင့် ဆရာဝန်၊ ဆရာမကနေ ရေမြွှာအိတ်ကို စောပြီးဖေါက် မွေးမပေးရဘူး။
မွေးလမ်းချဲ့ မွေးတာလည်း ရှောင်ရမယ်။ LSCS ခွဲမွေးနည်းက ကူးစရာလမ်း နည်းစေတယ်။ အရင်က
ဆေးပေးမထား ရသေးရင် မွေးတော့မဲ့ အချိန်မှာ ZDV နဲ့ 3TC or Nevirapine ဆေး ပေးရတယ်။

မွေးပြီးတာနဲ့
ကလေးကိုလည်း ZDV ဆေး ၁ လခွဲအထိ ပေးရမယ်။ ပိုးရှိမိခင်က နို့တိုက်လို့ ကလေးကူးရတာ ၁၅%
ရှိတယ်။ နို့စောစော ဖြတ်သင့်တယ်။ နို့မတိုက်လေ ကူးဘို့အခွင့် နည်းလေ။ မကြာသေးခင်ကဘဲ
HIV ပိုးရှိသူ မိခင်တွေက နို့တိုက်တာကို WHO က တားမြစ် လိုက်ပါတယ်။ မအေကို ဆေးကုသမှုခံဘို့နဲ့
ကလေးမှာ ရောဂါပိုး ရှိ၊ မရှိ စောနိုင်သမျှ စောပြီး (၆ ပတ်အတွင်း) ဆေးစစ်ဘို့ပါ အကြံပြုတယ်။
ကလေးက ရောဂါပိုးရှိလို့ စောစော ဆေးမကုရင် ၂ နှစ်ထက် အသက် မရှည်ဘူးလဲ ဆိုပါတယ်။

တအိမ်သားလုံး
ပိုး ရှိ၊ မရှိ စစ်ပါ။ ပိုးရှိနေသူရဲ့ နှာရည်၊ သွားရည်၊ ၀မ်း၊ ဆီး၊ တံတွေး၊ ချွေး၊
အန်ဖတ်တွေမှာ သွေးမပါရင် မကူးစေပါ။ တအိမ်လုံး လက်အိတ် သုံးပါ။ ပိုးရှိသူမှာ အနာအဆာ၊
ဒဏ်ရာရရင် အမြဲ ပလာစတာ၊ ပတ်တီး စည်းထားပါ။ လူတိုင်းက လက်ဆေးတဲ့အကျင့် လုပ်ကြပါ။ ပိုးမရှိတဲ့သူ
ဒဏ်ရာရရင် အထူးဂရုစိုက်ပါ။ ပိုးမရှိတဲ့သူ နေထိုင်မကောင်း ဖြစ်ရင် ရှိသူနဲ့ အနေဝေးပါစေ။
သွားတိုက်တံ၊ သွားကြားထိုးတံ၊ မုတ်ဆိတ်ရိတ်ဒါး၊ လက်သည်းညှပ်၊ နားကပ်၊ စတာတွေ လုံးဝ
လဲတာ၊ ငှားသုံးတာ၊ အတူသုံးတာ မလုပ်ရပါ။ သွေးထွက်နိုင်တဲ့ ဆော့ကစားတာမျိုး ရှောင်ပါ။
ကွန်ပြူတာဂိမ်း ကစားလို့တော့ ရပါတယ်။ မိခင်နဲ့ ကလေး လက်ပွန်းတတီး နေယုံနဲ့တော့ ရောဂါ
မရပါ။ ကလေးချစ်လို့ မွှေးမွှေးများများ ပေးနိုင်ပါတယ်။

ပိုးရှိထားသူတွေ
နိုင်ငံလှည့်ပြီး၊ ကမ္ဘာလှည့်ပြီး၊ ရောဂါကာကွယ်ရေး အသိပေးသူတွေ မနည်းတော့ပါ။ ဒီလိုအစာမျိုး
ရောဂါက ဆရာဝန်မှ မဟုတ်ပါ အလွန်တော်တဲ့၊ အင်မတန် စိတ်ထားမြင့်တဲ့ “ဆိုရှယ်-၀ပ်ကား” တွေ
ဖြစ်နိုင်ကြပါတယ်။

ဒေါက်တာတင့်ဆွေ

၆-၉-၂၀၁၀

Dts-medicaleducation -
How to live with an HIV-positive person အတူနေမယ် မကူးစေရ