မြန်မာနိုင်ငံမှာ ကုလသမဂ္ဂက ချမှတ်အကောင်အထည်ဖော်နေတဲ့ မိခင်နဲ့ မွေးကင်းစကလေး သေဆုံးမှုကျဆင်းရေး (Millennium Development Goals) ထောင်စုနှစ် ရည်မှန်းချက် ပြည့်မီအောင် အမေရိကန်အစိုးရက အရှိန်အဟုန်မြှင့် ကူညီပေးသွားမယ်လို့ မြန်မာနိုင်ငံကို ရောက်ရှိနေတဲ့ (USAID) အမေရိကန်အစိုးရရဲ့ ကူညီထောက်ပံ့ရေးအဖွဲ့ အကြီးအကဲ ဒေါက်တာ Rajiv Shah က ဒီကနေ့ မတ်လ ၇ ရက်နေ့မှာ ပြောကြား လိုက်ပါတယ်။
ရန်ကုန်တိုင်း၊ မြောက်ဥက္ကလာပမြို့နယ်မှာ ပြုလုပ်တဲ့ ကျန်းမာရေးဆွေးနွေးပွဲမှာ အဖွဲ့ရဲ့ အကြီးအကဲ ဒေါက်တာ Rajiv Shah က “အမေရိကန် အစိုးရအနေနဲ့ မြန်မာနိုင်ငံက မိခင်နဲ့ ကလေးငယ်တွေအတွက် အခြေခံ ကျန်းမာရေး စောင့်ရှောက်မှုကဏ္ဍမှာ ပြောင်းလဲ တိုးတက်လာအောင် အဓိကထား အကူအညီပေးသွားမယ်လို့” ပြောခဲ့တာပါ။
ဒီလုပ်ငန်းတွေ အရှိန်အဟုန်မြှင့် အကောင်အထည်ဖော်နိုင်ဖို့ အတွက်လည်း USAID အနေနဲ့ အခုနှစ် မတ်လက စလို့ မြန်မာနိုင်ငံမှာ ဒေသအလိုက် မွေး၊ သေနှုန်းနဲ့ ကျန်းမာရေး လေ့လာမှု စစ်တမ်း ကောက်ယူရေး လုပ်ငန်းတွေကို ပြည်တွင်း အဖွဲ့အစည်းတွေနဲ့ လက်တွဲပြီး ပထမဆုံးအကြိမ် အကောင်အထည်ဖော် သွားမယ်လို့လည်း ပြောပါတယ်။
ဒါ့ပြင် လာမယ့် ၅ နှစ်တာအတွင်း မိခင်နဲ့ကလေး မီးဖွားသေဆုံးမှုနှုန်း လျော့ချရေးလုပ်ငန်းနဲ့ ရောဂါကြီး ၃ မျိုးဖြစ်တဲ့ HIV/AIDS၊ အဆုတ်နဲ့ ငှက်ဖျားရောဂါ တိုက်ဖျက်ရေး လုပ်ငန်းတွေကိုလည်း USAID အဖွဲ့က တိုးမြှင့် အကူအညီပေးသွားဖို့ ရှိတယ်လို့လည်း USAID အဖွဲ့ အရာရှိတွေက ပြောပါတယ်။
ကုလသမဂ္ဂက ချမှတ်ဆောင်ရွက်နေတဲ့ ထောင်စုနှစ် ရည်မှန်းချက်အရ မြန်မာနိုင်ငံမှာ အသက် ၅ နှစ်အောက် ကလေး ၂၀၀၀၀ (နှစ်သောင်း) ခန့် နှစ်စဉ် သေဆုံးနေမှုကို လာမယ့် ၃ နှစ်နီးပါး ကာလအတွင်း လျော့နည်း လာအောင် ကာကွယ်ပေးနိုင်လိမ့်မယ်လို့ မျှော်လင့်ကြောင်းလည်း ပြောပါတယ်။
RFA - USAID ဖွံ့ဖြိုးရေး စီမံကိန်းတွေ မြန်မာနိုင်ငံမှာ စတော့မည်
