မိမိ မိသားစုအတွင်း၊ သူငယ်ချင်း အပေါင်းအသင်းအတွင်း HIV/AIDS ဖြစ်နေသူများရှိလျှင် များသော အားဖြင့် HIV နှင့်နေထိုင်သူများအား နှိမ့်ချခြင်း၊ ခွဲခြားဆက်ဆံခြင်း ရှိလာတတ်သည့်အပြင် မိသားစုဝင်များ အနေဖြင့် ပြုစုစောင့်ရှောက်ရန် ကြောက်ရွံ့နေတတ်ကြပါသည်။ အကြောင်းမှာ ရောဂါပိုး ကူးစက်ခံမှုကို သေသေ ချာချာ မသိရှိကြခြင်းကြောင့် ဖြစ်ပါသည်။ HIV ပိုးရှိသူများကို နေ့စဉ် လူမှုဆက်ဆံရေးဖြစ်တဲ့ လက်ဆွဲ နှုတ်ဆက်ခြင်း၊ ဖက်ရမ်းနှုတ်ဆက်ခြင်း၊ အတူနေထိုင်ခြင်း၊ အတူစားသောက်ခြင်း၊ အတူကစားခြင်းမှတစ်ဆင့် မကူးစက်နိုင်သလို အစားအစာ၊ ရေ၊ ပိုးကောင်မွှားကောင်၊ အိမ်သာ၊ တံခါးလက်ကိုင်၊ ဇွန်း၊ ပန်းကန် ခွက်ယောက်၊ အများသုံးတယ်လီဖုန်း၊ အများသုံးရေကူးကန်၊ ခန္ခာကိုယ်ထွက် အရည်များထဲမှ တံတွေး၊ ချွေး၊ မျက်ရည်၊ ဆီး၊ မစင်များ မှတစ်ဆင့်လည်း မကူးစက်နိုင်ပေ။
AIDS ရောဂါရှင်တွေကို ဆေးရုံမှာ အမြဲထားပြီး ကုသဖို့မလိုပါ။ ဝေဒနာပြင်းထန်စွာ ခံစား နေရသည့် အချိန်အခါ၌သာ ဆေးရုံတင်ရန်လိုအပ်ပါသည်။ ကျန်အချိန်များတွင် မိမိတို့အိမ်မှာသာ ထားရှိပြီး အတူနေ မိသားစုများက ပြုစုစောင့်ရှောက်ပေးရန်သာ လိုပါသည်။ လူ့အသိုင်းအ၀ိုင်းက ပေးနိုင်သော အကောင်းဆုံး ကုထုံးမှာ လူနာကို လေးလေးနက်နက် နားလည်ပေးခြင်းပင်ဖြစ်ပါသည်။ နာကျင်မှု ဝေဒနာ ခံစားရမှုတို့ကို လူတိုင်း ကြောက်ကြသည်။ သေခြင်းတရားကို ပို၍ပင် ကြောက်ကြသေးသည်။ မိမိတစ်သက်လုံးနေလာသော ပတ်ဝန်းကျင် လူမှုအသိုင်းအ၀ိုင်းက မိမိကို ၀ိုင်းပယ်၍ ရှင်လျက်နှင့် သေနေရသည့်ဘ၀ကို အကြောက်ဆုံးဖြစ်သည်။
လူတိုင်းသိထားရမည့် အချက်မှာ HIV ပိုးရှိသော သူများသည်လည်း နှစ်ပေါင်းများစွာ ကျန်းမာစွာနေထိုင်နိုင်၊ လူ့ဘ၀ကို အကျိုးပြုနိုင်သည်ဆိုသော အချက်ပင် ဖြစ်ပါသည်။ ARV ဆေးများ လက်လှမ်းမီလာလျှင် ကျန်းမာစွာ နေထိုင်နိုင်သော နှစ်ပိုမိုရှည်လာနိုင်သည်။ မိသားစုဘ၀တွင် တစ်ဦးတစ်ယောက် သာမန်နေထိုင် မကောင်းဖြစ်ပါက ပြုစုကုသရန် ဗဟုသုတရှိပြီး၊ တတ်ကျွမ်း ကြပါသည်။ HIV/AIDS ဝေဒနာရှင်များကို ပြုစုရာတွင်လည်း ဤတတ်ကျွမ်းမှုမျိုးကိုသာ လိုအပ်ပါသည်။ ဆိုလိုသည်မှာ HIV/AIDS ဝေဒနာသည်များကို ပြုစုခြင်းသည် သာမန်ဖျားနာသူ များအား ပြုစုပုံနှင့် အတူတူပင် ဖြစ်ပါသည်။ ရောဂါဝေဒနာ ပြင်းထန်လွန်းမှသာ၊ ရောဂါ ကျွမ်းချိန်မှသာ ဆေးရုံတင်ရန်ဖြစ်ပါသည်။ သာမန်အချန်၌ အိမ်မှာပင် ပြုစုနိုင်ပါသည်။
အခြေခံပြုစုရမည့် လိုအပ်ချက်များအနက် အစားအစာနှင့် ပတ်သက်၍ အဟာရပြည့်ဝသော အစားအစာကို စားပါစေ။ အလွန်စပ်သော၊ အရသာလွန်ကဲသော လက်လုပ်ချဉ်များကို ကျွေးရပါ။ အကြောင်းမှာ ၀မ်းလျှောနိုင်၍ ဖြစ်ပါသည်။ ပျော့ပြောင်းသော အစာကို နည်းနည်းနှင့် တစ်နေ့ ၄/၅ ကြိမ် ခဏခဏ စားပါစေ။ အရက်နှင့်ဆေးလိပ်ကို မသောက်စေရန်နှင့် သန်ရှင်းသော သောက်ရေသန့် သို့မဟုတ် ကြိုချက်ပြီး သန့်ရှင်းသောရေကို တစ်နေ့ ၆/၈ ခွက်အထိသောက်ပါစေ။ လူနာကို ထားရာတွင် သန့်ရှင်းသော နေရာထိုင်ခင်း၌ လေကောင်းလေသန့် ရရှိရန် ပြူတင်းပေါက်များ ဖွင့်ထားရန် လိုပါသည်။ လူနာ၏အိပ်ယာ၊ ခေါင်းအုံးနှင့် စောင်များ အမြဲသန့်ရှင်းပါစေ။
အိပ်ယာခင်း၊ ခေါင်းအုံးစွပ်များ မကြာခဏလဲလှယ်ပေးပါ။ အကယ်၍ သွေးပေနေသော အ၀တ်အစားများရှိပါက ပိုးသေရန်အတွက် အစွန်းချွတ်ဆေးစိမ်၍ လျှော်ဖွတ်ရန် လိုအပ်ပါသည်။ တစ်ကိုယ်ရေ သန့်ရှင်းမှု အတွက် ရေချိုး၊ ခေါင်းလျှော်ပြုလုပ်ရန် လိုပါသည်။ သွားမှန်မှန်တိုက်ရမည်။ သွားတိုက်တံနှင့် မုတ်ဆိတ်ရိတ်ဒါးကို သီးသန့်ထားပါ။ မျှဝေမသုံးစွဲပါနှင့်၊ အစာမစားမှီနှင့် စားပြီးလက်ဆေးစေပါ။ အိမ်သာတက်ပြီးပါကလည်း လက်ကိုသေခြာစွာဆေးကြောပါစေ။ HIV သည် ထမင်းစား ပန်ကန် ခွက်ယောက်များကို သန့်ရှင်းသောရေဖြင့် ဆေးကြောရန်၊ ဆေးတိုက်ရာတွင် ဆေးကိုအချိန်မှန်၊ အရေအတွက် မှန်မှန်တိုက်ပါ။ ဆေးတိုက်ပြီးတိုင်း၊ ရေတိုက်ရန် လိုပါသည်။ လူနာအနေဖြင့် မောပန်းခြင်း၊ အစာစားလိုစိတ်မရှိပါက အဟာရပြည့်ဝသော အစာများကိုသာ ကျွေးပါ။ နို့၊ လတ်ဆတ်သော သစ်သီးဖျော်ရည် အစရှိသော အဟာရရှိသော အစာ၊ အစာပျော့များ နည်းနည်းနှင့် ခဏခဏ စားပါစေ။ လိုအပ်ပါက ဗီတာမင်အားဆေး စားပေးပါ။ လူနာများအား အားပေးစကားပြောရန် မမေ့ပါနှင့် မူးဝေအော့အန်ပါက (၁) နာရီ (၂) နာရီမျှ အစာနှင့်ရေကို မတိုက်ကျွေးပါနှင့်၊ ရေနွေး၊ လက်ဘက်ရည်ကြမ်းဖြင့် အာလုတ်ကျင်းစေပြီး၊ အမိုးနီးယား ရှုနိုင်သည်။ အဓိကအားဖြင့် လူနာ စိတ်ဓါတ်ကျမှု သက်သာစေရန် အားပေးရမည်။ သူ့ကိုပြောသည်များကို စိတ်ပါဝင်စားစွာ နားထောင် ပေးပါ။ လူနာအနီး အတူနေသူ တစ်ဦးရှိရန် လိုပါသည်။ လူနာအားနွေးထွေးမှုပြရန် လိုပါသည်။ လူနာအား စိတ်ရောကိုယ်ပါ ကူညီကြောင်းပြသပါ။ စိတ်ငြိမ်စေရန် စိတ်ဖိစီးခြင်းလျော့ကျစေရန် တရားမှတ်၊ တရားးထိုင်ခြင်းပြုလုပ်ရန် အားပေးရပါမည်။
အနှစ်ချုပ်တင်ပြလိုသည်မှာ HIV ပိုး ကူးစက် ခံရသူများသည်လည်း သာမန်လူများ ပင်ဖြစ်သည်။ သာမန်လူများကဲ့သို့လည်း စိတ်ရောကိုယ်ပါ ကျန်းမာရေးအတွက် ဆောင်ရွက် နေကြရသည်။ HIV/AIDS နှင့်အတူ နေထိုင်သူများအပေါ် လူအများစုသည် မကောင်းမြင် အယူကောင်းမှာ လူအများသည် အကြင်တရား ကင်းမဲ့၍ မဟုတ်ပဲ ရောဂါအကြောင်း သေသေချာချာ နားမလည်ပဲ၊ အယူအဆ အမှားများရှိနေခြင်း ကြောင့်ဖြစ်သည်။ သို့ဖြစ်၍ HIV/AIDS လူနာများအား မိသားစုအဖြစ် ချစ်ခင်ရင်းနှီးစွာ ပြောဆိုဆက်ဆံပြီး အနီးကပ် ပြုစုစောင့်ရှောက်ကာ တတ်ကျွမ်းနားလည်သော ဆရာဝန်ကြီးများနှင့် တိုင်ပင်၍ အမြဲမပြတ် ညွှန်ကြားသည့်အတိုင်း လိုက်နာလုပ်ဆောင်ပါက လူ့ဘ၀သက်တမ်းစေ့ နေသွားရပြီး၊ အများအကျိုး၊ မိသားစုအကျိုးအတွက် ဆောင်ရွက်နိုင်သည့် တန်ဖိုးရှိသော လူတစ်ဦး အဖြစ်နေနိုင်မည်ဖြစ်ပါကြောင်း တင်ပြအပ်ပါသည်။
ဦးစောငွေ
ဒု-ဥက္ကဌ(စီမံ/လုပ်ငန်း) (MANA) ဗဟို
